ئەڤرۆ نيوز:
بریکارێ وەزارەتا پێشمەرگەی د پرێس کۆنفرانسەکی دا داخواز ژ ھەڤپەیمانیا نێڤدەولەتی، ب تایبەت ھێزێن ئەلمانیا کر کو ماسک و کەلوپەلێن دژی ھێرش و چەکێ کیمیایی یێن تیرۆرستێن داعشێ بدەنە پێشمەرگەی.
ل دۆر پشکداریا پێشمەرگەی د شەڕێ رزگارکرنا مووسلێ دا، ئەنوەر حاجی ئوسمان راگەھاند، وان پێدڤی ب بڕیارەکا سیاسی و رێککەفتنێ د ناڤبەرا ھەڤپەیمانان و کوردان و عیراقێ دا ھەیە و گۆت:( ھەر دەمێ فەرماندەیێ ھێزێن چەکدار ل ھەرێمێ بڕیارا پشکداریێ دا، د حەفتیەکێ دا دێ دەست ب ھێرشا رزگارکرنا مووسلێ کەین).
ئهڤرۆ نیوز:
مهسعود ئوزێل، یاریزانێ كورد یێ یانهیا ئارسنال یا ئینگلیزی، وێنهیهكێ خوه كو ل مهكهها پیرۆز گرتییه، بهلاڤ كر.
ئۆزێلی د ئهكاونتێ خوه دا ل سهر تۆرا جڤاكییا تویتهری ئهڤ وێنهیه بهلاڤ كرییه و ب زمانێ ئینگلیزی چهند گۆتنێن مینا: مهكههـ، باژارێ پیرۆز، عهرهبستانا سعودیێ، ئیسلام، دوعا، نڤیسینه.
ئۆزێلی پتری دههـ ملیۆن (فۆلۆوهران) لسهر تویتهرێ ههنه و د دهمێ دو دهمژمێران دا پتری 24 هزار كهسان وێنهیێ وی پارڤه كرییه.
ئامێدیێ، مهحمود نهێلى:
ئهندامهكا پهرلهمانێ كوردستانێ بۆ ئهڤرۆ خویاكر، وان پێشیازهك دایه وهزارهتا كارهبێ كو ب شێوهكى پشك زیانڤێكهڤتیێن هایدرو پاوهرێ دێرهلۆك بهێنه قهرهبووكرن ئهو ژى ژبۆ چارهسهكرنا ئاریشهیا قهرهبووكرنا زیان ڤێكهفتیان و بهردهوامى دان ب پرۆژهیى بێ راوهستیان.
نهجات موحهمهد ئهنداما پهرلهمانێ كوردستانێ بۆ ئهڤرۆ دیاركر، ژ بۆ چاسهركرنا ئاریشهیا هایدروپاورێ دێرهلۆك ئهو ل گهل وهكیل وهزیرى گههشتینه رێككهفتنهكى كو ب شێوهیهكى پشك هاولایێن زیان ڤێ كهفتى بهێنه قهرهبووكرن.
و گۆت: (ژ بهر نه قهرهبووكرنێ بهردهوام رێگرى دهێنه كرن ل سهر ئهنجامدانا ڤى پرۆژهى و ژ بهر كو پرۆژهیێ هایدرو پاوهرێ گهلیێ رهشا ڤه ل دێرهلۆكێ پرۆژیهكى گرنگه، ژ بهر وێ یهكێ مه بزاڤكرن كو ئهڤ ئاریشهیا قهرهبووكرنێ ب زووترین دهم بهێته چارهسهركرن ب ههر رێیهكا ههبیت ) و دیاركر، ژ بهر قهیرانا ئابورى و نهبوونا پارهى باشترین چارهسهرى ئهوه كو ئهڤ قهرهبوویه ب هێته دابهشكرن ب سهر چهند پشكان ئانكو قستان و نها پشكهك بهێته دان و ههر ناڤبهرا ههیامهكى پشكهكا دى بۆ بهێته مهزاختن.
ناڤبریێ تهكهز كر، كو بریكارى وهزارهتێ رازیبوون خوه ل سهر ڤێ پێشنیارێ دیاركریه و ب نڤیسارهكا فهرمى ئهڤ پێشنیازه بۆ جڤاتا وهزیران بلندكریه و ههر بۆ ڤێ مهرهمێ مه ئهڤرۆ 22/5/2016 سهرا رێڤهبهریا ناحیا دێرهلۆك و قایمقامیا قهزا ئامێدیێ ژى دایه.
