NO IORG
نووترين نووچه
نووترين نووچه

2102
پشتى ل ناڤه‌راستا ڤێ هه‌يڤێ بهايێ په‌ترۆلێ گه‌له‌ك هاتيه‌ خوار، جاره‌كا دى بهايێ په‌ترۆلێ بلند بوو ڤه‌
ب گۆره‌ى راپۆرتا ئاژانسا رۆيترز بهايێ په‌ترۆلێ ل بازارێن جيهانێ بلندبوونه‌كا نوو ب خوه‌ ڤه‌ تۆماركر، ئه‌و بلند بوون ژى د ده‌مه‌كى دايه‌ كو به‌رى نوكه‌ بهايێ په‌ترۆلێ ل بازاران د بن 28 دۆلاران دابوو.
ئاژانسێ ئاماژه‌ ب وێ چه‌ندێ كريه‌ كو نها بهايێ ئێك به‌رميلا په‌ترۆلا برێنت د بازاران دا ب 34 دۆلار و 74 سه‌نتابه‌، د ده‌مه‌كى دا ل ناڤه‌راستا ڤێ هه‌يڤێ بۆ 27 دۆلار و 10 سه‌نتان هاتبوو خوار، ئه‌ڤه‌ ژى مه‌زنترين هاتنه‌ خوار بوو ژ 2003ێ وه‌ره‌، بهايێ به‌رميله‌كا په‌ترۆلا خاڤ ژى 34 دۆلار و 40 سه‌نته‌.

865

ئه‌ڤرۆ نيوز:

به‌له‌مه‌كا دى يا ب 100 كۆچبه‌ر ل ده‌ريا ئيجه‌ به‌رزه‌ بوو و فيدراسيۆنا كۆچبه‌ران ژى گۆمان يا هه‌يى كو ئه‌و به‌له‌م نقۆم ببيت.

ب گۆره‌ى پێزانينان د ئه‌وێ به‌له‌مێ دا وه‌لاتيێن باشوورى و رۆژئاڤايێ كوردستانێ ل گه‌ل هنده‌ك وه‌لاتيێن سورى يێن تێدا.
فيدراسيۆنا كۆچبه‌ران ژى ده‌رباره‌ى چاره‌نڤيسێ به‌له‌مێ راگه‌هاند: گۆمان دهێته‌ كرن كو ئه‌و به‌له‌م بن ئاڤ ببيت.
پۆليسێن ده‌رياى يێن يونا ژى ده‌ست ب گه‌ريا ل دووڤ به‌له‌ما به‌رزه‌ دا كريه‌، به‌لێ هه‌تا نوكه‌ نه‌شياينه‌ وێ به‌له‌مێ ببينن.

285

ئەڤرۆ نیوز، بارزان مزووری:
باقر جەبر زوبەیدی، وەزیرێ ڤەگوھاستنا عیراقێ د رێورەسمێ سال یادا 70ێ یا دەمەزراندنا ھێلا ئاسمانی یا عیراقێ ل بەغدا راگەھاند: گرێبەستا وەرگرتنا فرۆکا د گەل کۆمپانیا “بوینگ” ل سالا 2008 ھات بوو ئیمزا کرن، ژڤان بوو کو ئەڤ سالە بگەھنە عیراقێ، بەلێ ژبەر کەڤنیا مودێلا وان ل سالا 2017 جورێ نووتر دێ گەھنە عیراقێ.
ناڤبری دیار کر کو کۆمپانیا “بوینگ” رەزامەندیا خوە دیار کریە کو ل سەر گورینا گرێبەستێ ئەو فروکە د سالا 2016 دا نەگەھنە عیراقێ چونکو ئەوێن د گرێبەستێ دا ئیمزا کرین مودێلا وان دکەڤن بوون، ئەوێن ل سالا 2017 بگەھن ژبەر کو فروکێن نووتر ژ وی جوری بۆ عیرقێ فرێ کەن.
ناڤبری گۆت: ” ئەو فروکەیێن دێ فرێ دکەت ژ جورەکێ نوو یە، وان فروکا ئامیرەک تێدایە ژینگەھی د پارێزیت، ژبلی ژمارا کورسیان پتری یێن مودێلا کەڤنن ژمارا وان 60 کورسی نە”.
مێژوویا دامەزراندنا ھێلا ئاسمانی یا عیراقێ بۆ 18 ئادارا 1938 د ڤەگەریت دەمێ فروکەڤانێن عیراقێ رێنما دان بۆ کرینا سێ فروکەیێن ژ جورێ “دارکن رابید” ئەو فروکە ل 1 تەشرینا ئێکێ 1938 گەھشتنە بەغدا.

