ئەڤرۆ نیوز، زنار تۆڤی:
ئەڤ شەڤە ل دەمژمێر 9:40 خولەک، فرۆکێن تورکی ترۆمبێلەکا گەریلایێن پەکەکێ ل گوندێ رەشانکێ ل سنورێ ناحیا زاویتە بۆمبەبارانکر و چار گەریلا د وێ بۆمبەبارانێ دا شەهیدبوون و ئاگر بەربوویە پیش و پاوانێ وێ دەڤەرێ و ترۆمبێل ژی ب تەمامی هاتیە سۆتن.
گوندێ رەشانکێ نێزیکی ٢٠ کیلۆمەتران ژ سەنتەرێ پارێزگەها دهۆکێ یێ دوورە.
ئەڤرۆ نیوز:
وەزارەتا ساخلەمی و ژینگەها عیراقێ راگەهاند: د ٢٤ دەمژمێرێن بوری دا، سێ هزار و ٢٧٢ حالەتێن نوو یێن کۆرۆنایێ و دیسان دو هزار و ٤٩٠ حالەتێن باشبوونێ و ٤٠ حالەتێن وەغەرکرنێ هاتینە تۆمار کرن.
هەتا نوکە ١٦٤ هزار و ٢٢٧ کەس ل عیراقێ تووشی کۆرۆنایێ بووینە، دیسان هەتا ڤی دەمی پێنج هزار و ٦٤١ کەسان ژی وەغەرکریە، هەروەسا ١١٧ هزار و ٢٠٨ کەس ژی چێبووینە.
ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ ڕاگەهاند: 43 تووشبوویێن دی یێن ڤایرۆسێ کۆرۆنایێ ل دهۆکێ کو د نەخۆشخانێدا بوون، پشتی هەموو پشکنین بۆ هاتینە کرن، دیاربوویە کو ب تەمامی چارەسەربووینە و ب سلامەتی ژ نەخۆشخانێ دەرکەفتن و چوونە د ناڤ کەسوکارێن خوە دا.
هەروەسا گۆتیە: ب ئهڤێ چەندێ هژمارا چارەسەربوویان گەهشتە 621 کەسان و نوکە 904 نەخۆش ماینە د نەخۆشخانێ دا.
ئەڤرۆ نیوز:
مستەفا کازمی سهرۆك وهزیرێن عیراقێ و كۆمسیۆنا بلند یا ههلبژارتنان و فهرماندێن ئهمنى ئامادهكاریێن ههلبژارتنێن پێشوهخت ل عراقێ گهنگهشه كرن، د وێ كۆمبوونێ دا مستهفا كازمى رژد بوونا حوکمهتا خوە نیشاندا بۆ ئەنچامدانا ههلبژارتنێن پێشوهخت ل شەشی هەیڤا شەش ل سالا 2021.
هەروەسا مستەفا كازمى داخواز ژ كۆمسیۆنێ كریە، کو ههموو بزاڤێن خوە بێخیته كار بۆ تەمامكرنا ئامادهكاریان ژ بۆ ئەنجامدانا هەلبژارتنان، دیسان حوکمهتا وی ب ههموو شیانێن خوە ڤه دێ بزاڤێ کەت، کو ههلبژارتن د دهمێ خوە دا بهێنه ئەنجامدان.
ئەڤرۆ نیوز:
وەزارەتا دەرڤە یا فرەنسا د داخۆیانیەکێ دا ئەڤرۆ راگەهاند کو هێرشێن هێزێن تورکیا ل سەر ئاخا عیراقێ و هەرێما کوردستانێ پێشهاتەکا مەترسیدارە و ب توندی شەرمزار دکەین.
وەزارەتا دەرڤە یا فرەنسا دیار ژی کریە کو هێرشێن تورکیا بنپێکرنا سەروەریا ئاخا هەرێمێ و عیراقێ یە و دڤێت تورکیا هێرشێن خوە بدەتە راگرتن.
ئەڤرۆ نیوز:
وەزارەتا ساخلەمیا هەرێما کوردستانێ ئامارا ٢٤ دەمژمێرێن بۆری ل هەرێمێ بەلاڤکر کو دیار دبیت ٥٦٩ کەسێن دی ل هەرێما کوردستانێ تووشی ڤایرۆسێ کۆرۆنایێ بووینە و هەروەسا ١٣ کەسان ژی جانێ خوە ژ دەست داینە.
ل گۆر ئامارا وەزارەتا ساخلەمیا هەرێما کوردستانێ ١٤٣ کەسێن دی ل دهۆکێ تووشی ڤایرۆسێ کۆرۆنایێ بووینە و هەروەسا ٤٥ کەس ژی ب تەمامی باش بووینە.
