ئه‌ڤرۆ نیوز: ڤه‌ده‌ر ره‌شاڤایی:
نێچیرڤان بارزانی سه‌رۆكێ حكومةتا هه‌رێما كوردستانێ لدۆر بژارده‌یێن ئالیێن سیاسی پێشنیاردكه‌ن دبێژیت: بژاردێن وان د سه‌یرن، دبێژن هه‌كه‌ر سه‌رۆك ل ناڤ خه‌لكی بهێته هه‌لبژارتن دێ ده‌ستهه‌لاتێن وی كێمتر بن، و هه‌كه‌ر ژ ئالیێن په‌رله‌مانی بهێـه هه‌لبژارتن دێ ده‌ستهه‌لاتێن سه‌رۆكی پتر لێ هێن، لێ ئه‌ڤه دڤێت به‌رۆڤاژی بیت، ئه‌و سه‌رۆكێ ل ناڤ خه‌لكی دهێته هه‌لبژارتن دڤێت ده‌ستهه‌لاتێن وی پتر بن چۆنكی ملله‌ت راسته‌راست شه‌رعیه‌تێ دده‌تێ.” ” پارتی بژاردا خوه ده‌ستنیشانكرییه و دێ پشتی بێهنڤه‌دانا جه‌ژنێ ده‌ته ده‌ست ئالیێن سیاسی. ”
ناڤهاتی ل مه‌راسیمێن ده‌ستبكاربوونا پاتریاك گورگیسێ سێیەم راگه‌هاند” ڤه‌گه‌ریانا كه‌نیسا رۆژهه‌لاتی پشتی 80 سالان بۆ ئیراقێ و هه‌رێما كوردستانێ و بتایبه‌ت بۆ هه‌ولێرێ، بۆ كوردستانێ رامانه‌كا مه‌زن یا هه‌ی.
هه‌روه‌سا ئاشكرا كر كو هه‌می وه‌زاره‌تێن هه‌رێمێ مژوولی چاكسازییانه و دده‌مه‌كێ نزیك دا وه‌زاه‌رتا دارایی دێ به‌رنامه‌یێ خوه یێ موكم راگه‌هینیت و وه‌زاره‌تا كار به‌ریا نها به‌رنامێ خوه راگه‌هاندییه و چاكسازی دێ د به‌رده‌وام بن.
ئه‌ڤرۆ نیوز: ڤه‌ده‌ر ره‌شاڤایی:
خه‌لكێ هه‌رێما كه‌ته‌لۆنیا به‌ره‌ڤ سندۆقێن ده‌نگدانێ چوون بۆ هه‌لبژارتنا به‌ربژێرێن هه‌لبژارتنێن په‌رله‌مانیێن وێ هه‌رێمێ بۆ 135 كورسیكان كو بڤێ چه‌ندێ دێ رێیا سه‌ربه‌خۆییا خوه ژ ئیسپانیا دیاردكه‌ت .
هه‌كه‌ر پارتێن جۆداخاز بسه‌ركێشییا ئارتور ماس سه‌رۆكێ هه‌رێما كه‌ته‌لۆنیا پرانیا كورسیكان بده‌ستڤه‌ئینان و سه‌ركه‌فتن، هه‌تا سالا 2017 ێ كه‌ته‌لۆنیا دێ ب رێفراندومه‌كێ ب رێفراندومه‌كێ سه‌ربخۆبوونا خوه ژ ئیسپانیا ئێكلاكه‌ت، هه‌رچه‌نده ئیسپانیا ڤێ پرۆسێ ب نه‌قانوونی دزانیت و خویا دكه‌ت چ هه‌رێمێن ئیسپانیا مافێ سه‌ربخۆییێ ژ وی وه‌لاتی نینه.
ژ سه‌رجه‌مێ 7.5 ملیۆن كه‌سان ل كه‌ته‌لۆنیا، 5 ملیۆن و نیڤان مافێ ده‌نگدانێ هه‌یه و تا نها رێژا پشكداریكرنا ده‌نگده‌ران یا بلنده.
