ئهڤرۆ نیوز: ڤهدهر رهشاڤايی:
بێن رۆدز جێگرێ شیرهتكارێ ئاساییشا نهتهوهییا ئهمریكا دیاركر كو پشتی هێرشێن پاریس، ئهمریكا لبهره كار لگهل فرهنسا بكهت بمهرهما وێ یهكێ هێرشێن ئاسمانی ل ئیراق و سوریا بۆ سهر داعش توندكهن.
رۆدز كو نها ل توركیایه بۆ گۆپیتكا گرۆپێ 20 خویاكر ژی: راستهراست پرچهككرنا هێزێن دژی داعش یێن لسهر ئهردی ل ئیراق و سوریا شهری دكهن مفایێ خوه نیشان دا و وهسا دیاره ئهڤ یهك باش كار دكهت.
ناڤهاتی پشتراستكر كو داعش تاماهییا هێرشێن تیرۆری ل ههمی وهلاتێن ههڤپهیمانیا دژی داعش ههنه لێ ناهێته پێشبینیكرن نها چ گهفێن مهترسیدارێن لسهر ئهمریكا ههبن.
ئهڤرۆ نیوز: ڤهدهر رهشاڤايی:
لدووڤ ئاماژهپێدانا ئهندامهكێ جڤاتا نوونهرێن ئیراقێ مهترسی لسهر كوردان و پهرلهمانتارێن كورد ل بهغدا ههیه و چهند مهرجهعێن شیعه ژی گهفان ل كوردان دكهن.
د. عهرهفات كهرهم ئهندامێ جڤاتا نوونهرێن ئیراقێ خویاكر كو هندهك ژ مهلایێن شیعه گهفێن رژد ل كوردان دكهن و دڤێت بكهنه شهرێ كورد و عهرهبان.
ناڤهاتی گۆت ” ل ئینییا بۆری ئیمامهكێ شیعه ل نهجهفێ هێرش كره سهر كوردان، و نها خهلكی دئیننه سهر شاشێن تیڤییان و دژاییهتییا كوردان ل دهڤ گهرم دكهن، لهورا نها ل دهڤهرا كهسك مهترسی لسهر مه ههیه.”
ڤی پهرلهمانتارێ كورد گۆت ژی” نها ل بهغدا گهلهك باسێ ئازادكرنا شنگالێ ب چهكهكێ كێم ژ ئالیێ پێشمهرگه ڤه دهێته كرن، ددهمهكی دا بهغدا نهشیایه گوندهكی ژی ئازاد بكهت، لهورا ئهڤه جۆرهكه ژ ئیرهیی برنێ ب كوردان و ل بههانهیان لدژی كوردان دگهرن”.
ناڤهاتی پتر پێڤهچوو و گۆت: پێشتر ئهم دچووینه دهرڤهی دهڤهرا كهسك لێ ئهم نها نهشێن لڤینێ بكهین، ژبهركو گهف لسهر كوردان ههنه.” و ژ ئێكهتیا نیشتمانییا كوردستانێ خاست ڤێ رهوشێ تهنا بكهت ژبهركو شهر ل سنۆرێ دهستههلاتا وان پهیدابوویه.
ئهڤرۆ نيوز:
شيرهتکارێ جڤاتا ئاساییشا ھەرێما کوردستانێ مەسروور بارزانی، راگەھاند کو ل شنگال ب تنێ پێشمەرگەیێن کوردستانێ شەر يێ كرى و چو هێزێن دى ل سهر ئهردى پشكدارى نهكريه.
مەسروور بارزانی دا زانین کو شنگال ب تمامى ھاتیە ئازادکرن و گۆت: “دبيت کو چەند کەسەک مابن و خوە د ناڤ ھندەک خانیان دا ڤەشارت بيتن، ههكه نه باژێر و دهڤهرێن دەروروبهرێ وێ مە ئازادکرنا وان راگەھاندیە، ب تەمامی ژ تيرۆرستان ھاتنە ئازادکرن. نێزیکى 28 گوندێن دەوروبهرێن شنگال و رێیا سەرەکییا 47 ھاتینە ئازادکرن و ل گەلێ کوردستانێ و ئێزدیان پیرۆز بيت.”
