ئهڤرۆ نيوز:
نووترين نووچه
- نێچیرڤان بارزانی دوپاتیێ ل سەر بهایێن هەڤپشك یێن ئازادیێ و دیموكراسیێ دكەت
- نێچیرڤان بارزانی ل دەوحە پشكداری د بەهییا میرێ بەرێ یێ قەتەرێ دا كر
- مەسرور بارزانی سەرەخۆشیێ ل شێخ نەهرۆ كەسنەزانی دكەت
- نڤیسینگەها سەرۆكێ حوكمەتا هەرێمێ: حوكمەتا هەرێما كوردستانێ دێ بەردەوام بیت ل سەر رووبڕووبوونا گەندەلیێ و سەروەرییا یاسایێ
- 20 مەهـ ل سەر هەلبژارتنان دەرباز بووینە و چو بەهانە بۆ راگرتنا پەرلەمانی نەماینە
- سەرۆك بارزانی هەڤخەمییا خۆ بۆ حوكمەت و گەلێ قەتەرێ دەربڕی
- لیندزی گراهام پشتەڤانەكێ وەفادار و دۆستەكێ ب بها یێ گەلێ كوردستانێ بوو
- حوكمەتا هەرێما كوردستانێ د بەرهنگاربوونا گەندەلیێ دا پێگیرییا خۆ ب كارنامەیا خۆ سەلماند
- فەرهاد ئەترووشی: مە نڤیسار بۆ دامەزراندنا هەمیشەیی یا 70 هزار فەرمانبەرێن گرێبەست ئاراستەی بەغدا كریە
- بایكۆتكرنا پەرلەمانی دژاتیكرنا سووندا یاسایییە و تاوانەكا مەزنە بەرانبەر گەلێ كوردستانێ
سهرهكى نووترين نووچه
پيره:بۆچى دهمێ بهرههم سالح سهرۆكێ حوكمهتێ ئهڤ ئاخڤتنه نه دگۆتن؟
ئهڤرۆنيوز:
پهيڤدارێ مهكتهبا سياسى يا ئێكهتى نيشتمانى كوردستان، ئهڤرۆ ئێكشهمبى 1/4/2018، داخواز كر كو پرسيار ژ سهرۆكێ ليستا ههڤپهيمانيێ بۆ ديموكراسى ودادپهوهريێ بهێته كرن، بۆچى دهمێ تو سهرۆكێ حوكمهتا ههرێمێـ ته ئهڤ ئاخڤتنه نه دگوتن؟”.
سهعدى ئهحمهد پيره، پهيڤدارێ مهكتهبا سياسى يا ئێكهتى نيشتمانى كوردستان، دكۆنفرانسهكێ رۆژنامهڤانى دا راگههاند ههموو حزب ب گشتى وئێكهتى ب تايبهت دشێن ل كهركووكێ ول بن داگيركاريا حهشدا شهعبى، ههوا ههلبژارتنان بكهت ورێگرى لێ ناهێته كرن.
سهعدى پيره ل دۆر قهيرانا دارايى، گۆت” ئهو قهيران ژبهر چهند ئهگهران دروست بوويه وههردو حوكمهتێن ههرێما كوردستانێ وبهغدا ڤهگرتيه ژبهر هاتنا خوارێ يا بهايێن پهترۆلێ وشهرێ دژى داعشێ وكێشا دناڤبهرا ههولێرێ وبهغدا”.
دياركر ژى” نهجمهدين كهريم وهكو ئهندامێ مهكتهبا سياسى يا ئێكهتيێ نهمايه وتنێ ئهندامێ سهركردايهتيا ئێكهتيێ يه”.
ل دۆر بهرههم سالحى، جێگرێ دويێ يێ بهرێ يێ سكرتێرێ گشتيێ ئێكهتيێ، سهعدى پيره گۆت” بهرههم سالح وهكو قهشهيهكى دئاخڤيت وبهردهوام دبێژيت دێ كهرامهتا ههوه دێ زڤرينم ودێ ڤى كارى وڤى كارى كهم”.
