ئهڤرۆ نيوز:
دوهى رۆژا ئهينى ل گوندێ خهرزانه يێ سهر ب ناحيا ئهترووش ڤه تهركتوورهك وهرگهريا و د ئهنجام دا شوفێرێ وێ گيانێ خوه ژ دهست دا.
نووترين نووچه
- رێباز حەملان: پارتی نهو پتر ژ هەر دەمەكێ بەرهەڤە بۆ دوبارەكرنا هەلبژارتنان
- پەیڤدارێ فراكسیۆنا پارتی: بنەمایێن هەڤپشكی و وەكهەڤیێ ل ئیراقێ نەماینە
- د. زیرەك زێباری: پترییا فراكسیۆن و حزبان دخوازن پارتی بایكۆتا پەرلەمانی بشكێنیت
- د سالڤەگەڕا بۆردۆمانكرنا قەلادزێ دا، سەرۆك بارزانی: ئەو كارەساتە زنجیرەكا دی یا تاوانێن رژێمێ بوو
- نێچیرڤان بارزانی: بوردۆمانكرنا زانكۆیا سلێمانیێ و قەلادزێ ئیرادەیا گەلێ كوردستانێ نەشكاند
- نێچیرڤان بارزانی و ئیراقچی رەوشا دەڤەرێ گەنگەشە دكەن
- ب رێز و سەربلندی ڤە بیرئینانا شەهیدێن قەلادزێ دكەین
- حوكمەتا هەرێمێ: چو بارەگەهـ و ناڤەندێن مەشق و راهێنانا دەزگەهێن هەوالگیرییا وەلاتان ل كوردستانێ نینن
- دبیت هەلبژارتنێن پێشوەخت ببنە چارەسەری
- 809 هێرش ل سەر هەرێما كوردستانێ هاتینە كرن 20 شەهید و 123 بریندار هەنە
سهرهكى نووترين نووچه
ئهردوگان دێ سهرهدانا ئيرانێ كهت
ئهڤرۆ نيوز:
رهجهب تهيب ئهردوگان سهرۆك كۆمارێ توركيا دێ سهرهدانا ئيرانێ كهت و قهيرانا سوريا دێ بابهتێ سهرهكى يێ كۆمبوونا وى بيت ل گهل بهرپرسێن پله بلندێن وى وهلاتى.
ب گۆرهى ميديايێن ناڤخۆى يێن توركيا بڕياره سهرۆك كۆمارێ توركيا رۆژا چارشهمبى ژ ڤێ حهفتيێ سهرهدانا وهلاتێ ئيرانێ بكهت و ل گهل بهرپرسێن پله بلندێن وى وهلاتى كۆم ببيت، ئهڤ سهرهدانه ژى د چارچۆڤێ رێكهفتنا هاريكاريێ يا ناڤبهرا ئيران و توركيا و مۆسكۆ دهێت بۆ ڤهديتنا رێيهكێ بۆ چارهيا قهيرانا سۆريا.
توركيا پشتى شكهستنا كۆدهتايا لهشكرى ئامادهيا خوه نيشان دا بۆ ئۆپهراسيۆنا ههڤپشكا لهشكرى ل گهل وهلاتێ رۆسيا بۆ هێرشكرنه سهر چهكدارێن داعش ل سوريا.
پێشتر محهمهد جهواد زهريق وهزيرێ دهرڤه يێ ئيرانێ د سهرهدانا خوه دا ئهفقهره داخوازا كۆمبوونا ههڤپشكا رۆسيا و توركيا و ئيرانێ كربوو دا كو چارهيهكێ بۆ قهيرانا سوريا ببينن.
پارێزگارێ نوو يێ سلێمانيێ دێ دهست ب كار بيت
ئهڤرۆ نيوز:
ههڤال ئهبوبهكر سهرۆكێ جڤاتا پارێزگهها سلێمانيێ و كانديدێ ئێكانه يێ گۆڕان رۆژا ئێكشهمبى د كۆمبوونا جڤاتا پارێزگهها سلێمانيێ دا دێ خوه بۆ پۆستێ پارێزگارێ سلێمانيێ كانديد دكهت.
د داخۆيانيهكێ دا ناڤبرى راگههاند كو ئهو و ئێكهتى ل سهر ڤێ چهندێ رێكهفتينه و رۆژا ئێكشهمبى دێ كۆمبوونا جڤاتا پارێزگهها سلێمانيێ هێته ئهنجام دا و تێدا وهكو كانديدێ ئێكانه يێ گۆڕان بۆ پۆستێ پارێزگارێ سلێمانيێ ل جهێ ئاسۆ فرهيدون پارێزگارێ سلێمانيێ ل سهر كيستێ ئێكهتيێ دهست ب كار بيت.
