ئه‌ڤرۆ نیوز: ڤه‌ده‌ر ره‌شاڤایی:
پۆلێی و سیمۆن دو خوشكێن جێمكن ل سالا 1912 ژ دایكبوونه، ل دووڤ گۆتنا وان ئه‌و سێ مه‌هان به‌ری وه‌ختێ ته‌مام ژ دایكبوونه و نۆشداران چ هیڤی ب مان وان ب ساخی نه‌بوو.
لێ پشتی چوار هه‌یڤان سه‌ره‌رای چاڤدانه‌كا ساده و ئاسایی وه‌ك زارۆكێن ئاسایی لێ هاتن، ئه‌ڤ ساله رۆژبوونا خوه یا 104 پێكڤه ل پاریسا پایته‌ختێ فره‌نسا كرن.
پۆلێی و سیمۆن دبێژن ئه‌گه‌رێ ژیێ وان یێ درێژ و ساخله‌مییا وان، لێك نێزیكیییا وانه بۆ هه‌ڤدوو، هه‌ر ئێك ژ وان سه‌ربخوویا خوه دپارێزن و ژۆرا خوه یا تایبه‌ت هه‌یه لێ د ئێك ئاڤاهی دا دژین و ژێك دوور ناكه‌ڤن.
شیره‌تا وان بۆ ژیانه‌كا ساخله‌م و ژیه‌كێ درێژ ئه‌وه كو: زێده‌گاڤی و زێده‌كاریێ د چ تشتان دا د ژیانێ دا نه‌كه، مادێن كحۆلی نه‌ڤه‌خۆ، گه‌له‌ك وه‌رزشێ بكه”
هه‌روه‌سا دبێژن وان ده‌مه‌كێ درێژ یارییا جمناستیكێ دكر و ژیێ خوه هه‌میێ ب به‌رده‌وامی پایسكل هاژووتیه.
هه‌ردو ته‌ماشای تێله‌ڤزیۆنێ دكه‌ن و گوهێ خوه دده‌نه موزیكێ، سیمۆن هه‌لبه‌ستان ببه‌رده‌وامی دنڤیسیت، خۆدێ چ زارۆ نه‌داینێ هه‌ر چه‌نده هه‌ردوویان د وه‌ختێ خوه دا شیكربوو.
ئه‌ڤرۆ نیوز: ڤه‌ده‌ر ره‌شاڤایی:
د پشكداریكرنا خوه دا د كۆنگرێ میونشن دا، مه‌سعود بارزانی سه‌رۆكێ هه‌رێما كوردستانێ هه‌تا نها دگه‌ل چه‌ندین سه‌ركرده و به‌رپرسێن وه‌لاتان كۆم بوویه، د كۆمبوونێن خوه دا بارزانی بزاڤا بده‌ستڤه‌ئینانا هاریكاریێن دارایی و سه‌ربازی بۆ هه‌رێمێ دكه‌ت و چه‌ندین وه‌لاتان سۆزا هاریكاریكرنا هه‌رێما كوردستانێ دایه.
تێ زانین كو كۆمبوونێن بارزانی دگه‌ل شاندێ، نێڤده‌وله‌تی یێن جودا جودا ل میونشن د به‌رده‌وامن.
ئه‌ڤرۆ نيوز، نيوار محه‌مه‌د سه‌ليم:
وه‌زاره‌تا دارايى و ئابوورى راگه‌هاند: مووچێ وه‌زاره‌تا پێشمه‌رگه و فه‌رماندنا پێشمه‌رگێ زێره‌ڤانى و هێزا ئاماده ل گه‌ل جڤاتا ئاسايشێ و ده‌زگه‌هێ گشتيێ ئاسايشێ بۆ هه‌يڤا كانوونا دويێ سالا 2016ێ هاتيه مه‌زاختن.
د راگه‌هاندنێ دا كو وێنه‌ك بۆ ئه‌ڤرۆ نيوز هنارتيه ژى ئاماژه ب وێ چه‌ندێ دكه‌ت: “هه‌موو ئاماده‌كارى هاتينه كرن بۆ مه‌زاختنا مووچێ هه‌موو فه‌رمانگه‌هـ و داموده‌زگه‌هێن حوكمه‌تا هه‌رێمێ، ژ به‌ر هندێ ژى هيڤيدارين ب زووترين ده‌م ليستێن مووچان بۆ مه ب هنێرن، هه‌ڤدژى ڤێ چه‌ندێ دێ نه‌چار بيت مووچێ وان فه‌رمانگه‌هـ و داموده‌زگه‌هان مه‌زێخين يێن ليستا مووچێن خوه ئاماده‌كرى و گه‌هشتينه ده‌ستێ مه و كارێ هووربينيێ بۆ ئه‌نجام ده‌ين”.
بڕيار بوو رۆژا پێنجشه‌مبى مووچێ هه‌يڤا كانوونا دويێ يێ وه‌زاره‌تا په‌روه‌ردێ ژى بهێته به‌لاڤكرن به‌لێ ب گۆره‌ى داخۆيانيێن وه‌زاره‌تا دارايى، ليستا ناڤێن مامۆستا و فه‌رمانبه‌رێن په‌روه‌ردێ ل دووڤ سيسته‌مێ نوو ب وه‌زاره‌تێ نه‌گه‌هشت بوون.
ئه‌ڤرۆ نيوز:
په‌نه‌لێن رۆژا دويێ يا كۆنفرانسێ 52ێ يێ ئاسايشا ميونشن ل ئه‌لمانيا ئه‌ڤرۆ رۆژا شه‌مبى 13ى شوباتا 2016ێ يێ به‌ردوامه و بڕياره مه‌سعود بارزانى سه‌رۆكێ هه‌رێما كوردستانێ كو مێڤانێ كۆنفرانسى يه، گۆتاره‌كێ پێشكێش بكه‌ت.