پيره ب ئاماژهكرن ب وێ چهندێ كو نهڤێت دهمێ خوه ب وى ڤه بكوژيت، گۆت” بهرههم سالح كو نوكه سهرۆكێ ههڤپهيمانيێ بۆ ديموكراسيێ ودادپهروهريێ يه، پێشتر بهرپرسيارهتيا مهزن دحوكمهتێ وئێكهتيێ دا ههبوو وب ديتنا من پێدڤيه پرسيارێ ژێ بكهين ئهو ئاخڤتنێن تو نوكه دكهى بۆچى ل دهمێ تو دحوكمهتێ دا ته نه دكرن؟”.
لهشكرێ سوورى يێ ئازاد گوهۆرينا ئاينى ل سهر ئێزديان سهپاند
ئهڤرۆنيوز:
بهرپرسێ كۆمهلا ئێزديان ل عهفرينێ راگههاند، ئێزدى ل عهفرينێ يێن تووشى كۆمهلكوژيێ بووين ولهشكرێ سوورى يێ ئازاد ژى گوهۆرينا ئايينى ب سهر ئيزديان دا يا سهپاندى.
سوعاد حهسۆ، بهرپرسێ كۆمهلا ئێزديان ل عهفرينێ گۆت” پشتى هاتنا لهشكرێ سوورى يێ ئازاد بۆ دهڤهرێن ئێزدى تێدا ئاكنجى ل عهفرينێ، ئايينێ ئيسلامى ب سهر ئێزديان دا يێ سهپاندى وههموو جۆره پێشێلكاريهكێ ژى بهرامبهر ئێزديان دكهت”.
ناڤبرى زێدهتر بۆ مالپهرێ فهرميێ پارتى ديموكراتى كوردستان گۆت” ئهڤ هێزێن چهكدار كو ب سهر لهشكرێ توركيا ڤهنه، ههموو مهزارێن ئايينى يێن ئێزديان يێن ژناڤبرين وسڤكاتيێ ب ههموو پێكهاتان دكهن”.
ناڤهندا ميديا يا عهفرينێ ژى ل سهر ڤێ پرسێ بابهتهك بهلاڤكر وراگههاند كوئايينى ئيسلامى ل سهر ئێزديان ل عهفرينێ دهێته سهپاندن.
كهريم سلێمان، شيرهتكارێ جڤاتا رۆحانى يا ئێزديان بۆ مالپهرێ فهرمى يێ پارتى گۆت” بهرى نوكه مه دزانى دێ ئێزدى ل عهفرينێ تووشى كۆمهلگوژيێ بن، لهوما داخوازێ ژ جڤاكێ نێڤدهولهتى دكهين ههر چ زوورتر دهاوارا ئێزديێن عهفرينێ بهێت”.
گريزمانى يانا خوه يا داهاتى دياركر
ئهڤرۆنيوز:
ئهنتوان گريزمان، هێرشبهرێ يانا ئهتلهتيكۆ مهدريد يا ئيسپانى وههلبژارتيێ فهرهنسا رهتكر دوهرزێ داهاتى دا بچته دناڤ رێزێن يانا مانشستهر يونايتد يا ئينگليزى وناڤێ يانا خوه يا داهاتى ژى دياركر.
رۆژناما (زه سهن) يا ئينگليزى بهلاڤكر” گريزمانى رهتكر بهێته مانشستهر يونايتد وپێ باشه بچيته دناڤ رێزێن يانا بهرشهلونا دێ ب گرێبهستهكێ ب بهايێ 88 مليۆن پاوهندان”.
رۆژناما ئينگليزى ئاماژه دا كو پۆل بوگبا ياريزانێ هێلا ناڤهراستا يانا مانشستهر يونايتد وههلبژارتيێ فهرهنسا، نهشيا هاولاتيێ خوه گريزمانى رازى بكهت بهێته دناڤ رێزێن مانشستهر يونايتد دا، كو بۆگباى شيابوو ل وهزرێ بۆرى رۆميل لوكاكو هێرشبهرێ ههلبژارتيێ بهلجيكا ويانا ئێڤهرتۆن رازى بكهت بهێته مانشستهر يونايتد”.
باهيڤا ئوردنى بازارێ باهيڤا ئاكرێ لاواز كريه
ئهڤرۆنيوز، نەوزاد ھلۆری:
ھەموو سالەکێ د وەرزێ بوھارێ دا وەلاتیێن سنورێ قەزا ئاکرێ ب تایبەتی گوندێن ناحیا دینارتە ب فرۆتنا باهيڤان ب تەری داھاتەکێ بۆ خوە پەیدا دکەن و باھیڤ تەرکا ئاکرێ بازار گەرم کرینە.
