سه‌ره‌كى نووترين نووچه

توركیا بزاڤه‌كا دی بۆ سنۆرداركرنا ئازادییا راده‌ربرینێ دكه‌ت

14/01/2016 22:12

ئه‌ڤرۆ نیوز: ڤه‌ده‌ر ره‌شاڤایی:
د بزاڤه‌كا دی دا كو ره‌خنه‌گر ب سنۆرداركرنا ئازادییا راده‌برینێ ل قه‌له‌م دده‌ن، پشتی ده‌سته‌سه‌ركرنا چه‌ندین رۆژنامه‌ڤانان، حكومه‌تا توركیا لدووڤ هزار كه‌سایه‌تیێن ئه‌كادمی كه‌ڤتییه‌.
ڤان كه‌سایه‌تییان كو ژ 89 زانكۆیێن توركیا نه‌، داخازه‌ك ئیمزار كربوو و تێدا داخازا راوه‌ستاندنا ئۆپه‌راسیۆنێن له‌شكه‌رێ توركیا ل باكۆرێ كوردستانێ كربوو، لێ ڤێ یه‌كێ ره‌جه‌ب ته‌ییب ئه‌ردۆگان سه‌رۆكێ توركیا تۆره‌ كر و سۆز دا ڤێ یه‌كێ بۆ وان نه‌هێلیت و هه‌وه‌كا ده‌سته‌سه‌ركرنا وان ده‌ستپێكرییه‌.

ب وێنه‌: په‌رده‌ ل سه‌ر په‌يكه‌رێ دو شه‌هيدان هاته‌ لادان

14/01/2016 21:13

336

ئه‌ڤرۆ نيوز، ئومێد وه‌لاتى:

ل رۆژا پێنجشه‌مبى رێكه‌فتى 14ى كانوونا دويێ 2016 ل باژێرێ به‌ستووره‌ ل سه‌ر رێيا گشتيا پيرمام بۆ هه‌ولێر د رێ و ره‌سمه‌كى دا ب به‌رهه‌ڤبوونا چه‌ندين كه‌ساتيێن سياسى و حوكمى و رى سپيێن ده‌ڤه‌رێ په‌رده‌ ل سه‌ر وێنێ هه‌ردو شه‌هيدێن شه‌رێ داعش “شه‌هيد عه‌ميد مه‌غديد هه‌ركى و شه‌هيد موقه‌دم جه‌لال هه‌ركى” هاته‌ لادان.