ئه‌ڤرۆ نیوز: ڤه‌ده‌ر ره‌شاڤایی:
به‌ری مه‌هه‌كێ حكومه‌تا توركیا سێ رۆژنامه‌ڤانێن كه‌نالێ (VICE News) ل باكۆرێ كوردستانێ ده‌سته‌سه‌ركربوون،
پشتی 11 رۆژان ژ زیندانكرنێ دو رۆژنامه‌ڤان بناڤێ (فیلیپ پێندلبێری ) و (جه‌یك هانراهان) كو خه‌لكێ بریتانیا بوون سه‌ربه‌ست هاتنه به‌ردان، لێ هێشتا رۆژنامه‌ڤانێ سیێ (موحه‌مه‌د ئیسماعیل ره‌سوول) كو خه‌لكێ هه‌رێما كوردستانێ یه نه‌هاتییه به‌ردان و د زیندانه‌كا توركیا دایه، رێڤه‌به‌رییا كه‌نالێ ناڤهاتی بۆ چه‌ندین جاره ژ توركیا دخازیت كو وی ئازاد كه‌ن.
ناڤهاتی ب تیرۆرێ هاتیه تۆمه‌تباركرن كو وه‌كی رێكخراوێن مافێ مرۆڤی دیاركری چ بنه‌مایێن خوه نینه، رێكخراوێن وه‌ك لێبۆرینا نێڤده‌وله‌تی و لژنا پاراستنا رۆژنامه‌ڤانان و پێن یا نێڤده‌وله‌تی و بده‌هان رۆژنامه‌ڤانێن ناڤدار ئه‌ڤ كارێ حكومه‌تا توركیا شه‌رمزاركرییه.
موحه‌مه‌د ئیسماعیل ره‌سوول یێ 24 سالی، رۆژنامه‌ڤانه‌كێ خۆدان شیانه و به‌رییا نها بۆ كه‌نالێ (ئه‌لجه‌زیره) و (ئه‌سۆشیه‌تد پرێس) ژی كاركرییه.
ئه‌ڤرۆ نيوز:
مالپه‌رێ فه‌رمى يێ ئێكگرتوويا ئيسلامى كوردستان ژ زارده‌ڤێ د. محه‌مه‌د ئه‌حمه‌د جێگرێ ئه‌ميندارێ گشتيێ يێ يه‌كگرتوو ڤه رووهنكرنه‌ك به‌لاڤكر و تێدا ره‌تكر كو ئه‌وێ حزبێ پشكدارى د كۆنگرێ نه‌ته‌وى يێ كوردى ل برۆكسل دا نه‌كربيت.
ده‌قێ روونكرنێ:
سلاڤ به‌رێزان كه‌نالێن رووداو و ناليا وه‌سان به‌لاڤكريه كو ئێكگرتوو يا پشكدار نينه د كۆنگرێ نه‌ته‌وى يێ كوردى دا، به‌لێ راستى ئه‌ڤه‌يه كو جارا ئێكێ نينه يه‌كگرتوو پشكداريێ دكه‌ت به‌لكو ئه‌ڤه چه‌ندين جاره يا پشكداره و ئه‌ڤ ساله ژى به‌رێز ئاراس شالى گۆتارا ئێكگرتوو پێشكێش كر.
من ژى ب تنێ هند گۆتيه كو ئێكگرتوو نوونه‌رێن خوه يێن ژ ده‌رڤه دهنێريت بۆ پشكداريكرنێ و بۆ راستكرنا ڤى بابه‌تى ژى من په‌يوه‌ندى ب هه‌ردو كه‌نالان كريه دا كو وێ پێزانينێ راستڤه‌كه‌ن.
ئەڤرۆ نیۆز، ئەیاد بەرواری:
پەرلەمانتارەکێ عیراقی یێ بەری راگەھاند، مادێ ١١٦ ژ دستوورێ عیراقێ دبێژیت، عیراق ژ ھەرێمێن نە ناڤەندی پێک دھێت، خویاکر ژی ھندەک مادێن دی د دستووری دا یێن ھەین کو دبێژن پێدڤیە ھەرێمان زێرەڤانێن خوە ھەبن.
تەلال زەوبەعی پەرلەمانتارێ بەرێ یێ سونی بۆ کەنالێ (الاتجاە) گوت” ھێزێن پێشمەرگەی شەرعیەتا خوە یا ھەی، ژ بەر کو ئەو زێرەڤانێن ھەرێما کوردستانێ نە، د ڤێ قۆناغێ دا ژی ھزرا پێکئینانا ھەرێمان ل عیراقێ یا خوە سەلماندی ژ بەر ڤی بارودۆخێ نوکە یێ عیراق تێدا دبۆریت”.
