ئەڤرۆ نيوز:

رێڤەبەریا کەشناسی و بیڤەلەرزا ھەرێما کوردستانێ راگەھاند، ھەرێما کوردستانێ سوبەھی دێ کەڤیتە بن پێلەکا دەریا ناڤەڕاست و ژ بەر ڤێ چەندێ دێ باران بارین دەستپێکەت و دھێتە پێشبینیکرن رێژەکا زۆر یا بارانێ ل سنۆرێ پارێزگەھا دھۆکێ بباریت.
رێڤەبەریا کەشناسی و بیڤەلەرزا ھەرێما کوردستانێ د راگەھاندنەکێ دا دیاردکەت ژی، کو ل رۆژا سێشەمبێ ئاسمانێ ھەرێمێ دێ عەور بن و پلێن گەرمێ دێ ھێنە گۆڕین و باران ب رێژێن جودا دێ باریت و دھێتە پێشبینیکرن بەفر ل دەڤەرێن چایی بباریت و پێلا بارانێ ھەتا رۆژا چارشەمبێ دێ بەردەوەوام بیت و ل رۆژا دووڤ دا ئەڤ پێلە دێ کێم بیت.

ئه‌ڤرۆ نيوز:

پارتى ديموكراتى كوردستان راگه‌هاند، هه‌كه‌ بزاڤا گۆڕان ژ هه‌لويستێ خوه‌ نه‌هێته‌ خوار، دێ جوكمه‌ته‌كا نوو پێكئينيت و گۆڕان ژى د وێ حوكمه‌تێ دا پشكدار نابيت.

عه‌ره‌فات كه‌ره‌م، ئه‌ندامێ فراكسيۆنا پارتى ديموكراتى كوردستان ل جڤاتا نوونه‌رێن عيراقێ د ديداره‌كێ دا بۆ رۆژناما “الصباح الجديد” راگه‌هاند: هه‌كه‌ بزاڤا گۆڕان يا رژد بيت ل سه‌ر پرسا سه‌رۆكاتيا په‌رله‌مانى، پارتى ژى دێ هه‌لويستێ خوه‌ گوهۆڕيت و گه‌له‌ك ژ جاران دژوارتر بيت”.

راگه‌هاند ژى، نابيت ب هه‌ر ره‌نگه‌كى په‌رله‌مان ژ كار بكه‌ڤيت و چو رۆل نه‌بيت، به‌لكو دڤێت بهێته‌ كارا كرن.

عه‌ره‌فات گۆتژى: “ئێك ژ وان رێيێن حزب ب كار دئينن دروستكرنا حوكمه‌ته‌كا نوويه‌ و دورخستنا بزاڤا گۆڕانه‌ ژ پێكئينانا وێ حوكمه‌تێ.

ژ لايێ خوه‌ ژى ڤه‌ بزاڤا گۆڕان به‌رده‌وام پێداگريێ ل سه‌ر وێ چه‌ندێ دكه‌ت كو كێشێن نوكه‌ يێن هه‌رێمێ ل سه‌ر پرسا سه‌رۆكاتيا هه‌رێمێ نه‌ و لادانا بارزانى ژ پۆستێ وى و كێشه‌ ژى دێ چاره‌ بن.

ئەڤرۆ نیوز:
سەرۆکێ سەندیکا رۆژنامەڤانێن کوردستانێ لقێ نەینەوا بۆ رۆژناما ئەڤرۆ ئاشکرا کر کو رێکخراوا تیرۆرستێن داعش سێ رادیۆ داناینە ل گەل پەخشێ تەلەڤزیۆنەکا ناڤخۆ و نوکە پەخشێ سێ رادیۆیان دگەھیتە ھەرێما کوردستانێ و پارێزگەھا دھۆکێ و ھەتا نوکە نەھاتینە ڕاگرتن.
ئەکرەم سلێمان، سکرتێرێ سەندیکا رۆژنامەڤانێن کوردستانێ لقێ نەینەوا دیار کر کو نوکە داعش سێ رادیۆ ل مووسل ھەنە ب ناڤێ (بەیان) و ھەر بزاڤەک و چالاکیەکا وان ھەبیت تێدا پەخش دکەن و سەرەرایی ڤێ چەندێ تەلەڤزیۆنەکا ناڤخۆ ژی ڤەکریە ب ناڤێ (خیلافە) و گۆت: “پەخشێ ڤان رادیۆیان دگەھیتە پارێزگەھا دھۆکێ و نێزیکی پارێزگەھا ھەولێرێ ژی، ژ بەر ڤێ چەندێ مە ب نڤیسار و ب رێیا سەندیکا رۆژنامەڤانان وەزارەتا رەوشەنبیری و لاوان ئاگەھدارکریە کو پەخشێ ئەڤان رادیۆیێن تیرۆرستان بھێتە ڕاگرتن، بەلێ ب مخابنی ڤە و ھەتا ئەنجامدانا ڤێ دیدارێ ل رۆژا 16/1/2016 پەخشێ وان یێ بەردەوام بوو”.
ناڤھاتی ئاماژە دا وێ چەندێ کو دڤێت ئەڤ پەخشە بھێتە گرتن، چونکی پەخشێ وێ ل دەڤەرا نزارکێ ھەتا دگەھیتە کەلەکا یاسین ئاغای دەردکەڤیت و ڤێ چەندێ ژی مەترسی یا ل سەر دەڤەرێ ھەی و گۆت: “ژ سالا 2003 ھەتا ھاتنا تیرۆرستێن داعش 10/6/2014 نێزیکی 44 رۆژنامەڤانان ھاتینە تیرۆکرن و 24 ژی ھاتینە گرتن و سەرەرایی ڤێ چەندێ چار کەنالێن ئەسمانی و 18 رادیۆ و 42 نڤێسینگەھێن گۆڤار و رۆژنامان ب تەمامی کەفتینە د دەستێ تیرۆرستێن ناڤبری دا”.