NO IORG
نووترين نووچه
نووترين نووچه

ئەڤرۆ نیوز:
وەزیرێ دەڤەرێن کوردستانی یێن دەرڤەی ئیدارا ھەرێمێ، راگەھاند نوکە زێدەتر 90% ژ دەڤەرێن کوردستانی یێن دەرڤەی ئیدارا ھەرێمێ، یێن ل بن دەستێ پێشمەرگەی دا، ل گەلەک دەڤەران ژی ھێزا پێشمەرگەی سنۆرێن دروست یێن ھەرێما کوردستانێ یێن دیارکرین.
نەسرەدین سەعید زێدەتر گوت” جھێ دلخوەشیێ یە کو پشتی ئازادکرنا ھندەک دەڤەران ژلایێ ھێزا پێشمەرگەی ڤە ب تایبەتی شنگال، نوکە زێدەتر 90% ژ دەڤەرێن کوردستانی یێن دەرڤەی ئیدارا ھەرێما کوردستانێ یێن ل بن دەستێ پێشمەرگەی و ل گەلەک دەڤەران ھێزا پێشمەرگەی سنۆرێن دروست یێن ھەرێما کوردستانێ یێن دیارکرین.
نەسرەدینی خویاکر ژی” نوکە تنێ ھندەک دەڤەر ل دەشتا نەینەوا و چەند دەڤەرێن دەوروبەرێن شنگالێ و ھندەک دەڤەرل مەخموورێ یێن ماین کو بھێنە ئازادکرن و 100% ئاخا کوردستانێ ل بن دەستێ پێشمەرگەی دا بیت”.
ناڤبری ئاماژە دا وێ چەندێ” مە داخواز ژ حوکمەتا ھەرێمێ یا کری بلەز ڕیفراندۆم ل دەڤەرێن دەرڤەی ئیدارا ھەرێمێ بھێتە کرن، چونکی ل وان دەڤەران ھەموو تەخ و چوین و نەتەوە و ئاینێن جودا جودا ل بن سیبەرا پێشمەرگەی دا، ھەست ب ئێمناھیێ و ئاسایشێ دکەن و ژ ھێزا پێشمەرگەی د رازی نە، لەوما ھەکە ڕیفراندۆم ل وان دەڤەران بھێتە کرن، دێ خەلکێ وان دەڤەران دەنگی بۆ وێ چەندێ دەن کو دەڤەرێن وان ب فەرمی و قانوونی بزڤرن بۆ سەر ب ھەرێما کوردستانێ ڤە”.

ئه‌ڤرۆ نیوز: ڤه‌ده‌ر ره‌شاڤایی:
ژنه‌كا 28 سالی دایكا دو زارۆكان ل ویلایه‌تا ژێژیانگ یا چینی د شه‌ڤا سه‌رێ سالێ دا به‌رزه‌ بوو و كه‌سوكارێن وێ چ ژێ نه‌زانی، لێ پۆلیسێن چینی شیان چاره‌نڤیسێ وێ بزانن پشتی د كامیرێن چاڤدێریێ دا دیاربووی، ئه‌ڤ ژنه‌ بشه‌ڤ ل ده‌مێ برێڤه‌ دچوو د مۆبایلا خوه‌ د خه‌بتی و گه‌له‌كا مژیل بوویه‌ د ئه‌نجام دا كۆنترۆل ژ ده‌ست داییه‌ و كه‌ڤتیه‌ دناڤ ئاڤا رووباری دا و خه‌ندقییه‌.

ئه‌ڤرۆ نیوز: ڤه‌ده‌ر ره‌شاڤایی:
بوله‌نت توفه‌نكچی وه‌زیرێ بازرگانی و گۆمركێن توركیا راگه‌هاند كو ئه‌و دێ بزاڤا كه‌ن بۆ ڤه‌كرنا ده‌رازینكا سنۆرییا ئیبراهیم خه‌لیل ، هه‌كه‌ر ئاریشێن ئێمناهی نه‌هێنه‌ د رێدا، سوباهی یان د چه‌ند رۆژێن دووڤ دا دێ ده‌رازینكا سنۆری بۆ هاتنووچوونێ هێته‌ ڤه‌كرن.
ده‌رازینكا سنۆرییا ئیبراهیم خه‌لیل دناڤبه‌را هه‌رێما كوردستانێ و باكۆرێ كوردستانێ ل ناڤه‌راستا مه‌ها بۆری هه‌تا نها یا داخستییه‌ ژبه‌ر ره‌وشا ئێمناهیێ ل باژێرێ سلۆپی ل باكۆرێ كوردستانێ.
ژێده‌ر دبێژن  ژئه‌گه‌رێ ڤێ داخستنێ، مه‌هانه‌ هه‌رێما كوردستانێ دێ 20 ملیۆن دۆلاران ژ داهاتێ خوه‌ ده‌ست ده‌ت.