516

ئه‌ڤرۆ نيوز:

رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا پێنجشه‌مبى رێكه‌فتى 31ى كانوونا دويێ يا 2016ێ ئه‌سمان دێ ساهى و هنده‌ك ئه‌ورێن كێم بيت.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه‌ كرينه‌ راگه‌هاند كو ژ ئه‌نجامێ هاتنا فشارێن نزمێن ده‌ريا سۆر بۆ سه‌ر هه‌رێما كوردستانێ دهێته‌ پێشبينيكرن ئه‌سمان دێ ساهى و هنده‌ك ئه‌ورێن گه‌له‌ك كێم بيت.

پشكا پێشبينيان دايه‌ زايه‌ زانين كو دێ ئاراستێ باى ژى دێ باشوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 10 كم دا و هنده‌ك و ماوێ ديتنێ ژى 10 بۆ 20 كم بيت، پلێن گه‌رمێ ژى دێ د ناڤبه‌را (0 بۆ 10) پلان دا بيت.

2817

ئه‌ڤرۆ نیوز ، نه‌وزاد زاده‌ هلۆرى:
ل گوره‌ى پرۆژه‌یێ پێشنیاره‌كریێ هێزێن پێشمه‌رگه‌ى چوو كوژمێن موچه‌یان بو وان ناهێنه‌ پاشكه‌فتن و فه‌رمانبه‌رێن پله‌ ئێك ژى دێ ئێك لسه‌ر چوارێ یا موچه‌یێن وان هێته‌دان ، و راوێژكاره‌كێ حكومه‌تا هه‌رێمى ژى ل وێ باوه‌رێ یه‌ كو سیسته‌مێ نویێ موچه‌ى دادگه‌ریه‌كا زور تێدا هه‌یه‌.
لگوره‌ى پروژێ پێشنیاركرى ل بارا پاشكه‌فتنا موچه‌یێ هه‌یڤانه‌یا فه‌رمانبه‌ران كو شاره‌زا و بسپورێن وارێ ئابوورى كو ماموستایێن زانكویێ دارژتیه‌ و ئاراسته‌یێ لیژنا داهات و خه‌رجیان یا حكومه‌تا هه‌رێما كوردستانێ هاتیه‌كرن هێزێن پێشمه‌رگه‌ى چوو كوژمێن موچه‌یان بو ناهێنه‌ پاشكه‌فتن و موچه‌یێن هێزێن نافخوه‌ و هێزێن ئاسایشى ژى دێ ل گوره‌ى پله‌یێن وه‌زیفی دێ موچه‌یێن وان هێنه‌ پاشكه‌فتن كو ژ 5% ده‌ستپێ دكه‌ت هه‌تاكو دگه‌هیته‌ 20% ، و ل بارا پله‌دارێن وه‌زاره‌تا نافخوه‌ و هێزێن ئاسایشێ ئه‌و دى َوه‌كو فه‌رمانبه‌رێن مه‌ده‌نى موچه‌یێن وان پاشكه‌ڤیت.
ده‌رباره‌ى موچه‌یێ فه‌رمانبه‌رێن پله‌یێن تایبه‌ت بى ( b) دێ 70% ژ سه‌رجه‌مێ گشتیێ موچه‌یێن وان پاشكه‌ڤیت.
وه‌زاره‌ت و ئه‌ندامێن په‌رله‌مانى و سه‌روكێ دیوانا سه‌روكاتیان ئه‌وێن كو پله‌یا A ب خوڤه‌ دگرن دێ 75% ژ موچه‌یێ وان پاشكه‌ڤیت.
ده‌رباره‌ى موچه‌یێن پله‌یێن نزم ( 8.10.9) دێ كێمترین موچه‌ بۆ وان پاشكه‌ڤیت، و بو ڤى َمه‌ره‌مێ ژى سێ پێشنیار هاتینه‌كرن ، ئه‌و فه‌رمانبه‌رێن موچه‌یێن وان 300 هزار دینار كێمتره‌ چوو كوژمه‌كێ پاره‌ێ وان پاشكه‌ڤیت، و پێشنیارا دوویێ و سێیێ ئه‌وه‌ كو فه‌رمانبه‌رێن موچه‌یێ وان ژ 400 هزار دینار یان ژى 500 هزا دیناره‌ دێ موچه‌یێ ژى پاشكه‌ڤیت..
