ئهڤرۆ نيوز:
بهرپرسهكى ژ جڤاتا نوونهرێن عيراقێ ئاشكهرا كر كو رێكهفتن هاتيه كرن كو پۆستێ ئهميندارێ گشتيێ جڤاتا نوونهران ب كانديدهكێ پارتى ديموكراتى كوردستان بهێته دان.
ئێك ژ بهرپرسێن جڤاتا نوونهرێن عيراقێ ئاشكهرا كر كو پۆستێ ئهميندارێ گشتيێ جڤاتا نوونهرێن عيراقێ بدهنه كانديدهكێ پارتى ديموكراتى كوردستان وهكو دهستكهفتێ ههلبژارتنان و بۆ وێ مهبهستێ ژى سيروان زههاوى بهرلهمنتارێ بهرێ يێ پارتى هاتينه كانديد كرن.
ئهڤى بهرپرسى بۆ مالپهرێ شهفهق نيوز دايه زانين ژى كو ناڤى وى بۆ سهرۆكاتيا جڤاتا نوونهران هاتيه بلندكرن و چاڤهرێ فهرمانا دامهزراندنا وى نه.
سيروان زههاوى سهرۆكێ لژنا قانوونى يا خۆلا بهرێ يا جڤاتا نوونهرێن عيراقێ ژ بههرا پارتى ديموكراتى كوردستان ژ ههڤپهيمانيا كوردستانى باوهرناما دكتورايێ ههيه و سهرۆكێ لژنا پێداچوونا پرۆژێ دستوورێ ههرێما كوردستانێ يه.
ئهڤرۆ نيوز:
وهزارهتا ژ دهرڤه يا عيراقێ بڕيار دا بالوێزێ توركيا ل بهغدا گازى بكهت ل دۆر داخۆيانيا “ئستيڤتازا توركيا” دهربارهى شهرێ چاڤهرێكرى يێ مووسل.
وهزارهتا دهرڤه يا عيراقێ ئهڤرۆ رۆژا چارشهمبى رێكهفتى 5ى چريا ئێكێ 2016 ل سهر ژمارا خوه يا تايبهتا تويتهرى راگههاند: مه بڕيار دايه بالوێزێ توركيا ل بهغدا گازى بكهين بۆ دانوستاندنێ ل سهر داخويانێن بهرپرسێن توركيا دهربارهى شهرێ چاڤهرێكرى يێ مووسل كو ب “ئستيفزاز” ب ناڤ بريه.
سۆپايێ توركيا هێزهك ل دهڤهرهكا سنورێ پارێزگهها نهينهوا بنهجهكريه و دڤێت د شهرێ ئازادكرنا مووسل دا ل ژێر دهستێ داعش كو بڕياره ل ڤێ ههيڤێ بهێته ئهنجام دان پشكدار بكهت د دهمهكى دا ل بهغدا ب دژوارى دژى وێ چهندێ راوهستياينه.
حهيدهر عهبادى سهرۆك وهزيرێن عيراقێ دوهى ههبوونا هێزێن توركيا د ناڤ ئاخا عيراقێ دا ب “دهستدرێژيكرن” بۆ سهر سهروهريا وهلاتى زانين، ههر ديسا بهرهيێ چاكسازيێ د ناڤا جڤاتا نوونهرێن عيراقێ دا ب پتريا دهنگێن ئهندامێن جڤاتێ بڕيارا پهرلهمانێ توركيا رهتكر دهربارهى لهشكركێشيا توريا بۆ وى وهلاتى و مانا وى ل سهر ئاخا عيراقێ.
د بهرامبهر دا ئهڤرۆ وهزارهتا دهرڤه يا توركيا د راگههاندنهكێ دا راگههاند: بالوێزێ عيراقێ ل ئهنقهره گازى وهزارهتا دهرڤه كريه و كارڤهندان و نهرهحهتيار خوه بهرامبهر بڕيارا جڤاتا نوونهرێن عيراقێ و داخويانيێن هندهك بهرپرسێن عيراقێ د ڤى ماوهرى دا كو توركيا تۆمهتبار دكهن پێ راگههانديه.