پارتی داخوازا گۆڕان رەتکر

14/01/2016 11:30

711

ل ھەرێما کوردستانێ بازرگانی ب کرێکارێن بیانی دھێتە کرن

14/01/2016 11:00

189

ئەڤرۆ نیوز:
دەستەیا سەربەخوە یا مافێن مرۆڤی ل ھەرێما کوردستانێ، د راپرسیەکێ دیارکریە، کو ل ھەرێما کوردستانێ بازرگانی ب کرێکارێن بیانی دھێتە کرن، و ھندەک ژوان کرێکاران تووشی نەخوەشیا ئایدزێ بووینە و نوکە ژی ل ھەرێمێ کار دکەن.
زیا پترۆس، سەرۆکێ دەستەیا سەربەخوە یا مافێن مرۆڤی د کۆنگرەکێ رۆژنامەڤانی دا راگەھاند، ل سالا 2007ھەتا 2015 ھژمارا کرێکارێن بیانی ئەوێن ل کوردستانێ کار دکەن گەھشتیە (9261) کرێکاران، و بڤێ چەندێ رێژەکا بەرچاڤا کرێکارێن بیانی زێدە بووینە.
ناڤبری گۆت: ل سالا 2007 ب تنێ (1002) کرێکار ھاتبوونە کوردستانێ، گۆت ژی: سەرباری قەیرانا دارایی و بێکاریێ گەنجێن مە ھژمارا کرێکاران زێدە کرینە، و ئەڤە ژی جھێ مەندەھوشیێ یە، چونکو وەلاتێ مە پێدڤی ب ئینانا کرێکارێن بیانی نینە.
ھەروەسا گۆت: ل دووف وان داتایێن ب دەست وان کەفتین دیاربوویە کو ل کوردستانێ بازرگانی ب کرێکاران ھاتیە کرن، ب تایبەت ژی ل جھێن مەساجێ و ئۆتێل و مالان، ھەروەسا ھندەک ژوان پشکنین بوو نەھاتیە کرن، ئەڤە ژی ددەمەکی دا یە کو ھندەک ژوان ھەلگرێن نەخوەشیا ئایدزێ نە و نوکە ژی کار دکەن.
سەرۆکێ دەستەیا سەربەخوە یا مافێن مرۆڤی ھێشتا گۆت: ژلایێ خودان کاران ڤە، پتری 450 کرێکاران پاسەپۆرت و بەلگەنامێن وان ژێ ھاتینە ستاندن، ھندەک ژوان ژی مووچێن وان ھاتینە برین، ھندەک ژی ھاتینە سزادان و تووشی توندوتیژیێ بووینە، لەورا ئەم دخوازین رێنما و یاسایێن خۆمالی یێن ھەرێما کوردستانێ بۆ وانا بھێنە رونکرن، ل گەل وێ چەندێ کلتۆر و داب و نەریتێن ھەرێما کوردستانێ بوو بھێنە رونکرن.

بۆچوونا وه‌زيرێ په‌ترۆلا عيراقێ ل سه‌ر پارچه‌بوونا وه‌لاتێ وى

14/01/2016 10:42

305

ئه‌ڤرۆ نيوز:

عادل عه‌بدولمه‌هدى وه‌زيرێ په‌ترۆلا عيراقێ و سه‌ركرده‌ د جڤاتا بلندا نشتيمانى دا راگه‌هاند كو گه‌له‌ك ژ وه‌لاتێن جيهانێ ب حه‌زا خوه‌ يان بێ حه‌زا خوه‌ و ب نه‌خۆشى هاتينه‌ پارچه‌كرن، ژ به‌ر هندێ پارچه‌كرنا عيراقێ تشته‌كێ نوو نينه‌ و دشيان دايه‌ دانوستاندن ل سه‌ر بهێته‌ كرن.

عادل عه‌بدولمه‌هدى د گۆتاره‌كێ دا بۆ رۆژناما “العدالة” ئاماژه‌ ب وێ چه‌ندێ كريه‌ كو ئه‌ڤه‌ ماوه‌كێ درێژه‌ به‌حس ل سه‌ر پارچه‌بوونا عيراقێ دهێته‌ كرن، گه‌له‌ك وه‌لاتێن دژى چ ب حه‌زا خوه‌ يان ژى بێى حه‌زا خوه‌ هاتينه‌ دابه‌شكرن، بابه‌تێ عيراقێ ژى دشيان دايه‌ به‌حس ل سه‌ر بهێته‌ كرن و هه‌كه‌ باش بيت بهێته‌ پارچه‌كرن يان ژى ب شێوێ نه‌مه‌ركه‌زى و فيدرالى بهێته‌ نه‌خشه‌كرن.

ئه‌ڤى سه‌ركردێ جڤاتا بلندا ئيسلامى ئاماژه‌ ب وێ چه‌ندێ ژى كريه‌ كو هه‌رده‌م ب رێيا دانوستاندنێ ب گۆره‌ى دستوورى دشيان دايه‌ گه‌نگه‌شه‌ ل سه‌ر ڤان بابه‌تان بهێته‌ كرن چو ل به‌سرا يان ئه‌نبار يان ژى كوردستانێ بيت.