پێشنیاره‌كا دن ئه‌وه‌ كو ئه‌و فه‌رمانبه‌رێن موچه‌یێ وان ژ ملیون دیناران كێمتره‌ 20% یا موچه‌یێ وان پاشكه‌ڤیت، كو ئه‌و ژى پله‌یێن ( 5.6.7) بخوڤه‌ دگریت.
ل گه‌ل پاشكه‌ڤتنا موچه‌یێ فه‌رمانبه‌ران بریار هاتیه‌دان كو ئه‌و فه‌رمانبه‌رێن ده‌رماله‌یێن نه‌ ژ هه‌ژى وه‌ردگرن بهێنه‌ برین ، و ل گه‌ل ژێوه‌رگرتنا ناڤ و نیشانێن وه‌زیفیێن فه‌رمانبه‌رێن نه‌قانونى .
ل گوره‌ى ئاماره‌كا حكومه‌تا هه‌رێما كوردستانێ سه‌رجه‌مى َموچه‌خورێن حكومه‌تا هه‌رێما كوردستانێ ( 1401215 )فه‌رمانبه‌رن و ژ وێ رێژه‌یێ ( 466719 ) هزار فه‌رمانبه‌رێن هه‌میشه‌یى و سه‌ربازینه‌.
هژمارا فه‌رمانبه‌رێن سه‌ربازى ژى ( 348221 ) هزار فه‌رمانبه‌رێن كو دكه‌تن48% فه‌رمانبه‌رێن هه‌میشه‌ی ، و یا فه‌رمانبه‌رێن مه‌ده‌نى ( 387141 ) ژى دكه‌ته‌ 52%.
هه‌ر ل گوره‌ى ئاماره‌كا حكومه‌تا هه‌رێمێ ( 32 ) هزار فه‌رمانبه‌رێن گرێبه‌ست و ( 428873 ) هزار فه‌رمانبه‌رێن چاڤدێری و بیمه‌یا جڤاكى و كه‌س و كارێن شه‌هیدان و ( 229972 ) هزار فه‌رمانبه‌رێن خانه‌نشینێن هه‌میشه‌یى هه‌نه‌.
سه‌رجه‌مێ گشتیێ هه‌یڤانه‌یا موچه‌یێ فه‌رمانبه‌رێن هه‌رێما كوردستانێ ( 765 ) ملیار دیناره‌ ، و ژ وێ رێژه‌یێ ژى ( 671 ) ملیار دینار بو فه‌رمانبه‌رێن هه‌میشه‌یێن مه‌ده‌نى و سه‌ربازى نه‌.
ده‌رباه‌رى موچه‌یێن خانه‌نشینان هه‌یڤانه‌ ( 109 ) ملیار دیناره‌ كو دگه‌هیته‌ 16% ژ موچه‌یێ گشتى ، و گرێبه‌ست ژى ( 16 ) ملیار دیناره‌ و ئه‌و ژى دگه‌هیته‌ 2% ژ موچه‌یێ گشتى ، و چاڤدێرى و بێمه‌یا جڤاكى و كه‌س و كارێن شه‌هیدان ژى ( 69 ) ملیار دیناره‌ كو ئه‌و ژى دكه‌تن 8%ژ سه‌رجه‌مێ گشتیى َموچه‌یى.
ل گه‌ل پێشنیاركرنا پاشكه‌ڤتنا موچه‌یێن فه‌رمانبه‌ران پێشنیار هاتیه‌كرن ل گه‌ل زێده‌بوونا داهاتیێ حكومه‌تێ و بلندبونا بهایێ په‌ترولێ دێ رێژه‌یا پاشكه‌ڤتنا موچه‌یێ فه‌رمانبه‌ران هێـته‌ كێمكرن.
ئاراس قادر راوێژكارێ كارگێرى و دارایی ل ئه‌نجومه‌نا وه‌زیران ئاماژه‌ ب وێ یه‌كێ كر كو حه‌فتیا بهێت ئه‌نجومه‌نا وه‌زیران دێ بریارێ لسه‌ر پێشنیاركرنا پاشكه‌ڤتنا موچه‌ی ده‌ت و دوڤدا دێ هێته‌ ڤه‌گوهاستن بو وه‌زاره‌تا دارایى ب مه‌ره‌ما دیاركرنا رێژه‌یا پاشكه‌ڤتنێ.
ئاراس قادر گۆت ژى : ( ژبلى پاشكه‌ڤتنا موچه‌یێ فه‌رمانبه‌ران بریار ژى هاتیه‌دان كو لیژنه‌ك ل پارێزگه‌هان ژى بهێته‌ پێكئینان ب مه‌ره‌ما دانانا بهایى لسه‌ر كه‌لوپه‌لێن خوارنێ و پێدڤیێن وه‌لاتیان )

