ئه‌ڤرۆ نيوز:
وه‌زاره‌تا دارايى راگه‌هاند كو رۆژا ئێكشه‌مبى ئه‌ڤ وه‌زاره‌ته و ده‌سته‌يه دێ مووچه‌ى وه‌رگرن.
١-وەزارەتى دارايى و ئابوورى
٢-وەزارەتى گواستنەوە و گەياندن
٣-وەزارةتى پلان دانان
٤-وەزارەتى سامانە سروشتيەكان
٥-ديوانى چاودێرى دارايى
٦-دەستەى مافى مرۆڤ
٧-ناوچە كوردستانيەكانى دەرەوەى ئيدارەى هەرێم
٨-دەستەى ژينگە
٩-دەستەى وەبەرهێنان
١٠-دەزگاى مين
١١-دەستەى دەسپاكى
١٢-كۆمسيۆنى باڵاى هەڵبژاردنەكان
ئه‌ڤرۆ نيوز:
شڤێدى ل دره‌نگى شه‌ڤ و ل سه‌ر رێيا دهۆك بۆ زاخۆ ترۆمبێله‌كا تيوتا پيك ئاپ ل تو پايسكلان دا و د ئه‌نجام دا پايسكلڤانێن هه‌ردو پايسكلان د جهـ دا گيانێ خوه ژ ده‌ست دا.
رائيدێ مافپه‌روه‌ر ئازاد تاها، به‌رپرسێ راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ بۆ ئه‌ڤرۆ نيوز گۆت: “شڤێدى ل دره‌نگى شه‌ڤ ترۆمبێله‌كا تيوتا پيك ئاپ ل دو پايسكلان دا و پايسكلڤانێن هه‌ردو پايسكلان گيانێ خوه ژ ده‌ست دا”.
به‌رپرسێ راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ دا زانين ژى كو هه‌ردو ته‌رم بۆ نوشداريا داد ل دهۆكێ هاتنه ره‌وانه‌كرن.
ئه‌ڤرۆ نيوز، نيوار محه‌مه‌د سه‌ليم:
بڕياره ئه‌ڤرۆ رۆژا شه‌مبى ئه‌ميندارێ گشتيێ ئێكگرتوو ئيسلامى كوردستان سه‌ره‌دانا پارێزگه‌ها دهۆكێ بكه‌ت و ل باره‌گايێ ئێكگرتوو پارێزگارێ دهۆكێ ببينيت.
ب گۆره‌ى ژێده‌ره‌كێ تايبه‌ت بڕياره ئه‌ڤرۆ سپێدێ ئه‌ميندارێ گشتيێ ئێكگرتوو، سلاحه‌دين محه‌مه‌د بهائه‌دين، سه‌ره‌دانا پارێزگه‌ها دهۆكێ بكه‌ت.
هه‌ر ئه‌وى ژێده‌رى دا زانين ژى كو بڕياره چه‌ند لايه‌نێن سياسى ل پارێزگه‌ها دهۆكێ ببينيت و ب مه‌ره‌ما پيرۆزباهى كرنێ بڕياره پارێزگارێ دهۆكێ ژى فه‌رهاد ئه‌ترووشى ببينيت.
ئه‌ڤرۆ نیوز، رۆژهات لوقمان:
به‌رى ده‌مه‌كێ كه‌سه‌كێ نه‌نیاس هێرش كره سه‌ر نڤیسینگه‌ها سه‌ره‌كى یا تورا میدیایێ یا یا رووداوێ ل هه‌ولێرێ و د ئه‌نجامدا (3) فه‌رمانبه‌رێن وێ برینداربووینه.
كه‌سێ هێرشى تورا میدیاى یا رووداوى كرى ب چه‌كێ نارنجوكێ هێرشا خوه ئه‌نجامدایه و د ئه‌نجامدا 3 فه‌رمانبه‌رێن وێ تورێ برینداربونه كو (2) زێره‌ڤان و فه‌رمانبه‌ره‌كێ ژ به‌شێ په‌یوه‌ندیانه و ره‌وشا وان یا ساخله‌میێ یا باشه.