ئەڤرۆ نیوز:
فەرماندەیەکێ پێشمەرگەی خویاکر، سەرۆک بارزانی ل گەل فەرماندە و بەرپرسێن ھێزێن پێشمەرگە و سوپایێ عێراقێ لدۆر شەڕێ گرتنا مووسل کۆمبوویە و دیارکر، سەرۆک بارزانی دێ سەرپەرشتیا شەڕێ ئازادکرنا مووسل بکەت و رۆژێن داھاتی دێ دەست ب ئۆپەڕاسیۆنێ ھێتەکرن، ھەروەسا دبێژیت، داعش ھێزێن خوە کۆمکرینە دەوروبەرێ مووسڵ بۆ بەڕەڤانیێ ژ خوە.
عەمید بەھرهم عەریف یاسین، فەرماندەێ پێشمەرگەی ل میحوەرێ باشیکێ بۆ رۆژناما ئەڤرۆ گۆت” چەند رۆژەکا بەری نوکە سەرۆکێ ھەرێما کوردستانێ دگەل فەرماندە و دەرەجەدارێن ھێزێن پێشمەرگە و سوپایێ عێراقێ کۆمبوو، د کۆمبوونێ دا سەرۆک بارزانی ب ھویری بەحسێ پڕۆسا ئازادکرنا باژێڕێ مووسڵ کر، کو بڕیارە دەمەکێ نێزیک بھێتە دەستپێکرن، دڤێ ئوپەڕاسیۆنی دا سەرۆک بارزانی دێ سەرپەرشتیا ئەڤان ھێزا کەت یێن پشکداریێ د گرتنا مووسلدا بکەن و پێشمەرگە و ھەرێما کوردستانێ دێ رۆلەکێ گرنگ ھەبیت د ئازادکرنا مووسلدا، بشێوەیەکی بێی رێکەفتنا ھەرێما کوردستانێ ئەف پڕۆسە نەدھاتەکرن، لەوڕا حوکمەتا عێراقێ دگەل ھەرێا کوردستانێ رێکەفتیە چاوا گرتنا مووسڵ بھێتە دەستپێکرن، ھەتا نوکە رۆژا دەستپێکرنا ھێرشا سەر مووسل نەھاتیە دیارکرن، بەلێ بێگومان زۆر نێزیکە و رۆژێن داھاتی دێ دەستپێکەت.
عەمید بەھرهم گۆتژی” ژبەر نێزیکبوونا ژڤانێ شەڕێ گرتنا مووسل ل ھەموو میحوەران گروپا تیرۆرستیا داعش ھژمارا چەکدارێن خوە زێدەکریە، داعش ل سەنگەرێن ھەمبەر پێشمەرگەی دەست ب لڤینانکریە و پتریا چەکدارێن خوە ل سەنتەرێ باژێڕێ مووسل ڤەکێشاینە بۆ دەوروبەرێن باژێڕێ، ئەڤەژی مەرەم پێ ئەڤە دگەل ھێرشا سەر مووسڵ شەڕ دەمەکێ زوو نەکەڤیتە سەر باژێڕی و داعش دێ ل دەوروبەرێ مووسل بەڕەڤانیێ ژ خوە کەت، مەژی پێشمەرگە ئێخستیە د ئامادەباشیێ دا ھەردەمێ فەرمان بۆمە بێھت دێ ھێزێن پێشمەرگەی بەرەف پیش بچن بۆ کۆنتڕۆڵکرنا دەڤەرێن کوردستانێ ھەتا دگەھیتە ناف سەنتەرێ باژێڕێ مووسل، نوکە یێ کار لسەر نەخشێ شەڕی دکەن، ھەتا بزانین دێ چاوا بچینە ناف باژێڕی و ھەماھەنگیا ناڤبەرا پێشمەرگە و سوپایێ عێراقێ و ھەڤپەیمانان یا دھێتە رێکخستن.
ئەڤرۆ نیوز:
پشتی شەر و ئالۆزیێن د ناڤبەرا پەکەکێ و حوکمەتا تورکیا دا ل سالا بۆری رووداین، بۆ دەمەکێ درێژ خالا گۆمرکیا سەرزێری ل بەرواری بالا ھاتبوو دائێخستن و تورکیا ڕێک نە ددا کو خەلک ھاتنوچوونێ لێ بکەن، لێ ئەڤە دەمێ ھەیڤ و نیڤایە جارەکا دی ئەڤ دەرگەھە ھاتیە ڤەکرن و نوکە خەلک ئاسایی ھاتنوچوونێ د ڤی دەرگەھی را دکەن.
