سه‌ره‌كى نووترين نووچه

ئوردن وه‌كو وه‌لاته‌كێ سه‌ربه‌خۆ سه‌ره‌ده‌ريێ ل گه‌ل هه‌رێمێ دكه‌ت

27/02/2016 12:44

1800

ئه‌ڤرۆ نيوز:

ئێك ژ فرۆكخانێن وه‌لاتێ ئوردن ئاشكه‌را كر كو بۆ وه‌لاتێن هه‌رێما كوردستانێ بۆ سه‌ره‌دانا وى وه‌لاتى پێدڤى ب ڤيزا پێش وه‌خت ناكه‌ت و ژ نوكه‌ و پێڤه‌ دشێن ئێكسه‌ر سه‌ره‌دانا وى وه‌لاتى بكه‌ن.

ب گۆره‌ى روونكرنه‌كێ كو فرۆكخانا نێڤده‌وله‌تى يا “شاژنا عاليا” ل ئوردن، وه‌لاتێن هه‌رێما كوردستانێ بۆ سه‌ره‌دانكرنا ڤى وه‌لاتى، پێدڤى ب ڤيزا پێش وه‌خت نابيت.

د وێ راگه‌هاندنێ دا عيراق د ناڤ وان وه‌لاتان دا هاتيه‌ كو وه‌لاتيێن وێ بۆ سه‌ره‌دانا ئوردن پێدڤيه‌ پێش ده‌م ڤيزێ وه‌ربگرن و رێكارێن قانوونى ببڕن، به‌لێ هه‌رێما كوردستانێ وه‌كو وه‌لاته‌كێ سه‌ربه‌خۆ ئاماژه‌ پێ هاتيه‌ كرن و وه‌لاتيێن وێ ژى پێدڤى ب ڤيزا پێش ده‌م نينه‌.

ب گۆره‌ى ڤێ روونكرنێ، وه‌لاتيێن هه‌رێما كوردستانێ ل ده‌مێ گه‌شتێن خوه‌ هه‌ر ل فرۆكخانێ دێ ڤيزه‌ پێ هێته‌ دان و بهايێ ڤان ڤيزان ژى دێ د ناڤبه‌را 56 دۆلار بۆ 169 دۆلاران بيت ب گۆره‌ى ماوێ مانا وان ل وى وه‌لاتى.

چار پێشمه‌رگان گيانێ خوه‌ ژ ده‌ست دا و ئێك ژى بريندار بوو

27/02/2016 12:12

1399

ئه‌ڤرۆ نيوز، بارزان مزوورى:

سپێده‌ها ئه‌ڤرۆ 27ى شوباتا 2016ێ ل نێزيك گۆندێ گه‌ويلان ژ ئه‌نجامێ روودانه‌كا ترافيكێ چار پێشمه‌رگان گيانێ خوه‌ ژ ده‌ست و ئێك ژى بريندار بوو.

حازم محه‌مه‌د، راگه‌هاندنكار ل پشكا پۆليسێن هاتنوچوونا قه‌زا به‌رده‌ره‌ش د داخۆيانيه‌كێ دا بۆ ئه‌ڤرۆ نيوز گۆت: “ئه‌ڤرۆ رۆژا شه‌مبى رێكه‌فتى 27ى شوباتا 2016ێ و ل ده‌مژمێر 10:45 ده‌قيقه‌ ل سه‌ر رێيا كه‌له‌ك نێزيك گۆندێ گه‌ويلان روودانه‌كا ترافيكێ د ناڤبه‌را ترۆمبێله‌كا بارهه‌لگر مارسدس و ترۆمبێله‌كا تيوتا دا روودا”.

زێده‌تر گۆت: “ژ ئه‌نجامێ ڤێ روودانێ، چار پێشمه‌رگان گيانێ خوه‌ ژ ده‌ست دا و ئێك ژى بريندار بوو و بۆ نه‌خۆشخانا گشتى يا ئاكرێ هاته‌ ڤه‌گوهاستن”.

دا زانين ژىكو هێشتا ئه‌گه‌رێن دروستێن روودانێ نه‌هاتينه‌ زانين، ئه‌و پێشمه‌رگه‌ ژى د رێ دابوون دا بۆ ئه‌ركێ خوه‌ يێ پێشمه‌رگاتيێ به‌ر ب ده‌وامێ ڤه‌ چن.

CIA: عيراق و سوريا وه‌كو ده‌وله‌ت نه‌ماينه‌ و گه‌را ڤان دو وه‌لاتايه‌

27/02/2016 11:12

383

ئه‌ڤرۆ نيوز:

“عيراق و سوريا ب دووماهى هاتن، ليبا ژى به‌ر ب نه‌مانێ دچيت”، ئه‌ڤه‌ گۆتنێن سه‌رێ به‌رێ يێ ده‌زگه‌هێ هه‌والگه‌رى يێ (CIA) بوو.

