ئه‌ڤرۆ نیوز: مەحمود نهێلی:
باله‌فه‌رێن له‌شكه‌رێ توركیا بوردومانكرنا چه‌ندین گوندێَن جودا جودا یێن ده‌ڤه‌را ئامێدیێ و ئاکرێ ده‌ست پێكرەڤه.
ل گور ئاخفتنا دیده‌ڤانان بالەفرێن تورکیا بوردومانکرنا گوندێن سەر ب قەزا ئامێدیێ تایبەت، دەڤەرا بەرێ گارێ ب دژواری دەست پێکریە ڤە .
ژێدەرەکێ ل دەڤەرا بەرێ گارێ خویا کر کو ل دەمژێر نەهێ شەڤا ۲۵/۹ بالەفرێن لەشکەری یین تورکیا چەندین گوندێن سنورێ ناحیا دێرەڵۆک بوردومانکرن و گوت بوردومانا ڤێ جارێ گوندێ ئێکمالێ ل دەڤەرا بەرێگارێ و گوندێن سیانێ و کافیا و ئەگنێ یێن سه‌ر ب دەڤەرا زێباریا ڤەگرتیە، و ژبلی زیانین مالی کو ب رەز و بیستانێن وەلاتیان کەفتینە زیانێن گیانی نەهاتینە زانین.
تێ زانین تا ئامادەکرنا ڤی نووچەی بوردومانکرن یا بەردوامبوو.
ئه‌ڤرۆ نیوز: ڤه‌ده‌ر ره‌شاڤایی:
لدووڤ چه‌ندین ژێده‌رێن هه‌والگیرییا ئه‌مریكی 6 هزار سه‌ربازێن رووسی به‌ره‌ڤانیێ ژ حكومه‌تا ئه‌سه‌د دكه‌ن، نها ژی 95 هزار سه‌ربازێن دی ل رووسیا دهێنه مه‌شقدان و دێ بۆ سوریا هێنه هنارتن.
رووسیا 170 فرۆكێ، شه‌ركه‌ر و پتر ژ 700 تانك و زریپۆش بۆ سوریا هنارتینه بۆ رێگرتن ژ هه‌ر بزاڤه‌كا نه‌خاستی، هه‌روه‌سا بنگه‌هه‌كێ سه‌ربازی ل پارێزگه‌ها لازقییه دانیه و چه‌ندین سه‌رباز برێیا ده‌ریایێ گه‌هاندینه لازقییه.
لدوڤڤ بۆچوونا شاره‌زایان ئه‌ڤ بزاڤا رووسیا بۆ رێگرتنێ یه ژ پلانه‌كا ئه‌مریكا كو نیه‌ته هه‌ڤپه‌یمانیه‌كا عه‌ره‌بی دروستكه‌ت بۆ لێدانا به‌شار ئه‌سه‌د كو وه‌ك یا یه‌مه‌نێ بیت یا كو شیای داویێ ب ده‌ستهه‌لاتدارییا حوسیان ل وی وه‌لاتی بینن.
ئه‌مریكا یا ژ ڤێ بزاڤێ دلگرانه و ژ هاریكاریكرنا سه‌ربازییا راسته‌راست یا رووسیا بۆ ئه‌سه‌د دترسیت.
جۆن كێری وه‌زیرێ ده‌رڤه یێ ئه‌مریكا ژی هۆشداری دانه رووسیا كو هشیاری بزاڤێن خوه بیت ل سوریا ژبه‌ركو هه‌ر پێنگاڤه‌كا شاش دێ كاره‌ساتان لدووڤ خوه ئینیت.
هه‌روه‌سا گۆت ژی چێدبیت رووبرووبوونه‌ك دناڤبه‌را رووسیا و به‌ره‌یێ دژی رژێما سوریا دا په‌یدا ببیت و وه‌ك ئاماژه‌ك بیت بۆ شه‌رێ جیهانیێ سیێ.
ئه‌ڤرۆنیوز: كاروان باعه‌درى:
پشتى كچه‌كا ئێزدى ژ ده‌ستێ تیرۆرستێن داعش رزگاربووى دێ چیروكا خوه بۆ كونگرێسێ ئه‌مریكى و رایا گشتى یا ئه‌مریكى بێژیت و دێ كۆمه‌كا دیدارێن ته‌له‌ڤزیۆنى و كۆمبوونا ل گه‌ل ده‌زگاهێن ئه‌مریكى كه‌ت.
