سه‌ره‌كى نووترين نووچه

ئه‌ڤ به‌رپرسێ مه‌زنێ داعش هاته‌ كوشتن

23/12/2015 12:43

150

ئه‌ڤرۆ نيوز، بارزان مزوورى:

عسمه‌ت ره‌جه‌ب، به‌رپرسێ لقا 14 يا پارتى ديموكراتى كوردستان ل مووسل بۆ ئه‌ڤرۆ نيوز راگه‌هاند كو دوهى ئێڤارى 22ى كانوونا ئێكێ يا 2015ێ، ته‌رمێ ئوسامه‌ يه‌حيا حيجاز سه‌رۆكێ باژێرڤانيا مووسل يێ رێكخستيا داعش و ئێك ژ سه‌ركردێن مه‌زنێن داعش گه‌هشته‌ نوشداريا داد ل نه‌خۆشخانا مووسل.

گۆتژى: “ئه‌و ژ ئه‌نجامێ بۆردۆمانێن پێشمه‌رگێ كوردستانێ بۆ سه‌ر باشيكێ هاتيه‌ كوشتن كو ل گه‌ل ژماره‌كا زۆر يا چه‌كدارێن داعش و فه‌رمانبه‌رێن خوه‌ بوو”.

به‌رپرسێ لقێ مووسل يێ پارتى ئاماژه‌ ب وێ چه‌ندێ ژى كر كو نوكه‌ داعش حه‌فتيناما “جريدة الانباء” ده‌رخستيه‌ و ل گه‌ل وێ رێ ناده‌ن چو رۆژنامه‌ و حه‌فتينامه‌ ل مووسل ده‌ربچن.

رۆسيا: دڤێت مافێن كوردان ل عيراق و سوريا د پاراستى بن

23/12/2015 11:59

344

ئه‌ڤرۆ نيوز:

هه‌ڤسه‌رۆكێ هه‌ده‌پێ ل گه‌ل وه‌زيرێ ده‌رڤه‌ يێ رۆسيا ل مۆسكۆ كۆمبوو و دانوستاندن ل سه‌ر چه‌ند پرسان كر.

پشتى شه‌ڤا بۆرى گه‌هشتيه‌ مۆسكۆ، ئه‌ڤرۆ رۆژا چارشه‌مبى 23ى كانوونا ئێكێ يا 2015ێ سه‌لاحه‌دين ده‌ميرتاش هه‌ڤسرۆكێ پارتيا ديموكراتا گه‌لان HDP ل گه‌ل سێرگى لاڤرۆڤ، وه‌زيرێ ژ ده‌رڤه‌ يێ رۆسا كۆمبوو.

پشتى كۆمبوونا وان، ده‌ميرتاش راگه‌هاند: “بۆ چاره‌كرنا هه‌ڤركێن ناڤبه‌را توركيا و رۆسا يێن هاتين، په‌يوه‌نديه‌كا مێژووى يا د ناڤبه‌را مۆسكۆ و ئه‌نقه‌ره‌ دا هه‌ى و هيڤيا مانا وان په‌يوه‌نديان دكه‌ين”.
ده‌رباره‌ى خسته‌خوارا فرۆكا رۆسى ژ لايێ له‌شكرێ توركيا ڤه‌ ده‌ميرتاش گۆت: “خستنه‌ خوارا فرۆكا رۆسى ژ لايێ توركيا ڤه‌ خه‌له‌تى بوو”.
ژ لايێ خوه‌ ڤه‌ سێگى لاڤرۆڤ وه‌زيرێ ده‌رڤه‌ يێ رۆسا راگه‌هاند: دڤێت مافێن كوردان ل عيراقێ و سوريا د پاراستى بن”، دا زانين ژى كو خستنه‌ خوارا فرۆكا وان ژ لايێ توركيا ڤه‌ ب فه‌رمانا ده‌سته‌لاتدارێن ئه‌نقه‌ره‌ بوو.