197

ئەڤرۆ نیوز:

بەرپرسێ بنگەھێ بەرەڤانیا باژێری ل بەردەرش راگەھاند، بەردەرەش دکەڤیتە دناڤبەرا دو رووباران دا و ساڵانە چەندین حالەتێن خەندقینی ھەنە و ھەتا نھا چو غەواس نینن گەنجان ژ خەندقینێ رزگاربکەن و گۆت: ب بەراورد ل گەل سالێن بەری نھا، خەندقین بەر ب کێمبوونێ چوویە و ل سالا بۆری ب تنێ سێ کەس خەندقینە.
بەردەڕەش, ئەو ناڤێ ب ناحیە زێدەتر دھێتە نیاسین، ژ بەر کۆ ل ساڵا 1890 بوویە ناحیە و ل ساڵا 2007 بوویە قەزا, لێ ژ لایێ خزمەتگوزاریان ڤە زێدەتر ژ ناحیەکێ دچیت نەک قەزایان و ھندەک ڕێڤەبەریێن گرنگ ژی لێ نینن و خەلکێ وێ قەستا قەزا ئاکرێ دکەت, لێ دکەڤیتە دناڤبەرا دو رووباران دا و ساڵانە چەندین حالەتێن خەندقینی ھەنە و ھەتا نھا چو غەواس نینن و بەرپرسێ بنگەھێ بەڕەڤانیا باژێری ژی دیار کر، پێدڤیە مە غەواس ھەبن، لێ ھێشتا ئەم بنگەھین و نەبووینە ڕیڤەبەری.
بەرپرسێ بنگەھێ بەرەڤانیا باژێری ل بەردەرش بۆ ئەڤرۆ گۆت: د ساڵا بوری دا ب تنێ سێ کەس خەندقینە و بەراورد ل گەل سالێن بەریا وێ زور کێمترن, ژ بەر کۆ ساڵ ھەبوون پێنچ ھەتا حەفت کەسان د خەندقین.
ئەفسەرێ بنگەھی رائید عوسمان حەمە عەبدوڵا گۆت ژی: مە چو غەواس نینن ل دەڤەرا بەردەرٍەش کۆ دکەڤیتە دناڤبەرا دو رووباران دا و ل قەزا ئاکرێ بۆ مە غەواس دھێن ل دەمێ ھەبوونا ھەر خەندقینەکێ دا.
ئەفسەرێ بنگەھێ بەرەڤانیا باێری ھێشتا گۆت: ئەم بەردەوام رێنمایان بەڵاڤ دکەین ل سەر رووباران و بەریا چەند سالام ژی مە 10 تابلۆیێن ھوشیاری ل سەر رووباری ل جھێن جودا جودا دانان، لێ ئەو دەە تابلو نەگەھشتنە ھەیڤەکێ دا و ھەموو ژ لایێ خەلکێ گۆندێن نێزیک رووباری ھاتنە راکرن.
ئەمین سالح ژی ئاکنجیەکێ بەردەڕەشە گۆت: تشتێ گرنگ پڕانیا خەلکی پێدڤی دبن ل ڤێرە نینە, ب تنێ چەند ڕێڤەبەریەکێن کێم ھەنە و یێن دن ھەموو بنگەھن و دیار کر: ھەبوونا غەواسا گەلەک یا گرنگە ل قەزا بەردەڕەش کۆ دکەڤیتە دناڤبەرا دو رووباران دا و ساڵانە ئەم دبینین و مە گۆە لێ دبیت کۆ ھندەک کەس ب رۆژا دمیننە بن ئاڤێ، ژ بەر کۆ جھێن بترس و کوورن غەواس نەبن، خەلکێ دی شیان نینە تەرمێن بن ئاڤ کەفتیان بینن دەر.