دوھى 15ى چريا دويێ شيرهتكارێ ئاسايشا ههرێما كوردستانێ مهسرۆر بارزانى د ههڤپهيڤينهكا تلهفۆنى دا ل گهل كهنالێ CNN ئاماژه ب هێرشێن ئهسمانى يێن هێزێن ههڤپهيمانان كر كو گهلهك د هاريكار بوون و گۆت: “وان پشتهڤانيا پێشهرگهى دكر كو هێزا ئێكانه بوو ل سهر ئهردى، ديسا پێشمهرگێن ئێزدى ژى د ناڤ ڤێ ئۆپهراسيۆنێ دا ههبوون، ب گشتى حهفت هزار و 500 پێشمهرگان ژ سێ لايان ڤه هێرش كر و دهمژمێر حهفتى سپێدههيا رۆژا پێنجشهمبى دهسپێكر و دهمژمێر سێى پشتى نيڤرۆيا رۆژا ئهينى ب دووماهى هات”.
بارزانى تهكست ل سهر وێ چهندێ كر كو ل سهر ئهردى چو هێزێن ههڤپهيمانان پشكدارى ئۆپهراسيۆنێ نهبوويه و ب تنێ هێزێن پێشمهرگهى بوون و هندهك ئهفسهرێن پهيوهنديان كو ههماههنگيا هێرشێن ئهسمانى ل گهل هێزێن ههڤپهيمانان د رێكخست.
دهربارهى پلانێن داهاتى يێن دهربارهى شنگال، مهسرۆر بارزانى گۆت: “وهكو دهێته زانين زێدهترى سالهكێ يه شنگال ژ لايێ تيرۆرستێن داعش ڤه هاتيه داگيركرن، ئهڤرۆ پشتى ئازادكرنا وێ، مه ههموويان ديت چاوان يا هاتيه وێرانكرن، لهورا پێدڤيا شنگال و كهمپێن دهوروبهرێن وێ ب ئاڤهدانكرنێ ههيه، تشتێ ل سهر مه ژى پێدڤى ئهوه خزمهتا وى باژێرى بكهين”.
ئهڤرۆ نیۆز، سالار دۆسكی:
ب بهرههڤبوونا چهندین بهرپرسێن حزبی و حوكمی ل پارێزگهها دهۆكێ ل سپێدههی یا ئهڤرۆ 15/11/2015 ل هولا ناڤهندا قوتابیان ل زانكۆیا دهۆكێ كونفرانسێ گهنج و كۆچكرن و ئهگهر و چارهسهری دهست ب كارێن خوه كر.
ل دهسپێكێ چهندین پهیڤ هاتنه خواند و دووڤ دا پهنهلێ ئێكێ دهستپێكر، د.بهدرخان سندی بهحسێ هوكارێن چوونا گهنجان كر بۆ دهرڤه و ئهگهر و چارهسهری و چهندین نموونه ل سهر بابهتی دیاركرن، دووڤ دا دهرگههێ دانوستاندنێ هاتهڤهكرن.
ههڤدهم پشتی بهێنڤهدانهكا كورت پهنهلێ دوویێ دهست پێكر بۆ ههر دو كتوران،(د.نسرین بهرواری) و (د.سالح عومهر) چهندین ئامار ل سهر ئاستێ جیهانێ هاتنه دیاركرن و دیسان هوكار هاتنه شرۆڤهكرن.
جهێ ئاماژهكرنێ یه كونفرانسێ ناڤبری بۆ ماوێ دو رۆژان دێ یێ بهردهوام بیت و چهندین راسپارده وخالێن گرنگ ل سهر چوونا گهنجان دێ بنه بهرنامه و بۆ جهێن بلند دێ هێنه بلندكرن.
ئەڤرۆ نیۆز، بارزان مزووری:
ژێدەرەکێ باوەرپێکری د ناڤ سەنتەرێ مووسل دا کو نەڤیا ناڤێ وی دیار بیت ب رێیا پەیوەندیەکا تەلەفۆنی بۆ ئەڤرۆ نیوز ئاشکرا کر کو پشتی کونترۆل کرنا رێیا نێڤدەولەتی یا 47 ئەوا ب سوریێ ڤە دھێتە گرێدان ھاتیە کونترۆل کرن ژ لایێ پێشمەرگەی ڤە رەوشا چەکدارێن تیرورستێن داعش ب خەلکێ مووسل ڤە گەلەک خراب بوویە و گەھشتیە وی ئاستی کو چەند رۆژێن بھێت خەلک بۆ خوه بکەڤیتە سەر جادەیا ژ بەر نەبوونا پێدڤیێن ژیانێ، گەلەک خودانێن دوکانان ژى کەلوپەلێن خوه بۆ مال ڤەگوھاستینە ژ ترسێن نەھاتنا کەلوپەلا بۆ ناڤ مووسل.