ب وێنه‌: مه‌وليدا پێغه‌مبه‌رى “س” ل هه‌ولێر

23/12/2015 11:50

202

ئه‌ڤرۆ نيوز، رێوار مزوورى:

ئه‌ڤرۆ رۆژا چارشه‌مبى ل سه‌رانسه‌رى جيهانا ئيسلامى رۆژا ژدايكبوونا پێغه‌مبه‌رێ ئيسلامێ محه‌مه‌د سلاڤێن خودێ ل سه‌ر بن هاته‌ گێران و ئێك ژ وان جهان ژى پايته‌ختێ هه‌رێما كوردستانێ هه‌ولێر بوو.

ڤيديۆ: بارزانى پشكدارى د رێوره‌سمێن ژ دايكبوونا پێغه‌مبه‌رێ ئيسلامێ دا كر

23/12/2015 11:38

228

ئه‌ڤرۆ نيوز:

ئه‌ڤرۆ رۆژا چارشه‌مبى رێكه‌فتى 23ى كانوونا ئێكێ يا 2015ێ، مه‌سعود بارزانى سه‌رۆكێ هه‌رێما كوردستانێ پشكدارى د ساخكرنا رێوره‌سمێن ژدايكبوونا پێغه‌مبه‌رێ ئيسلامێ سلاڤ ل سه‌ر بن، ل پيرمام دا كر.

5 سالێن زیندانێ و 20 ھزار دۆلار یێ ئاھەنگا کریسمسێ بگێریت

23/12/2015 11:20

340

ئەڤرۆ نیوز، ئەیاد بەرواری:
حوکمەتا برۆنای گێرانا ئاھەنگان ب ھەلکەفتا کریسمسی ل وەلاتیێن موسلمان قەدەغەکر و زیندانکرنا پێنج سالی و سزایا 20 ھزار دۆلاران دێ ل سەر ھەر کەسەکێ ئاھەنگێ ب وێ ھەلکەفتێ بگێریت دێ ھێنە سەپاندن.
ل دووڤ رۆژناما (ئەندبندت) یا بریتانی “حوکمەتا برۆنای ڕێ یا دایە مەسیحیان و یێن ئاینێن دی ئاھەنگان ب ھەلکەفتا جەژنێن خوە بگێرن بێ وەرگرتنا دەستووریێ ژ حوکمەتێ”. بەلێ ڕێ دایە وان ئاھەنگان تنێ ل مالێن خوە و ل دێران بگێرن دوور ژ موسلمانان.
رۆژناما بریتانی گوت ژی” حوکمەتا برۆنای ئاھەنگا گێرانا موسلمانان ب کریسمسی قەدەغەکر ژبەر کو ئەو چەندە وەکو توندرەوی و ڕێیەکا نەباش بۆ موسلمانان ھژمارت و ئەو بریارە ھاتە دەرکرن پشتی وەرگرتنا رازیبوونا زانایێن ئایینێ ئیسلامی و سەرکردێن ئیسلامی ل وەلاتێ برۆنای”.
وێ رۆژناما بریتانی دیارکر ژی کو حوکمەتا وی وەلاتی ھوشداری دایە خەلکێ برۆنای کو چاڤ ل ھەلگرێن ئاینێن دی نەکەن، چونکی دێ کارتێکرنێ ل رێنمایێن ئاینێ ئیسلامی کەت.
ژلایێ خوەڤە وەزارەتا کاروبارێن ئاینی ل برۆنای، ھەوەکا پشکنینێ ل جھێن فرۆشتنا کەلوپەلێن تایبەت ب جەژنا کریسمسی ئەنجامدایە، ژبۆ دوپاتکرنێ ل سەر نە فرۆتنا وان بۆ کولاڤێن سانتا کرۆز و ھەر کەلوپەلەکێ گرێدای ب وێ ھەلکەفتێ ڤە.
برۆنای گزیرتەکا ل باشوورێ رۆژھەلاتا ئاسیا و سنۆر ل گەل ئەندنوسیا و مالیزیا یێ ھەین، ھژمارا وەلاتیێن وێ 400 ھزار کەسن و رێژا موسلمانان 65% و یێن دی مەسیحی و بوزی نە، رووبەرێ وێ 5767 کیلۆمەترێن دو جارکی نە و دھیتە ھژمارتن ژ وەلاتێن پێشکەفتی و زەنگین ل سەر ئاستێ جیھانێ و ل رێزا چارێ ل سەر جیھانێ دھێت ژ داھاتیێ کەسی و ل رێزا دویێ دھێت ل کیشوەرێ ئاسیا پشتی سنگافورا د پیڤەرێ گەشەپێدانا مرۆڤایەتی دا.