نێزيكى 50 كارمه‌ندێن ئاسايشێ بوونه‌ قوربانى

14/01/2016 10:20

2441

ئه‌ڤرۆ نيوز:

ده‌مژمێر 1:30ى ده‌قيقه‌ى سپێده‌هيا ئه‌ڤرۆ ترۆمبێله‌كا مينرێژكرى ب باره‌گايێ ئاسايشا توركيا ل ده‌ڤه‌را چنارا باژێرێ ئامه‌د په‌قى د ئه‌نجام دا ژماره‌كا ئاسايشا تورك هاتنه‌ كوشتن و بريندار كرن.

د وێ ده‌ربارێ دا ويلايه‌تا ئامه‌د د راگه‌هاندنه‌كێ دا ئاماژه‌ ب وێ چه‌ندێ كر كو ژ ئه‌گه‌رێ وێ هێرشێ پێنج كه‌سێن ئاسايشێ هاتنه‌ كوشتن و 39ێن دژى بريندار بوون. هه‌تا نوكه‌ ژى چو لايه‌نه‌كى به‌رپرساتيا خوه‌ ژ روودانێ رانه‌گه‌هانديه‌.
ئه‌ڤه‌ د ده‌مه‌كى دايه‌ كو رۆژا 12ى ڤێ هه‌يڤێ د ئه‌نجامێ كرياره‌كا خوكوژى دا ل گۆره‌پانا سۆلتان ئه‌حمه‌د ل باژێرێ سته‌مبۆل 25 كه‌س هاتنه‌ كوشتن و بريندار كرن.

ھژمارا عەرەب و کرستیانێن ھەرێما کوردستانێ دھێتە ئاشکرا کرن

14/01/2016 09:00

379

ئەڤرۆ نیوز:
سەرۆکێ لژنا ھەلسەنگاندن و بەرسڤدانا راپۆرتێن نێڤدەولەتی ل حوکمەتا ھەرێما کوردستانێ ئاشکرا کر کو پێکڤەژیان ل ھەرێما کوردستانێ یا بەردەوامە و نوکە 657 ھزار و 700 عەرەب و 67 ھزار و 790 کرستیان ل ھەرێما کوردستانێ دژین.
دکتۆر دیندار زێباری، سەرۆکێ لژنا ھەلسەنگاندن و بەرسڤدانا راپۆرتێن نێڤدەولەتی ل حوکمەتا ھەرێما کوردستانێ دیار کر کو سەرەرایی قەیرانا دارایی حوکمەتا ھەرێما کوردستانێ پێشۆازیا پتری دو ملیۆن ئاوارە و پەنابەران یا کری و ھەتا نوکە ھاتنا وان بۆ ھەرێمێ یا بەردەوامە و گۆت: “ل دووڤ ئامارەکێ 50% پەنابەرێن سووری و 20 پەنابەرێن ئەفغانی و 7% پەنابەرێن عیراقی قەستا ئورۆپا کرینە، بەلێ ھەتا نوکە ھژمارا وان کەسێن ژ ھەرێما کوردستانێ قەستا ئورۆپا کری نەھاتیە زانین”.
ناڤبری ئاماژە دا وێ چەندێ کو نوکە 657 ھزار و 700 عەرەب و 67 ھزار و 790 کرستیان ل ھەرێما کوردستانێ دژین و بۆ باس گۆت: “ژ ئێکەم رۆژا خیشک و بڕایێن ئێزدی ژ لایێ تیرۆرستێن داعش ڤە ھاتینە رەڤاندن حوکمەتا ھەرێما کوردستانێ د بلندترین ئاست دا بزاڤێن رزگارکرنا وان کرینە و ل دووڤ دووماھی ئاماڕێن ل بەر دەست ژ سەرجەمێ پێنج ھزار و 838 کەسێن ژ لایێ تیرۆرستێن ناڤبری ڤە ھاتینە رەڤاندن دو ھزار و 302 ژ وان کەسان ھاتینە رزگارکرن”.