ئه‌ڤرۆ نیوز: ڤه‌ده‌ر ره‌شاڤایی:
ریچارد چارنێتسكی جێگرێ سه‌رۆكێ ئێكه‌تیا ئه‌ورۆپا د سه‌ره‌دانه‌كا فه‌رمی دا بۆ هه‌ولێرێ پایته‌ختا هه‌رێما كوردستانێ ژ ئالیێ جێگرێ سه‌رۆكێ په‌رله‌مانێ هه‌رێما كوردستانێ ڤه‌ هاته‌ پێشوازیكرن، و پاشی دگه‌ل مه‌سعود بارزانی سه‌رۆكێ هه‌رێما كوردستانێ كۆم بوو.
چارنێتسكی راگه‌هاند: یا پێدڤی بوو ئێكه‌تیا ئه‌ورۆپا ژ نێزیك ڤه‌ لسه‌ر ره‌وشا هه‌رێما كوردستانێ ئاگه‌هدار بیت، نها د ره‌وشه‌كا كاریگه‌ر دایه‌، بێی كوردستان ئه‌م نه‌شێین به‌حسێ ئاشتیێ ل ڤێ ده‌ڤه‌رێ بكه‌ین”.

ئه‌ڤرۆ نيوز، له‌زگين جۆقى:

د پرێسكۆنفرانسه‌كى دا ئه‌ڤرۆ رۆژا ئێكشه‌مبى رێكه‌فتى 3ى كانوونا دويێ 2016 سه‌رۆكێ لقا دهۆك يێ سه‌نديكا كرێكارێن كوردستانێ عيسا نسرى، دياركر كو ل سالا بۆرى 2015 ل سه‌رانسه‌رى پارێزگه‌هى 23 كارێكار بووينه‌ قوربانى و ژ وان ژى 13 كه‌سان گيانێ خوه‌ ژ ده‌ست دايه‌ و 11 بريندار بووينه‌.

عيسا نسرى گۆت: “سه‌نديكايێ 50 هزار كرێكار يێن هه‌ين و ژ وان  هه‌شت هزار يێن بيانى نه‌ و ل سالا بۆرى سێ هزار كرێكاران سه‌نديكا بجهـ هێلايه‌”.

ده‌رباره‌ى ژمارا كرێكارێن دابينكرى ژى گۆت: “ژمارا كرێكارێن دابينكرى دگه‌هيته‌ 8 هزار و 314 كرێكاران و ئه‌ڤ ساله‌ ژى ل سه‌رانسه‌رى پارێزگه‌ها دهۆكێ دو هزار و 95 كرێكار هاتينه‌ دابينكرن و يێن بيانى هزار و 32 هاتينه‌ دابينكرن و ل سالا بۆرى ژى 162 كرێكار هاتينه‌ دابينكرن”.

سه‌رۆكێ لقا دهۆكێ يێ سه‌نديكا كرێكارێن كوردستانێ گۆتژى: “كرێكارێن خانه‌نشينكرى يێ مووچه‌ى ژ حوكمه‌تێ وه‌ردگرن 150 كه‌سن و ل سالا 2015ێ ب تنێ هه‌شت كه‌س هاتينه‌ خانه‌نشينكرن”.

وەزیرەکێ بەرێ یێ حوکمەتا ھەرێما کوردستانێ وەلاتی و حوکمەتێ پشتڕاست دکەت، ھەکە وەزارەتا کارەبێ بدەنە دەستێ وی، دێ 24 دەمژمێران کارەبێ دەتە وەلاتیان و دیار کر، باشترین سیستەم بۆ کۆنتڕۆلکرنا کارەبێ و زێدەکرنا کارەبا نیشتیمانی بجھئینانا سیستەمێ ئەمپێڕە ل سەرانسەری ھەرێما کوردستانێ.