پەرلەمانتارەک: ئەم شیعی قه‌شمه‌رين

23/12/2015 10:40

430

ئەڤرۆ نیوز، ئەیاد بەرواری:
پەرلەمانتارەکا ھەڤپەیمانیا نیشتمانی یا شیعی راگەھاند، وەزیرێ بەرگریێ خالد عوبێدی رەفیقێ بەعسی و ئەفسەرێ ئەمنێ بوو و شیعە ژی ب (قەشمەر) ھژمارتن، چونکی عوبێدی ب ڕێیا سەرەدانێن خوە بۆ باژێرێن شیعی یێن پیرۆز وان دخاپینیت.
عالیا نسەیف پەرلەمانتارا شیعی ل جڤاتا نوونەرێن عیراقێ د دیدارەکا تەلەڤزیونی دا گوت” وەزیرێ بەرگریا عیراقێ رەفیق بوو د حزبا بەعس دا و ئەفسەرێ ئەمنێ بوو د دەزگەھێن سەدامی دا و من ھەموو پێزانین یێن ل سەر خزمەتا وی ھەین دناڤ حزبا بەعس دا”.
نسەیفێ گوت ژی” عوبەیدی وەسا خوە ددەتە دیارکرن کو یێ دخەما ئازادکرنا مووسلێ دا و بەردەوام ژی سەرەدانا نەجەف و کەربەلا دکەت و ل مەرجەعێن شیعی دبینیت” و خویاکر ” ئەم شیعە قەشمەرین چونکی ئەم زوو باوەریێ ب ڤێ چەندێ دئینین”.
خویاکر ژی” ھەتا نوکە ژی عوبەیدی بۆ ئەجندێن ئۆسامە نوجێفی و برایێ وی ئەسیل نوجێفی کاردکەت و پێزانین ژی ل سەر ھەبوونا لەشکرێ تورکی ل ل دەف ھەبوون و بزاڤێن رژد یێن ھەین بۆ لێپرسینا وی ل جڤاتا نوونەران”.
ل دووماھیێ عالیا نسەیفێ گوت” ژبەر وان پیزانینێن من ل سەر خالد عوبەیدی ھەین، بزاڤا کوشتنا من و کوڕێن من دکەت”.

پارتيا ئه‌ردگۆان ل سه‌ر گشتپرسيا هه‌رێما كوردستانێ هاته‌ ده‌نگ

23/12/2015 09:52

479

ئه‌ڤرۆ نيوز:

محه‌مه‌د غالب ئه‌نسارئۆغلۆ ئه‌ندامێ په‌رله‌مانێ توركيا ل سه‌ر ليستا دادوگه‌شه‌پێدان AKP راگه‌هاند كو كاودانێن نوكه‌ كوردستانا عيراقێ تێدا دبۆريت وه‌كو يێن توركيا نينن، بابه‌تێ سه‌ربه‌خۆيێ مافه‌كێ ره‌وا يێ كوردايه‌ ل عيراقێ و گۆت: “ئه‌م پشته‌ڤانيێ لێ دكه‌ين”.