ئهڤ داخۆيانيا ناڤبرى وهكو ئاماژهپێكرن بوو ب تنێ بۆ پۆستێ پارێزگارێ سلێمانيێ و ژڤانێ لێكگوهارتنا پۆستێ پارێزگهها ههلهبچه ئاشكهرا نهكر.
ب گۆرهى رێكهفتنهكا ئێكهتى و گۆڕان پۆستێن پارێزگهها سلێمانيێ و ههلهبچه ههر دو سالان دێ بۆ ئێك ژ وان بن.
ئهميندارێ گشتيێ ئێكگرتوو سهرهدانا پارێزگهها دهۆكێ كر
ئهڤرۆ نيوز:
سپێدههيا ئهڤرۆ رۆژا ئهينى 19ى تهباخا 2016ێ ئهميندارێ گشتيێ ئێكگرتوو ئيسلامى كوردستان سهرهدانا پارێزگهها دهۆكێ كر.
سهلاحهدين محهمهد بهائهدين ئهميندارێ گشتيێ ئێكگرتوو ئيسلامى كوردستان سهرهدانا پارێزگهها دهۆكێ دكر و ل گهل ئهندامێن پارتيا خوه كۆم بوو.
ديسا ئهميندارێ گشتى پيرۆزباهى ل كابينا نوو و ئورگانێن نوو يێن حزبا خوه كرن و ل گهل كۆمبوو.
پهیاما سهندیكا كرێكارێن دهۆكێ ل دۆر گیان ژ دهستدانا دو ئاسنگهرێن دهۆكێ
ئهڤرۆ نیوز:
سهندیكا كرێكارێن دهۆكێ ل دۆر گیاندهسدانا دو ئاسنگهرێن دهۆكێ پهیامهك بهلاڤكریه، ئهڤهژى دهقێ وێ یه:
ب مخابنی ڤە ئەڤرو د روویدانەکا دل تەزین دا ، دوو کرێکارێن برایێن ئێک ب ناڤێ (هەژار سلێمان قاسم و بەروار سلێمان قاسم ) هەدینەی … ل دەمێ مژیلی کاری گیانێ خو ژ دەست ددەن و چونە بەر دلوڤانیا خودێ .
ئەڤ روویدانا دل ئێش دەمەکی دابوو کو هەر دووکان کارێ ئاسنگەریێ ل سەر تانکەکێ گازێ دکر ل ژ ئەنجامێ شاشیەکێ ئەڤ تانکێ گازێ ئاگر دگریت و ب هەر دووکاڤە د پەقیت و گیانێ خو ژ دەست دەن .
وەک ئێکەتیا سەندیکایێن کرێکارێن کوردستانێ / لقێ دهوک ژبلی هەڤخەمیا خو بۆ ڤێ روویدانا دلتەزین ، هەڤدەم داخازێ ژ خودان کار و کرێکاران دکەین ل دەمێ کاری مەرجێن ساخلەمی و سەلامەتیا کاری ل بەرچاڤ وەرگرن بۆ وێ چەندێ گیانێ کرێکاران یێ پاراستی بیت ژ هەر روودان و نەخوشیەکێ .
خودێ سەبر و هەدارێ بدەتە مە و مالباتا خودێ ژێ رازییان خو ب هەڤپشکێن خەما وان دزانین ئەڤ دوماهیک نەخوشیا ژ ڤی رەنگی بیت ل وەلاتێ مە و کرێکارێن مە هەر د پاراستی بن و وەلات هەرێ ئاڤەدان بیت .
إنا لله و إنا إلیه راجعون .
ئێکەتیا سەندیکایێن کرێکارێن کوردستانێ / لقێ دهوک
بۆ خێرخازان … تازی یا ل مزگەفتا حەجی محەمەد کێستەی بۆ زانین .
وێنێ وان دو كهسێن ئهڤرۆ ژ ئهگهرێ پهقينا تانكهكێ ل دهۆكێ گيانێ خوه ژ دهستداى
ئاگههداريهك بۆ قوتابيێن 12 ئامادهى
ئهڤرۆ نيوز:
وهزارهتا خواندنا بلند و ڤهكولينێن زانستى داخواز ژ قوتابيێن دهرچوويێن 12 ئامادهى دكهت كو سهرهدانا مالپهرێ “زانكۆلاين” بكهن بۆ پشت راستبوون ژ دروستيا نمرێن خوه.
