سه‌ره‌كى نووترين نووچه

بۆ جارا ئێكێ مسرێ ب فرۆكان هێرش كره‌ سه‌ر چه‌كدارێن حوسى

10/04/2015 10:12

ئه‌ڤرۆ نيوز:

ئاخفتنكه‌رێ ب ناڤێ باهۆزا راپێچانێ ئاشكه‌را كر كو فرۆكێن شه‌رى يێن وه‌لاتێ مسرێ د چارچۆڤێ هه‌ڤپه‌يمانيا باهۆزا راپێچانێ دا بۆ جارا ئێكێ هێرش كره‌ سه‌ر بنگه‌هـ و جهێن چه‌كدارێن حوسى ل يه‌مه‌ن.

ئه‌حمه‌د عسيرى، ئاخفتنكه‌رێ ب ناڤێ باهۆزا راپێچانێ د كۆنگره‌كێ رۆژنامه‌ڤانى دا ل رياز يا پايته‌ختێ سعوديێ ئه‌نجام دا و راگه‌هاند كو چه‌كدارێن حوسى ل چه‌ند ده‌ڤه‌رێن يه‌مه‌ن هاتينه‌ ئابلۆقه‌دان و نوكه‌ روو ب روو چاره‌نڤيسێ خوه‌ دبن.

ئاماژه‌ ب وێ چه‌ندێ ژى كر كو دوهى 9ى نيسانا 2015ێ بۆ جارا ئێكێ فرۆكێن شه‌ركه‌رێن وه‌لاتێ مسرێ د چارچۆڤێ هه‌ڤپه‌يمانيا باهۆزا راپێچانێ هێرش كره‌ سه‌ر بنگه‌هـ و جهێن چه‌كدارێن حوسى ل يه‌مه‌ن.

خۆيا ژى كر كو نوكه‌ فرۆكێن شه‌ركه‌رێن هه‌ڤپه‌يمانيێ په‌يوه‌ندى د ناڤبه‌را چه‌كدارێن حوسى دا ل يه‌مه‌نێ بڕينه‌.

ڤيديۆ: بارزانى به‌حس ل ماوێ سه‌رۆكاتيا خوه‌ و شه‌رێ ل گه‌ل داعش دكه‌ت

10/04/2015 09:58

183

ئه‌ڤرۆ نيوز:

سه‌رۆكێ هه‌رێما كوردستانێ د ديداره‌كێ دا ل گه‌ل كه‌نالێ ئاى ئێم جه‌ يێ توركى به‌حس ل درێژكرنا ماوێ سه‌رۆكاتيێ دكه‌ت و قه‌بوول ناكه‌ت كو ماوێ سه‌رۆكاتيێ بهێته‌ درێژكرن و ئاماژێ ب وێ چه‌ندێ دكه‌ت كو پێدڤيه‌ ب قانوون بهێته‌ رێكخستن.

ئاماژه‌ ب وێ چه‌ندێ ژى ژى كريه‌ كو سنورێ 1500 كيلۆمه‌تران هێزێن پێشمه‌رگێ كوردستانێ يێ شه‌رێ چه‌كدارێن داعش دكه‌ن و شياينه‌ سه‌ركه‌فتنه‌كا باش ب ده‌ست خوه‌ ڤه‌ بينن.

داعش بۆ ئه‌گه‌ر سه‌ركردێن عیراقێ ئێك بگرن

10/04/2015 00:00

ئه‌ڤرۆ نیوز:
جو بایدن جێگرێ سه‌رۆكێ ئه‌مریكا ئه‌ڤرۆ راگه‌هاند داعش بوو ئه‌گه‌ر كو سه‌ركردێن عیراقى د شه‌ره‌كێ هه‌ڤپشك دا ئێك بگرن ب تایبه‌ت پشتى كو داعش خیلافه‌تا خوه‌ ل باكوورێ عیراقێ راگه‌هاندى.
جو بایدن جێگرێ سه‌رۆكێ ئه‌مریكا د په‌یڤه‌كێ دا ل زانكۆیا به‌ره‌ڤانیا نیشتمانى ل واشنتون گۆت: داعش ل عیراقێ شیانێن خوه‌ یێن ژ ده‌ستداى و ل پرانیا جهان یێن تووشى شكه‌ستنێ بووین.

