ئه‌ڤرۆ نيوز:

ئه‌ڤرۆ ل ده‌مژمێر 10:00 كۆنگرێ حه‌فتێ يێ ئێكگرتوو ئيسلامى كوردستان ده‌سپێكر و بڕياره‌ ئه‌مينداره‌ك بۆ ئێكگرتوو بهێته‌ هه‌لبژارتن.

ئه‌ڤرۆ رۆژا شه‌مبى رێكه‌فتى 28ى گۆلانا 2016ێ و ل ده‌مژمێر 10:00ى سپێدێ ل هۆلا سه‌عد عه‌بدولا ل هه‌ولێر كۆنگرێ ئێكگرتوو ئيسلامى كوردستان ده‌سپێكر و بڕياره‌ بۆ دو رۆژان يێ به‌رده‌وام بيت.

ب گۆره‌ى به‌رنامێ كارى يێ رۆژا ئێكێ ژ كۆنگره‌ى ل دانێ سپێدێ دێ ئه‌ميندارێ گشتيێ يێ ئێكگرتوو هێته‌ هه‌لبژارتن و ل دانێ ئێڤارى ژى ئه‌ندامێن مه‌كته‌با سياسى يا ئێكگرتوو هێنه‌ هه‌لبژارتن.

ئه‌ڤرو نیوز:
شڤێدی ل گه‌لیێ بێسرێ د روودانه‌کا هاتنوچوونێ دا که‌سه‌کیه‌گیانێ خوه‌ ژ ده‌ستدا.
ل سه‌ر جاده‌یا گه‌لیێ بێسری و د روودانه‌کا هاتنوچوونێ دا ترومپێله‌کا ژ جورێ مونیکا ل دو ترومپێلێن دی دا کو هه‌ردو ترومپێل ل سه‌ر جادێ راوستیای بوون شوڤێر تێدا نه‌بوون، هه‌ر ئکسه‌ر ل گه‌ل وێ رودانێ خودانێ ترۆمپلا مونیکا گیانێ خوه‌ ژ ده‌ستدا و هه‌رسێ ترومپێل ژی ژناڤچوون.

وێنه‌یێن رویدانێ
فوتو : بلند ئه‌تروشی

ئه‌ڤرۆ نيوز:

رێڤەبەرێ پەیوەندی و ڕاگەھاندنێ ل رێڤەبەریا گشتی یا پەروەردێ ل پارێزگەھا دھۆکێ بۆ رۆژناما ئەڤرۆ ئاشکرا کر کو بڕیارە ئەزموونێن گشتی یێن قووناغا 12 ئامادەیی ل 2/6/2016 و یێن قووناغا نەھێ بنەرەت ل 8/6/2016 ل سەرانسەری ھەرێما کوردستانێ بھێنە کرن و ل پارێزگەھا دھۆکێ 82 ھزار و 934 قوتابی دێ پشکداریێ تێدا کەن.

ئەحمەد عەبدوللا زوبێر، رێڤەبەرێ پەیوەندی و ڕاگەھاندنێ ل رێڤەبەریا گشتی یا پەروەردێ ل پارێزگەھا دھۆکێ خویا کر، ئەزموون دێ ل دەمژمێر 8 و 30 ل سەرانسەری ھەرێما کوردستانێ دەست پێ کەن و گۆت: “مە وەکو رێڤەبەریا گشتی یا پەروەردا پارێزگەھا دھۆکێ ھەموو بەرھەڤی بۆ ئەنجامدانا ئەزموونا ب سەرکەفتیانە کرینە، بۆ ئەڤ سالە رێنمایێن تایبەت بۆ ئەزموونان ژ وەزارەتێ دەرکەفتینە سەبارەت چاوانیا ئەنجامدانا ئەزموونان ل بنگەھێن ئەزموونان”.

گۆتژی: “ل قووناغا ئامادەیی ب پشکێن (زانستی، وێژەیی، پیشەیی، خواندنا ئیسلامی ڤە) 41 ھزار و 955 قوتابی ل 664 بنگەھان ل سەرانسەری پارێزگەھا دھۆکێ دێ پشکداریێ د ئەزموونێن گشتیێن ئەڤ سالە دا کەن، ژ وانا 23 ھزار و 505 قوتابی یێن پشکا زانستی، 17 ھزار و 925 قوتابی ێن پشکا وێژەیی، 370 خواندنا ئیسلامی و 155 پشکێن پیشەیی نە”.

دەربارەی ئەزموونێن نشتیمانی یێن پۆلا نەھێ بنەرەت ژی ئەحمەدی گۆت: “ژڤانە ل 8/6/2016 ئەزموونێن نشتیمانی بۆ ئەڤ سالە ل سەرانسەری ھەرێما کوردستانێ دەست پێ بکەن، 40 ھزار و 979 قوتابی دێ پشکداریێ تێدا کەن و ل 568 بنگەھێن ئەزموونان ل سەرانسەری پارێزگەھا دھۆکێ ھاتینە بەلاڤەکرن”.