دووڤچوون، قائید میرۆ
د. ئدریس ھادی، وەزیرێ بەرێ یێ کارەبا ھەرێما کوردستانێ بۆ رۆژناما ئەڤرۆ راگەھاند، ل سەر دەمێ کابینا سیێ یا حوکمەتا ھەرێما کوردستانێ ئەز وەزیرێ کارەبێ بووم، وی دەمی ھەرێم دو ئیدارەبوو، بەھرا پارێزگەھێن ھەولێر و دھۆکێ زۆرا کێم بوو ژ کارەبێ، ب تنێ نێزیکی 80 میگاواتێن کارەبێ بۆ ھەردو پارێزگەھان دھاتنە بەرھەمئینان، وی دەمی من سیستەمێ ئەمپێڕ بجە ئینا و ئەگەر ئەف کارەبا وی سەردەمی بێ ئەمپێڕ ھاتبا بەلافکرن، ب تنێ دا دەمژمێرەکا کارەبێ ھەبیت، بەلێ مە سیستەمێ ئەمپێڕ بۆ ھەر مالەکێ چوار ئەمپێر دیاری کربوون و ئەم شیاین نێزیکی 15 دەمژمێرا کارەبێ بدەینە وەلاتیان.
زێدەتر گۆت: نوکە خواستەکا زێدە ل سەر کارەبێ ھەیە، بەلێ رێژەیەکا زۆرا کارەبێ ژی دھێتە بەرھەمئینان و ب شێوەیەکێ باش ناھێتە بەلافکرن، وەلاتی ژی پێگیری رێنمایێن کارەبێ نینن و ئەف کارەبا دگەھیتە مالێن وەلاتیان ھەموو دھێتە بکارئینان و ھەموو ئامیرێن کارەبێ دھێنە بکارئینان”.
وەزیرێ بەرێ یێ کارەبێ تایبەت بۆ دیار کر ژی” ب دیتنا من سیستەمێ ئەمپێڕ بۆ بەلافکرنا کارەبێ بھێتە بجە ئینان باشترین چارەسەرە، حوکمەت دشێت بۆ ھەر مالەکێ 25 ئەمپێڕ بھێنە دان ب شێوەیەکێ بەردەوام دێ کارەبێ گەھیتە وەلاتیان، ل گۆرەی ئەڤ بەرھەمێ کارەبێ یێ نوکە ھەی، ئەگەر سیستەمێ ئەمپێڕ بھێتە بجە ئینان، ئەڤە دێ شێن 24 دەمژمێران کارەب بگەھیتە وەلاتیان و بێ قوتکرن، ل گەل ڤێ چەندێ دڤێت وەلاتی ژی ھاریکاربن ل گەل وەزارەتا کارەبێ، چونکو ئەگەر وەلاتی ھاریکارنەبن، حوکمەت نەشێت کارەبێ ب دروستی بدەتە وەلاتیان، ئەم دزانین خەلکەکێ زۆر کارەبێ دزن و ب شێوەیێ نەقانوونی کارەب راکێشایە و پێدڤیە بھێتە کۆنتڕۆلکرن، ئەگەر ئەز جارەکا دی ڤەگەڕم وەزارەتا کارەبێ دێ شێم 24 دەمژمێرا کارەبێ دەمە وەلاتیان و یێ پشتڕاستم ژ ئاخفتنا خوە”.
ل دۆر زێدەکرنا بەرھەمێ کارەبێ د. ئیدریس ھادی گۆت “پێدڤیە سالانە حوکمەت بەرھەمێ کارەبێ زێدە بکەت، ژ بەر کو بەردەوام وەلاتی زێدە دبن و پێدڤی ب کارەبا زێدەتر ھەیە، بۆ زێدەکرنێ زۆر رێ ھەنە، ژ وان زێدەکرنا تۆڕێن کارەبێ و سەخبێرکرنا بەردەوام ھەبیت، ب تایبەتی ل تاخێن تێر قەلەبالغ، ھەروەسا زێدەکرنا وێستگەھێن 32 کەیڤی بۆ ڤەگوھاستنا کارەبێ، سالانە دیراسەتا زێدەبوونا رێژەیا وەلاتیان بھێتەکرن و بزانن چەند کارەبێ پێدڤیە، یا ژ ھەموویێ گرنگتر حوکمەت بۆ گەرمکرنێ سوتەمەنیێ بدەتە وەلاتیان و کارەب بۆ مەرەمێن گەرەمکرنێ نەھێتە بکارئینان، ئەز یێ پشتڕاستم ئەگەر ب ڤی شێوەی نوکە بیت حوکمەت نەشێت 24 دەمژمێران کارەبێ بدەتە وەلاتیان، بەرۆڤاژی دانانا سیستەمێ ئەمپێڕ دێ بەردوام کارەب بۆ وەلاتیان ھێتە دابینکرن”.