هه‌ر هه‌مان ده‌م دا ده‌زگه‌هێن ئاسایش و پولیس و به‌رگریا شارستانى ل جهێ رویدانێ ئاماده‌بونه و جهێ رویدانێ كونترول كریه و تا نها ڤه‌كولینا رویدانێ دهێـته كرن.
ئه‌ڤرۆ نیوز،هه‌ژار مه‌عررف:
ب هێز ئێخستنا پێكهاتیێ خوه د یاریێن قوناغا دوێ دا ژ خولا سوید یا پلا ئێك نوونه‌را كوردان یانا دالكورد گه‌هشته رێككه‌فتنێ ل گه‌ل گولكه‌رێ خولا پلا ئێك یا سوید و یاریزانێ یانا فریج ئوكا ئاكپوڤیتا ئه‌وێ ل وه‌رزێ ئه‌ڤ ساله هه‌تا نوكه ژ 13 یاریان شیاى ده‌ه گولان توماربكه‌ت .
پشتى یاریزانێ یانا دالكورد عیماد عه‌تا ئه‌وێ ل ده‌ستپێكا ڤى وه‌رزى هاتیه ڤه‌گوهاستن بۆ یانا دالكورد ژ خولا چینى توشى هنگافتنێ بووى و راپورتا نوژدارى ل وێ یانێ وه‌سا دایه دیاركرن ئه‌ڤ یاریزانه نه‌شێت هه‌تا دووماهیا ڤى وه‌رزى یاریێ ل گه‌ل یانێ بكه‌ت به‌رپرسێن ڤێ یانێ نه‌چار بوون لێگه‌ریانا پێگوهوره‌كێ وى بكه‌ن و ل دووماهیێ ل گه‌ل گولكه‌رێ خولێ ئاكوڤیتا رێككه‌فتن پشتى شیان دانوستاندان دا ل گه‌ل یانا وى یا ب دروستى ب یا نه‌رویجى ب دووماهى بینن و چاڤه‌رێ دهێته‌كرن ل مێركاتویا بهێت په‌یوه‌ندى ب یانا دالكورد بكه‌ت و یاریێ ل پێكهاتیێ یانا كوردى بكه‌ت ل یاریێن قوناغا دوێ یا خولا سوید.
ئەڤرۆ نیوز،زنار تۆڤی:
مه‌سعود بارزانى سه‌رۆكێ هه‌رێما كوردستانێ د په‌يامه‌كێ دا راگه‌هاند: داخوازا هه‌موو هێز و لايه‌نان دكه‌م كومبوونه‌كا تايبه‌ت ب ريفراندومێ ئه‌نجام بده‌ن بۆ بريار دان ل سه‌ر پێنگاڤێن داهاتى.
سەرۆکێ هەرێما کوردستانێ مەسعود بارزانی ئەڤرۆ رۆژا پێنجشەمبی پەیامەک بەلاڤکر و تێدا هاتیە،نابیت ئەو دەرفەتا نوکە هاتیە پێش ژ دەست بدەین،دۆخێ دەڤەرێ د قۆناغەكا نوو دا دەرباز دبیت،ب هەمی رەنگەکی گۆهرینێن مەزن دهێنە پێش،ئەڤرۆ پێگەهێ کوردستانێ ل ئاستێ نێڤدەولەتی ئاسوویەکێ روون هەیە.