ئهڤرۆ نیوز:
مهسرور بارزانى راوێژكارێ جڤاتا ئاسایشا ههرێما كوردستانێ د پێشوازیكرنا سێر ئالن دانكن پهرلهمانتارێ پارتا پارێزگارێن بهریتانیا و شاندێ ل گهل دا ئاماژه ب وێ یهكێ كر كو وهك ههر نهتهوهیهكێ ل جیهانێ، گهلێ كوردستانێ ژى مافێ دهولهتا سهربهخویا ههى كو ب ههبوونا ڤێ دهولهتێ، دێ بیته فاكتهرهك بۆ بهێزكرنا سهقامگیریێ و ههڤدهم گرنتیهژى بۆ خوپاراستن ژ ههر ههرهشهكێ كو ل ئایندهى دێ روو ب روو بیت.
ههر گرێداى ب مافێن سروشتى یێن گهلێ كورد، راوێژكارێ جڤاتا ئاسایشا ههرێما كوردستانێ دیاركر كو ههرێما كوردستانێ پشتى ژ ناڤچوونا رژێما سهدام، ئهوا د شیاندا بیت بۆ ئاڤاكرنا عیراقێ دیموكراتى و فیدرالى یا كرى، ب وى مهرجى كو ههڤبهش بیت، بهلێ رهفتارێن بهغدا و فهراموشكرنا دهستوورى و برینا قیتێ خهلكێ و دروستكرنا ئاستهنگان ل ههمبهر پێشكهفتنا ههرێما كوردستانێ، بهرۆڤاژى ڤێ چهندێ سهلماند.
مهسرور بارزانى گوت ژى: ئهگهر عێراق ههرێما كوردستانێ ب ههڤپشكا خوه یا راستهقینه قهبوول نهكهت، ههرێما كوردستانێ ژى پاشگویا وێ رهت بكهت، ئانكو دڤێت د ناڤبهرا ههردو ئالیان دا میكانزمهك بهێته دیتن بۆ وێ یهكێ ببنه دو ههڤسوویێن باش، چونكه نابیت ههرێما كوردستانێ باجا شاشیێن خهلكهكى دى بدهت.
ئهڤرۆ نيوز:
جێگرێ سەرۆکێ لژنا ناڤخوە یا پەرلەمانێ کوردستانێ ڕاگەھاند، ژ لایێ وەزارەتا ناڤخوە پێداچوون ل سەر مووچێ زێرەڤانێن تایبەت دھێتەکرن و دوبارە دێ رێژا بڕینا مووچێ وان دێ ھێتە دیارکرن ڤە، گۆت: ئاریشا گیرۆبوونا مووچێ زێرەڤانان دێ ب دووماھی ھێت.
نازم کەبیر، جێگرێ سەرۆکێ لژنا ناڤخوە یا پەرلەمانێ کوردستانێ بۆ رۆژناما ئەڤرۆ گۆت: “پشتی کێمکرنا مووچێ فەرمانبەران، رێژەکا زۆر ل مووچێ زێرەڤانێن تایبەت ژی ھاتیە بڕین، کو بوویە جھێ دلگرانیا ئەڤان زێرەڤانێن تایبەت، ھژمارەکا زۆرا خەلکی کارێ وان زێرەڤانن و ژ بەرکو ئەڤە بادەکەکا ئەمنیە ناخوازم ھژمارا وان ئاشکرا بکەم، بەلێ پشتی گازندێن زێرەڤانێن تایبەت، مە وەکی لژنا ناڤخوە دەست ب دووڤچوونێ کریە و نوکە ژ لایێ وەزارەتا ناڤخوە ھاتیە پێکئینان بۆ پێداچوونێ ل سەر مووچێ زێرەڤانێن تایبەت و کارکرن تێدا یێ بەردەوامە”.
