ئه‌ڤرۆ نیوز:
برێییا فرۆكان حكومه‌تا ئیراقێ چه‌ند هۆشداریی بۆ وه‌لاتیێن باژێرێ رومادی یا لبن كۆنترۆلا داعش به‌ردانه‌ڤه و تێدا ژێ هاتیه خاستن د 72 ده‌مژمێران دا باژێری بجهبهێلن.
ژێده‌ره‌كێ سه‌ربازیێ ئیراقێ خویاكر كو ئه‌ڤه ئاماژه‌كه كو ئۆپه‌راسیۆنا مه‌زن یا ئازادكرنا رومادی دێ ده‌ستپێكه‌ت.
ل حه‌فتییا بۆری سۆپایێ ئیراقێ راگه‌هاندبوو كو وان پێشڤه‌چوونێن باش ل چه‌ند ناوچێن رومادی كرنه.
ئه‌ڤرۆ نيوز:
ژێده‌ره‌كێ ژ وه‌زاره‌تا دارايى يا عيراقێ راگه‌هاند بانكا نێڤده‌وله‌تى ب مه‌رجه‌كێ قه‌ر يێن دايه عيراقێ كو حكوومه‌تا عيراقێ هه‌تا سێ سالێن دى، كه‌سێ نه‌دامه‌زرينيت و پسولێن كاره‌بانێ ژى گران بكه‌ت.
پرۆتۆكوله‌ك د ناڤبه‌را بانكا نێڤده‌وله‌تى و وه‌زاره‌تا داراييا عيراقێ هاتيه ئيمزاكرن كو عيراق دڤێت پابه‌ند بيت ب وێ يه‌كێ كو نابيت هه‌تا سێ سالێن دى 2015 – 2016-2017 كه‌سه‌كى دامه‌زرينيت، د به‌رامبه‌ر دا، بانكا نێڤده‌وله‌تى كوژمێ 1 مليار و 200 مليون دولار داينه حكومه‌تا عيراقێ بۆ چاره‌كرنا قه‌يرانا خوه يا دارايى و ژ ئه‌گه‌رێ ئه‌رزانبوونا بهايێ نه‌فتێ تووش بوويى.
ئەڤرۆ نیوز، ئەیاد بەرواری:
سەرۆک وەزیرێن تورکیا راگەھاند، ئەز ئاخڤتنێن فلادیمێر بوتینی یێن وەکو بچووکان ب رژد وەرناگرم و تنێ دگرنژم دەمێ گوە ل ئاخڤتنێن وی دبم.
ل دووڤ رۆژناما (ینی شەفەق) یا تورکی، ئەحمەد داود ئوگلۆ د بەرسڤا رۆژنامەڤانان دەمێ ژ برۆکسل دزڤری بۆ ئەنقەرێ ددا و دیاکر کو بوتینی ددەمێ سێ دەمژمێران دا داخۆیانی ددان و ھەموو ژی داخۆیانیێن بچووکان بوون و گوت” بوتین ب شێوەکێ سوڤیاتی دئاخڤیت نە وەکو سەرۆکێ روسیا کو ب شێوەکێ دیموکراتی ئەو وەلات دھێتە ب رێڤەبرن، ب دیتنا من بیرا بوتینی چو رۆژێن ھەوالگیریا روسی، دخوازم بێژمە وی ئەو رۆژ یێن بووینە رابردوو و ئەز تنێ دکەمە کەنی دەمێ گوە ل ئاخڤتنێن وی دبم”.
ئەڤرۆ نیوز، ئەیاد بەرواری:
ژ ئەگەرێ ئاگرەکێ مەزن ل بازارەکێ پایتەختێ تورکیا ئەنقەرە ئەڤرۆ ئێکشەمبی د ئەنجامدا 250 جھێن بازرگانی ب تمامی ھاتن سوتن.
ل دووڤ سایتێ (تورکیا پۆست)” ژێدەرێن ئەمنی دیارکرن کو ئەو ئاگرە بەربوو (بازارێ مللی یێ عوسمانی) ل دەڤەرا (کاتشی ئورن) ل ئەنقەرە و ددەمەکێ کێم دا ئەو 250 جھێن بازرگانی ھاتن سۆتن”.