ئهڤى ژێدهرى دا زانين ژى کو ھەموو سەرێن تاخا زالگەھەک دانایە د کەڤتینە ئامادە باشیێ دا ژ ترسێن خەلکێ کو راببنە سەر خوه و دبێژينە خەلکی چ راستی بۆ کونترۆلکرنا رێیا بۆ سوریا نینن دا خەلکەک نە رابیتە سەرخوه.
گۆتژى: ” ئاڤا ڤەخوارنێ شێلی بوویە، ھەموو وەکو تەحینێ لێ ھاتیە نزانن ئەگەر چنە گاز و پهنزين گەلەک يێن کێم بووین، ل ئیڤاریا ئەینی دەمێ رزگارکرنا شنگال ل پانزینخانە و گۆرەپانێن غازێ د گەریان غاز وپانزين ب تانکەرا عهمبار دکر و دەرگەھێن پانزينخانا دگرتن و دگۆتە خودانێن پانزینخانا نەفرۆشن داعش کارێ پێ ھەی”.
زێدەتر گۆت: “18 کۆمپانیێن ئەنترنێتێ د ناڤ باژێرى دا داخستن دا كو پێزانینا ل سەر شکەستا وان نهزانن و خەلکێ مووسل نەبینیت و دبێژنە خەلکێ مووسل هەتا نھا شنگال د دەستێن مە دایە و نەھاتیە کونترۆل کرن، ھاتنوچوون د ناڤ مووسل دا بۆ داعش گەلەک یا ب ترس کەفتى”.
ناڤبری ل دۆر وان کەسێن ژ شنگال رەڤین و شەرێ خوه نەکری، ئاشکرا کر کو ب پتر ژ 65 چەکدارێن خوه یێن بیانی و عيراقی ل دووڤ فەرمانا ئەبۆ بەکر بەغدادی ب تومەتا رەڤینێ ژ شنگال ل بەرامبەر ھێزێن پێشمەرگەی گولەباران کرن و ئهوێن خودان پله ژى سێداره دان.
ئەڤرۆنیۆز، سالار دۆسکی:
سەرۆکا لژنا پەروەردێ ل جڤاتا پارێزگەھا دھۆکێ دیارکر قوتابخانێن ئەھلیێن ھەرێما کوردستانێ ھەین(٤٤٢) قوتابخانێن ئەھلی ھەرێمێ ھەنە و پارێ دھێتە وەرگرتن دناڤبەرا (٢٥٠٠ھەتا ٣٠٠٠) ھزار دۆلارانە ژبلی پارێن پەرتووکێن خواندنێ و جلکان.
جنبەد شوکری سەرۆکا لژنا پەروەردێ ل جڤاتا پارێزگەھا دھۆکێ بۆ ئەڤرۆ نیۆز دیارکر کو سێ جورێن قوتابخانە و پەیمانگەھێن ئەھلیێن نەحوکمی ھەرێما کوردستانێ ھەنە، دیسان ناڤ و دروشمێ ئەڤان قوتابخانا ناگونجن ل گەل قانوونێن خواندنا حوکمی و رێنمایێن وەزارەتێ ل دووڤ قانوونا سالا ٢٠١٤ یا قوتابخانێن ئەھلی، نابیت ھیچ قوتابخانەکا ئەھلی یان پەیمانگەھەکا ئەھلی نیشان و دورشمێ ناکوک ل گەل پرەنسیپێن پێکڤە ژیانا ئاشتی یانە، ئاینی ، نەتەوەیی، ل کوردستانێ بھێنە بکارئینان، دیسان وەرگرتنا قوتابیان سیستەمەکێ روون و ئاشکرا نینە و لدووڤ رێنمایێن وەزارەتێ نینە، پتریا قوتابخانا ئارمانجا وا ل سەر وەرگرتنا قوتابیان نەیا دیارە.
ئەڤرۆ نیۆز، قائید میرۆ
بڕیارە سێ شەمبیێ پەرلەمانێ عيراقێ کۆمبیت و پەرلەمانتارەکا کوردژی ئاشکرا دکەت، ھێشتا پڕۆژە قانوونا بودجەی یا بەرھەڤ نینە ڤەخواندنا دوێ بۆ بھێتەکرن.