د وێ دهربارهى دا، عهباس ئهكرهم، ئاخفتنكهرێ ب ناڤێ وهزارهتا خواندنا بلند و ڤهكولينێن زانستى راگههاند: ئهڤ ساله جوداهى يا ل گهل سالێن بۆرى ههى، د پێناڤى كاراكرنا پرۆسا زانكۆلاين و ڤهگهريانا ناڤێن قوتابيان ل زانكۆيێن ههرێما كوردستانێ، “وهزارهتا مه ئاگههداريا دهرچوويێن قووناغا 12 ئامادهى دكهت بۆ پشتراستبوون ژ نمرێن خوه يێن پۆلا 12ى و ههژمارتنا نمرێن قووناغێن 10 و 11ێ ل گهل وان ژ ئهڤرۆ رێكهقتى 18ى تهباخا 2016ێ دشێن سهرهدانا وێبسايتێ زانكۆ لاين ب ناڤونيشانێن regayzanko.com بکەن”.
دا زانين ژى كو ههر كهسێ خهلهتيهك د نمرێن وى/ وێ دا ههبيت پێدڤيه سهرهدانا رێڤهبهريا گشتيا ئهزموونان ل وهزارهتا پهروهردێ بكهت بۆ دروستكرنا خهلهتيێن ههين و سهرهدانا وهزارهتا خواندنا بلند و ڤهكولينێن زانستى نهكهن.
گۆتژى: “قوتابى دشێن ب رێيا نمرێن خوه بچنه ناڤ سيستهمێ زانكۆلاين بۆ پشت راستبوون ژ سهرجهمێ خوه يێ دووماهيێ”، ئاشكهرا ژى كر كو ئهڤێ چهندێ چو پهيوهندى ب وهرگرتنا قوتابيان ل زانكۆ و پهيمانگههان نينهكا دێ ل چ پشك هێنه وهرگرتن.
گۆڕان و ئێكهتى ل سهر گوهۆڕينا پارێزگاران كۆمبوون
ئهڤرۆ نيوز:
كۆمبوونا لژنا دانوستاندكارا ئێكهتى و گۆڕان ل مهكتهبا سياسى يا ئێكهتى دهربارهى پۆستێن سلێمانيێ و ههلهبچه دهسپێكر.
ب گۆرهى پێزانينێن ئهڤرۆ نيوز د ڤێ كۆمبوونێ دا دێ دانوستاندن ل سهر چاوانيا گوهۆڕينا پۆستێ پارێزگارێن سلێمانى و ههلهبچه هێته كرن كو پێدڤيه ل ڤان چهند رۆژان بهێنه گوهۆڕين ب گۆرهى رێكهفتنا وان ههردو لايان.
ب گۆرهى رێكهفتنهكا ناڤبهرا ئێكهتى و گۆڕان دو سالێن ئێكێ پۆستێ پارێزگارێ سلێمانيێ بۆ ئێكهتى و ههلهبچه ژى بۆ گۆڕان و پاشان ژى ئهڤ پۆسته لێك بهێنه گوهۆڕين و 20ى ڤێ ههيڤێ ژڤانێ وێ چهندێ يه.
داعش لاوازبوونا خوه ب ڤيديۆ بهلاڤ دكهت
ئهڤرۆ نيوز:
د گرتهيهكا ڤيديۆى دا داعش لاوازبوونا رێكخراوا خوه دهردئێخيت د شهرى دا، ب روونى ژى ئهڤ چهنده يا دياره و نهشێت وهكو دهمێن بهرێ شهرى بكهت.
د ڤيديۆيێ دا كو ب كاميرا داعش ب خوه هاتيه گرتن ژ ئهگهرێ بۆردۆمان و هێرشا بهرامبهر وان و هندهك ژى ب رهنگهكى دهردكهڤن وهكو بێژى ژ گيانێ خوه د بێزارن و دڤێت ب بريندارى نهمينن و زوو بمرن.
بهلاڤكرنا ڤێ ڤيدۆيێ پشتى وان شكهستان دهێت ئهوێن رێكخراو تووش بوويێ ل ماوێ چهندێ ڤان ههيڤێن بۆرى دا ل سهر دهستێ هێزێن پێشمهرگهى و هێزن ئهمنى يێن عيراقى ژى كو چهندين دهڤهرێن بهرفرههـ ژ دهست داينه ب تايبهت پاشڤهكێشانا وان ژ 11 گۆندێن سنورێ گورێ و خازر و شكهستنا وان يا فهلۆجه و ژ سوريا ژى ژ دهست دانا مهنبهج.
بهرى نوكه كهنالێ ئهعماق پرۆپاكنده بۆ داعش دكر و بهردهوام ڤيديۆيێن وهسان بهلاڤ دكرن ورهيا چهكدارێن وان بلند بيت و يا وهلاتيان بهێته خوار، بهلێ ڤێ جارێ ههڤدژى ڤێ چهندێ ئهڤ ڤيدۆيه بهلاڤكريه كو تێدا شكهستن يا پێڤه دياره.
