ئه‌ڤرۆ نيوز:
رێڤەبەرێ گشتیێ کۆنتڕۆلا کارەبا ھەرێما کوردستانێ ھایداری ل دۆر نەمانا کارەبێ ل پارێزگەھا دھۆکێ ددەت و ئاشکرا کر، ھەکە ھەتا سبەھی گاز نەگەھیت دێ رەوشا کارەبێ خرابتر بیت ژ نوکە.
ئومێد مەحەمەد رێڤەبەرێ گشتیێ کۆنتڕۆلا کارەبا ھەرێما کوردستانێ بۆ رۆژناما ئەڤرۆ گۆت “ھەکە ھەتا سبەی 4/1/2016ێ، حوکمەتا ھەرێما کوردستانێ گازێ بۆ وێستگەھێن دھۆکێ نەفڕێکەت ئەڤە دێ رەوشا کارەبێ ل پارێزگەھا دھۆکێ زۆر خراپتر بیت و پێدڤیە ل دەمەکێ زوو بەری چاری ھەیڤێ سامانێن سرۆشتی گازێ بۆ کارەبا دھۆکێ دابین بکەت، ھەتا بشێین کارەبا نیشتیمانی بدەینە وەلاتیان”.
رێڤەبەرێ گشتیێ کۆنتڕۆلا کارەبا ھەرێما کوردستانێ گۆت ژی”ل سەرجەمێ ھەشت یەکەیێن کارپێکری ب گازێ ل پارێزگەھا دھۆکێ، ژبەر نەبوونا گازێ پێنج یەکە ھاتینە دەرکرن ژ کۆنتڕۆلا ھەرێمێ، ئانکو پێنج یەکە کار ناکەن و تنێ سێ یەکە ماینە، ئەگەر گاز نەھێتە فڕێکرن، ئەڤە دێ دھۆک بێ کارەب مینیت و چ چارەسەری نینن”.
نيشاندان