1511

ئەڤرۆ نیوز:
ل سەر ھەر دونەمەکا ئەردی 100 دارێن زەیتوونان دھێنە چاندن و بەرھەمێ ھەر دارەکێ ژی ل گۆرەی تەمەنێ وێ یە، بەلێ ب گشتی ل سەر ئاخا عیراقێ ھەر دارەکا زەیتوونێ ب کێمی پێنچ کیلۆیێن زەیتوونان دھاڤێژیت و ھندەک دارێن خودان تەمەن ھەنە ھەتا 30 کیلۆیان ژی دھاڤێژیت و ھەر تەنەکا زەیتوونان 200 لیترێن زەیتا زەیتوونان ژێ دھێنە بەرھەمئینان.
حسێن کەریم، رێڤەبەرێ گشتیێ رەزگەری و دارستان و پاوانێ ل ھەرێما کوردستانێ بۆ ئەڤرۆ دیار کر، ئەڤە ماوەیەکە وەزارەتا چاندنێ و ژێدەرێن ئاڤێ ل ھەرێما کوردستانێ کارەکێ جدی د پێشخستنا بەرھەمێ زەیتوونان و زەیتا وان دا دکەت و بۆ ڤێ مەرەمێ ژی گرێبەستەک ل گەل کونسۆلگەریا ئیتالیا گرێدایە و وی وەلاتی ب خوە ژی بریاردایە کارگەھەکا تایبەت ب بەرھەمئینانا زەیتا زەیتوونان ل ھەرێما کوردستانێ بدامەزرینیت و گۆت: کونسولخانا ئیتالیا 790 ھزار یۆرۆ بۆ ڤێ مەرەمێ تەرخانکرینە.
ناڤبری ئاماژە دا وێ چەندێ، بەری نھا حوکمەتا ھەرێما کوردستانێ بریار دابوو چار کارگەھێن زەیتا زەیتوونان ل ھەرێما کوردستانێ ب دامەزرینیت، بەلێ ژ ئەگەرێ قەیرانا دارایی، پرۆژێ دانانا وان چار کارگەھان ھاتیە راگرتن و گۆت: نھا ب تنێ کونسولخانا ئیتالیا پارە ل بەر دەست ھەیە بۆ جێبەجێکرنا پرۆژێ خوە و دانانا کارگەھەکا بەرھەمێ زەیتا زەیتوونا ل ھەرێما کوردستانێ و ل نێزیک دێ جھەک بۆ وێ کارگەھێ ھێتە دەستنیشانکرن و کار تێدا ھێتە کرن.
حسێن کەریم ئەو یەک ژی دیار کر، نھا ل ھەرێمێ نێزیکی 20 ھزار دۆنەمێن ئەردی کو ب دارێن زەیتوونا ھاتینە چاندن ھەنە و پتر ژ دو ملیۆن دارێن زەیتوونان تێدا ھەنە و گۆت: ئیسپانیا ئێکەم وەلاتە ل جیھانێ بۆ بەرھەمئینانا زەیتوونان و بەرھەمێ وی وەلاتی د سالەکێ دا دگەھیتە حەفت ملیۆن تەنان.
ڤەکۆلینێن زانستی ئاشکرا دکەن کو خوارنا دو کاچکێن زەیتا زەیتوونان د ھەر رۆژەکێ دا، مرۆڤی ژ نەخۆشیێن دلی دوور دکەت و مرۆڤی ژ پەنجەشێرێ دووردکەت و پیستێ مرۆڤی دپارێزیت و کولیسترۆلێ د ناڤ خوونا مرۆگی دا کێم دکەت و شەکرێ رێکدئێخیت و ئازارێن رۆماتیزمێ کێم دکەت.

