به‌رى ده‌مه‌كێ كێم فرۆكێن شه‌ركه‌رێن هه‌ڤپه‌يمانان ل ميحوه‌رێ ناوه‌ران باره‌گا و جهێن چه‌كدارێن داعش تۆپباران كرن.
ب گۆره‌يى ئه‌و زانيارێن ب ده‌ست ئه‌ڤرۆ نيوز كه‌فتين ل ميحوه‌رێ ناوه‌ران ئه‌و جهێ فرۆكێن شه‌ركه‌رێن هه‌ڤه‌يمانان تۆپبارانكرين، ئه‌و جهـ بوون يێن قه‌ناس ب ده‌ستێن داعش تێدا د ئاكنجى.
ئه‌ڤرۆ نيوز:
ل سه‌ر داخۆيانيا سه‌عدى ئه‌حمه‌د پيره ئه‌ندامێ مه‌كته‌با سياسيا ئێكه‌تى نشتيمانى كوردستان كو به‌حس ل وێ چه‌ندێ كربوو كو ل ناڤ پارتى ديموكراتى كوردستان چه‌كدار و رێكخستنێن سه‌ر ب حه‌شه‌د شه‌عبى ڤه هه‌نه، ئاخفتنكه‌رێ فه‌رميێ سه‌رۆكاتيا هه‌رێما كوردستانێ هاته ده‌نگ و داخۆيانيه‌كا نڤيسكى به‌لاڤكر.
د ڤێ نڤيساره‌كێ دا يا ئه‌ڤرۆ نيوز دانه‌ك ب ده‌ست خوه خستى ئاماژه ب وێ چه‌ندێ كريه كو هه‌كه سه‌عدى ئه‌حمه‌د پيره پێزانينێن دروست و به‌لگه ل سه‌ر وان كه‌سێن ل سه‌ر ئه‌ردێ كوردستانێ هێزا حه‌شه‌د شه‌عبى دروستكرى هه‌بن، بلا پێشكێشى ده‌زگه‌هێن په‌يوه‌نديدار بكه‌ت دا كو پێرابوون بهێنه وه‌رگرتن.
ده‌قێ روونكرنا سه‌رۆكاتيا هه‌رێما كوردستانێ:
پشتی وێ یەکێ کو داخویانیا برێز سەعدی ئەھمەد پیرە ئەندامێ مەکتەبا سیاسی ل چەند دەزگەھەکی راگھاندنێ ھاتە بەلاڤ کرن کو قاشۆ ل ناڤ پارتیا دەمۆکراتا کوردستانێ دا چەکدار و رێخستنێن سەر ب ھەشدی شەعبی ھەیە. داخواز ل ڤی برێزی دکن کو ئەگەر زانیاریێن دروست و بەلگەیا خوەیا د دەربارێ وان کەسان دە ھەیە کو ب دروستکرنا ھێزا سەر ب ھەشدی شەعبی ل ناڤ ئاخا کوردستانێ رابوونە، ئێدی چ ل ناڤ پارتی (پدک) بێ یان ھەر ھزبەکی دین، بلا بدە دەزگەھێن پەیوەندیدار بۆ کو ئیجرااتا پێویست ل گەل وان دا بێ کرن.
د. ئومێد سەباح
پەیڤدارێ فەرمییێ سەرۆکایەتیا ھەرێما کوردستانێ
١١-٠٤-٢٠١٥
ئه‌ڤرۆ نيوز:
ب كۆره‌يى نڤيساره‌كا په‌رله‌مانێ كوردستانێ راگه‌هانديه كو رۆژا دوشه‌مبى 13ى نيسانا 2015ێ په‌رله‌مانێ كوردستانێ دێ روونشتنا خوه يا ئاسايى يا هه‌شتێ ژ خولا بهارێ گێرێت و دێ دانوستاندنێ ل سه‌ر پرۆژێ قانوونا ئاماده‌كرنا پرۆژێ دستوورێ هه‌رێما كوردستانا عيراقێ كه‌ت.
هه‌ر ب گۆره‌يى ڤێ نڤيسارا په‌رله‌مانى هاتيه: ب گۆره‌يى حوكمێن برگا “1” يێ ماددێ “20” ژ په‌يره‌وێ ناڤخۆ يێ په‌رله‌مانێ كوردستانێ – عيراق ژماره “1” يێ سالا 1992 يێ راستڤه‌كرى، ده‌سته‌يا سه‌رۆكاتيا په‌رله‌مانى بڕيار دا روونشتنا ژماره “8” يا خولا بهارێ ژ خولا هه‌لبژارتنا چوارێ يا په‌رله‌مانى ل ده‌مژمێر 11ى پێش نيڤرۆيا رۆژا دوشه‌مبى رێكه‌فتى 13ى نيسانا 2015ێ بيت”.