شینوار شیمال، وەلاتیەکێ گوندهكێ ب سهر ناحيا دینارتێ یە و رەزەکێ مەزن یێ باھیڤان يێ ههى، بۆ ئەڤرۆ نیوز گۆت” باھیڤ ئێکە ژ بەرھەمێن بوھاری و سالانە ئەم ب رێيا فروتنا وان ب تەری داھاتەکێ باش پەیدا دکەین، ھەر چەندە فرۆتنا وان ب تەری کارتێکرن ل سەر فروتنا وان ب ھشکی يا ههى و زیان ب مه دكهڤيت ، بەلێ داخوازی ل سەر کرینا وان ب تەری يا ههى”.
زێدەتر گۆت” کیلۆیا باھیڤ تەرکان دناڤبەرا سێ بو پێنج ھزار دیناران دھێتە فرۆتن و ل سەر جورێن وان دمینیت و ئەم دفرۆشینە گومرکان و ھندەکان ژی ل جھێن گشتی و ل سەر جاددێن سەرەکی دفرۆشین و گازندا مە یا سەرەکی ئەوە کو خەلکەکێ زۆر ب نھێنی ڤە دچنە باھیڤان و ڤێ یەکێ ژی کارتێکرن و زیان ب مە گەھاندیە”.
سەمیع سەدیق، وەلاتیەکێ دەڤەرێ یە و رێژەکا باش یا باھیڤ تەرکان يا ههى، بۆ ئەڤرۆ نیوز گۆت” ئەڤ سالە باھیڤا تەر گەلەکا باشە، ھەر چەندە بازاری وان يێ گەرمە و خەلك دکریت، بەلێ ھاتنا باھیڤا ئوردنی کارتێکرن ل سەر فرۆتنا باھيڤا سنورێ ئاکرێ کریە، ژ بەرکو باھیڤا تەر یا ئوردنى نێزیکێ باھیڤا ئاکرێ یە و بناڤێ باهيڤا ئاکرێ دھێتە فرۆتن”.
ب گۆرەی زانیاریان ل سنوورێ ئاکرێ ب تایبەتی گوندێن ناحیا دینارتێ زێدەتری ٣٠٠ رەزێن باھیڤان يێن ھەين و سالانە ب فرۆتنا وان داھاتەکێ باش ب دەست رەزڤانان دکەڤیت.
ڤاکسینا دژی پەنجەشێرێ دێ ل سەر كەسانێن تووش بووی ھێتە ئەنجام دان
ئهڤرۆنيوز:
ڤاکسینا دژی پەنجەشێرێ کو ل سەر مشکێن تووش بووی ب پەنجەشێرا د خوینێ دا ھاتیە ئەنجامدان و چارەسەر بووینە، کو چو زیان ل دووڤ دا نەبووینە و وەرگرتنا چارەسەریێن کیمیای کێم دکەت، دێ بەردەست بیت.
ڤاکسینا دژی پەنجەشێرێ کو چارەسەریا ٩٧% یا مشکان کریە ب ھەبوونا نیشانێن پەنجەشێرێ د خوینێ دا، ل دووڤ نوش نيوز، دێ ھێتە تاقیکرن ل سەر مرۆڤان ئەوێن گرێیێن لیمفومیا ب رێَژەکا کێم ھەی.
نەخوهش دێ ڤاکسینێ وەرگرن، کو پێك دھێت ژ دو دەرمانان و پێدڤی ب چو چارەسەریێن کیمیای ناکەت، ژ کارتێکرنێن کو دھێنە پێشبینی کرن پەیدا ببن بتنێ تا و وەرمینا جھێ دەرزی لێدانێ یە.
ههكه ھاتە پەسەند کرن، ڤەکۆلەر تەخمین دکەن کو ئەڤ چارەسەریە سالەك بۆ دو یێن دی، دێ ڤەکێشیت دا بەردەست ببیت.
ژ بلی دروستکرنا سیستەمەکێ بەرەڤانیا ھەتا ھەتايی،بەلکو دەرزی کار دکەت بۆ چالاککرن و بھێزکرنا سیستەمێ بەرەڤانیا لهشی بۆ روبەروو بوونا گرێیێن پەنجە شێرێ.