نەدا مێرگەسۆری، بڕیاردەرا فڕاکسیۆنا پارتی ل پەرلەمانێ عيراقێ ب ئەڤرۆ نیۆز راگەھاند” بڕیارە ئەڤێ سێشەمبێ پەرلەمانێ عێراقێ کۆمبیت و دێ ڤەخواندن بۆ ھژمارەک پڕۆژە قانوونێ گرنگ ھێتەکرن، کو بەر ینوکە کار بۆھاتیەکرن و ژ لایێ لیژنەیێ تایبەتمەندڤە ھاتینە بەرھەڤکرن.
مێرگەسۆری دیارکر” ھێشتا زۆر یاما ڤەخواندنا دویێ بۆ پڕۆژە قانوونا بودجێ گشتیێ عيراقێ بھێتەکرن، چونکو ھێشتا پەرلەمان چاڤەڕێی لیژنا دارایی و ئابوری دکەن بۆ بەرھەڤکرنا راپۆرتا بودجێ گشتیێ عێراقێ بۆ سالا ٢٠١٦ێ و لیژنێ خوە بەرھەڤنەکریە، لەوڕا دانوستانێن بودجەی دێ پاشکەڤن بۆ کۆمبوونێن داھاتی.
ئەڤرۆ نیۆز، قائید میرۆ
لھەمبەر ھنارتنا ھێزەکا سوپایێ عێراقێ و ھێزێن میلیشیاتێن شیعی ھەرێما کوردستانێ لیوایەکادی یا ھێزێن پێشمەرگەی ھنارتە خورماتوو نوکە یێ خوە بەرھەڤ دکەن بۆ ھەر ئەگەرەکێ.
ژێدەرەکێ ئاگەھدار ل قەزا دوز خورماتوو ب مالپەرێ ئەڤرۆ نیۆز راگەھاند” پشتی ھاتنا ھێ.ەکا زۆرا میلیشیاتێن شیعی بۆ دەڤەرێ، پێشمەرگەش کەفتە ئامادەباشیاندا و خوە بەرھەڤ دکەن بۆ ھەر ھێرش و پێکدادانەکێ بۆسەر وەلاتیێن کورد و ھێزێن پێشمەرگەی، چونکو ھندەک بەپرسێن شیعە ھێزێن خوە شاندینە خورماتوو نیەتێن باش نینە.
ژێدەری گۆتژی” ئەڤرۆ لیوایەکا ھێزێن پێشمەرگەی بۆ دەڤەرێ ھاتیە ھنارتن و گەھشتنە ناڤا سەنتەرێ قەزا خورماتوو یێ چاڤدێریا رەوشا قەزایێ کەن، ئەف ھێزە ددەمەکیدا گەھشت عێراقێ ژی ھێزەکا خوە ھنارتیە خورماتوو پێشمەرگە رێکێ نادەت بچیتە ناڤا قەزایێ.
ئەڤرۆ نیۆز، قائید میرۆ:
بەرپرسەکێ پارتی دیموکراتی کوردستان راگەھاند، ئەڤرۆ چو شەڕ ل قەزا خورماتوو چێنەبووینە، بەلێ پێشمەرگە و حەشد شەعبی د سەنگەریدانە بەرامبەری ئێک.
ئەحمەد شێخ لەنگەری، بەرپرسێ لیژنا ناوچا پارتی ل دوز خورماتوو تایبەت بۆ ئەڤرۆ نیۆز گۆت: “دوھی شاندەکێ پلە بلندێ عێراقێ گەھشتنە خورماتوو دگەل لایەنێن ئەمنی و ئیداری کۆمبوون و لسەر دو خالان رێکەفتن، یا ئێکێ وەلاتیێن ھاتینە رەڤاندن ژلایێ پێشمەرگە و چەکدارێن شیعە بھێنە ئازادکرن، شەڤا بۆری ھژمارەک ھاتینە ئازادکرن و ھژمارەک ماینە، خالا دویێ ھێزەک بۆ تەناکرنا رەوشێ ھاتیە پێک ئینان کۆ ٧٥ ژوان کوردن و ٧٥ ژوان چەکدارێن شیعەنە”.
ئەحمەد گۆتژی: “رۆژێن بۆری پتری ٢٠ کەسان ل ھەردو لایان ھاتینە کوشتن و نێزیکی ٢٠٠ کەسان ب بارمتە ھاتینەگرتن، ئەڤە ژبلی سوتنا ب دەھان خانی و دوکان و جھێن بازرگانی، ئەڤرۆ شەڕ نینە، بەلێ ھەردولا د سەنگەریدانە بەرامبەر ئێک و نوزانین دێ چو روویدەت”.
نيشاندان