حەمید عەبدال، ڕێڤەبەرێ گۆمرکا زاخۆ بۆ رۆژناما ئەڤرۆ ئاشکرا کر کو ھەتا نوکە دەرگەھێ سەرزێری ب تنێ بۆ ھاتنوچوونا وەلاتیان دھێتە بکارئینان و د پرۆتوکولێ دا یا تورکیا ل گەل ھەرێما کوردستانێ وەسا ھاتیە کو ل دەستپێکێ ئەڤ دەرگەھە دێ بۆ ھاتنوچوونێ و کارێن گەشتیاری بیت و گۆت: “نوکە خەلک نەشێن کەلوپەلان و کاروبارێن بازرگانی د ڤی دەرگەھی را بینن، لێ ھەر دەمێ وەلاتێ تورکیا رێکێ بدەت، ئەم بەرھەڤین ھەر ژ نوکە ڤی دەرگەھی بۆ کاروبارێن بازرگانی بکار بینین و چ ئاریشە ژ لایێ ھەرێمێ ڤە نینن”.
گۆتژی: “ھەر چەندە تورکیا چەندین سۆز داینە مە و بەردەوام مە پەیوەندی ل گەل ھەیە، دیسا بزاڤێن مە ل گەل تورکیا د بەردەوامن کو ڤی دەرگەھی بکەنە دەرگەھەکێ بازرگانی، لێ ھێشتا وەلاتێ تورکیا رازیبوون ل سەر نەکریە و ئەم یێ ل ھیڤیا وان ئەو رازی ببن، دا کو بۆ بازرگانیێ ژی بکار بینین”.
ناڤھاتی خویا ژی کر، نوکە خەلک ب ڤیزێ ھاتنوچوونێ د ڤی دەرگەھی را دکەن، لەورا ئەڤ چەندە بۆ خەلکێ ب زەحمەت کەفتیە و گۆت: “مە پەیوەندی ب کۆنسلخانا تورکیا ل ھەرێمێ کریە، وان ژی گۆتیە ئەم دێ ل گەل وەزارەتا دەرڤە ئاخڤین، ژ پێخەمەت ئاسانکاریێ د ڤیزێ دا بکەن بۆ خەلکێ ڤێ دەڤەرێ دەمێ دچنە وەلاتێ تورکیا، مە ھندەک پێشنیار داینە وان کو خەلکێ ڤێ دەڤەرێ ب مەرەما سەرەدان و گەریانێ دچنە نک مرۆڤێن خوە ل تورکیا و وان پەیوەندیێن جڤاکی ل گەل ئێک ھەنە، لەورا باشترە ھوون ئاسانکاریێ بۆ بکەن، وان ژی بەرھەڤیا خوە دیارکریە کو ھاتنوچوونێ ب ساناھیتر لێ بکەن بۆ خەلکێ مە”.
ئەڤرۆ نیوز:
رێڤهبهرێ پهروهردا دهۆك رۆژههلات ئاشكراكر كو ئهڤرۆ 4/10/2016 دێ چهندین مامۆستا ژ پهروهردا دهۆك رۆژههلات بۆ رۆژئاڤا هێنه ڤهگوهاستن ،ئهڤه پشتی مهرجێن ڤه گوهاستنێ ژێدگرن.
سهمیر عهبدوالعهزیز رێڤهبهرێ پهروهردا دهۆك یا رۆژههلات دچارچووڤێ پرۆگرامێ پهروهرده و ژیان دا كو بهرنامهكێ حهفتيانه رێڤهبهريا راگههاندنێ ل رێڤهبهريا گشتى يا پهروهردێ ل پارێزگهها دهوكێ ئاماده دكهت ل رادیۆیا دهۆك ئاشكراكر كو ئهڤرۆ ههتا نیڤرۆ 74 مامۆستا ژ رۆژههلات بۆ پهروهردا دهۆك رۆژئاڤا هێنه ڤهگوهاستن، دیاركر كو مهرجێن ڤهگوهاستنێ ژ پهروهردا ناڤبری بۆ رۆژواڤا ژ 174دگریت، لێ هندهكا رێڤهبهرێن قوتابخانا و سهرپهرشتیا دیاركریه دڤێت پێ گوهور ههبیت، چونكه ئهگهر بهێته ڤه گوهاستن دێ قوتابی میننه بێ مامۆستا، رێڤهبهرێ پهروهردا دهۆك رۆژههلات سوزدا كو مامۆستا ژ پهروهردێن شێخان و بهردهرهش و ئاكرێ بۆ رۆژههلات بهێنه ڤهگوهاستن ئهو مامۆستا ژی وهك مافهكێ وان دێ بۆ پهروهردا دهۆك رۆژئاڤا هێنه رهوانهكرن.
