ئەڤرۆ نیوز : کاروان باعەدری :
ل ھەولیرێ گرێبەستەکا ھاریکاریێ دناڤبەرا پێکھاتەیا ھەرێمێ دا ھەتا گرێدان
کاوە عیدۆ خەتاری ئێک ژبەشداربووێن ڤێ گریبەستا ھاریکاریێ بۆ ئەڤرۆ نیوز گۆت : ئەڤ گرێبەستە دێ دناڤبەرا دەزگاھیێن پێکھاتەیێن ھەرێمێ (مەسیحیا و ئێزدیان و سابیئە و مەندائی و کاکائی و بەھائی و شەبەک ) ژبۆ ھاریکاریا دەزگەھان دا ھاتە گرێدان بۆ کاروچالاکیێن ھۆنەری و رەوشەنبیری و پتر پەیوەندیان دناڤبەرا وان د ادا کو پتر ماڤێن خۆی یێن مرۆڤایەتی ب دەست ڤە بینن .
ئەڤرۆ نیۆز، قائید میرۆ:
ئەف شەڤە حەفت چەکدارێن داعش ل گوندێ نەسر یێ قەزا مەخموور خوە رادەستی ھێزێن پێشمەرگەیکر ل گوندێ سولتان عەبدولا.
ژێدەرەکی ژ ھێزێن پێشمەرگەی ب ئەڤرۆ نیۆز راگەھاند” دەمژمێر ١٢ی ئەف شەڤە حەفت چەکدارێن داعش ل گوندێ نەسر یێ میحوەرێ مەخموور خوە رادەستی ھێزێن پێشمەرگەیێ کوردستانێ کرو ڤەکۆلین دگەلدا دھێتەکرن.
ژێدەری گۆتژی” ددەمێ نوکەدا ھژمارەک چەکدارێن دی یێن داعش نێزیکی سەنگەرێن پێشمەرگەی بووینە و دخوازن خوە رادەستی پێشمەرگەی بکەن، بەلێ ژبەر کو گەرەنتی نینە ئایا ماددێ تەقینێ دگەلدایە یان نە، ئەوژی دێ ھێنە دەستەرکرن .
ئەڤرۆ نیوز: کاروان باعەدری:
ئەڤرۆ ل فرۆکخانەیا ھەولیرا پایتەخت د رێ و رسمەکى دا ب حازربوونا پەلەمانتار و چەندین کەسان پیشوازی ل تەرمێن هه‌ر ئێك ژ “دەخیل مراد” خەلکێ شنگالێ و “ئالان حەمە ئەمین” ژ دۆکان ھاتە کرن.
راگەھاندنا بنگەھێ لالش ل ھەولیرێ دیارکر: ئەڤ ھەردو کەسە د وێ ترۆمبێلێ دابوون ئەوا ل نەمسا ئەوا ئۆکسجین تیڤە نەمای ل ٢٤-٨-٢٠١٥ێ.
ئێک ژ وان خەلکێ شنگارێ و یێ دی خەلکێ دۆکانە. و ئەڤ جەنازنە ب ھاریکاریا نۆینەرێ حکومەتا ھەرێمێ ل نەمسا و ب سەرۆکێ حکومەتا ھەرێمێ نێچیرڤان بارزانی بوو گەھشتنە ھەرێمێ .
ئه‌ڤرۆ نيوز:
به‌ره‌ڤانيا باژێرى ل دهۆكێ راگه‌هاند كو ئه‌ڤرۆ رۆژا ئه‌ينى تيمێن وان يێن هه‌وارهاتنێ شيان مه‌ترسيێ ل سه‌ر تاخێ سه‌رهلدان ل شێلادزێ راكه‌ن ئه‌وا ژ ئه‌نجامێ بارينا بارانه‌كا زۆر په‌يدا بووى.