په‌رله‌مانتاره‌ك: بلا پێشمه‌رگه‌ پشكداریێ د شه‌رێ مووسل دا نه‌كه‌ت

09/04/2015 20:13

289

ئه‌ڤرۆ نیوز:

بێستون فایه‌ق ئه‌ندامێ په‌رله‌مانێ كوردستانێ داخواز دكه‌ت كو پێشمه‌رگه‌ پشكداریێ د شه‌رێ رزگاركرنا مووسل دا نه‌كه‌ت و دبێژیت: 10 ساله‌ به‌غدا ئێك دینار بۆ پێشمه‌رگه‌ى نه‌هنارتیه‌، كو ب ڤى ره‌نگى یه‌ پێدڤى ناكه‌ت پێشمه‌رگه‌ بۆ خزمه‌تا به‌غدا و حوكمرانیێن وێ، بهێته‌ كوشتن.

فەرماندەکێ پێشمەرگەيی خوە کوشت

09/04/2015 14:56

680

ئەڤرۆ نیۆز، قائید میرۆ:
پەیڤدارێ پۆلیسێن ھەولێرێ دیارکر، فەرماندەکێ خانەنشینێ پێشمەرگەيی د ژيێ ٦٤سالیێ دا، دوھی ب گولەیه‌كێ دووماھی ب ژیانا خوە ئینایە و خوە کوشتیە.
رائید کاروان عەبدولکەریم، پەیڤدارێ پۆلیسێن پارێزگەھا ھەولێرێ بۆ ئەڤرۆ نیۆز راگەھاند: “ئێڤاریا دوھی ل تاخێ ئەفسەران یێ باژێڕێ ھەولێرێ، فەرماندەکێ خانەنشینێ پێشمەرگەيی ب چەکێ دەمانچێ دووماھی ب ژیانا ئینایە و گیانێ خوە ژ دەستدایە”.
ب گورەيی زانیاریێن ئەڤرۆ دەستپێکێ ئەف فەرماندێ پێشمەرگەيی برینداربوویە و پشتی گەھاندنا وی بۆ نەخۆشخانێ گیانێ خوە ژ دەستدایە و ھەڤژینا ئەڤی فەرماندێ خوە کوشتی، بەری نوکە وەزیرا حوکمەتا ھەرێمێ بوویە”.

پارتى: هه‌تا كه‌نگى ئێكه‌تى دێ به‌ره‌ڤانيێ ژ خه‌له‌تيێ كه‌ت؟

09/04/2015 13:00

341

ئه‌ڤرۆ نيوز:

ئاخفتنكه‌رێ ب ناڤێ فراكسيۆنا زه‌ر ل په‌رله‌مانێ كوردستانێ راگه‌هاند كو ل شوونا دانانا قانوونا، فراكسيۆنا ئێكه‌تيا نشتيمانى كوردستان يا بنپێكرنا قانوونان دكه‌ت.

محه‌مه‌د عه‌لى ياسين، ئاخفتنكه‌رێ ب ناڤێ فراكسيۆنا زه‌ر ل په‌رله‌مانێ كوردستانێ ل سه‌ر په‌يجێ تايبه‌ت يێ خوه‌ ل تۆڕا جڤاكسيا فه‌يسبۆكى نڤيسيه‌: “ل دەستپێکێ، ژ بەر نەبوونا هیچ پەیوەندیەکی دناڤبەرا کارێ پەرلەمانی و گرتنا حەیدەر شەشۆ، مە خۆ ژ داخوەیانی و لێدوانان لسەر ڤێ کەیسێ پاراست، لێ پشتی فراکسیۆنا کەسک ب بەیاننامە هاتینە دەنگ، ئەڤ سێ پرسیارێن لخوارێ لجەم مە پەیدا بوون”.

زێده‌تر هاتيه‌: “ئایا فراکسیۆنا کەسک و ئۆرگانێن ئێکەتیا نیشتمانی هەتا کەنگی شیانێن بەرگریێ ژ کەیسەکێ نەیاسایی هەیە، ئایا کارێ سەرەکیێ فراکسیۆنەکا پەرلەمانی یاسادانانە، یانژی پشتگیریکرنە ژ پێشێلکرنا یاسایێ، ئایا (ی.ن.ک) پشتگیریا لاوازکرنا پێگەهێ یاسایی، سەروەری و دامەزراوەیی یێ هەرێمێ دکەت؟”.