د تهوهرهكێ دیێ دیدارا خوه دا، سهمیر عهبدوالعهزیز ئاشكراكر كو ل دووڤ نڤسیارهكا وهزارهتا پهروهردێ حوكمهتا ههرێما كوردستانێ ئهو كهسێن سالا بوری فروشگههێن قوتابخانا گرتین ههر ئهف ساله ژی و ب رێكا سهر ئێك زێدهكرنهكێ ئهوان ماف ههیه فروشگهها ههمان قوتابخانه وهربگرن و ئهڤه ب مهرجهكی دڤێت رێڤهبهرێ قوتابخانێ یێ ژێ رازی بیت.
ههمبهر رهوشا ئاڤاهیان ژی، رێڤهبهرێ پهروهردا ناڤبری ئاشكراكر كو سنورێ پهروهردا وی جهێ ئاڤاهیان نینه قوتابخانه بهێنه ئاڤاكرن و ب تنێ رێكهكێ قوتابخانهك بهێته ههرفین و ئێكا دی جهێ وێ بهێته ئاڤاكرن و ب تنێ ل ههر دو تاخێن نزاركێ و ئێتیتێ جه ههنه قوتابخانه بهێنه ئاڤاكرن.
رێڤهبهرێ پهروهردا رۆژههلات زێدهتر ژی گۆت: پرۆسێسا خواندنێ سنورێ پهروهردا مه گهلهك ب باشی ب رێڤهچوویه و دهرگههێن ههموو قوتابخانا هاتینه ڤهكرن و نوكه پهرتووكێن دهێنه بهلاڤهكرن.
ل دووماهیا پرۆگرامی مامۆستا سهمیر عهبدولعزیز دهست خوهشیی ل مامۆستا و فهرمانبهرێن سنورێ پهروهردا خوه كرن كو ل گهل ههموو ئاستنهگا دا بهردهوامی دایه خواندنێ و دیسا دهست خوهشیی ل پێشمهرگێ قههرمان كر كو ئهڤه بهرههمێ خهبات و ماندیبوونا وانه و هیڤی خواست ئهڤ قهیرانه و ئهڤ شهرێ ل سهر مللهتێ مه هاتیه سهپاندن ب زووترین هم بدووماهی بیت.
ئهڤرۆ نيوز:
پەیڤدارێ حکومەتا عێراقێ راگەهاند، د چەند رۆژێن بهێت دا شاندێ هەولێر و بەغدا دێ کۆمبوون و ئاریشا هناردنا پشكا بودجەیێ هەرێمێ دێ هێتە چارەسەرکرن.
سەعد حەدیسى بۆ رۆژنامەیا شەرقولئەوسەت راگەهاندیە، د کۆمبوونا حەفتیا دەربازبوویى یا ناڤبەرا بارزانى و عەبادی دا، ل سەر چارەسەرکرنا ئاریشا ناڤبەرا هەردوولایانرێككهفتن هاتينه كرن.
سهرحان سلێڤانهيى ئهندامێ پهرلهمانێ عيراقێ دياركر كو ههموو مافێن دارايى و ياسايى يێن ههرێمێ د پرۆژه بودجهيێ 2017 يێ عيراقێ وهكو خوه ماينه و تنێ يا ماى شاندهكێ حوكمهتێ سهردانا بهغدا بكهت و رێككهفتنهكا نوو سهبارهت هنارتنا نهفتێ بكهن و گوهورين دروست ببن د ژماراندا.