زێده‌تر گۆت: “ده‌مێ نه‌شێن ل گه‌ل عيراقێ بژين و ژيانا وان ل گه‌ل ئێك چو رامان نه‌بيت، ئه‌وى ده‌مى جودا بوون ژ عيراقێ باشترين رێيه‌ و ژ به‌ر هندێ ژى پشته‌ڤانيا وێ بزاڤا مه‌سعود بارزانى دكه‌ين”.

جڤاتا نەینەوا دێ ل دادگەھا فیدرالی سکالایێ ل سەر بەغدا تۆمار کەت

22/12/2015 12:00

194

ئەڤرۆ نیوز:
سەرۆکێ جڤاتا پارێزگەھا نەینەوا راگەھاند، دو بەرنامە بۆ ڤەگەراندنا ئاواران بۆ سەر مال و مولکێن وان یێن ھاتینە دانان و جڤاتا پارێزگەھا نەینەوا بریارا راگرتنا کۆمبوونێن خوە دا، ھەتا وی دەمێ بەغدا بوودجەیا نەینەوا دمەزێخیت و گۆت: ھەکە وەکو پێدڤی بودجەیا نەینەوا نەدەن، دێ جڤاتا پارێزگەھا نەینەوا سکالایێ ل دادگەھا فیدرالی و نەتەوەیێن ئێگگرتی ل سەر بەغدا تۆمارکەت.
بشار کیکی سەرۆکێ جڤاتا پارێزگەھا نەینەوا بۆ ئەڤرۆ دیار کر، ئەڤە زێدەتر ژ سالەکێ یە ئەم ھەولددەین مستەحەقاتێن پارێزگەھا نەینەوا بدەست خوەڤە بینین، لێ ھەتا نوکە بەغدا چو نەدایە جڤاتێ، لەورا ژی جڤاتا پارێزگەھا نەینەوا بریارا راگرتنا کۆمبوونێن خوە دا ھەتا بەغدا بوودجەیێ دمەزێخیت، ھەکە بەغدا بوودجەیا مە وەکو پێدڤی نەمەزێخیت، دێ سکالایێ ل سەر بەغدا تۆمارکەین، چونکو 13 یەکێن ئیداری یێن پارێزگەھا نەینەوا دبن کونترولا ھێزێن پێشمەرگەی دانە و ھەتا نوکە چار کۆمبوون مە ل گەل سەرۆکێ ئەنجومەنێ وەزیران یێن کرین، لێ چو نەکەڤتیە بەر دەستێ مە.
ناڤبری ئەو ژی خۆیاکر، ب رێژا 40% ژ ئاخا پارێزگەھا نەینەوا یا رزگارکریە و پێدڤی ب ئاڤەدانی و خزمەتگوزاریان ھەیە، وەکو ئاڤ و کارەب و جادە و ساخلەمی، ھەتا ئاوارە ژی بشێن ڤەگەرنە سەر مال و مولکێن خوە و گۆت: بودجەیا ئەڤ سالە یا نەینەوا 372 ملیار دینارن، ھەتا نوکە بەغدا نە مەزاختینە، ب تنێ رازەمەندی بۆ مەزاختنا 10 ملیار دیناران یێن ھاتینە کرن، ئەو ژی بێگومان گەلەک یا کێمە و عیراق بەھانەیا نە رزگارکرنا نەینەوا و بارودوخێ ئابۆری یێ عیراقێ یە و بودجەیا نەینەوا ژی نامەزێخیت..
ناڤبری خۆیا ژی کر، ھەکە بەغدا بوودجەیا 2015 یا نەینەوا بدەت، دێ شێین پشکداریەکا باش د ئاڤاکرنا دەڤەرێن رزگارکری دا کەین، ھەر چەندە دەڤەرێن رزگارکری ھەموو یێن ھاتینە وێرانکرن و خرابکرن و مە پشت بەستن یا کریە سەر رێکخراوان ل دووڤ ئەو شیانێن کێم یێ بەردەست ئەم ھەولددەن خزمەتگوزاریا دروست بکەین.
سەرۆکێ جڤاتا پارێزگەھا نەینەوا دیار کر، پێدڤیە ئەم ھەولبدەین شنگالەکا نوو بھێتە ئاڤاکرن، چونکو شنگال ب رێژا 85% یا ھاتیە وێرانکرن و خرابکرن و ھەموو قوتابخانە و بنگەھێن ساخلەمیێ و دام و دەزگەھێن حکومی یێن ھاتینە خرابکرن و پەقاندن و ھەموو ژی پێدڤی ب نووژەنکرنێ و ئاڤاکرنێ و ئامیرێن نوو ھەنە.
کیکی ئاشکرا کر، بۆ ڤەگەراندنا ئاواران بۆ سەر مال و مولکێن وان دو بەرنامە یێن ھاتینە دانان، ئەو ژی بەرنامێ ئیداری و خزمەتگوزاری، دا ئەم بشێین بێژینە خەلکێ خوە ڤەگەرن و خزمەتگوزاری ھەموو د دابینکرینە و لایەنێ کۆمەلایەتی ژێ بەرنامە بۆ ھاتیە دانان ل گەل سەرۆک ھۆز و ریھسپیان بۆ ڤەگەراندنا ئاواران، چونکو ھەر چەوا بیت ڤەگەراندنا خەلکێ بۆ سەر مال و مولکێن وان خوشتر ژ وی ژیانا د بن خێڤەتان دا دھێتە ب رێڤەبرن.
بشار کیکی سەرۆکێ جڤاتا پارێزگەھا نەینەوا خۆیا کر، ب دیتنا مە پاراستنا نێڤدەولی یا ھەی ل سەر روویی ئەردی و پێشمەرگەە ب خوە پاراستنا دەولی دکەت، نوکە ھەموو وەلاتێن جیھانێ دانپێدانێ ب وێ چەندێ دکەن و دبێژن پێشمەرگەە یێ ژ پێش مەڤە شەرێ تیرورستان دکەن و باشترین پاراستنا نێڤدەولەتی ئەوە چەکێ باشتر بۆ پێشمەرگەی بھێتە دابینکرن.