هەروەسا گۆتیە ژی،بۆ مە دڤێ قۆناغێدا ژ مافێ چارەنڤیسازو و سەربەخۆیێ پیرۆزتر نینە،گەلێ کوردستانێ ل هەمبەر ئەزموون و قۆناغەکا هەستیار و چاڕەنڤیسازدایە،پێشمەرگەی ب پشتەڤانیا هەڤپەیمانان سەرکەفتنێن مەزن ل؛سەر؛تیرۆرستان بدەستڤەئیناینە،لێ مەترسی هەر یا مای،نابیت مافێ چارەنڤیساز بکەینە قوربانی ناکوکی و ململانێن ناڤخوەیی،هەروسا بارزانی ل سەر بابەتێ ریفراندۆمێ دێ دگەل لایەنێن سیاسی کومبیت و داخوازێ ژ هەمی هێز و لایەنێن سیاسی دکەت کو کودەنگ بن و داخوازا کومبوونێ ژلایەنێن سیاسی دکەت و دیارکریە بۆ پرسا ریفراندۆمێ پێدڤیە دگەل؛بەغدا ب رەنگەکێ برایانە گفتۆگۆیێ بکەین و بارزانی دیوانا سەرۆکاتیا هەرێمێ راسپاردیە بۆ بانگهێشتنا لایەنێن سیاسی.
ئه‌ڤرۆ نيوز:
سۆپاسالارێ هێزێن پێشمه‌رگێ كوردستانێ ره‌ت دكه‌ت كو هێزێن پێشمه‌رگێ كوردستانێ رێ ل خه‌لكێ وان گۆندێن رزگاركرى گرت بيت ڤه‌گه‌رنه گوندێن خوه.
فه‌ريق جه‌مال محه‌مه‌د سۆپاسالارێ هێزێن پێشمه‌رگێ كوردستانێ بۆ K24 راگه‌هاند كو چو بڕيار ژ لايێ سه‌ركرداتيا هه‌رێما كوردستانێ ڤه نه‌هاتينه دان كو رێ ل خه‌لكێ ده‌وروبه‌رێن مووسل و گۆندێن رزگاركرى يێن پارێزگه‌ها مووسل بگريت هه‌تا ڤه‌گه‌رنه سه‌ر مال و حالێن خوه و دژى وێ چه‌ندێ نه كاره‌كێ ژ وى ره‌نگى بهێته كرن.
ئه‌ڤرۆ ئه‌ندامه‌كێ جڤاتا پارێزگه‌ها نه‌ينه‌وا و فه‌رماندێ هێزێن نه‌وادر يێ سه‌ر ب حه‌شه‌د شه‌عبى ڤه عه‌بدولره‌حيم شه‌مه‌رى بۆ ميديايێن ناڤخۆى يێن عيراقى راگه‌هاند كو هێزێن پێشمه‌رگه‌ى رێ ناده‌ن خه‌لكێ ئه‌وان گۆند و ده‌ڤه‌رێن پارێزگه‌ها نه‌ينه‌وا ڤه‌گه‌رنه جهێن خوه كو هێزێن پێشمه‌رگه‌ى ب هاريكاريا هه‌ڤپه‌يمانێن نێڤده‌وله‌تى كۆنترۆلكرينه.
ئه‌ڤرۆ نيوز:
رێڤه‌به‌ريا پۆليسێن پارێزگه‌ها دهۆكێ راگه‌هاند كو شڤێدى دو جهێن قومارێ هاتنه گرتن و هه‌وا گرتنا جهێن قومارێ و ده‌سته‌سه‌ركرنا قومارچيان دێ بۆ ده‌مه‌كێ نه‌ديار يا به‌رده‌وام بيت.
رائيدێ مافپه‌روه‌ر هێمن سلێمان، به‌رپرسێ په‌يوه‌ندى و راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ بۆ ئه‌ڤرۆ نيوز گۆت: “ماوێ سێ رۆژايه پۆليسێن دهۆكێ پشكا هه‌وار هاتنێ و چالاكيێن مه‌ده‌نى و هێزا ئاماده هه‌وا ده‌سته‌سه‌ركرنا جهێن قومارێ و خودانێن وان و قومارچيان ده‌سپێكريه و ئه‌ڤ هه‌وه ژى دێ هه‌تا ده‌مه‌كێ نه‌يار يا به‌رده‌وام بيت”.
رائيدێ مافپه‌روه‌ر زێده‌تر گۆت: “دوهى رۆژا چارشه‌مبى رێكه‌فتى 22ى خزيرانا 2016ێ ئه‌وان ده‌ست ب سه‌ر دو جهێ قومارێ و خودانێن وان و هنده‌ك قومارچيان دا گرتيه”.