ميشێل هايدن سه‌رۆكێ به‌رێ يێ ده‌زگه‌هێ هه‌والگه‌ريا ئه‌مريكا گۆت: “ئه‌و گوهۆڕينێن ل ده‌ڤه‌را رۆژهه‌لاتا ناڤه‌راست دا روو دده‌ن، ئاماژه‌كن بۆ نه‌مانا قانوونێن نێڤده‌وله‌تى”.
د چاڤپێكه‌فتنه‌كێ دا ل گه‌ل كه‌نالێ CNN ميشێل هايدن گۆتژى: “ئه‌و شه‌پۆلا تيرۆر و توندوتيژيێ ل چه‌ند وه‌لاتان ب رێڤه‌ دچيت، نه‌مانا وان هه‌موو رێكه‌فتناما نيشان دده‌ت كو ل پشتى شه‌رى جيهانى يێ دويێ ژ لايێ كۆمه‌لگه‌ها نێڤده‌وله‌تى ڤه‌ هاتينه‌ ئه‌نجام دان”.
به‌حس ل وێ چه‌ندێ ژى كر كو نوكه‌ ژ ئه‌گه‌رێ شه‌رى، سنورێ چه‌ندين وه‌لاتان به‌ر ب خرابكرنێ دچيت ئه‌وێن د رێكه‌فتنناما فه‌رساى و سايكس بيكو دا ژ لايێ وه‌لاتێن جيهانێ بڕيار ل سه‌ر هاتيه‌ دان.
نه‌ڤه‌شارت ژى كو نوكه‌ هه‌ر ئێك ژ عيراق و سوريا وه‌كو نه‌ماينه‌ و يێن ب دووماهى هاتين، “چونكو سنور نينه‌، جاره‌كا دژى دروست نابن، ليبا ژى يا به‌ر ب دووماهيێ و نه‌مانێ ڤه‌ دچيت و لوبنان ژى يا پێنگاڤان به‌ر ژ به‌رئێكچوونێ دهاڤێژيت”.

بارزانى ئه‌ڤرۆ دێ به‌حسێ دانانا حوكمه‌ته‌كا نوو كه‌ت

27/02/2016 10:10

502

ئه‌ڤرۆ نيوز:

ب سه‌رپه‌رشتيا سه‌رۆكێ خوه‌، پارتى ديموكراتى كوردستان دێ ئه‌ڤرۆ كۆم بيت و دانوستاندنێ ل سه‌ر ره‌وشا نوكه‌ و كێشێن هه‌رێمێ و چاكسازيێن ناڤ حوكمه‌تێ كۆم بيت.

ژێده‌ره‌كى پله‌ بلندێ پارتى ديموكراتى كوردستان كو نه‌خواست ب ناڤێ خوه‌ ئاشكه‌را بكه‌ت بۆ ئه‌ڤرۆ نيوز گۆت: “ئه‌ڤرۆ رۆژا شه‌مبى 27ى شوباتا 2016ێ ب سه‌رپه‌رشتيا سه‌رۆك بارزانى، جڤاتا سه‌ركرداتيا پارتى دێ كۆم بيت”.

زێده‌تر گۆت: “د كۆمبوونێ دا دێ به‌حس ل سه‌ره‌دانا وى بۆ ئورۆپا و پشكداريا د كۆنگرێ ئاسايشا جيهانى دا ل ميونخ و پشتگريا وه‌لاتان بۆ سه‌ربه‌خۆيا ده‌وله‌تا كوردستانێ هێته‌ كرن”.

ئاماژه‌ ب وێ چه‌ندێ ژى كر كو هه‌ر د ڤێ كۆمبوونێ دا دێ به‌حس ل كێشێن هه‌رێما كوردستانێ و ئه‌گه‌رێ دروستبوونا حوكمه‌ته‌كا نوو هێته‌ كرن”.

دا زانين ژى كو هه‌ر د ڤێ كۆمبوونێ دا، سه‌رۆك بارزانى دێ گه‌نگه‌شێ ل سه‌ر چاكسازيێن ناڤخۆ يێن پارتيا خوه‌ و حوكمه‌تێ ژى ل گه‌ل جڤاتا سه‌ركرداتيا پارتى گه‌نگه‌شه‌ كه‌ت.

ره‌وشا سه‌قايێ سوبه‌هى

27/02/2016 09:58

447

ئه‌ڤرۆ نيوز:

رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئێكشه‌مبى رێكه‌فتى 28ى شۆباتا 2016ێ ئه‌سمان ژ ئه‌ورێن تمام بۆ يێن كێم دێ هێته‌ گوهۆڕين و ل هنده‌ك ده‌مان ل هنده‌ك جهان دێ باران باريت.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه‌ كرينه‌ راگه‌هاند كو ژ ئه‌نجامێ به‌رده‌واميا فشارێن نزمێن ده‌ريا سۆر بۆ سه‌ر هه‌رێما كوردستانێ دهێته‌ پێشبينيكرن ئه‌سمان ژ ئه‌ورێن تمام بۆ يێن كێم بهێته‌ گوهۆڕين و ل هنده‌ك ده‌مان ل هنده‌ك جهان دێ باران باريت.