ل رۆژئاڤایێ کوردستانێ عەرەب ل دژی PYD خوە ب رێکخستن دکەن
ئەڤرۆ نیوز:
ل رۆژئاڤایێ کوردستانێ ب تایبەتی ژی ل باژێرێن حەسەکێ و قامشلۆ رێکخراوەکا عەرەبی ب ناڤێ ئێکەتیا عەرەبان ھاتە ئاڤاکرن و ئارمانجا وێ رێکخراوێ ژی ژناڤبرنا دەستھەلاتا پارتیا ئێکەتیا دیموکراتیکە و شەرێ دو رۆژێن بۆری ل باژێرێ حەسەکی ژی دەستێ وێ رێکخراوێ تێدا ھەبوویە و کوردێن رۆژئاڤایێ کوردستانێ ژی دبێژن ھەتا پارتێن کوردی ل رۆژئاڤا نەبنە ئێک دێ مەترسیا عەرەبێن شوفینی ل سەر کوردان بەردەوام بیت.
ل گۆر راپۆرتەکا مالپەرێ نێرینا ئازاد یا تورکی دەمەکە ل رۆژئاڤایێ کوردستانێ رێکخراوەکا نوو دەست ب خەباتا خوە کریە و شیایە خوە زوو ب ھێز بکەت، ئەو رێکخراوە ب ناڤێ ئێکەتیا عەرەبان خوە رێکخستن کریە و ئەندامێن وێ رێکخراوێ ژی دیار دکەن کو ئەم ناھێلین پارتیا ئێکەتیا دیموکراتیک حوکمێ ل مە بکەت و ل گۆر زانیاریێن مالپەرێ ل حەسەکێ و قامشلۆ گەلەک عەرەب گەھشتنە وان و شەرێ چەند رۆژێن بۆری ل باژێرێ حەسەکێ ژی دەستێ وێ رێکخراوێ تێدا ھەبوویە.
د بەردەوامیا راپۆرتێ دا ھاتیە دیار کرن ژێدەرێن ل رۆژئاڤایێ کوردستانێ دیار دکەن کو سعوودیا ھاریکاریا وێ پارتا عەرەبی دکەت و ئارمانجا وان شەر کرنە ل دژی پەیەدێ، لێ ھەتا نھا چو بەلگەک وەسا ل بەر دەستان نینە کو ھاریکاریا سعوودی بۆ وێ پارتیا عەرەبی بسەلینیت.
ل ئالیێ دی کوردێن رۆژئاڤایێ کوردستانێ ژی دیار کرن کو پەیەدە ل سەر رێیەکا شاشە و گرتنا ئەندامێن پارتی دیموکراتی کوردستان- سووریا ئێکە ژ وان شاشیێن مەزن کو زیانێ دگەھینتە ئێکەتیا ناڤمالیا کوردی، چونکو نھا ل رۆژئاڤایێ کوردستانێ دەلیڤەکا دیرۆکی بۆ کوردان ھاتیە پێش و دڤێت کورد بەری ھەر تشتەکێ ئێکەتیا خوە ب ھێز بکەن، لێ مخابن سیاسەتا شاش یا پەیەدێ وەسا کریە کو گەلەک کەس ژ رۆژئاڤایێ کوردستانێ برەڤن و گرتنا سەرۆکێ ئەنجوومەنێ نیشتمانیا کوردێن سووریا و دەرخستنا وی ل رۆژئاڤایێ کوردستانێ ژی شاشیەکا مەزن و دیرۆکی بوو و دڤێت پەیەدە دەستان ژ سیاسەتا خوە بەردەت و ل گەل پارتێن دی ئێکەتیەکا ب ھێز ئاڤا بکەت دا بشێن ل ھەمبەر ھەر مەترسیەکێ بەرەڤانیێ ل کوردێن رۆژئاڤا بکەن.
ل گۆر زانیاریێن مالپەرێ نێرینا ئازاد ئەندامێن وێ رێکخراوێ نھا نێزیکی دو سەد کەسانە لێ بلەز خوە ب رێکخستن دکەن و گەلەک کەس ژی دگەھنە وان و ئەو یەک دێ مەترسیەکا مەزن بۆ پاشەرۆژا رۆژئاڤایێ کوردستانێ دروست بکەت. چونکو بەری نھا ئێکەتیا ھۆزێن تورکمان و عەرەبان ل رۆژئاڤایێ کوردستانێ دیار کربوون کو ئەو فیدراسیۆنا باکورێ سووریێ رەد دکەن و ناھێلن کو کورد حوکمێ ل وان بکەن و ژ بەر ھندێ ژی مەترسیەکا مەزن یا ھەی ئەو ھێزە پشتەڤانیێ ل پارتا نوو یا عەرەبی ل دژی کوردان بکەن.
نيشاندان
WP Facebook Auto Publish Powered By : XYZScripts.com