عیراق ب مەرجەکی دێ 17% یا بودجا ھەرێمێ ھنێریت

22/12/2015 11:30

1173

ئەڤرۆ نیوز:
وەزیرێ پەترۆلا عیراقێ راگەھاند، ئەو چاڤەرێی ھاتنا شاندێ کوردی دکەن بۆ بەغدا و حوکمەتا عیراقێ یا رژدە کو رێککەفتنا خوەیا پەترۆلێ دگەل ھەرێما کوردستانێ بجە بینیت.
عادل عەبدولمەھدی وەزیرێ پەترۆلا عیراقێ، د کۆمبوونا وەلاتێن عەرەبی یێن بەرھەمئینەرێن پەترۆلێ دا گۆتی “ئەم رژدین کو ل دۆر پرسا داھات و پەترۆلێ دگەل ھەرێما کوردستانێ بگەھینە رێککەفتنەکا نوو، لێ ب مەرجەکی کو ھەرێم پەترۆلا خوە رادەستی سۆمۆ بکەت، وی دەمی ئەم ژی دێ ھەڤدە ژ سەدێ یا پشکا ھەرێمێ ھنێرین”.
عادل عەبدولمەھدی وەزیرێ پەترۆلا عیراقێ گۆت ژی “پشکا ھەرێمێ دگەل رێککەفتنا بەری نھا یا ھەردو ئالیان، د بودجا سالا بھێت ژی دا ھاتیە بجھکرن و ئەو چاڤەرێی ھاتنا شاندێ کوردی دکەن بۆ بەغدا.