11 کۆمپانی دھێنە سزادان

14/01/2016 09:00

489

ئەڤرۆ نیوز:
پەیڤدارێ وەزارەتا ساخلەمی یا حوکمەتا ھەرێما کوردستانی بۆ ئەڤرۆ دیار کر کو سالا 2015 وەزارەتا ساخلەمیێ 11 کۆمپانی ژبەر ئینانا دەرمانێن خراب و نەپێگیریا وان ب رێنمایێن ساخلەمیێ سزاداینە و سەرەرایی ڤێ چەندێ زێدەتر ژ 100 تەنێن دەرمانێن خراب گرتینە و گۆت: ” نوکە رێ ب 90 کۆمپانیان ھاتیە دان کو دەرمانان ژ دەرڤە بیننە د ناڤ ھەرێمێ دا”.
د. خالس قادر، پەیڤدارێ وەزارەتا ساخلەمی یا حوکمەتا ھەرێما کوردستانی ئاشکرا کر کو ژ سەرجەمێ وان 11 کۆمپانیێن ھاتینە سزادان پێنج ژ وان کۆمپانیان یێن کەفتینە د ناڤ لیستا رەش دا و ئێدی نەشێن ب چو رەنگان دەرمان بیننە د ناڤ ھەرێما کوردستانێ دا و بادەکێن شەش کۆمپانیان ژی ل دادگەھێ نە و گۆت: “نوکە ل دووڤ چەندین مەرج و رێنمایان رێ ب 90 کۆمپانیان ژ لایێ وەزارەتا ساخلەمی یا حوکمەتا ھەرێما کوردستانێ ڤە ھاتیە دان کو دەرمانان ژ دەرڤەی وەلاتی بیننە د ناڤ ھەرێمێ دا ژبەر ڤێ چەندێ پێدڤییە خۆدانێ وێ کۆمپانیا ب ڤی کاری رادبیت عیراقی بیت و دەرچوویێ کۆلیژا دەرمانسازی بیت”.
ناڤھاتی ئاماژە دا وێ چەندێ کو ھەر جۆرە دەرمانەکێ بھێتە د ناڤ ھەرێمێ دا دڤێت کوالتیا وی یا باش بیت و پشکنین بۆ دھێتەکرن و ھەکە ژ پشکنینێ دەرنەچیت ب چو رەنگان رێ ب وی جۆرێ دەرمانی ناھێتەدان ل بازارێن ھەرێمێ بھێتە فرۆتن و گۆت: “پشتی چاڤدیری ل سەر ئینانا دەرمان زێدەتر لێھاتی، رێژەکا مەزن ژ دەرمانێن سەختە و خراب دھێنە گرتن”.
ل دووماھیێ پەیڤدارێ وەزارەتا ساخلەمی یا حوکمەتا ھەرێما کوردستانی دیار کر کو ل سالا بۆری وەزارەتا ساخلەمیێ بتنێ 100 تەنێن دەرمانێن سەختە و خراب گرتینە”.