132

ئەڤرۆ نیوز:
ئەندامەکێ لیژنا ساخلەمیێ ل پەرلەمانێ کوردستانێ بۆ ئەڤرۆ دیار کر کو پرۆژی زێدەکرنا داھاتی و باشترکرنا خزمەتێن ساخلەمیێ و دەستنیشانکرنا خالێن لاواز و پێشنیاز بۆ چارەسەرکرنێ ھاتە بەرھەڤکرن بۆ ئەنجومەنێ وەزیران ھاتە رەوانەکرن
د. عەبدولا جاسم ئەندامێ لیژنا ساخلەمیێ ل پەرلەمانێ کوردستانێ دیار کر کو پێشنیاز ھاتە کرن ھەیکەلێ وەزارتا ساخلەمیێ بھێتە گوھۆرین و ھندەک دەستە و رێڤەبەریێن گشتی ل سەر بھێنە زێدەکرن وەکو رێڤەبەریا گشتی بۆ ساخلەمیا گشتی و خزمەتێن خوە پاراستنێ و نوشداریا خێزانێ و رێڤەبەریەکا تایبەت بۆ دانا مۆلەتان و ئیدارێن نەخۆشخانە و بنگەھێن ساخلەمیێ بھێتە دانان و دەزگەەَی دەرمان و خۆراکی ل ھەرێمێ بھێـتە دانان و دروستکرنا دەستەیا بیما ساخلەمیێ.
ئەندامێ لیژنا ساخلەمیێ ل پەرلەمانێ کوردستانێ خویا ژی کر کو نەخۆشخانێن مودرێن ئامیرێن پێشکەفتی ھەنە و چ ئاریشە نینن، لێ وەکو پێدڤێ مفا ژێ ناھێتە وەرگرتن، چونکو ب تنێ ل دانێ سپێدی بۆ ماوێ سێ دەمژمێران کار پێ دھێتە کرن و گۆت “پێشنیاز دکەین سیستەمێ نیمچە بھێتە دانان، ب تایبەتی ل کەرتێ حکوومی پشتی دەواما سپێدەھیان و ب بھایەکێ گونجای خزمەتا نەخۆشان بھێتە کرن و ئاریشە د ژمارا نوشداران دا نینە، بەلێ ئاریشە یا د شێوازێ بەلاڤکرنا نوشداران دا ھەی”.
د. عەبدولا جاسم ئاشکرا ژی کر کو کڕینا دەرمانان ل رێڤەبەریێن گشتی دھێتە ئەنجامدان پێشنیاز دکەن سیستەمێ مەرکەزی بۆ کڕینا دەرمانان و ھەموو پێدڤیێن نوشداری بھێتە دانان ب مەرجەکی سەر وەزارەتێ ڤە بیت و نەخۆشخانێن تایبەت مفایەکێ مەزن وەردگرن پیشنیاز ژی دکەن رسومات و باج ژ نەخۆشخانێن تایبەت بھێنە وەرگرتن.
ھەروەسا ئەندامێ لیژنا ساخلەمیێ ل پەرلەمانێ کوردستانێ راگەھاند کو ئەکتیفکرنا ھاریکاریێ ژلایێ ھندەک دەزگەھێن خێرخوازی ڤە بۆ دەزگەھێن ساخلەمیێ و داخوازا پشتەڤانیێ و قەرزان ژ رێکخراوێن نێڤدەولەتی بھێتە کرن و زێدەکرنا گۆمرکێ ل سەر کەلوپەلێن خوارن و ڤەخوارنێ و بکارئینانێ یێن زیانێن ساخلەمیێ دگەھیتە وەلاتیان و زێدەبارێ دەرێخستنا چەندین قانوونێن تایبەت ب ساخلەمیێ ڤە بۆ خزمەتکرن و زێدەکرنا داھاتیێ ساخلەمیێ.