دايه زانين ژى دێ به‌رمانێ كارێ ژ ته‌وه‌ران پێك هێت يێ ئێكێ دێ دانوستاندن بيت ل سه‌ر پرۆژێ ئاماده‌كرنا پرۆژێ دستوورێ هه‌رێما كوردستانێ – عيراق بۆ راپرسيێ، ب گۆره‌يى مادێن “72 و 74 و 75″ ژ په‌يره‌وێ ناڤخۆ يێ په‌رله‌مانێ كوردستانێ ژماره “1”يێ سالا 1992ێ يێ راستڤه‌كرى.
يا دويێ ژى دێ دانوستان بيت ل سه‌ر پرۆژێ قانوونا پاراستنا مافێن پێكهاتێن نه‌ته‌وى و ئاين و تيرێن ئاينى ل هه‌رێما كوردستانێ – عيراق ب گۆره‌يى مادێن “72 و 74 و 75″ ژ په‌يره‌وێ ناڤخۆ يێ په‌رله‌مانێ كوردستانێ يێ ژماره “1”يێ سالا 1992ێ يێ راستڤه‌كرى.
ئه‌ڤرۆ نيوز:
يوسف محه‌مه‌د سه‌رۆكێ په‌رله‌مانێ كوردستانێ و كوسره‌ت ره‌سول جێگرێ سكرتێرێ گشتێ ئێكه‌تى نشتيمانى كوردستان ده‌ستپێكر.
د كۆنگرێ رۆژنامه‌ڤانى دا يوسف ئه‌حمه‌د سه‌رۆكێ په‌رله‌مانى دا زانين كو ئه‌و بۆچوونێن ناڤا په‌رله‌مانى بۆ ئێكه‌تى نشتيمانى كوردستان هاتنه به‌حسكرن و دێ بۆچوونا خوه ل سه‌ر ديار كه‌ن.
كوسره‌ت ره‌سول جێگرێ سكرتێرێ گشتێ ئێكه‌تى نشتيمانى كوردستان دا زانين كو ئه‌وان پێدڤى ب دانوستاندێن زێده‌تر د ڤێ ده‌ربارێ دا هه‌يه و دێ پاشان بڕيارێ ل سه‌ر ده‌ن.
دا زانين ژى كو ئه‌وان هێشتا بڕيارا خوه نه‌دايه و چو بۆچوونێن وه‌سا ژى نينن كو به‌رامبه‌ر پۆستێ سه‌رۆكاتيا هه‌رێمێ داخوازا پۆستێ سه‌رۆكێ حوكمه‌تێ كربيت.
د به‌رامبه‌ر وێ چه‌ندێ ژى يوسف محه‌مه‌د ئاشكه‌را كر كو ئه‌وان هه‌تا نوكه خوه ئێكلا نه‌كريه و ئه‌و دێ پتر دانوستاندنێ ل سه‌ر ڤێ پرسێ كه‌ن.
به‌رى ماوه‌كى سه‌رۆكاتيا په‌رله‌مانێ كوردستانێ ل گه‌ل ئێكه‌تى نشتيمانى كوردستان ل دۆر راستڤه‌كرنا دستوورى و ماوێ سه‌رۆكاتيا هه‌رێما كوردستانێ كۆمبوو.
شاندێ سه‌رۆكاتيا په‌رله‌مانى ژ يوسف محه‌مه‌د و جه‌عفه‌ر ئێمينكى و فه‌خره‌دين قادر، سه‌رۆك و جێكر و سكرتێرێن په‌رله‌مانى ل گه‌ل هه‌ر ئێك ژ كوسره‌ت ره‌سۆل جێگرێ ئێكێ يێ سكرتێرێ گشتيێ ئێكه‌تى نشتيمانى كوردستان و مه‌لا به‌ختيار، به‌رپرسێ ده‌سته‌يا كارگێرى يا مه‌كته‌با سياسى يا ئێكه‌تى نشتيمانى كوردستان و عومه‌ر فه‌تاح ئه‌ندامێ مه‌كته‌با سياسى يا ئێكه‌تيێ و بێگه‌رد ته‌له‌بانى سه‌رۆكا فراكسيۆنا ئێكه‌تيێ ل په‌رله‌مانێ كوردستانێ كۆمبوون.
مه‌ره‌م ژ ڤێ سه‌ره‌دانێ دانوستاندنه ل سه‌ر پرسا راستڤه‌كرنا دستوورێ هه‌رێما كوردستانێ و پرسا ماوێ سه‌رۆكاتيا هه‌رێمێ و ويلايه‌تا بارزانى.