کەبیری ئاماژە ب وێ چەندێ ژی کر، ل گورەی زانیاریێن گەھشتینە وان، لژنا بلند کار ل سەر راستڤەکرنا مووچێ زێرەڤانان دکەت و بڕیارە د دەمەکێ نێزیک دا پێداچوون ب دووماھی بھێت و مووچێ وانژی بھێتە راستڤەکرن و گۆت: “ھێشتا بڕیارا دووماھیێ ل سەر مووچێ وان نەھاتیە دان، کانێ دێ رێژا بڕینا مووچێ زێرەڤانێن تایبەت چاوا بیت، ب تنێ ئەوێن مووچێ وان گەلەک ژێ دھاتە بڕین و دێ ژ نوکە باشتر بیت، ئەڤەژی ئەگەربوو مووچێ وان یێ ھەیڤانە گیرۆ ببیت، ئەگەر ڕاستڤەکرن ب دووماھی بھێت، ئاریشا گیرۆبوونا مووچێ وانژی دێ ھێتە چارەسەرکرن”.
ئەڤرۆ نيوز:
سەرۆکێ کوتلا برایەتی و پێکڤەژیانێ ل جڤاتا پارێزگەھا نەینەوا دیار کر کو لژنەک بۆ ئاشکراکرنا چارەنڤیسێ مووچێ کارمەندێن ساخلەمیا نەینەوا ژ جڤاتا پاریزگەھێ و ساخلەمیا نەینەوا ھاتە پێکئینان، رێڤەبەرێ ساخلەمیا نەینەوا د. خالد ئەلبەیاتی سەرا دیار نەبوونا مووچێ کارمەندێن ساخلەمیێ یێن دو ھەیڤێن ئەڤ سالە ھاتە دەستەسەرکرن و نوکە ل بەغدا ڤەکۆلین ل گەل دھێتەکرن.
سەیدۆ چەتۆ، سەرۆکێ کوتلا برایەتی و پێکڤەژیانێ ل جڤاتا پارێزگەھا نەینەوا ئاشکرا کر کو د. خالد ئەلبەیاتی ژ بەر دیارنەبوونا مووچێ ساخلەمیا نەینەوا ھاتیە دەستەسەرکرن چوونکو ئیمزا د. خالدی سەر چەکێ مووچێ کارمەندێن ساخلەمیێ بوو، و گۆت: “ڤەکۆلین ل سەر دوسەیا دیارنەبوونا مووچێ ساخلەمیێ یا بەردەوامە و ھێشتا دادگەھا فیدرالی چو بریارێن دووماھیێ ل سەر چارەنڤیسێ مووچێ کارمەندێن ساخلەمیێ نەدایە”.
ناڤبری ئەو ژی دیار کر کو پشتی ڤەکۆلین ل سەر دیار نەبوونا مووچێ ساخلەمیێ ھاتیەکرن شەش ملیار دینار ل بەنکا رەشید ل بەغدا ئاشکرا بووینە و ھێشتا کۆژمێ پتر ژ پێنج ملیار دیناران دیار نینن، حوکمەتا عیراقێ ب رێیا کۆمپانیەکێ کۆژمێ 11 ملیار و 400 ملیۆن دیناران مووچێ کارمەندێن ساخلەمیا نەینەوا رەوانەی ھەرێمێ کربوون، لێ ئەو کۆمپانیا ئەڤ کۆژمێ پارەی ئینای دیار نەبوو، و ب ڤی رەنگی مووچێ کارمەندێن ساخلەمیێ یێن ھەیڤا ئیک و دو ژ ئەڤ سالە بەرزە بوویە.
سەیدۆ جەتۆ گۆت: “بۆ دووڤچوونا ڤی بابەتی لژنەک ژ جڤاتا پارێزگەھا نەینەوا و ساخلەمیا نەینەوا ھاتیەپێکئینان بۆ دروستکرنا گڤاشتنێ ل سەر بەغدا بۆ ب دەستڤەئینانا مووچێ کارمەندێن ساخلەمیێ، لێ ھیشتا چو بریارێن دووماھیێ ل سەر ئاشکرابوونا چارەنڤیسێ مووچێ ھەیڤا ئیک و دو یێن بەرزەبووین نەھاتینەدان و بزاڤێن ساخلەمیا نەینەوا و جڤاتا پارێزگەھا نەینەوا ل گەل د. فارس بریفکانی سەرۆکێ لژنا ساخلەمیێ و ژینگەھا پەرلەمانێ عیراقێ بەردەوامن بۆ دیتنا رێیێن چارەسەریێ بۆ ب دەستڤەئینانا مووچێ کارمەندێن ساخلەمیێ”.
گۆتژی: “ئەم ھەموو کارمەندێن خوە پشتراست دکەین، ئەو مووچێ ھاتیە دزین دێ بۆ ھێتە ڤەگەراندن”.
نيشاندان