ئه‌ڤ گۆتنێن په‌يڤدارێ پارتى ل په‌رله‌مانێ كوردستانێ د ده‌مه‌كى دا هاتن كو سه‌رۆكاتيا هه‌رێما كوردستانێ راگه‌هاندى حه‌يده‌ر شه‌شۆ ئه‌ندامێ جڤاتا ناڤه‌نديا ئێكه‌تيێ و به‌رپرسێ هێزن پاراستنا شنگال و هه‌ڤالێن وى ژ به‌ر كارێ وان يێ نه‌قانوونى هاتينه‌ ده‌سته‌سه‌ركرن و ل هه‌مبه‌ر وێ ژى فراكسيۆنا ئێكه‌تيێ ل په‌رله‌مانێ كوردستانێ به‌ياننامه‌كا نه‌رازيبوونێ و پشته‌ڤانيكرنا حه‌يده‌ر شه‌شۆيى ده‌ركرى.

ڤيديۆ: نه‌وشيروان مسته‌فا: گۆنجايترين سيسته‌م بۆ سه‌رۆكاتيێ، په‌رله‌مانى يه‌

09/04/2015 12:52

129

ئه‌ڤرۆ نيوز:

پشتى ب دووماهى هاتنا كۆمبوونا سه‌رۆكاتياپ په‌رله‌مانێ كوردستانێ و رێكخبه‌رێ بزاڤا گۆران، نه‌وشيروان مسته‌فا و يوسف محه‌مه‌د كۆنگره‌كێ رۆژنامه‌ڤانيێ هه‌ڤپشك گرێدا.

د گۆنگره‌يى دا، نه‌وشيروان مسته‌فا، رێكخه‌رێ گشتيێ بزاڤا گۆران گۆت: “مه‌ بيرۆبۆچووێن بۆ سه‌رۆكاتيا په‌رله‌مانى راگه‌هاندن و وه‌سا دبينين كو گۆنجايترين سيسته‌مێ سياسى ل هه‌رێما كوردستانێ په‌رله‌مانى يه‌ وه‌كو يێ عيراقێ”.

ژێده‌ر: KNN

دو گه‌نجێن كورد ژ به‌ر مادێن هۆشبه‌ر گيانێ خوه‌ ژ ده‌ست دا

09/04/2015 12:28

250

ئه‌ڤرۆ نيوز:

ل باژێرێ ره‌وانسه‌ر و ورمێ دو گه‌نجێن كورد يێن تووشبووى ب مادێن هۆشبه‌ر گيانێ خوه‌ ژ ده‌ست دا كو ئێك 18 ساله‌ و يێ دژى خێزانداره‌.

ب گۆره‌يى نوچه‌يه‌كێ كۆردپا، ل رێكه‌فتى 9ى نيسانا 2015ێ گه‌نجه‌كێ باژێرێ ره‌وانسه‌ر ژ ئه‌گه‌رێ ب كارئينانا مادێن ده‌ستكرد يێن هۆشبه‌ر ل ئێك ژ چيايێن ده‌وروبه‌رێن وى باژێرى دووماهى ب ژانا خوه‌ ئيايه‌.

په‌يامنێرێ كۆردپا مرنا ڤى گه‌نجێ 18 سالى يێ ب ناڤێ وه‌فا گۆلمحه‌مه‌دى راگه‌هاند كو ژ ئه‌گه‌رێ ب كارئينانا ده‌رزيێ ل چيايێ “پشت قوله‌” گيانێ خوه‌ ژ ده‌ست دايه‌.

ب گۆره‌يى ئامارێن ناڤه‌ندێن به‌رهنگاريكرنا مادێن بێهۆش زێده‌تر ژ مليۆنه‌ك و 400 هزار راهاتيێن مادێن هۆشبه‌ر ل ئيرانێ هه‌نه‌ و ئامارێن نه‌فه‌رمى ژى تووشبوونا زێده‌تر ژى چار مليۆن كه‌سان رادگه‌هينن.

نوشداريا دادوه‌ريا ئيرانێ راگه‌هاند كو ب ره‌نگه‌كێ ناڤنجى رۆژانه‌ ل ئيرانێ زێده‌ترى 10 كه‌سێن تووشبووى ب مادێن هۆشبه‌ر گيانێ خوه‌ ژ ده‌ست دده‌ن.