زەوبەعی گوت ژی” ئەمریکا یا ھاتی دا عیراقێ پارچە بکەت و ھندەک لایەنێن عیراقی ژی د رازی نە ل سەر پرۆژێ پارچەکرنا عیراقێ، لێ ڤێ چەندێ ل بەرامبەر جەماوەرێ خوە ئاشکرا ناکەن”.
ئەڤرۆ نیوز،زنار تۆڤی:
ژ ئەنجامێ بوردۆمانکرنا فرۆکێن سۆپایێ تورکی کارەبا ھەرسێ گوندێن دێشێش و ئەدنێ و سەرەرو ل دەڤەرا بەرواری بالا ب تەمامی ھاتیە برین و نوکە ئەو گوند ماینە بێ کارەب.
شڤێدی لدەمژمێر ١١:٣٠ فرۆکێن سۆپایێ تورکی گەلیێ قۆمریێ و گەلیێ دێشێشێ ل دەڤەرا بەرواری بالا بۆ ماوێ پتر ژ دەمژمێرەکێ بوردۆمانکرن و د ئەنجامدا زیانەکا مەزن گەھاندە خەلکێ وان گوندان و چەندین زەڤیێن وان ب تەمامی سۆتن و ھەروەسا فرۆکان بۆمبە ل نێزیک ھێلا گشتی یا کارەبێ داینە و زیان گەھانیە ھێلا کارەبێ و ل چەندین جھان تێلە ھاتینە قۆتکرن، نوکە خەلک نەوێرن زوو ب زوو ھاتنوچوونێ د وی جھی را بکەن.
وەلاتیەکێ گوندێ قۆمریێ بۆ ئەڤرۆ نیوز دیارکر:فرۆکان بۆمبە ل ناڤا زەڤیێن وی داینە زیانەکا مەزن گەھاندیە زەڤیێن وی ھەمی سۆتینە و نوکە ژی ئاگرەکێ مەزن بەربوویە زەڤی و دارستانا وی گوندی و گۆت ژی: “شڤێدی فرۆکان ترسەکا مەزن بۆ خەلکێ گوندی پەیداکر،چونکی بۆمبە ل نێزیکی گوندی کەفتینە. د ھەمان دەمدا شڤێدی فرۆکان گوندێ ھێسی ب دژواری بوردۆمانکریە چەندین بۆمبە ل نێزیکی گوندی داینە”.
ئەڤرۆ نیوز، ئەیاد بەرواری
شرۆڤەکارەکێ سیاسیێ لوبنانی راگەھاند، ھێرشێن ئەسمانی یێن ھەڤپەیمانیا نێڤدەولەتی دژی داعشێ ل عیراقێ دکەت د رژد نەبوون و پرۆژێ ئەمریکی ئارمانج ژێ دروستکرنا ئاژاوێ یە و سەرەدەریکرنە ل گەل گرۆپێن تەکفیری.
سەمیر ئەلموحسن شرۆڤەکارێ سیاسیێ لوبنانی د بەرنامێ (دیدارا تایبەت) دا یا کەنالێ (الاتجاە) گوت” ب چو شێوەکی ھەڤپەیمانیا نێڤدەولەتی یا رژد نینە د ھێرشێن خوەدا دژی داعشێ ل عیراقێ و ھەکە بەراوردیەکێ دناڤبەرا ھێرشێن ئەسمانی ئەوێن ھەڤپەیمانیا عەرەبی ب سەرۆکاتیا سعودیێ ل یەمەنێ دھێنە ئەنجام ددەت کو دبنە ٤٠٠ ھێرشێن ئەسمانی د ئێک رۆژ دا و ھێرشێن ئەسمانی یێن ھەڤپەیمانیا نێڤدەولەتی ب سەرۆکاتیا ئەمریکا ل عیراقێ، دێ بۆمە دیاربیت کو ھێرشێن ئەمریکا ناگەھنە ١٠% ژ وان ھێرشێن ئەسمانی یێن سعودیە ل یەمەنێ ئەنجام ددەت” .
ناڤبری ب ڤێ بەراوردکرنێ، گومانا خوە ژ نیەتێن ئەمریکا د شەرێ تێرۆرێ دا بەرچاڤکر و گوت” ھەکە بۆ روسیا ھاتبا دووپاتکرن کو ئەمریکا یا رژدە د شەڕێ تێرۆرێ دا، نەچار نەدبوو مایێ خوە د سووریێ دا بکەت و ھێزێن خوە بھنێریتە سووریێ و ھەر ژ دەستپێکێ ئەمریکا دەست د دروستکرنا ئاژاوێ دا ھەبوو و سەرەدەری ل گەل گرۆپێن تەکفیری دکر و پشتەڤانیا دارایی و لوجستی و چەکی بۆ وان گرۆپان دھات ب ڕێیا تورکیا”.