رائيدێ مافپه‌روه‌ر، بێوار عه‌بدولعه‌زيز، به‌رپرسێ پشكا راگه‌هاندنێ ل رێڤه‌به‌ريا به‌ره‌ڤانيا باژێرى ل پارێزگه‌ها دهۆكێ بۆ ئه‌ڤرۆ نيوز گۆت: “ئه‌ڤرۆ رۆژا ئه‌ينى رێكه‌فتى 30ى چريا ئێكێ ل ناحيا شێلادزێ، تاخێ سه‌رهلدان ژ ئه‌گه‌رێ بارانه‌كا زۆر مه‌ترسى ل سه‌ر چه‌ند مالان درۆست بوو”.
رائيدێ مافپه‌روه‌ر زێده‌تر گۆت: “خۆشبه‌ختانه كارمه‌ندێن مه شيان ب ره‌نگه‌كێ باش كونترۆلا روودانێ بكه‌ن بێ كو چو زيان بگه‌هنه وه‌لاتيێن وى تاخى”.
ئەڤرۆ نیوز : کاروان باعەدری:
ژێدەرەکى ژناڤ ھێزێن پێشمەرگەی بۆ ئەڤرۆ نیوز گۆت : ل رۆژھەلاتێ باژێرێ موسلێ ٣٥ کەسان خۆ رادەستێ ھێزێن پێشمەرگەی کرن شه‌ش کەس ژ وان پشتی ڤه‌کۆلینی دەست ل گەل داعشێ ھەبوون.
ژێدەری دیار کر ژى: د دەمێ دا کو رادەست کەن بۆمبەک پێڤە پەقیا سێ ژوان ھاتنە کوشتن و گەلەک ژێ برینداربوون .
ئه‌ڤرۆ نیوز: ڤه‌ده‌ر ره‌شاڤایی:
سترانبێژ ده‌لال زاخۆیی هه‌رێما كوردستانێ به‌ره‌ڤ ئه‌ورۆپا بجه هێلا، لێ پشتی به‌له‌ما ئه‌و و هه‌ڤژینا خوه تێدا نقۆم بووی، بكۆته‌ك بساخی ژ ئاڤا ده‌ریا ئیجه قورتال بوون.
پشتی سێ حه‌فتیان ل توركیا ده‌لال زاخۆیی ل نیڤاشه‌ڤێ سیاری به‌له‌مه‌كێ بوو به‌ره‌ڤ گزیرته‌كا یونانی.
زاخۆیی ل كه‌مپا لێسبۆس ل یونان بۆ ئاژانسا ئه‌سۆشیه‌تد پرێس گۆت: به‌له‌م گه‌له‌ك یا بچووك بوو، بتنێ جهێ 100 كه‌سان تێدا دكر، لێ قاچاخچییا ڤیا 300 كه‌سان لێ سیار كه‌ن، ده‌مێ مه خوه نه‌رازیكری كو گه‌له‌ك خه‌لكێ د به‌له‌مێ دا، شۆفێرێ به‌له‌مێ ته‌قه كره ئاسمانی و گۆت ئه‌ڤه نه خه‌لكه ، مافیایه”
” ل ده‌مێ به‌له‌م نێزیكی كنارێ لێسبۆس ل یونان بووی، پێلێن مه‌زن یێن ئاڤێ به‌له‌م شه‌ق كر، ئه‌م دو ده‌مژمێران د ئاڤێ دا ماین، من هه‌ڤژینا خوه و چه‌ند هه‌ڤال رزگار كرن، لێ گه‌له‌ك خه‌لك تێدا بوون، خه‌لك پێش چاڤێن مه مرن.”
زاخۆیی چیرۆكا خوه ڤه‌گێرا لده‌مێ به‌رهه‌ڤی دكرن بۆ بده‌ستڤه‌ئینانا به‌لگه‌یان بمه‌ره‌ما بجههێلانا گزیرتا لێسبۆس به‌ره‌ڤ ناڤه‌راستا یونان پاشی به‌ره‌ڤ باكۆرێ رۆژئاڤا ئه‌ورۆپا.