دھێتە پێشبینی کرن کو ئەڤە یا کاریگەر بیت بۆ گرێیێن لیمفاوی، کو کارتێکرنێ ل ھندەك خروکێن خوینێ یێن سپی دکەت و ب شێوەکێ گشتی بەرسڤەکە بۆ چارەسەریێ، ژ بەرکو د پتریا دەمان دا دھێتە دیتن ژ لایێ سیستەمێ بەرەڤانی کرنێ ڤە، نە وەک ھندەک جورێن دی یێن نەخۆشیا، بۆ نموونە پەنجەشێرا رۆیڤیکان.
نێزیکی ١.٧ ملیون کەس سالانە تووشی پەنجەشێرێ دبن ل ویلایەتێن ئێکگرتی.
نوشدارەکێ تایبەتمەند ل زانکۆیا ستانفورد دیارکر کو وان ئاریشەکا مەزن د گەل پەنجەشێرێ يا ههى و ئەو دێ بهردهوامبن ھەتا چارەسەریا بۆ ھەموو کەسان دبینن.
سوهێر قهيسى بۆ عامرى: ئهڤهيه زهلامينيا ته؟
ئهڤرۆنيوز:
ئهميندارێ گشتيێ رێكخراوا بهدر، ئهگهرێ تێكچوونا رهوشا ئهمنى ل عيراقێ بۆ كاريگهريا رايا گشتى ورۆژنامهڤانا عيراقى (سوهێر قهيسى) زڤراند، دبهرامبهر دا، رۆژنامهڤانا ناڤبرى دبێژيته عامرى، ئهڤهيه زهلامينيا ته؟
هادى عامرى، ئهميندارێ گشتيێ رێكخراوا بهدر، كو ههڤدهم ئێك ژ سهركردێن ديار يێن ميليشيێن حهشدا شهعبى به، د خرڤهبوونهكا ههوا پێشوهخت يا ههلبژارتنان دا، گۆت” راگههاندنا دژ شيا باوهريێ بۆ باراك ئۆباما، سهرۆكێ بهرێ يێ ئهمريكا دروست بكهت كو شهرێ دژى داعشێ ل عيراقێ، شورهشهكا عهشيرهتێن سونايه”.
ههروهسا گۆت” دهزگههێن راگههاندنێ دههۆل دقوتا وسوهێر قهيسى رۆژانه دگهشتێن دهنگوباسان دا دهردكهڤت وداعش وهكو شورهشهكا عهشيرهتێن سونى ولهشكرێ عيراقێ ب لهشكرێ مالكى يێ سهفهوى دهژمارت”.
دبهرامبهر دا، سوهێر قهيسى، رۆژنامهڤانا عيراقى يا ب ناڤودهنگ ل ك دبهرپهرێ خوه دا ل سهر تۆرێن جڤاكى، بهرسڤا هادى عامرى ددهت ودبێژيت” جهێ حێبهتيا منه سياسيهكى دوى ئاستى دا نزانيت كو من تنێ دو گهرێن دهنگوباسان يا يێن خواندين ودهمێ چار سالايه ژبهر بێ لايهنيێ، من قوربانى ب مووچه ودهرمالێن خوه دايه ومن يا خوه تهرخان كرى بۆ كارێ مرۆڤايهتى وبهلاڤكرنا هاريكاريان ل ههموو پارێزگههێن عيراقێ”.
سوهێر قهيسى زێدهتر دبێژيت” نهترسن، ئهز خوه بۆ ههلبژارتنان بهربژار ناكهن، ئێدى هوون ژ چ دترسن؟” پرسيار ژى دكهت ودبێژيت”كيش سياسى ههيه ژبهر بێ لايهنيێ دهست ژكارێ خوه بكێشيت؟”.
ل دووماهيا نڤيسينا خوه، سوهێر قهيسى پرسيارهكێ ئاراستهى عامرى دكهت ودبێژيت” تو دێ رازى بى كو سومعهتا دايك وخووشكا ته بهێته نهشرينكرن، ئايا دێ رازى بى سهختهكارى بهرامبهر شهرهف ونامووسا كچا وهلاتێ ته بهێته كرن، ئهڤهيه زهلامينيا ته؟!”.