ئهڤرۆ نیوز:
پهیڤدارێ وهزارهتا خاندنا بلند و ڤهكۆلینێن زانستی یا ههرێما كوردستانێ راگههاند: ههفتیا بهێت بریار دێ ل سهر ئهوێ چهندێ هێته دان كۆ دهواما زانكۆ و پهیمانگههان بۆ سالا نوو یا خاندنێ دهست پێكهت، بۆ ئهڤێ چهندێ ژی چهند پێشنیارهك هاتینهكرن.
عهباس ئهكرهم پهیڤدارێ وهزارهتا خاندنا بلند و ڤهكۆلینان راگههاند ههفتیا بهێت بریار دێ ل سهر ئهوێ چهندێ هێته دان، كۆ دهواما زانكۆ و پهیمانگههان بۆ سالا بهێت یا خاندنا 2020 بۆ 2021 دهست پێ دكهت.
پهیڤدارێ وهزارهتا خاندنا بلند راگههاند ژی لژنهیهك ب سهرپهرشتیا بریكارێ وهزارهتێ بۆ چهوانیا دهستپێكرنا سالانوو یا خاندنێ پێكهاتینه، لژنێ چهند پێشنیارهكێن جودا كرینه كۆ ئێك ژ لژنهیان ئهوه 1/9/2020 دهوام ب شیوازێ ئهلكترونی دهست پێ بكهت، دیاره پێشنیارێن دی ژی ههنه، بهلی ههموو چاڤهریێ كۆمبوونا جڤاتا وهزارهتێ بۆ چهوانیا دهستپێكرنا سالا نوو یا خاندنێ.
ئهڤرۆ نیوز:
وهزارهتا ساخلهمیا روسیا راگههاند د دو ههفتیێن بهێت دا دێ دهست ب بهرههمئینانا ڤاكسینێ دژی كورونایێ ب رێژهیهكا بهرچاڤ بهرههم ئینین.
لگۆری راگههاندنهكا وهزارهتا ساخلهمیا روسیا، ل دو ههفتیێن بهێت رێژهكا زۆر یا ڤاكسینێ دژی ڤایرۆسێ كورونایێ بهرههم ئینن تانوكه زێدهتری 20 وهلاتان داخازی پێشكێشی روسیا كرینه بۆ كرینا ئهوی ڤاكسینێ.
بهریا چهندهكێ ڤلادیمیر پوتن سهرۆكێ روسیا راگههاند وهلاتێ وی بۆ جارا ئێكێ ڤاكسین ل سهر مرۆڤان تاقیكر و چاڤهریێ ئهنجامێن باش ژێ دكهین، ئهڤه ژی دبیته پێنگاڤا ئێكێ كۆ ب رهسمی ل جیهانێ دژی ڤایرۆسی هاتیه هاڤێتن.
ئهڤرۆ نیوز:
وهزیرێ ساخلهمیا ئهلمانیا راگههاند پێشبینیێ دكهین د چهند ههیڤێن بهێت دا، ڤاكسینا كورونایێ ل ل ئهلمانیا بهرههم بینین، پشت راست ل دهستپێكا سالا بهێت دێ ڤاكسین د وهلاتی دا بهرههڤ بیت.
ینس سپان وهزیرێ ساخلهمیا ئهلمانیا راگههان پێشبینیێ دكهین ل چهند ههیڤێن بهێت ڤاكسینا كورونایێ ل ئهلمانیا بهرههم بینن، پشت راستین ل دهستپێكا سالا بهێت ڤاكسین دێ یا بهرههڤ بیت د وهلاتی دا، بتنێ تشتهكی كۆ ژێ پشت راستین زنا و ڤهكۆلهرێن ئهلمانیا زێدهتر ژ ههردهمهكی دی لهزێ ل پێشڤهبرنا بهرههم ئینانا ڤاكسینی دا دكهن.
وهزیرێ ساخلهمیا ئهلمانیا ئهو چهنده ژی راگههاند هێشتا ڤهكۆلین ماینه ل سهر ئهوێ چندێ پێدڤیه چهند جاران ڤاكسین بهێته بكارئینان تا بهرهڤانیا جهستهیێ مرۆڤی دروست بكهت، ڤهكۆلینێن دهربارێ دیاركرنا دهمێ بهردهوامیا بهرهڤانیا ڤاكسینێ ل جهستهیێ مرۆڤی دا دیاری نهكریه.
ئهڤه ددهمهكی دایه نوكه ڤاكسینا سپوتنیك 7 دژی كورونایێ ل روسیا هاتیه پێشڤهبرن و بریاره ل دو ههفتیێن بهێت ڤاكسینی بهرههم بینن.
نيشاندان