ئه‌ڤرۆ نيوز، بارزان مزوورى:
د ڤيديويه‌كا گه‌له‌ك كێم وێنه دا كو ژ لايێ چه‌كدارێن داعش هاتيه گرتن، چه‌ند ترۆمبێلێن خوه‌كوژێن چه‌كدارێن داعش هێرشێ دكه‌نه سه‌ر ميحوه‌رێن پێشمه‌رگه‌ى.
د ڤێ ڤيديۆيێ دا ئاشكه‌را ژى دبيت كو ئه‌و به‌رى ترۆمبێلێن مينرێژكرى ب هنێرن بۆ ڤه‌شارتن ژ فرۆكان دوكێله‌كا مه‌زن ژى دروست دكه‌ن دا كو فرۆكه وان ژ ناڤ نه‌به‌ن.
ئەڤرۆ نیوز، ئەیاد بەرواری:
راپۆرتەکا ھەوالگیری دیاردکەت کو بنگەھێن ھێزا داعشێ ل پارێزگەھا نەینەوا ل دەڤەرێن کەمەرا نەینەوایە و ئەو رێکخستیە ھەبوونا خوە ل وان دەڤەران زێدەکریە دا بکەتە ھێلێن بەرگریێ، دیسا داعشێ پتر پشتەڤانی یا ل وان دەڤەران ھەی ژ سەنتەرێ باژێرێ مووسلێ.
دیسا راپۆرتا ناڤبری، کو (شەفەق نیۆز) بەلاڤکری دیاردکەت کو دەڤەرێن قەزا تلەعفەر جھێ ئاکنجیبوونا خێزانێن چەکدارێن داعشێ یە کو ئەو قەزایە ژی ئێک ژ بنگەھێن ھێزا داعشێ یە.
ل دووڤ وێ راپۆرتا ھەوالگیری” داعش نەشێت کونترۆلا دەڤەرێن سەنتەرێ نەینەوا بکەت، چونکی ھژمارا وەلاتیێن پشتەڤانیا داعشێ نەکەن یا بوویە رێژەکا مەزن و داعش باش دزانیت کو ل گەل پێشڤەچوونا ھێزێن ئەمنی، ئەو رێکخستیە ھەر ل دەستپێکێ دێ گەلەک دەڤەران ژ دەست دەت، دیسا گەلەک چەکدارێن وێ دێ ژ رێزێن وێ دەرکەڤن، چونکی پتریا کەسێن گەھشتینە داعشێ ژبەر پارەی و دەستھەلاتێ یێن گەھشتینێ”.
راپۆرتا ناڤبری دبێژیت” ھندەک یێن ھەین کو باوەری یا ب ھزرا داعشێ ھەی ژ عیراقیان و یێن دی و ئەو دێ ل گەل داعشێ مینن کو یێن ل دەڤەرێن کەمەرا نەینەوا و یێن ل تلەعفەر کو جھێ کۆمڤەبوونا وان و خێزانێن وانە”.
ل دۆر داعشێن نەینەوا، راپۆرتا ھەوالگیری خویا دکەت” کونترۆلا داعشێ یا تمام نینە و پتر گرنگیێ ب کۆمکرنا پاران و چێکرنا چەکی و ھنارتنا وی بۆ دەڤەرێن پارێزگەھا سەلاحەدین و ئەنبار و کەمەرا نەینەوا”.
ئەو راپۆرت بەحسێ ناحیێن گەیارە و حەمام عەلیل و شۆرە و گوندێن سەف ئەلتوت و سفیە و خفسان و گەلەک گوندێن دی دکەت کو دەڤەرێن تەپەسەرکری نە ژبەر مشەبوونا کریارێن کوشتنێ و دەربەدەرکرنێ و دەستەسەرکرنا خانیێن وەلاتیان و راپۆرت دیاردکەت کو ھێرشێن ئەسمانی ب شێوەکێ مەزن ل سەر وان دەڤەران نەھاتینە کرن و داعش د کۆک نینن ل گەل وەلاتیێن وان دەڤەران، چونکی دزانن ل گەل ھاتنا ئێکەمین ھێزا ئەمنی، وەلاتیێن وان دەڤەران دێ شورشێ دژی داعشێ کەن.