ناڤهاتی به‌لگه‌یێن پێدڤی ئه‌ڤرۆ رۆژا ئینی 30 مه‌هێ بده‌ستڤه‌ئینان پشتی شڤێدی دو به‌له‌م د ده‌ریا ئیجه‌دا نقۆم بووی و كه‌له‌خێ زارۆكان هاڤێتیه به‌ر كنارێن ده‌ریایێ.
ده‌لال زاخۆیی دیاركر كو وه‌لات بجهـ هێلایه ژبه‌ركو به‌رهه‌مێ كارێ وی وه‌ك سترانبێژ ل هه‌رێما كوردستانێ ل كێمیێ دایه و گۆت: هیڤیا منه بگه‌هینه ئه‌لمانیا و سترانان بۆ كوردان ل وێرێ بێژم.”
ئەڤرۆنیۆز، ئەیاد بەرواری
وەزیرێ ئاسایشا ئیسرائیلی یێ بەرێ راگەھاند، رەڤین ژ رۆژھەلاتا ناڤین، ئانکو رۆژھەلاتا ناڤینەکا نوو کو ب سەدان ھزار کەس وەلاتێن خوە بجە دھێلن تایبەتی سووریێ و بەربەر ب ئورۆپا ڤە دچن و ملیۆنا کەسێن دی ھەموو بزاڤان بۆ بجە ھێلانا رۆژھەلاتا ناڤین دکەن.
موشێ ئارنس وەزیرێ بەرێ یێ ئاسایشا ئیسرائیلی د گۆتارەکێ دا ل رۆژناما ( ھائارتس) یا ئیسرائیلی دبێژیت” نە تنێ ئەو مال و ئەردێ خوە بجە دھێلن، بەلکو یێ ژێیاتیا خوە یا نیشتمانی ژی دھێلن و ئایدیۆلۆژیاتان ل دەف وان چو گرنگیا خوە نینە ل بەرامبەر مەترسیا ل سەر ژیانا وان ھەی”.
موشێ زێدەتر دبێژیت”ئەو وەلاتێن دەستکرد ئەوێن ژلایێ وەلاتێن زلھێز ھاتینە دامەزراندن پشتی شەڕێ جیھانیێ ئێکێ، یێن بەر ب نەمانێ ڤە دچن، ئەڤ چەندە ل سووریێ و عیراقێ دھێتە روودان و ل گەل نەمانا سووریێ و عیراقێ، ئایدیۆلۆژیێن نەتەوی یێن فەرمی یێن عیراقی و سووری ژی نامینن”.
خویاژی دکەت” دبیت ھندەک وەلاتێن دی یێن عەرەبی ل رۆژھەلاتا ناڤین ژ ئەگەرێ توندرەویا ئیسلامی ل دەڤەرێ، ژناڤ بچن و دێ رۆژھەلاتەکا ناڤین یا نوو ھێتە دروستکرن”.
ب دیتنا ڤی وەزیرێ ئیسرائیلی یێ بەرێ تنێ ئوردن وەکو وەلاتەکێ جھگیر ل دەڤەرێ مایە و دبێژیت” ھەتا نوکە تنێ دەزگەھێن ئەمنی یێن ئوردنی یێن شیاین ل بەرامبەر توندرەوێن ئیسلامی ب راوەستن “.
ئه‌ڤرۆ نیوز: ڤه‌ده‌ر ره‌شاڤایی:
ئه‌لمانیا بریار دا گه‌هشتنا كۆچبه‌ران بۆ وی وه‌لاتی كو هه‌تا نها بدرێژییا سنۆرێ لگه‌ل نه‌مسا یا ڤه‌كری بوو، سنۆردار كه‌ت.
وه‌زاره‌تا ناڤخۆییا ئه‌لمانیا دا خویاكرن كو گه‌هشتنا كۆچبه‌ران بۆ 5 خالێن سنۆری لگه‌ل نه‌مسا هاته سنۆردار كرن، بۆ وێ یه‌كێ پێلا كۆچا بكۆم بهێته كۆنترۆلكرن، بریار هه‌ر نها دێ چیته جهێ بجهئینانێ دا.