خویاکر ژی” پرۆژێ ئەمریکا ل دەڤەرێ دروستکرنا ئاژاوێ یە و ژناڤبرنا لەشکرێن وەلاتێن دەڤەرێ یە، روسیا ژی ھەر ژ دەستپێکێ پشتەڤانا سووریێ بوو، چ ل جڤاتا ئاسایشا نێڤدەولەتی و چ ب ڕێیا ھنارتنا ھاریکاریان و ئەڤرۆ و ژ بەر ھەلویستێ ئەمنی، روسیا ھێزێن خوە ھنارتنە سووریێ و ڤێ پێنگاڤێ ئەمریکا شەرمزارکر و نەچارکر گۆتارا خوە یا بەرێ ل بەرامبەر سووریێ بگوھۆڕیت”.
ئەڤرۆ نیوز، بارزان مزووری:
عسمه‌ت رەجەب، بەرپرسێ لقا ١٤ ل مووسل ئه‌ڤرۆ نيوز دیار کر کو دوھی مەغرەب ٢٦ ئەیلونا ٢٠١٥ێ چەکدارێن تیرورستێن داعش دو پارێزەرێن کچ كو بەری ھەیڤەکێ يه دەستەسەرکر بوون ب ناڤێ” نزال شھاب الجبوری و نەوال الدباغ” ھەردو ژ وان سێدارەدان.
ناڤبری دیار کر کو ھەر د ھەمان رۆژ دا چەکدارێن تیرورستێن داعش پێنج ژ ئافرەتێن د ناڤ کەتیبا “خەنسا ” یێن رێکخستیێن داعش دا ل پارێزگەھا مووسل كو گەلەک ژ وان ئافرەتێن بیانی بوون ژ ئه‌گه‌رێ نه‌پێگريكرن ب رێنمايان سێداره‌دان
به‌رپرسێ لقێگۆتژی: “ئێک ژ سەرکردەیێن مەزن یێن داعش بەرپرسێ دارایی یێ داعش ب ناڤێ ” ئەبو خەتاب” ل تاخێ ره‌فاع ب ده‌ستێ هنده‌ك چه‌كدارێن نه‌نياس هاته كوشتن”.
ئه‌ڤرۆ نيوز:
وه‌زاره‌تا ئه‌وقاف و كاروبارێن ئاينى ل هه‌رێما كوردستانێ راگه‌هاند كو پشتى ب جهئينانا فه‌ريزا حه‌جێ بڕياره سوبه‌هى حه‌جيێن هه‌رێما كوردستانێ ژ وه‌لاتێ سعوديێ ڤه‌گه‌رنه ناڤ كه‌سوكارێن خوه.
سه‌ردار قوربانى، ئاخفتنكه‌رێ ب ناڤێ وه‌زاره‌تا ئه‌وقاف و كاروبارێن ئاينى ل هه‌رێما كوردستانێ د داخۆيانيه‌كێ دا راگه‌هاند كو پشتى ب دووماهى هاتنا ئه‌ركێن حه‌جيان د فه‌ريزا حه‌جێ يا ئه‌ڤ ساله دا، بڕياره سوبه‌هى رۆژا دوشه‌مبى رێكه‌فتى 28ى ئيلۆنا 2015ێ كاروانێ ئێكێ يێ حه‌جيێن هه‌رێما كوردستانێ ب رێيا فرۆكخانا نێڤده‌وله‌تيا هه‌ولێر ڤه‌گه‌رنه ناڤ كه‌سوكارێن خوه.
سێ هزار و 650 حه‌جيێن هه‌رێما كوردستانێ بۆ ب جهئينانا فه‌ريزا حه‌جێ به‌ر ب وه‌لاتێ سعوديێ چووبوون و ژ وان ژى چار حه‌جيان گيانێ خوه ژ ده‌ست دايه و حه‌جيايه‌كێ ژى زارۆيه‌ك بوويه.
ئه‌ڤ ساله د دو بوويه‌ران دا، زێده‌ترى هزار كه‌سان بوونه قوربانى كو يا به‌رى مه‌زن ئه‌و بوو يا د رۆژا ئێكێ جه‌ژن دا روودايى و نێزيكى 800 كه‌سان تێدا گيانێ خوه ژ ده‌ست دا.
نيشاندان