3777

ئەڤرۆ نيوز:
ژبەر نەبوونا میلاکی و دانەمەزراندنا مامۆستایان، وەزارەتا پەروەردا حوکمەتا ھەرێما کوردستانێ نڤێسەرێن قوتابخانان دێ کەتە مامۆستا.
ژێدەرەکی ژ وەزارەتا پەروەردا حوکمەتا ھەرێما کوردستانێ ئاشکرا کر کو وەزیرێ پەروەردێ نڤیسارەک بۆ ھەموو رێڤەبەریێن گشتی یێن پەروەردێ ل پارێزگەھێن دھۆک، ھەولێر، سلێمانی و ئیدارا گەرمیان ھنارتیە و داخواز ژێ کریە کو ھژمارا نڤێسەرێن سنوورێ پەروەردێن خوە بۆ وان بھێنێرن داکو ئەوێن باوەرنامێن وان د باش بکەنە مامۆستا و ھەمان ژێدەر بۆ باسنیۆز گۆت: “ئەو نڤێسەرێن ناڤێن وان بۆ وەزارەتا پەروەردێ دھێنە ھنارتن زۆری لێ ناھێتەکرن و دشێن ل دووڤ حەزا خوە ڤی کاری بۆ خوە ب ھەلبژێرن ژبەر ڤێ چەندێ وەزارەتا پەروەردێ دێ چەندین خولێن تایبەت بۆ وان ڤەکەت داکو بشێن وانان بێژن”.

2509

ئەڤرۆ نیوز:
د چارچوڤێ وان گوھۆرینێن بەردەوام یێن د ناڤ دامودەزگەھێن حوکمەتا ھەرێما کوردستانێ دا دھێنەکرن دوھی 27/1/2016 د رێورەسمەکی دا ب ئامادەبوونا بەھزاد علی ئادەم، جێگرێ پارێزگارێ دھوکێ و جێگرێ پارێزگەری بۆ کاروبارێن تەکنیکی و قایمقامێ قەزا دھۆکێ رێڤەبەرێ نوو یێ فەرمانگەھا بەلاڤکرنا بەرھەمێن سۆتەمەنیێ ل پارێزگەھا دھوکێ ئەندازیار (موحسن تەھا محمد) ل شوونا (یوسف نوری سەعدوللا) دەست بکاربوو.
بەھزاد علی ئادەم، جێگرێ پارێزگارێ دھوکێ د پەیڤەکێ دا پیرۆزباھی یا رێڤەبەرێ نوو یێ فەرمانگەھا بەلاڤکرنا بەرھەمێن سۆتەمەنیێ ل پارێزگەھا دھۆکێ کر و پشتەڤانیا کارگێریا پارێزگەھێ بۆ کارێ وی یێ نوو نیشان دا و گۆت: “دەست خوەشی یێ ل رێڤەبەرێ بەرێ یێ فەرمانگەھا بەلاڤکرنا بەرھەمێن سۆتەمەنیێ دکەم بۆ وان کار و خزمەتا ل سالێن دەربازبووی پێشکێشکری”.
ل دووماھیێ ناڤھاتی گۆت: “گوھۆرین د ناڤ دەزگەھێن حوکمەتا ھەرێما کوردستانێ دا پروسەکا بەردەوام و ئاساییە داکو خزمەتا گشتی باشتر بھێتە کرن”.

نيشاندان1...3701,3702,3702,3792,3802,381...3,023زێده‌تر لاپه‌ر 2,380 ژ 3,023
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : [email protected]
website security
© Copyright 2021 - Rojnameya Evro - Powered by Kurdo Plus
774 queries in 0.338 seconds.
WP Facebook Auto Publish Powered By : XYZScripts.com