مەسرور بارزانی: کێشا عیراقێ شەرێ تیرۆرستان ب تنێ نینە

13/01/2016 23:33

708

ئەڤرۆ نیوز:
شیرەتکارێ ئەنجوومەنێ ئاسایشا ھەرێما کوردستانێ دوھی د دیدارەکێ دا ل گەل جەنەرال تۆم بێکت نوونەرێ تایبەتێ سەرۆک وەزیرێن بریتانیا بۆ کاروبارێن ئاسایشێ و شاندێ ل گەل دا راگەھاند کێشا عیراقێ شەرێ تیرۆرستێن داعش ب تنێ نینە، بەلکو گەلەک کێشێن دیرۆرکی یێن کوورتر یێن ھەین، پێدڤی دکەت چارەسەریێن بنەرەتی بۆ بھێنە کرن.
مەسرور بارزانی ئاماژە ب وێ چەندێ کر کو پێدڤیە ھێزێن ل سەر ئەردی شەرێ داعش دکەن، ھەموو جۆرە ھاریکاریێن پێدڤی ژ روویێ سەربازی و مەزاختنێن شەری بۆ بھێنە پێشکێشکرن.
د ھەمبەر دا، جەنەرال تۆم بێکت راگەھاند، ئەگەر ھێزا کورد و پشتەڤانیا فرۆکێن ھەڤپەیمانان نەبا، رەوش دا گەلەک ژ یا نوکە خرابتر بیت.
ھەر د ڤێ دیدارێ دا، دوپاتی ل وێ چەندێ ھاتە کرن، کو پێدڤیە کورد وەک ئەندامەکێ کارا یێ ھەپڤەیمانیا جیھانی دژی داعش ل سەر ئەردی، بۆ ھەموو کۆنفرانسێن نێڤدەولەتی یێن تایبەت ب وی شەری ڤە ب فەرمی بھێنە داخوازکرن، چونکو ئەنجامێن ڤان کۆنفرانسان ب پشکداریا کوردان کاریگەرتر دبن.

پارێ ئاھێن خوارنێ ھاتنە کێمکرن

13/01/2016 23:09

907

ئەڤرۆنیۆز ، سالار دۆسکی:
ئەندامەکا لژنا ئابووری ل پەرلەمانێ عیراقێ پێدڤیێن عیراقێ بۆ دابینکرنا ئاھێن خوارنێ بۆ ئەسالە دیار دکەت و ئاماژە ب وێ چەندێ دکەت کو ھەتا نوکە گرێبەست ل گەل چ کومپانیان نەھاتیەکرن بۆ دبینکرنا زەیتێ بۆ وەلاتیان.
نەجیبا نەجیب ئەنداما لژنا ئابووری ل پەرلەمانێ عیراقێ بۆ ئەڤرۆ نیۆز گۆت: سالێن بوری پارەکێ باش بۆ کرینا ئاھێن خوارنێ دھاتە تەرخانکرن و ئەڤ سالە ئەو ھەژمار نینە و گەلەک کێم بوویە و دبیت ئەڤ کێم بوونە ژی کارتێکرنێ ل سەر جورێ ئەڤی ئاھێن خوارنێ بکەت.
ھەمان ئەنداما پەرلەمانێ عیراقێ ئەوژی گۆت: عیراق ھەیڤانە پێدڤی ب 75 تەنێن شەکرێ یە، 32 تەنێن زەیتێ، 105 تەنێن برنجی و ئەڤە ھەموو دھێنە کرین ژلایێ وەزارەتا بازرگانی یا عیراقێ ڤە.
نەجیبایێ ھێشتا ژی گۆت: شەکر ھەموو ژ کارگەھێن نافخو دھێتە دابینکرن و گرێبەست ھاتیە گرێدان و 250 تەن بۆ ھەرسێ ھەیڤێن دەسپێکێ، ژڤانە ھەر زەیت ژ ژ کارگەھێن نافخو بھێتە دابینکرن و ھەتا نوکە گرێبەست بۆ دابینکرنا زەیتێ ل گەل چ کۆمپانیان نەھاتیە گرێدان، پارێ ھاتیە تەرخانکرن بۆ ئاھێن خوارنێ (2500) دو تریلون و پێنج سەد ملیار دینارن بۆ ئەڤ سالە و ئەڤە دەمەکی دا ل سالێن بوری و تایبەت 2011 و 2012 و 2013 کوژمێ (4500) چار تریلون و پێنچ سەدملیار ھاتبوونە تەرخانکرن، ب کێمکرنا پارێ ئاھێن خوارنێ دێ کارتێکرن ل سەر جور و کوالتیا وی ھێتەکرن.

نيشاندان 1...350 1,350 2,350 2,3512,3522,353...3,026 زێده‌تر

لاپه‌ر 2,352 ژ 3,026