ل ڤێ حه‌فتیێ وه‌زیرێ ناڤخۆیێ ئه‌لمانیا تۆماس دێ مێیزیێر ره‌خنه ل نه‌مسا گرتبوون بۆ هنارتنا كۆچبه‌ران بێ هۆشداری بۆ سه‌ر سنۆرێ دناڤبه‌را هه‌ردو وه‌لاتان دا كو 800 كیلۆمه‌تران یێ درێژه.
ئەڤرۆنیۆز، ئەیاد بەرواری:
رۆژنامەکا کوێتی ئاشکراکر کو وەزیرێ دەرڤەیێ عیراقێ دەمێ پەنابەر ل بریتانیا مووچێ پەککەفتیا عەقلی وەردگرت.
رۆژناما (السیاسە) یا کوێتی ل دووڤ ھندەک ژێدەران ژ بالیۆزخانا عیراقێ ل بریتانیا دیارکر، بریتانیا ئەو مووچە بۆ دکتۆر ئیبراھیم جەعفەری سەرۆک وەزیرێن بەرێ یێ عیراقی (٢٠٠٥ – ٢٠٠٦) و وەزیرێ دەرڤەیێ نوکە یێ عیراقێ د مەزاخت ژبەر رەوشا وی یا دەروونی یا ب زەحمەت کو ژبەر وێ رەوشێ ھاتە ھنارتن بۆ لژنەکا نوژداری یا تایبەتمەند کو راپورتا خوە یا دووماھیێ بەرچاڤکری و تێدا دیارکری کو جەعفەری یێ د حالەتا ھیستیریا دژوار دا وژبەر رەوشا وی نابیت کار بکەت و مووچەک ژی بۆ بھێتە مەزاختن کو ئەو مووچە ھەتاکو ژناڤچوونا رژێما بەعس ل ٢٠٠٣ ێ وەردگرت.
رۆژناما کوێتی دیارکر ژی، جەعفەری١٢ سال ل بریتانیا بۆراندن و دوان سالان دا کارێ نوژداریێ نەدکر سەرەرای کو ئەو دەرچوویێ کولیژا نوژداری یە ل زانکویا مووسل ل سالا ١٩٧٣ ێ، ژ بەر کو د ئەزموونا دەروونی دا ب سەرنەکەفتبوو و ل بریتانیا کارێ ئایینی دکر ل گەل وەلاتیێن عیراقی ئەوێن ژ بریتانیا و وەلاتێن ئەسکەندەنافی قەستا حەجێ دکر و چو کارێن سیاسی و نوژداری نەدکرن.
رۆژناما ناڤبری خویاکر ژی، دەمێ خانەنشینەکێ دەروونی دبیتە سەرۆکێ حوکمەتێ ل وەلاتەکێ تژی نەخوەشێن دەروونی وەکو عیراقێ، ھوون ھزر بکەن چ کارەسات و موسیبەتە.
ئەڤرو نیوز،بارزان مزووری
ژێدەرەک ژ ھێزێن پێشمەرگەیێن فوجا 2 لیوا 12 ل میحوەرێ مەخمور بو مالپەرێ ئەڤرو نیوز ئاشکرا کر کو ئەڤرو سپێدێ 30ى چريا ئێكێ ژ نیشکەکێ ڤە 12 چەکدارێن تیرورستێن داعش خو رادەستێ پێشمەرگەیێن فوجا 2 لیوا 12 ل میحوەرێ مەخمور کرن.
ناڤبری دیار کر کو ھەر 12 ژوان بێ چەک بون رەگەز عەرەب بون ئەڤە ماوەیەکێ درێژ دناڤ رێزێن داع شدا بون وەک چەکدارێن داعش ،
ناڤبری گوت کو لدوڤ گوتنێن وان گوت کو ھێزا داعش لاواز بویە ترسەک ل ناڤ وان دروست بویە روژانە چەکدارێن وان خو ل ھێزێن وان ڤەدزن بو دەرڤەی مووسل د رەڤن.
نيشاندان