به‌رهه‌م سالح جێگرێ دويێ يێ سكرتێرێ گشتێ ئێكه‌تى نشتيمانى كوردستان پشكداريى د ڤێ كۆمبوونێ دا نه‌كربوو و ئه‌گه‌رێ پشكداينه‌كرنێ ژى نه‌هاتينه زانين، به‌لێ پێشبينى دهێته كرن كو ژ ده‌رڤه‌يى وه‌لاتى نه‌ڤه‌گه‌ريابيت.
ئه‌ڤرۆ نيوز:
موقته‌دا سه‌در، رابه‌رێ ته‌ڤگه‌را سه‌در يا شيعه ل عيراقێ هوشدارى دا حه‌يده‌ر عه‌بادى سه‌رۆك وه‌زيرێن عيراقێ و داخوازێ ژى دكه‌ت كو ل دووڤ پێ مالكى، سه‌رۆك وه‌زيرێن به‌رێ يێ عيراقێ نه‌چيت و سه‌رۆكاتيا ده‌سته‌يا سه‌ربه‌خۆ يا عيراقێ نه‌ده‌ته ده‌ستێ كه‌سێ ب وه‌كاله‌ت.
د به‌رسڤا پرسيارا ئێك ژ شوونكه‌فتيێن وى دا سه‌رباره‌ت ب پێدانا ده‌سته‌يێن سه‌ربه‌خۆ يێن عيراقێ ب وه‌كاله‌ت ژ لايێ سه‌رۆك وه‌زيرێن عيراقێ بۆ هنده‌ك كه‌سان، سه‌در گۆت: “داخوازيا من ژ برايێ من عه‌بادى ئه‌وه كو چاڤ ل به‌رژه‌وه‌نديێن گشتى دكه‌ت و ژ بريارا دانا وه‌كاله‌تان لێڤه‌ببيت، ئه‌ز چاڤه‌رێ مه كو ئه‌و ل شوون پێ يێ به‌رى وى نه‌چيت”
ئه‌ڤ داخۆيانيا رابه‌رێ ته‌ڤگه‌را سه‌در د ده‌مه‌كى دايه كو سه‌رۆك وه‌زيرێن عيراقێ پێشتر راگه‌هاندبوو كو سه‌رۆكێ ده‌سته‌يا حه‌ج و عومرێ ب وه‌كاله‌ت دايه خالد عه‌تيه سه‌ركردێ ده‌وله‌تا قانوونێ و سه‌رۆكاتيا ده‌سته‌يا ده‌سپاكيێ دايه ده‌ست حه‌سه‌ن نيعمه و ئه‌ڤ پێتگاڤه ژى بووينه جهێ نه‌رازيبوونا لايه‌نێن سياسى.
ئەڤرۆ نیۆز، قائید میرۆ:
ل زانکۆیەکا باژێڕێ ھەولێرێ ئالایێ کوردستانێ دھێتە لادان و ئالایێ عێراقێ دھێتە بلندکرن، لەوڕا ئالۆزی کەفتیە ناڤبەرا قوتابیان و قوتابیێن کورد ب توندی نەڕازیبوونا خوە دایە نیشاندان.
رائید کاروان عەبدولکەریم، پەیڤدارێ پۆلیسێن ھەولێرێ بۆ ئەڤرۆ نیۆز راگەھاند: “ئەڤرۆ ھژمارەکا قوتابیێن عەرەب ل زانکۆیا حەیات یا باژێڕێ ھەولێرێ ئالایێ کوردستانێ ل سەر زانکۆیێ ئینایە خوار و پێکدادان ناڤبەرا قوتابیێن کورد و عەرەب چێبوویە”.
رائید کاروانی گۆتژی: “پۆلیس گەھشتنیە جھێ روودانێ و بزاڤێن تێنەکرن بھێتە کۆنتڕۆڵکرن”، قوتابیێن کورد تەکەز کرن، رازی نابین ئالایێ عێراقێ ل جھێ ئالایێ کوردستانێ بھێتە ھلدان.
ئه‌ڤرۆ نيوز:
دادگه‌ها تاوانان ل مسرێ سزايێ سێده‌رادانێ ل سه‌ر محه‌مه‌د به‌ديع رابه‌رێ ئيخوانا و 13 كه‌سێن دى سه‌رپاند ب تۆمه‌تا پێكئينانا ژوورا كريارێن “رابيعه”.
مالپه‌رێ “اليوم السابع” يێ مسرى راگه‌هاند كو دادگه‌ها تاوانان ل قاهيره ل په‌يمانگه‌ها ئه‌مناء يا پۆليسان ل به‌تره ئه‌ڤرۆ رۆژا شه‌مبى رێكه‌فتى 11ى نيسانا 2015ێ سزايێ سێداره‌دانێ ل سه‌ر محه‌مه‌د به‌ديع رابه‌رێ ئيخوانان و 13 سه‌ركردێن وان دا و 37 كه‌س ژى ب سزايێ هه‌تا هه‌تايێ هاتنه سزادان د چارچۆڤێ تۆمه‌تا د راگه‌هاندنێ دا ب ژوورا كريارێن “رابعه” دهێته هژمارتن.
