ئه‌ڤرۆ نيوز:

سه‌رۆك وه‌زيرێن توركيا راگه‌هاند، د ئاماده‌ نينن هێزێن خوه‌ ژ عيراقێ ڤه‌كێشن هه‌تا ئه‌وى ده‌مێ باژێرێ مووسل دهێته‌ ئازادكرن و چو گه‌ف ل سه‌ر تيرۆرستان ل عيراقێ نه‌مينن.

ئه‌حمه‌د داود ئوغلۆ سه‌رۆك وه‌زيرێن توركيا د چارچۆڤێ كۆمبوونا كۆتلا په‌رله‌مانى يا دادوگه‌شه‌پێدان كو دوهى 23ى كانوونا ئێكێ يا 2015ێ ب رێڤه‌چوو، راگه‌هاند: ئه‌نقه‌ره‌ نه‌ ژ ئه‌ردێ عيراقێ ده‌رناكه‌ڤيت، به‌لكو بزاڤێ دكه‌ت هه‌بوونا خوه‌ يا له‌شكرى موكمتر لێ بكه‌ت و هه‌تا وى ده‌مێ مووسل دهێته‌ رزگاركرن دێ د به‌رده‌وام بن ل مه‌شقكرنێ ب هێزێن پێشمه‌رگه‌ى و هێزێن عيراقى.

ئەڤرۆ نیوز، ئەیاد بەرواری:
ئەڤرۆ سپێدێ پەقینەک ل فرۆکخانەکا نێڤدەولەتی ل ستانبۆلێ روودا و و بریندار د وێ پەقینەدا یێن ھەین.
ل دووڤ ئاژانسا (ئەنادۆل) یا دەنگوباسان یا تورکی، ئەو پەقین ل فرۆکخانا (سەبیحە گوتشان) ل رەخێ ئاسیا یێ ستانبۆلێ روودا و دو کەس بریندارکرن و ھەتا نوکە ئەگەرێ وێ پەقینێ نەھاتیە زانین.
ژلایێ خوەڤە ئاژانسا (ئیخلاس) یا دەنگوباسان دیارکر کو ئەو پەقین ل پشکا بەراھیێ یا فرۆکەکێ روودا، کارکەرەکێ فرۆکخانێ ژی خویاکر کو وی گوە پتر ژ پەقینەکێ یا بووی.

ئه‌ڤرۆ نيوز:

هه‌ڤسه‌رۆكێ هه‌ده‌پێ ل گه‌ل وه‌زيرێ ده‌رڤه‌ يێ رۆسيا ل مۆسكۆ كۆمبوو و دانوستاندن ل سه‌ر چه‌ند پرسان كر.

پشتى شه‌ڤا بۆرى گه‌هشتيه‌ مۆسكۆ، ئه‌ڤرۆ رۆژا چارشه‌مبى 23ى كانوونا ئێكێ يا 2015ێ سه‌لاحه‌دين ده‌ميرتاش هه‌ڤسرۆكێ پارتيا ديموكراتا گه‌لان HDP ل گه‌ل سێرگى لاڤرۆڤ، وه‌زيرێ ژ ده‌رڤه‌ يێ رۆسا كۆمبوو.

پشتى كۆمبوونا وان، ده‌ميرتاش راگه‌هاند: “بۆ چاره‌كرنا هه‌ڤركێن ناڤبه‌را توركيا و رۆسا يێن هاتين، په‌يوه‌نديه‌كا مێژووى يا د ناڤبه‌را مۆسكۆ و ئه‌نقه‌ره‌ دا هه‌ى و هيڤيا مانا وان په‌يوه‌نديان دكه‌ين”.
ده‌رباره‌ى خسته‌خوارا فرۆكا رۆسى ژ لايێ له‌شكرێ توركيا ڤه‌ ده‌ميرتاش گۆت: “خستنه‌ خوارا فرۆكا رۆسى ژ لايێ توركيا ڤه‌ خه‌له‌تى بوو”.
ژ لايێ خوه‌ ڤه‌ سێگى لاڤرۆڤ وه‌زيرێ ده‌رڤه‌ يێ رۆسا راگه‌هاند: دڤێت مافێن كوردان ل عيراقێ و سوريا د پاراستى بن”، دا زانين ژى كو خستنه‌ خوارا فرۆكا وان ژ لايێ توركيا ڤه‌ ب فه‌رمانا ده‌سته‌لاتدارێن ئه‌نقه‌ره‌ بوو.