ئهڤ تۆمهتێن هادى عامرى ددهمهكى دانه كو ل 9/12/2017، حهيدهر عهبادى، سهرۆك وهزيرێن عيراقێ ل ئاههنگا سهركهفتنا ل سهر داعشێ دا، رێڤهبرنا ئاههنگێ ب سوهێر قهيسى سپاردبوو.
ب وێنە – رێورسمێن جەژنا قیامە ل دەڤەرا ئامێدیێ
ئەڤرۆ نیوز ، نەوزاد ھلۆری:
ئەڤرۆ ل سنورێ چەند ناحیێن قەزا ئامێدیێ ب چەند چالاکیان رێورسمێن جەژنا قیامە ب رێڤەچوون و تێدا موسلمان و کریستیانان پێکڤە جەژن پیرۆزکر و ل سنوورێ ناحیا کانی ماسێ ٢٠ گوندێن کریستیانان يێن ههين و ھەشت گوند ژی دناڤبەرا موسلمان و کریستیانان ھەڤپشکن و ژیانەكا ئاسایی دناڤبەرا وان دا ب رێڤەدچیت.
سەربەست ئاکرەيی، رێڤەبەرێ ناحیا کانی ماسێ بۆ ئەڤرۆ نیوز گۆت” ھەر دکەڤن دا ھەتا نھا ناحیا کانی ماسێ جھێ پێکڤەژیانا ئولی و نەتەوی بوویە ب تایبەتی دناڤبەرا کریستیان و موسلمانان دا و نھا ژی ئەڤ چهنده ل دەڤەرێ يا ھەی و بوویە نموونا پێکڤە ژیانا ئولی و نەتەوی ل کوردستانێ و دەڤەرێ”.
زێدەتر گۆت” ٧٦ گوندێن ئاڤەدان ل ناحیا کانی ماسێ يێن ههين ژ وان ٢٠ گوندیێن کریستیانانە و ھەشت گوند ژی موسلمان و کریستیان پێکڤە تێدا دژین و ژ وان گوندێن کو ھەڤپشکن دناڤبەرا کریستیان و موسلمانان دا، موختارێن سێ ژ وان گوندان کریستیانن و موختارێن پێنج ژ گوندێن دى موسلمانن و ھەتا نھا چو کێشە و ئالۆزی دناڤبەرا وان دا نەھاتینە روودان و ھەموو پێکڤە خوهشی و نەخوهشێن ھەڤدو و جەژن و سەرسالێن ھەڤدو دپشکدارن”.
ئەڤرۆ جهژنا قیامەکە کو تایبەتە ب کریستیانان و ل سەرانسەرێ جیھان و کوردستانێ چالاکیێن جوراوجۆر دھێنە ئەنجامدان ، دڤی دەرباری دا ئاکرەىی گوت”ب ھەلکەفتا سەر سالا کریستیانان کو ب جەژنا قیامە دھێتە نیاسین ، ل ناحیا کانی ماسێ چەند چالاکيێن جۆرا وجۆر ھاتینە ئەنجامدان و ژ نێزیك مە سەرەدانا مال و خێزانێن مەسیحیان کرینە و وەکو حوکمەت ھەموو ئاسانکاری بۆ وان بەردەست کرینە داکو دکەش و ھەوایەکێ خوهش و ئارام دا ئەو ژی بکارن چالاکيێن خوە بکەن”.
حەسەن بازی، ئێکە ژ وەلاتيێن گوندێ بازێ و ھەڤدەم موختارێ گوندییە بۆ ئەڤرۆنيوز گۆت” گوندێ بازێ ئێکە ژ گوندێن ھەڤپشك دناڤبەرا موسلمان و کریستیانان و ئەڤە چەندین سالە ئەم پێکڤە دژین و د خوهشی و نەخهوشیان دا پێکڤە دژین و دھەموو ھەلکەفت و جەژن و سەرسال و داوەت و تازيێن ھەڤدو دا پێکڤە پشکدارین و مە چو کێشە و ئالۆزی و دلمان نینن و ھەتا مرنێ ژی دێ ھەر پێکڤە ژین”.