ئه‌ڤرۆ نيوز، نيوار محه‌مه‌د سه‌ليم:

رێڤه‌به‌ريا هاتنوچوونێ، پشكا هاتنوچوونا باتيفا داخوازێ ژ وه‌لاتيان دكه‌ت كو هه‌كه‌ ژ بوو كاره‌كێ فه‌ر نه‌بيت هاتنوچوونێ ل سه‌ر ڤان هه‌ردو رێيان نه‌كه‌ن.

رێڤه‌به‌ريا هاتنوچوونێ، پشكا هاتنوچوونا باتيفا ئه‌ڤرۆ رۆژا ئێكشه‌مبى رێكه‌فتى 3ى كانوونا دويێ 2016 راگه‌هاند كو هه‌كه‌ ژ بوو كاره‌كێ فه‌ر نه‌بيت بلا شوفێر هاتنوچوونێ ل سه‌ر رێيا زاخۆ باتيفا و باتيفا بێگوڤا نه‌كه‌ن و ب تايبه‌ت ب شه‌ڤ و سپێدێ ژ به‌ر كو جه‌مه‌ده‌كا زێده‌ دروست دبيت و جاده‌ يێن قه‌رسين.

پشكا هاتنوچوونێ باتيفا داخواز ژى ژ رێڤه‌به‌ريا سه‌خبێركرنا رێك و پرا ل دهۆكێ دكه‌ت كو ب ئه‌ركێ خوه‌ رابن و تيمێن خوه‌ زێده‌ بكه‌ن ژ به‌ر سلامه‌تيا وه‌لاتيان.

باتيفا باتيفا

فۆتۆ: ئه‌حمه‌د گۆلى
فۆتۆ: ئه‌حمه‌د گۆلى

ئه‌ڤرۆ نيوز:

رێڤه‌به‌ريا كه‌شناسى و بيڤه‌له‌رزێ ل دهۆكێ ئامارا بارينا به‌فرێ ل سنورێ پارێزگه‌ها دهۆكێ به‌لاڤكر كو ل كانى ماسێ و ده‌ركارێ ژ هه‌موو ده‌ڤه‌رێن دى يێن پارێزگه‌هێ باريه‌ و دبيته‌ 20 سم و ب گشتى ژى ب ڤى ره‌نگێ ل خوارێ يه‌:

ئەڤرۆ نیوز:
شیرەتکارێ ئاسایشا ئابووری ل وەزارەتا سامانێن سرۆشتی ل حوکمەتا ھەرێما کوردستانێ ئاشکراکر حوکمەتا ھەرێما کوردستانێ درەنگ دەست ب ھنارتنا غازا سرۆشتی کر بۆ دەرڤە و ھەکە سەردەریەکا باش ل گەل غازێ بھێـتەکرن دێ داھاتێ غازێ زێدەتر بیت.
د.بێوار خنسی زێدەتر بۆ بەرپەرێ بازار گۆت: مە غازا سرۆشتی گیرۆ ھنارت و ئەگەر مە ھێلا غازێ بەری پەترۆلێ چێکربا دا ئەڤرۆ شێن مووچێن خوە دەین و قەیرانا دارایی پەیدا نە دبوو، دووماھیا 2020 دێ بەرھەمێ غازێ بیتە 20 ملیار مەترێن چارگوشە، ھەکە سەردەیەکا جوان و باش ل گەل غازێ و رێڤەبرنا وێ بھێتەکرن دێ داھاتێ غازێ باشتر بیت ژ پەتۆلێ، ب مەرجەکی رێڤەبەریەکا باش بۆ بھێەدانان و کومپانیەکا باش سەردەریێ ل گەل بکەت پتر رێکخستن دناڤ دا ھەبیت.
ناڤبری گۆت: ھەکە سندوقا داھاتی بکەڤیتە کاری ئەوا ل پەرلەمانێ کوردستانێ دەنگ ل سەردای و سەرۆکێ ھەرێما کوردستانێ ئیمزاکری و پێدڤی بوو تەباخا ئەڤ سالە کەتبا کاری و گەلەک گیرۆبوو.
د.بێوار خنسی ھێشتا گۆت:تورکیا سالانە 48 ھزار مەترێن چارگوشە ژ غازێ بکار دھینیت،60% غازا وێ ژ رۆسیایە، 30% ئازربیجانێ یە، 30% ژ ئیرانێ یە، تەنگاڤیا نوکە پەیدا بووی و تێکچوونا پەیوەندیێن سیاسی و ئابووری دناڤبەرا رۆسیا و تورکیا دا بوویە ئەگەر کو دبیت فشار بکەڤیتە سەر غاز ژێ بھێتە برین و ئەڤە، کوردستانێ پێنچ ترلیۆن و 700 مەترێن چارگوشەغازێ ھەنە و ھەکە سالانە 10 ملیار مەترێن چار گوشە ژ غازێ بدەینە وەلاتێ تورکیا و ھەکە کار باشتر ل سەر بھێـتەکرن دێ یەدەکێ غازێ پتر لێ ھێت ژ پەترۆلێ وبڤی رەنگی تورکیا دشێت 33% غازا ڤێت ژ ھەرێما کوردستانێ پەیدا بکەت، چونکە تورکیا وەلاتەکێ لاوزە ب ژێدەرێن ئابووری و بتنێ ئاڤێ یا باشە و ھەکە ئەڤ پەیوەندیێن ئابووری پتر بھێنە خورتکرن و تایبەت سەردانا سەرۆکێ حوکمەتێ بۆ تورکیا دبینم دێ خالێن توخیبا و خالێن غازێ دێ ژ خالێن سەرەکی بیت، دیسا کا رۆلێ تورکیا دێ چ بیت ئەڤ تەنگاڤیا نوکە ھەرێم کەفتیە تێدا و خوشکرنا کاودانێن ئابووری و گەڤ ل سەر پەترۆلا ھەرێمێ ھەیە ئەڤا ژ تورکیا دەربازدبیت، دبینم سەرۆکێ حوکمەتا ھەرێمێ دێ داخاز ژ تورکیا کەت کو ئێمناھیەکا باش پەیدا کەت ل تورکیا و تایبەت ل کوردستانا باکور چونکە تێکچوونا کاودانێن ئەوان دەڤەران دێ کارتێکرنێ ل بزاڤا ئابووری یا ھەرێما کوردستانێ وەلاتێ تورکیا کەت ھێشتا گۆت:رێکخراوا ئوپێک وەک رێکخراوەکا شارەزا قەبارێ پەترۆلێ کریە ل بازارێ جیھانێ و پێدڤی یا خەلکی ب پەترۆلێ دیاربوویە کو ھەتا دووماھیی 2016 فاکتەرێن مرۆڤایەتی نەبنە ھوکار بھایێ پەترۆڵ گران نابیت و بتنێ ھندەک فاکتەر سرۆشتی ھەنە کو پەترۆل گران بیت، وەک توز و بارین و عەرد ھەژیان و زفستانەکا دژوار پەیدا بیت کو بیتە ھوکار پتر پەترۆل بھێـە بکارئینان و ئەڤە دێ بیتە ھوکار بھایێ پەترۆل بھێتە گرانکرن و ئەگەر ئەڤ روودانە ڤەکێشیت.
د. بێوار خنسی نەڤەشارت و گۆت: ل دووڤ پلانا وەزارەتا سامانێن سرۆشتی حوکمەتا ھەرێما کوردستانێ نوکە رۆژانە 700 ھزار بەرمیلێن پەترۆلێ دچنە دەرڤە، ھەکە چ گرفت نەبن و پلان وەک خوە برێڤە بچیت و ھێلا پەرۆلێ بھێـتە پاراستن و تایبەت سنورێ تورکی، دێ بیتە ئەگەر بەرھەمێ ھەتا ئادارا سالا 2016 بەرھەمێ پەترۆلا کوردستانێ بگەھیتە ئێک ملیۆن بەرمیلان، ھەکە وی دەمی بەرمیلا پەترۆلێ ب 37 ھەتا 40 دۆلاران ژی بھێتە فرۆتن نێزیکی 625 ملیۆن دۆلار دێ ھات ژێ پەیدا بیت وئەڤە دێ ڤالاھیەکا مەزن ژ مووچێ پرکەت، ئەگەر ئەڤ داھاتە بھێتە رێکخستن و رێڤەبەریەکا باشتر لێ بھێـتەکرن و ھەتا رادەکێ باش دێ قەیرانا ئابووری یا ھەرێمێ بەر ب چارەسەربوونێ چیت.