ئه‌ڤرۆ نيوز:
سه‌رۆكێ عه‌شيرا قه‌بيلا بۆبالى ئه‌حمه‌د بيلاوى راگه‌هاند كو رۆژا ئه‌ينى 9ى نيسانا 2015ێ ژ به‌ر تێچكوونا ره‌وشا سه‌قايى چه‌كدارێن داعش شيان دو ده‌ڤه‌رێن باكوورێ باژێرێ رومادى كۆنترۆل بكه‌ن.
شێخ ئه‌حمه‌د بيلاوى د داخۆيانيه‌كا رۆژنامه‌ڤانى دا گۆت: “رۆژا بۆرى باهۆزه‌كا توزێ باژێرێ روومادى و ده‌ردورێن وێ گرتبوون، چه‌كدارێن داعش ژى ئه‌ڤ چه‌نده ب ده‌ليڤه ديت و هێرش كره سه‌ر ده‌ڤه‌رێن “بۆفراج و بوعيسه” ل باكوورێ رومادى و كۆنترۆل كرن”.
زێده‌تر گۆت: “داعش نوكه يا نيڤا باژێرێ رومادى تۆپباران دكه‌ت، به‌لێ ئه‌و يا بهێنهه‌لكێشانا خوه يا دووماهيێ دئينيت و دبه‌ت و ب زووترين ده‌م دێ ژ ناڤچيت”.
ئه‌ڤرۆ نيوز:
بڕيار بوو رۆژا پێنجشه‌مبى سه‌رۆكاتيا په‌رله‌مانێ كوردستانێ ل گه‌ل ئێكه‌تى نشتيمانى كوردستان كۆم بيت دا كو هه‌لويستێ وان ل دۆر پرسا دستوورى و زێده‌كرنا مازێ سه‌رۆكاتيا هه‌رێمێ بزانيت، به‌لێ ژ به‌ر ئاماده‌نه‌بوونا هه‌ردو جێگرێن سكرتێرێ گشتى ئه‌ڤ روونشتنه بۆ رۆژا شه‌مبى رێكه‌فتى 11ى نيسانا 2015ێ هاته پاشخستن.
پێشتر سه‌رۆكاتيا په‌رله‌مانێ كوردستانێ يێ پێكهاتى ژ يوسف محه‌مه‌د و جه‌عفه‌ر ئێمينكێ و فه‌خره‌دين قادر، سه‌رۆك و جێگر و سكرتێرێن په‌رله‌مانى سه‌ره‌دانا هه‌ر ئێك ژ يه‌كگرتوو و كۆمه‌لێ و گۆڕان كريه و بۆچوونا وان ل سه‌ر پرسا سه‌رۆكاتيا هه‌رێمێ و راستڤه‌كرنا دستوورى وه‌رگرتيه.
ئه‌ڤرۆ نيوز:
ئه‌ندامه‌كێ جڤاتا سه‌ركرداتيا پارتى ديموكراتى كوردستان راگه‌هاند، ئێكشه‌مبيا بهێت جڤاتا سه‌ركرداتيا پارتى دێ بۆ دانوستاندنێ ل سه‌ر پرسا دستوورى و سه‌رۆكاتيا هه‌رێمێ كۆمبيت.
عه‌لى حسێن ئه‌ندامێ جڤاتا سه‌ركرداتيا پارتى ديموكراتى كوردستان بۆ مالپه‌رێ فه‌رميێ پارتى ديموكراتى كوردستان KDP.info گۆت: “بڕياره رۆژا ئێكشه‌مبى جڤاتا سه‌ركراتيا پارتى ديموكراتى كوردستان كۆمبوونا ئاسايا خوه ئه‌نجام بده‌ت كو هه‌ر سێ هه‌يڤان جاره‌كێ ئه‌نجام دده‌ت”.
ئاماژه ب وێ چه‌ندێ ژى كر كو كۆمبوونا ڤێ جارێ دێ زێده‌تر گرێدايى ره‌وشا نوكه يا كوردستانێ وه‌كو دستوورى و سه‌رۆكاتيا هه‌رێمێ و كۆمه‌كا دى يا پرسان بيت.
دا زانين ژى كو د كۆمبوونێ دا دێ بۆچوونا پارتى ل دۆر وێ پرسێ هێته دياركرن كا چاوان دانوستاندن ل سه‌ر بهێته كرن و ب چو ره‌نگ بيت و گۆت: “بۆچوون دێ د ڤى وارى دا هێنه گوهۆڕين”.
نيشاندان