پشكا پێشبينيان دايه‌ زايه‌ زانين كو دێ ئاراستێ باى ژى دێ باكوورێ رۆژئاڤا بيت ب ره‌نگه‌كى د ناڤبه‌را 10 هه‌تا 20كم دا و هنده‌ك و ماوێ ديتنێ ژى دێ 8 بۆ 10كم بيت، پلێن گه‌رمێ ژى دێ د ناڤبه‌را (9 بۆ 17) پلان دا بيت.

ب وێنه‌: پشكداریكرنا ژنێن ئیرانى د هه‌لبژارتنان دا

26/02/2016 23:28

146

ئه‌ڤرۆ نیوز:
هه‌لبژارتنێن په‌رله‌مانی و جڤاتا شاره‌زایان ل ئیرانێ برێڤه‌چوون و تێدا 55 ملیۆن كه‌سان مافێ ده‌نگدانێ هه‌بوو، 66 هزار و 229 كه‌سان خوه‌ به‌ربژار كربوو كو 586 ژ وان ژن بوون بۆ 290 كورسیێن په‌رله‌مانی و 88 كورسیێن جڤاتا شاره‌زایان.
كچ و ژنێن ئیرانێ ب شێوه‌كێ گه‌له‌ك به‌رفره‌هـ پشكداریكرن و ئاستێ پشكداریكرنێ یێ مه‌زن بوو، ئه‌ڤ هه‌لبژارتنه‌ ئێكه‌مین هه‌لبژارتنێن ئیرانێ نه‌ پشتی رێككه‌ڤتنا ئه‌تومی و راكرنا سزایێن نێڤده‌وله‌تی ل سه‌ر وی وه‌لاتی دهێنه‌ كرن.

بارزانى سه‌رۆكێ لژنا چاكسازيێ دياركر

26/02/2016 23:16

1585

ئه‌ڤرۆ نيوز:

مالپه‌رێ باس نيوز به‌لاڤكريه‌ كو مه‌سعود بارزانى سه‌رۆكێ هه‌رێما كوردستانێ دادوه‌رێ دادگه‌هكرنا سه‌دام حسێن، حاكم ره‌شيد وه‌كو سه‌رۆكێ لژنا چاكسازيێ د ناڤ حزب و حكومه‌تێ دا ده‌ستنيشانكريه‌ و چار دادوه‌ر ژى دێ ل گه‌ل دابن.

باس به‌لاڤكريه‌ كو د ناڤ لژنا چاكسازيێ يا سه‌رۆك بارزانى پێكئيناى، دێ دادوه‌ره‌كێ نێڤده‌وله‌تى هه‌بيت كو ژ كه‌يسێ نێڤده‌وله‌تى و شه‌فافيه‌تا داهاتێ گشتى كار كريه‌.

سه‌فين دزه‌يى به‌حسێ چاكسازيه‌كا حوكمه‌تێ دكه‌ت

26/02/2016 13:42

380

ئه‌ڤرۆ نيوز:

سه‌فين دزه‌يى په‌يڤدارێ حوكمه‌تا هه‌رێما كوردستانێ راگه‌هاند كارێ جدى دهێته‌ كرن بۆ كێمكرنو كاراكرنا وه‌زاره‌تان و به‌رهه‌ڤى بهێنه‌ كرن بۆ كێمكرنا رووتينا دام و ده‌زگه‌هێن حكومه‌تێ و گۆت: حوكمه‌تا هه‌رێما كوردستانێ د چارچوڤێ چاكسازيان دا، دێ ده‌ستكاريا هه‌يكه‌لێ ئيدارى يێ دام و ده‌زگه‌هێن گشتى و كێمكرنا وه‌زاره‌تان كه‌ت.

بهايێ نه‌فتێ بلند بوو

26/02/2016 11:58

749

ئه‌ڤرۆ نيوز:

ئه‌ڤرۆ بهايێ نه‌فتێ د بازارێن جيهانى دا، بلند بوو و بهايێ ئێك به‌رميلا برينت ب 35.29 دولاران هاتيه‌ فروتن و بهايێ نه‌فتا خاڤ ژى ب 33.07 هاتيه‌ فروتن.

برياره‌ ل ناڤه‌راستا هه‌يڤا بهێت، جاره‌كادى ئوپێك كوم ببيت بۆ دياركرنا رێژا به‌رهه‌م ئينانا نه‌فتێ و ئێخستنه‌ بازارى.

سوبه‌ دێ باران باريت

26/02/2016 11:34

843

ئه‌ڤرۆ نيوز:

رێڤه‌به‌ريا گشتيا كه‌شناسى و بيڤه‌له‌رزا هه‌رێمێ راگه‌هاند كو سوبه‌هى دێ ل دهۆكێ ئه‌سمان ئه‌ور بيت و هنده‌ك ده‌مان ئه‌ڤ ئه‌وره‌ دێ زێده‌تر لێ هێن و ده‌ليڤا باران بارينێ ژى يا هه‌يى ب تايبه‌ت ده‌ڤه‌رێن چيايى.

نيشاندان 1...340 1,340 2,340 2,3492,3502,351...3,030 زێده‌تر

لاپه‌ر 2,350 ژ 3,030