ئه‌ڤرۆ نيوز:

بەرپرسەکێ حوکمەتا ھەرێما کوردستانێ دیار کر کو ئەو ئەردێ بەرھەڤ بۆ بەلاڤکرنێ بەھرا ھەموو وەلاتیان ناکەت، لەو ب گەر گەرە و ل دووڤ خالان ل سەر وەلاتی و فەرمانبەرێن ھەتا نوکە مفادار نەبووین و گۆت: “چاڤەرێی بڕیار سەرۆکاتیا جڤاتا وەزیرێن ھەرێمێینە بۆ بەلاڤکرنا وان”.
سلێمان خالد بارزانی، سەرۆکێ لژنا باژێڕڤانی ل جڤاتا پارێزگەھا ھەولێرێ بۆ رۆژناما ئەڤرۆ ئاشکرا کر، ئەو پێزانینێن وەزیرا باژێڕڤانی و گەشت و گۆزارێ ل دۆر بەلاڤکرنا پارچێن ئەردی ل سەر وەلاتی و فەرمانبەران دا بەلاڤکرین، حوکمەتا ھەرێما کوردستانێ ھەتا نوکە چو پێزانینێن دی ئاشکرا نەکرینە و گۆت: “ب تنێ وەزیرا باژێڕڤانی و گەشت و گۆزارێ ئاماژە ب بەلاڤکرنا پارچێن ئەردی کریە، دیسا ب رێیا وەزارەتێن پەیوەندیدار ئامارەک بۆ وەلاتیێن کرێدار و فەرمانبەران ھاتیە دروستکرن و تۆمارکرن و بۆ سەرۆکایەتیا جڤاتا وەزیران ھاتیە بلندکرن، دا کو ب مەرەما دانا پارچێن ئەردی بۆ وان بڕیار ل سەر بھێتەدان”.
گۆتژی: “ئەز ب خوە دبێژم ھەتا بڕیار ل سەر نەھێتە دان، جھێ دلخۆشیێ نینە، چونکو کۆمکرنا پێزانینان و دروستکرنا ئامارێ چو مفا نینە، بەلکو بڕیار د دەستێ سەرۆکاتیا جڤاتا وەزیران دایە بۆ بەلاڤکرنێ، ھەردەمێ بڕیار ل سەر بەلاڤکرنا ئەردی ھاتەدان، وی دەمی دێ بزاڤێن بەلاڤکرنێ ھێنەکرن”.
سلێمانی ئاماژە ب وێ چەندێ ژی کر، ئەگەر بڕیارا بەلاڤکرنا ئەردی بھێتە دەرکرن، ب تنێ دێ ئەو ئەردێ بەرھەڤ ل سنوورێ باژێڕڤانیان دێ ھێتە بەلاڤکرن و گۆت: “ئەو ئەردێ بەرھەڤ بۆ بەلاڤکرنێ بەھرا ھەموو وەلاتی و فەرمانبەرێن مفادارنەبووین ناکەت، لەو دێ ل دووڤ خالان بیت و کێ پتر خال ھەنە جارا ئێکێ ئەو دێ چیتە د لیستا بەلاڤکرنا پارچێن ئەردی دا”.

website security
WP Facebook Auto Publish Powered By : XYZScripts.com