سامر ئیلیاس به‌رپرسێ رێكخراوا (هیومانتى Humanity) بۆ ئه‌ڤرۆ نیوز گوت: رێكخراوا مه ل گه‌ل رێكخراوا (هاردوایرد Hardwired) و چالاكڤان و رۆژنامه‌ڤان (خدر دوملى) بۆ چیكرنا دیدارا ل گه‌ل وان كه‌سان بۆ پتر ئاشنابوون ژ ره‌وشا كچ و ژنێن ئێزدى و بتایه‌ت ئه‌وچیرۆكین د په‌رتوكا وى دا ئه‌وا بناڤێ ( موت الاسود)
هه‌روسان سامرى ئه‌و چه‌نده ژى دیاركر: ئه‌و رزگاربوویه ناڤێ وێ (بازێ شنگالى) یه و هه‌تا نها ل گه‌ل كه‌نالێ CNN و ه رۆژنامه‌ڤانا ناڤدار یا ئه‌مریكى یا بناڤێ ئه‌مانپوور ئه‌نجام داینه.
ناڤبرى زێده‌تر گۆت : ئه‌ڤه ئێكه‌مین رزگاربویه دگه‌هیته ئه‌مریكا، دێ چیروكا خوه بۆ كونگرێسى و رایا گشتیا ئه‌مریكا بێژیت.
ئه‌ڤرۆ نیوز: ڤه‌ده‌ر ره‌شاڤایی:
وه‌زیرێ ده‌رڤه‌یێ دانیماركێ كریستیان یێنسن خویادكه‌ت كو پارتا كاركه‌رێن كوردستانێ (په‌كه‌كێ) شاشی كر ب راگه‌هاندنا هێرشان لسه‌ر توركیا، ژبه‌ركو بڤێ یه‌كێ رێ ل جڤاكا نێڤده‌وله‌تی گرت كو كارڤه‌دان لدژی هێرشێن ئه‌نقه‌ره هه‌بن.
“نها په‌كه‌كه یا زیانێ دگه‌هینته دۆزا كوردی، ب بزاڤێن خوه شه‌رعیه‌ت دایه هێرشێن ئه‌رۆدگانی لسه‌ر وان، و هه‌روه‌سا ژ ئالیه‌كێ دی ڤه هه‌ده‌پێ كو ئه‌نجامێن باش د هه‌لبژارتنێن 7 خزیرانێ دا بده‌ستڤه‌ئینابوون نها هێرش لسه‌ر وان و نڤیسینگه‌هێن وان ل توركی دهێنه‌كرن.”
یێنسن ئاشگرا گر كو د كۆمبوونه‌كێ دا ل گه‌ل هه‌ده‌پێ دێ داخازێ ژ هه‌ده‌پێ كه‌ت هه‌می هێرشێن تیرۆری شه‌رمزاركه‌ت ب یێن په‌كه‌كێ ڤه ژی.
ژ ئالیه‌كێ دیڤه یێنسن لدۆر سه‌ربخۆبوونا كوردستانێ گۆت دابه‌شبوونا ئیراقێ تشته‌كه ده‌لیڤه‌یا هه‌ی ببیته راستی.
ئه‌ڤرۆ نیوز: ڤه‌ده‌ر ره‌شاڤایی:
سالح موسلم هه‌ڤسه‌رۆكێ په‌یه‌دێ دبێژیت كو ژكارلادان و كه‌فتنا به‌شار ئه‌سه‌د سه‌رۆكێ رژێما سوری ژئالیێ گرۆپێن ئیسلامی ڤه یێن سه‌ر بقاعیده یان ژی ژ ئالیێ داعش ڤه دێ كاره‌سات و به‌لا بیت بۆ جیهانێ.
د هه‌ڤپه‌یڤینه‌كێ دا بۆ رۆژناما (The Independent) یا بریتانی مۆسلم ترا خوه ژ وێ یه‌كێ دیاركر كو داعش و گرۆپێن دی یێن توندره‌و ل چه‌ندین ئالییان نێزیكی دیمه‌شقێ نه، و گۆت ئه‌و ل گه‌ل وێ یه‌كێ یه حكومه‌تا ئه‌سه‌د ب حكومه‌ته‌كا دی یا رازه‌مه‌ندی لسه‌ر بیت بهێته گوهرین نه ب حكومه‌ته‌كا ئیسلامیێ، توندره‌و.
ئه‌ڤرۆ نيوز:
دوهى ئێڤارى ل شێلادزێ ژ ئه‌نجامێ چوونا وان بۆ سه‌ر ئاڤێ و خوه‌خستنا ئاڤێ سێ زارۆ بن ئاڤ بوون و تيمێن به‌ره‌ڤانيا باژێرى ژى شيان دو زارۆيان قورتال بكه‌ن و ئێك ژى خه‌ندقى.