ئهڤرۆ نيوز:
بهرهيێ چاكسازيێ د ناڤا جڤاتا نوونهرێن عيراقێ دا، د بهياننامهكێ دا داخواز كر كو حوكمهتا عيراقێ بالوێزێ توركيا ل عيراقێ دهربكهت و پهيوهنديێن خوه ژى ل گهل وى وهلاتى ببڕيت.
دوهى رۆژا دوشهمبى رێكهفتى 4ى چريا ئێكێ يا 2016ێ پهرلهمانێ توركيا بڕيارا درێژكرنا دهمێ مانا هێزێن توركيا ل عيراقێ و سوريا دا، دا.
ئهڤرۆ رۆژا سێشهمبى رێكهفتى 4ى چريا ئێكێ يا 2016ێ بهرهيێ چاكسازى ل جڤاتا نوونهرێن عيراقێ بڕيارا پهرلهمانێ توركيا رهتكر ئهوا تێدا بڕيارا درێژكرنا ماوێ لهشكرێ وان ل سوريا و عيراق دايى.
ههر ديسا د بهيانناما خوه دا، داخواز ژ حوكمهتا عيراقێ كر كو بالوێزێ توركيا ل عيراقێ ب درێخيت و پهيوهنديێن خوه يێن ئابوورى ل گهل توركيا ب بڕيت.
ئهڤرۆ نيوز، نيوار محهمهد سهليم:
بهرپرسێ راگههاندنێ ل رێڤهبهريا گشتيا ساخلهميا پارێزگهها دهۆكێ راگههاند كو وهكو هاريكارى بۆ بريندارێن تهقينا دوهى يا باژێرێ حهسهكه، ساخلهميا دهۆكێ پێنج تهنێن دهرمانان رهوانهى رۆژئاڤا كرن.
دوهى رۆژا دوشهمبى رێكهفتى 4ى چريا ئێكێ يا 2016ێ ب شهڤ د ناڤ ئاههنگهكێ دا ل حهسهكه، كهسهكى خوه تهقاند و ژ ئهنجامێ وێ چهندێ 25 كهسان گيانێ خوه ژ دهست دا و ب دههان كهس ژى بريندار بوون.
حهمزهر رهزيكى بهرپرسێ راگههاندنێ ل رێڤهبهريا گشتيا ساخلهميا پارێزگهها دهۆكێ د داخۆيانيهكێ دا بۆ ئهڤرۆ نيوز گۆت: “وهكو هاريكارى بۆ بريندارێن رۆژئاڤا ل حهسهكه، رێڤهبهريا گشتيا ساخلهميا پارێزگهها دهۆكێ پێنج تهنێن دهرمانان رهوانهى رۆژئاڤا كرن”.
زێدهتر گۆت: “ژمارهكا بريندارێن وێ تهخينا خۆكوژى ژى رهوانهى نهخۆشخانێن دهۆك و زاخۆ كرينه ب مهرهما چارهسهريێ و ژ بهر دژواريا برينا ئێك ژ برينداران ل دهۆكێ گيانێ خوه ژ دهست دايه”.
ئهڤرۆ نيوز:
رێڤهبهرێ خالا سنورى يا پێشابۆرێ د داخۆيانيهكا رۆژنامهڤانى دا راگههاند كو چار ژ بريندارێن تهقينا حهسهكێ رهوانهى دهۆك كرينه بۆ مهرهما چارهسهريێ و دو ژى يێ ل زاخۆ چارهسهريێ وهردگرن.
دوهى ب شهڤ د ناڤ ئاههنگهكێ دا ل حهسهكه كهسهكى خوه تهقاند و ژ ئهنجامێ وێ چهندێ 25 كهسان گيانێ خوه ژ دهست دا و ب دههان كهس ژى بريندار بوون.
شهوكهت بهربهارى، رێڤهبهرێ خالا سنورى يا پێشابۆرێ، گۆت: “نوكه ژمارهكا زۆرا ئهمبۆلانسان ل خالا سنورى يا پێشابۆرێ نه د خزمهتا بريندارێن حهسهكێ دايه”,
بهربهارى دا زانين ژى كو ههتا نوكه چار بريندارێن تهقينا شڤێدى يا حهسهكێ رهوانهى نهخۆشخانا دهۆك كرينه و دو ژى ل قهزا زاخۆ چارهسهريا خوه وهردگرن.
نيشاندان