ديسا بڕياره ده‌مژمێر 12:00ى نيڤرۆيا ئه‌ڤرۆ رۆژا شه‌مبى 13ى شوباتا 2016ێ مه‌سعود بارزانى سه‌رۆكێ هه‌رێما كوردستانێ د چارچۆڤێ كۆنفرانسێ ئاسايشا ميونشن ل گه‌ل شانده‌كێ پارتيا سۆشيال ديموكرات يا ئه‌لمانيا كۆم ببيت كو ژ لايێ ئۆپامانه سه‌ركراتيا وێ دهێته كرن و هه‌ڤده‌م سه‌رۆكێ فراكسيۆنا سوشيال ديموكراته ل په‌رله‌مانێ ئه‌لمانيا.
سه‌رۆكێ هه‌رێما كوردستانێ پاشان و ل ده‌مژمێر 18:00ى ئێڤارى ب ده‌مێ ئه‌لمانيا كوردستان ل گه‌ل شتاينمايه‌ر وه‌زيرێ ده‌رڤه يێ ئه‌لمانيا كۆم بيت.
ب گۆره‌ى پێزانينان سه‌رۆكێ هه‌رێما كوردستانێ رۆژا ئێكشه‌مبى 14ى شوباتا 2016ێ دێ ل گه‌ل وه‌زيرێ به‌ره‌ڤانيا ئه‌لمانيا كۆم بيت و بڕياره چه‌ندين كۆمبوون و ديدارێن دى يێن گرنگ ل گه‌ل سه‌ركردێن وه‌لاتان هه‌بن.
ژێده‌ر: رووداو
ئه‌ڤرۆ نيوز:
ب بڕياره‌كا حوكمه‌تا عيراقێ مووچێ حه‌شه‌د شه‌عبى ب رێژا 30% هاتيه كێمكرن.
ئه‌حمه‌د ئه‌سه‌دى، ئاخفتنكه‌رێ ب ناڤێ حه‌شه‌د شه‌عبى راگه‌هاند: مووچێ هێزێن حه‌شه‌د شه‌عبى ژى ب رێژا 30% هاتينه كێمكرن.
ئه‌ڤرۆ نيوز:
حه‌یده‌ر عه‌بادی سه‌رۆك وه‌زیرێن ئیراقێ راگه‌هاند: هه‌يڤا بهێت دێ ئۆپه‌راسیۆنا ئازادكرنا مووسل ده‌ستپێكه‌ت .
كه‌نالێ n24 ژ زارێ حه‌یده‌ر عه‌بادی سه‌رۆك وه‌زیرێن ئیراقێ دياركريه: د هه‌يڤا بهێت دا، ئۆپه‌راسیۆنا ئازادكرنا مووسل دێ ده‌ستپێكه‌ت و وان به‌رهه‌ڤیێن تمام بۆ ڤێ یه‌كێ كرینه و ئه‌ڤ ساله، سالا ژناڤبرنا داعشێ یه ل ئیراقێ ب ته‌مامى.
هەروەسا گۆت ژی “شەرێ داعش شەرەکێ گرانە چونکی رێکخراوەکا تیرۆرستی یا نێڤدەولەتی یە”.
چەکدارێن داعش ١٠ێ حوزەیرانا سالا ٢٠١٤ێ باژێرێ موسلێ کونترۆلکرن و هەتا نوكه ژى ل بن دەستێ وان دایە.
ئامێدیێ ، مەحمود نهێلى، رۆژهات لوقمان:
فروکەیێن لەشکەرێ تورکیا چەندین گوندێن دەڤەرا نهێلێ و بەرێ گارێ یێن یا سەر ب قەزا ئامێدیێ ڤە بوردومان دکەن.
ل گور ئاخفتنا وەلاتیێن دەڤەرێ ل دەمژمێر شەش و نیڤێ ئێڤاریا ئەڤرۆ ئەینی 12\2\2016 فروکەیێن تورکیا سنورێ هەرێما کوردستانێ دەرباز دکەن و چەندن گوندێن دەڤەرا نهێلێ وەک کورک و بناڤیێ و درگنی و گنیێ بوردومان دکەن و دەنگێ بوردومانێ ب باشی ژلایێ خەلکێ گوندێن دەردوران دهاتە گوهلێبوون.
هەروەسا ڤان فروکەیان چەندین گوندێن دەڤەرا بەرێگارێ و زێبارێ و نێروە و رێکان کرن و تا بیست جاران ژی بوردومانکرن و ئێک ژ بوردومانێ هند یا نێزیک بوویە پەنجەرێن خانیێن سەنتەرێ ناحیا دێرەلوک هەژاندن.
هه‌روه‌سا ناحیا شێلادزێ و گوندیًَن ده‌ڤه‌را نێروه ورێكان و نه‌هلێ و زیبارێ ژى توپبارانكرن و ژ ئه‌نجامێ وێ بوردومانێ دا ترس و له‌زر كه‌فتیه دناڤ دلێ خه‌لكێ ده‌ڤه‌رێ دا چونكه ئه‌و توپبارانا هاتیه ئه‌نجامدان ل ده‌ڤه‌رێ گه‌له‌ك نێزیكی مالیًن خه‌لكێ ده‌ڤه‌رێ بون و هنده‌ك ژ وان كه‌سان ژى دبێژن په‌نجه‌رێن مالێن وانگه‌له‌ك له‌رزینه .
نيشاندان