به‌رپرسێ په‌يوه‌ندى و راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ دا زانين ژى كو ئه‌ڤ كه‌سه ل دووڤ بڕيارا دادوه‌رى هاتينه ده‌سته‌سه‌ركرن و دێ ب گۆره‌ى قانوونێ سه‌ره‌ده‌رى ل گه‌ل وان هێته كرن.
ئه‌ڤرۆ نيوز:
ل ده‌مژمێر 3:00ى سپێده‌هيا رۆژا پێنجشه‌مبى رێكه‌فتى 23ى خزيرانا 2016ێ ل 39 گۆندێن باكوورێ كوردستانێ رێگريا هاتنوچوونێ هاته راگه‌هاندن.
واليێ ئامه‌دێ ژى د داخۆيانيه‌كێ دا راگه‌هاند: بڕياره ل وان 39 گۆندان ئۆپه‌راسيۆنێن له‌شكرى دژى په‌كه‌كێ بهێنه ئه‌نجام دان و ژ به‌ر هندێ ژى هه‌لگرتنا رێگريا هاتنوچوونێ يا ديار نينه، هه‌تا كو وى ده‌مێ ئۆپه‌راسيۆن ب دووماهى دهێت.
دوهى ژى رێگريا هاتنوچوونێ ل سه‌ر 25 گۆندان هاتبوو راگه‌هاندن و پشتى ب دووماهى هاتنا ئۆپه‌راسيۆنێ قه‌ده‌غه‌يا هاتنوچوونێ هاته هه‌لگرتن.
ئەڤرۆ نیوز:
رێڤەبەرێ رێکخستنا پلێتێن ئاھێن خوارنێ ل پارێزگەھا دھۆکێ بۆ رۆژناما ئەڤرۆ دیار کر کو ل حەفتیا بھێت دێ دەست ب بەلاڤکرنا ئاھێن خوارنێ ل سەر وەلاتیان ھێتەکرن و گۆت: “ئەم چاڤەرێنە زەیت و برنج ژی بگەھن داکو ئەو ژی ل سەر وەلاتیان بھێنە بەلاڤکرن”.
حسێن سەبری، رێڤەبەرێ رێکخستنا پلێتین ئاھێن خوارنی ل پارێزگەھا دھۆکێ ئاشکرا کر کو ل حەفتیا بھێت دێ دەست ب بەلاڤکرنا ئاری و شەکرێ ھێتە کرن و نوکە پێنج ھزار تەنێن شەکرێ یێن گەھشتین و ب رێیا کۆمپانیا بەلاڤکرنا ئاھێن خوارنێ دێ دەست ب بەلاڤکرنێ ھێتەکرن، بەلێ ھێشتا دیارنەبوویە زەیت دێ کەنگی گەھیت، چونکی ئەم چاڤەرێ بەغداینە رەوانەیی ھەرێما کوردستانێ بکەت دا کو ل سەر خەلکی بەلاڤ بکەین و گۆت: “ل دووڤ پێزانینان ل حەفتیا بھێت برنج ژی دێ گەھیت و دێ ل سەر خەلکی بەلاڤ کەین”.
ناڤھاتی ئاماژە دا وێ چەندێ کو ھەر جۆرەکێ ئاھێن خوارنێ ل بەسرا یان ھەر پارێزگەھەکا دی یا عیراقێ بھێتە بەلاڤکرن دێ ھەموو پارێزگەھێن عیراقێ و ھەرێما کوردستانێ ئەو جۆرێ ئاھێن خوارنێ ھێتە بەلاڤکرن و گۆت: “نابیت ل پارێزگەھەکێ تشتەک بھێتە بەلاڤکرن و پاریزگەھەکا دی بمینت بێ بەھر ژ بەر ڤێ چەندێ چو جوداھی د ناڤبەرا دھۆکێ و بەسرا دانینە بۆ گەھشتنا جۆرێن ئاھێن خوارنێ”.
نيشاندان