به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى ل دهۆكێ بۆ ئه‌ڤرۆ نيوز راگه‌هاند كو پشتى ئه‌و ل شێلادزێ هاتينه ئاگه‌هداركرن كو سێ زارۆ يێن د ئاڤێ دا خه‌ندقين، ب زووترين ده‌م تيمێن وان يێن نقومڤانان گه‌هشتنه جهێ بوويه‌رێ”.
بێوار عه‌بدولعه‌زيز به‌رپرسێ راگه‌هاندنێ ل رێڤه‌به‌ريا به‌ره‌ڤانيا شارستانى ل دهۆكێ گۆت: “ب گه‌هشتنا تيمێن مه يێن نقوومڤانان بۆ جهێ بوويه‌رێ شيان دو زارۆيان قورتال بكه‌ن و ئێك ژى خه‌ندقى”.
دا زانين ژى كو زارۆيێ د ئاڤێ دا خه‌ندقى ب ناڤێ ديان عارف شوكرى بوو د ژيێ 12 ساليێ دا و تيمێن وان يێن نقومڤانان ل به‌ره‌ڤانيا باژێرى ل شێلادزێ شيان لاشێ وى ژى ژ ئاڤێ بيننه ده‌ر.
ئه‌ڤرۆ نیوز: ڤه‌ده‌ر ره‌شاڤایی:
ناڤێ 43 حه‌جیین ئیرانی كو د روودانا بنپێكه‌ڤتنێ ل حه‌جێ دا هاتینه كوشتن لسه‌ر شاشا كه‌نالێ ده‌وله‌تا ئیرانی هاتنه خاندن، ئیرانێ وه‌لاتێ سعودیه ب شاشیێن پاراستنا سلامه‌تیێ تۆمه‌تباركر.
جیگری وه‌زیرێ ده‌رڤه‌یی ئیرانی گۆت كو شاهنشینا سعودیه به‌رپرسه ژ ڤێ تراجیدیێ و راگه‌هاند كو نوونه‌رێ سعودیه ل ته‌هرانێ دێ بۆ وه‌زاره‌تا ژده‌رڤه هێته گازیكرن.
سه‌رۆكی رێكخراوا حه‌جی یا ئیرانی ژی گۆت كو بۆ هنده‌ك ئه‌گه‌رێن نه‌دیار دو ریێیێن سه‌ره‌كی به‌ره‌ڤ مینایێ دچن هاتبوونه گرتن د ئه‌نجام دا قه‌ره‌بالغه‌ك لدووڤ خوه ئینا كو ئه‌و روودان ژێ په‌یدابوو.
ئەڤڕۆ نیوز، زنار تۆڤی:
رێڤەبەریا بەرگریا شارستانی ل وەلاتێ سعودی راگەھاند، ئەڤرۆ رۆژا پێنجشەمبی ل رۆژا ئێکێ یا جەژنا قۆربانێ ژ ئەگەرێ قەڕەبالغەکا مەزن 220 حەجیان ل مینایێ گیانێ خۆ ژ دەستدا و ھەروەسا 450 حاجیێن دی ب گرانی برینداربووینە،رەوشەکا ھندەکا ژ وان گەلەکا خرابە،لێ؛ ھەتا نوکە نەھاتیە زانین ک ئەو حەجی ھەمی یێن کیژ وەلاتێن جیھانێ نە.
كاروان بێستۆنى د داخۆيانيه‌كا رۆژنامه‌ڤانى دا راگه‌هاند كو چو حه‌جيێن كوردستانێ د ناڤ وان دا نينن يێن بريندار بووين يان گيانێ خوه ژ ده‌ست داين ژ به‌ر كو ئه‌و ل جادا 204 يا مينا وه‌لێ هاتينه و حه‌جيێن كوردستانێ ل وێ جادێ نينن.
ئه‌ڤ ساله سێ هزار و 650 كه‌س ژ هه‌رێما كوردستانێ چووينه فه‌ريزا حه‌جێ ل سعوديێ و هه‌تا نوكه چار كه‌سان گيانێ خوه ژ ده‌ست دايه و ژنه‌كێ ژى زارۆيه‌ك بوويه، ل جيهانێ ژى هه‌موويێ نيزێكى دو مليۆن كه‌سان پشكدارى د فه‌ريزا حه‌جێ دا كريه.
نيشاندان