مینۆمێنتەکێ مەزن دێ بۆ شەھیدێن شەرێ داعش ھێتە چێکرن

22/12/2015 11:00

236

ئەڤرۆ نیوز:
ژێدەرەکی ژ سەرۆکاتیا باژێرڤانیا دھۆکێ راگەھاند، بەرھەڤی دھێنە کرن کو مینۆمێنتەکێ مەزن بۆ گشت شەھیدێن شەرێ داعش ل نێزیک کەلھا نزارکێ بھێتە چێکرن و رازیبوونا پارێزگارێ دھۆکێ ژی بۆ ڤێ یەکێ ھاتیە وەرگرتن و گۆت: “دانانا ڤی مینۆمێنتی دێ دەربرینێ ژ گشت شەھیدێن شەرێ دژی داعش کەت و ئارمانج ژ دانانا وی ئەوە، کو بۆ ھەر شەھیدەکی جودا پەیکەرەک نەھێتە چێکرن و ھندەک بھێنە ژبیرکرن”.
ئیسماعیل مستەفا، رێڤەبەرێ پەیوەندی و راگەھاندنێ ل سەرۆکاتیا باژێرڤانیا دھۆکێ تایبەت بۆ ئەڤرۆ دیار کر، ل دووڤ شیرەتێن فەرھاد ئەمین، پارێزگارێ دھۆکێ مە ب نڤێسارا ھژمار 1859 ل 6/4/2015 پێشنیاز کر ژ بۆ دیتنا جھەکێ گونجای بۆ (گۆرستانەکا سونبلی) بۆ شەھیدێن پاراستن و ئازادکرنا ئاخا پیرۆزا کوردستانێ ل گەل مینۆمینتەکی ل پارێزگەھا دھۆکێ وەک رێزگرتن ل گیانێ پاکێ شەھیدان، کارگێریا پارێزگەھێ رازیبوون نیشاندایە و جە ژی ھاتیە پێشنیاز کرن، بەشەک ژ پارچە زەڤیا 89/3 کەرتێ 85 نزارکێ کو رووبەرێ گشتی یێ ڤێ پارچە زەڤیێ (51) دونەم ھاتیە تەرخانکرن بۆ رێڤەبەریا گشتی یا رەوشەنبیری و ھونەری ل دھۆکێ، پاشی کۆمبوونەک ب سەرپەرشتیا پارێزگارێ دھۆکێ د گەل (سەرۆکێ باژێرڤانیا مە و رێڤەبەریا گشتی یا رەوشەنبیری و ھونەری و رێڤەبەریا نەخشە دانانێ) ھاتەکرن و رەزیبوون ل سەر جھێ دەستنیشانکری ھاتە دان.
ناڤبری ئاماژە دا وێ چەندێ، بەریکانەک بۆ دروستکرنا دیزاینەکی بۆ گۆرستانا سونبلی د ناڤبەرا ئەندازیارێن (سەرۆکاتیا باژێرڤانیا دھۆکێ، رێڤەبەریا باژێرڤانیا رۆژھەلات و رۆژئاڤا دا) ھاتەکرن و پشتی ھەلسەنگاندن ژ لایێ لێژنەکا بلند یا سەرۆکاتیا زانکۆیا دھۆکێ ھاتیەکرن، دیزاینەک ھاتیە ھەلبژارتن وەک (پرۆپوزەل) د ناڤ ڤێ گۆرستانێ دا، دێ منیۆمێنتەک ھێتە دانان کو دێ دەربرینێ ژ شەھیدێن دژی تیرورێ دکەت، ھەروەسا دێ دەربرینێ ژ ھێمایێ پارێزگەھا دھۆکێ کەت ل گەل دانانا چەندین ھێمایان بۆ ھەر شەھیدەکێ د رێیا ئازادیا کوردستانێ دا د شەرێ دژی تیرۆرێ دا ھاتیە شەھیدکرن و ھەبوونا جھێن ڤەکری وەک (جھێ ڤەکری) بۆ ئەنجامدانا سالڤەگەرا شەھیدان یا بیرەوەریێن دی.

نيشاندان 1...440 1,440 2,440 2,4412,4422,443...3,047 زێده‌تر

لاپه‌ر 2,442 ژ 3,047