ل دووڤ وێ راپۆرتێ، پتریا چەکدارێن داعشێ خەلکێ گوندانە کو داعش وەکو دەستکەفتەک ب خوە دزانیت، ژبەر کێمیا تێگەھشتن و رەوشەنبیریا وان، بەلێ ل سەنتەرێ نەینەوا ئەوژی باژێرێ (مووسلێ) یە، ھژمارا پشتەڤانێن داعشێ گەلەک دکێمن، چونکی پتریا وان د تێگەھشتی و رەوشەنبیرن و شاشیێ ژ راستیێ ژێک جۆدا دکەن و مووسل دێ ژ دەڤەرێن ئێکێ بیت کو دێ بلەز ژ دەستێ داعشێ ھێتە دەر ل گەل دەڤەرێن باشوورێ مووسلێ، چونکی داعشێ زورداریەکا مەزن ل وان دەڤەران و ئاکنجیێن وان یا کری کو نوکە د بەرھەڤن ھەڤکاریێ ل گەل ھێزێن ئەمنی بکەن بۆ ژناڤبرنا داعشێ.
ئه‌ڤرۆ نيوز:
دوهى 19ى كانوونا ئێكێ وه‌زاره‌تا دارايى و ئابوورى ل حوكمه‌تا هه‌رێما كوردستانێ خشتێ نوو يێ به‌لاڤكرنا مووچێ فه‌رمانبه‌ران بۆ هه‌يڤا ئيلۆنێ راگه‌هاند.
د راگه‌هاندنه‌كا فه‌رمى دا، كو وێنه‌ك ب ده‌ست ئه‌ڤرۆ نيوز كه‌فتيه، تێدا هاتيه: د به‌رده‌واميا پرۆسا به‌لاڤكرنا مووچه‌ى دا، وه‌زاره‌تا درايى و ئابوورى ل حوكمه‌تا هه‌رێما كوردستانێ رۆژا دوشه‌مبى 21ى كانوونا ئێكێ يا 2015ێ مووچێ هه‌يڤا ئيلۆنێ يێ كاروبارێن پێشمه‌رگه‌ى ل حوكمه‌تا هه‌رێما كوردستانێ به‌لاڤ كه‌ت.
ئەڤرۆ نیوز:
یانا بەرشەلۆنا یا ئیسپانی شیا بوو جارا سێ ب ناسناڤێ موندیالا یانێن جیھانی بھێتە خەلاتکرن پشتی ئەڤرۆ شیای د یاریا دووماھیا موندیالێ دا سەرکەفتنێ ل سەر یانا رێڤەرپلێت یا ئەرژەنتینی توماربکەت ب سێ گولان بێ بەرامبەر.
ھەرسێ گولێن یانا کەتەلونی ژلایێ یاریکەران سوارێز دو گول و مێسی گولەک، ب ڤی ناسناڤێ یانا بەرشەلۆنا شیا ناسناڤێ خوە یێ چارێ ل سالا ٢٠١٥ ب دەستخوڤە بینت پشتی ھەر ئێک ژ قارەمانیا چامپیونس لیگا ئورۆپا، سوپەرا ئورۆپی ھەردیسان ناسناڤێ وەرزێ بوری یێ خۆلا لیگا ئیسپانی .
ئه‌ڤرۆ نيوز:
گه‌را سيێ يا ناڤێن زانكۆ لاين هاته راگه‌هاندن و ئه‌و قوتابيێن ناڤێن وان نه‌هاتين دشێن ل ناڤێن خوه بگه‌رن و ته‌ماشه بكه‌ن كا هاتينه يان نه.
بۆ ديتنا ناڤێن خوه ڤێره كليك بكه:
ئه‌ڤرۆ نيوز:
شه‌ش بيڤه‌له‌رزان، باژێرێ پاوه يێ سه‌ر ب پارێزگه‌ها كۆمانشان ل رۆژهه‌لاتێ كوردستانێ هه‌ژاند و هه‌تا نوكه زيانێن بيڤه‌له‌رزێ نه‌هاتينه زانين.
ب گۆره‌ى ئه‌و پێزانينێن ميديا ئيرانى به‌لاڤكرين، ئه‌ڤرۆ ل ده‌مژمێر 5ى سپێدێ هه‌تا 12 نيڤرۆ شه‌ش جاران بيڤه‌له‌رزێ ل باژێرێ پاوه يێ سه‌ر ب كرمانشانێ دايه.
پله‌يا ڤان بيڤه‌له‌رزان د ناڤبه‌را 2.4 بۆ 4 پله دابوويه ل دووڤ پيڤه‌رێ ريخته‌ر، خه‌لكێ باژێرى ژى هه‌ست ب ڤان بيڤه‌له‌رزان كريه و ترس ژى كه‌فتيه دلێ وان.
نيشاندان