محەمەد سەعید، بەرپرسێ لژنا دێرەلوك یا پارتی دیموکراتی کوردستان بۆ ئەڤرۆ نیوز گۆت” ئەڤرۆ ب ھەکەفتا جەژنا قیامە یا برایێن مەسیحی ئەم وەکو لژنا ناوچا دێرەلوك و چەند فەرمانگەھێن حوکمەتێ و کەساتیێن دەڤەرێ مە سەرەدانا مالێن کریستیانان کر ل دێرەلوك و دەروبەران كر و جەژنا قیامە ل وان پیروزکر و نھا دێرەلوك بوویە نموونەیەکا پێکڤە ژیانا ئولی و نەتەوی و ھەموو ماف و ئازادی بۆ کریستیانان ھاتینە دابینکرن”.
پێشبينيا كێمبوونا دهنگێن گۆران دهێته كرن
ئهڤرۆنيوز:
نڤيسهر وچاڤدێرهكێ سياسى ل باژێرێ سلێمانيێ، دياركر كو ژبهر چهندين ئهگهران، ل ههلبژاتنێن بهيت دێ دهنگێن بزاڤا گۆران كێم بن.
سۆران سێوكانى، نڤيسهر وچاڤدێرێ سياسى دبهرپهرێ خوه ل سهر تۆرا جڤاكى يا فهيسبووكى بهلاڤكر” ئهگهر ههيه دهنگێن گۆران كێم ببن، چونكى گۆران خودان ديرۆك نينه وكهلتۆرهكێ كوور ننيه وههموو دهنگێن گۆران ل قۆناغا نهوشيروان مستهفاى هاتبوونه كۆمكرن”.
ل دووڤ بۆچوونا سێوكانى” بنهمايێ گۆران يێ ل سهر تهرازيێ، ههروهسا ژبهركو گۆران دياردهكا ميديايى يه ونوكه ميديا ب هێز ددهستێ هندهك نه گۆران دايه وئهو ميديايه يا دژايهتيا گۆران ب خوه ژى دكهت، دێ دهنگێن بزاڤا گۆران كێم بن”.
دياركر ژى” گۆران تنێ گۆرانكاريێن نهرينى ئيناينه وخودانا ئێك گۆرانكاريا ئهرێنى نينه، ل دووماهيێ ژى گۆران ههر بوو حزبا بنهمالهيى وپێگههێ وێ بزاڤێ دێ هيته خوار”.
ئهو كهسێن دسهرتراشخانان دا كار دكهن نابيت ئهڤ ههردو نهخوهشيه ههبن
ئهڤرۆنيوز:
رێڤەبەرێ پشکا چاڤدێری و سەلامەتیا خوراکی ل رێڤەبەریا کاروبارێن خوهپاراستنا ساخلەمیێ راگههاند، بۆ ڤەکرنا سەرتراشخانەکێ پێدڤیە چەندین کار بھێنە ئەنجام دان، ھەکە رێنمایێن مە یێن ساخلهميێ ھاتنە بجهئينان ،ژ لایێ رێڤەبەریا مە ڤە دێ دەستووریا ساخلەمیێ بۆ ھێتە دان پشتی ئەو جهـ دھێتە پشکنین کرن.
عسمەت سەلمان وەیسی، رێڤەبەرێ پشکا چاڤدێری و سەلامەتیا خوراکی ل رێڤەبەریا کاروبارێن خوهپاراستنا ساخلەمیێ بۆ نوش نيوز گۆت” ئهو رێنمايه پێكهاتينه ژ روناھیەکا باش و ئاڤەکا پاقژ و جھەکێ بەرفرەهـ و پاقژ بیت و رتۆبەت لێ نەبیت و ئەو ئامیرێن بکار دئینیت د پاقژ بن، پتر ژ جارەکێ بکار نەئینن وەکو دەفک و خاولی و دەرمانخانە ھەبیت”.
عسمهتى گۆت ژى” سالێ جارەکێ پشکنینا خوینێ بۆ كهسێ دسهرتراشخانێ كار دكهت دھێتە کرن، چونکى پێدڤيىه وى كهسى ھەودانا جگەرێ یا ڤایروسی و ئیدز نەبیت، ژبهركو ئهو نەخوهشی ب رێيا خوینێ دھێنە ڤەگوھاستن”.
دیار کر ژى کو د دهمێ سێ ههيڤان دا حەفت سەرتراشخانە يێن ھاتینە گرتن و نەهـ ژى يێن ڤەکرن و شەش يێن ھاتینە سزادان.
نيشاندان
WP Facebook Auto Publish Powered By : XYZScripts.com