په‌يامنێرێ كۆردپا ل ورمێ ژى راگه‌هاند كو وه‌لاتيه‌كێ دژى يێ خه‌لكێ ده‌ڤه‌را ته‌رگه‌وه‌ر ژ ئه‌نجامێ ب كارئينانا مادێن هۆشبه‌ر گيانێ خوه‌ ژ ده‌ست دايه‌.

نوره‌دين حوسێن پوور خه‌لكێ ئاوايێ “مه‌ونا” ورمێ يه‌ و ب مه‌ره‌ما ب كارنه‌ئينانا ترياكێ بريه‌ كه‌مپێن هێلانا ڤان مادان و ل وێرێ ژ ئه‌گه‌رێ راوه‌ستيانا دلێ وى گيانێ خوه‌ ژ ده‌ست دايه‌.

ب گۆره‌يى زانياريان نوره‌دين ئه‌ڤه‌ چه‌ندين ساله‌ ل سه‌ر ب كارئينانا ڤان مادان راهاتبوو و كه‌سه‌كێ خێزاندار ژى بوو.

ماوه‌كى به‌رى نوكه‌ ناڤه‌ندا به‌رهنگاريكرنا مادێن هۆشبه‌ر راگه‌هاند بوو كو 63% ژ ب كارئينه‌رێن مادێن هۆشبه‌ر خێزاندارن و ژ وان 56% جودابووينه‌ و ته‌لاقدان د ناڤبه‌را وان دا په‌يدا بوويه‌.

فره‌نسا هژمارا وه‌لاتيێن خوه‌ يێن ناڤ رێزێن داعش ئاشكه‌را كرن

09/04/2015 11:33

109

ئه‌ڤرۆ نيوز:

جڤاتا پيرێن فره‌نسى د راپۆرته‌كێ دا ئاشكه‌را كر كو نێزيكى 1500 فره‌نسيان وه‌لاتێ خوه‌ ب جهـ هێلايه‌ و چووينه‌ سوريا و عيراقێ و گه‌هشتنه‌ رێكخراوا تيرۆرستى يا داعش.

هه‌ر ب گۆره‌يى ڤێ راپۆرتێ نێزێكى نيڤا چه‌كدارێن داعش يێن بيانى ئۆروپى نه‌ و گۆت: “413 فره‌نسى شه‌رى ژ بوو داعش ل عيراق و سوريا دكه‌ت”.

نوجێفى هژمارا چه‌كدارێن داعش ل مووسل ئاشكه‌را دكه‌ت

09/04/2015 11:20

160

ئه‌ڤرۆ نيوز:

جێكرێ سه‌رۆك كۆمارێ عيراقێ ئاشكه‌را دكه‌ت كو هژمارا چه‌كدارێن داعش ل نه‌ينه‌وا د نوكه‌ دا نابيته‌ پێنج هزار چه‌كدار و كێمتر ژ 3% ژ خۆجهيێن پارێزگه‌هێ ل گه‌ل داعشن.

ئۆسامه‌ نوجێفى، جێگرێ سه‌رۆك كۆمارێ عيراقێ د ديداره‌كێ دا ل گه‌ل كه‌نالێ سۆمه‌ريه‌ نيوز راگه‌هاند كو ئه‌و هێزێن دێ پشكداريێ د ئازادكرنا نه‌ينه‌وا دا كه‌ن سۆپايێ عيراقێ و پۆليسێن فيدرال و پۆليسێن ناڤخۆ نه‌ كو هژمارا وان دگه‌هيته‌ 15 هزار چه‌كداران و حه‌شه‌د شه‌عبى كو هژمارا وان شه‌ش هزار چه‌كداره‌ و هێزێن پێشمه‌رگه‌يى و هه‌ڤپه‌يمانيێن نێڤده‌وله‌تى نه‌.

ئاماژه‌ ب وێ چه‌ندێ ژى دكه‌ت كو نوكه‌ هژمارا چه‌كدارێن داعش ل ناڤ نه‌ينه‌وا پێنج هزار چه‌كداره‌ و ژ وێ رێژێ ژى 45% هه‌لگرێن ره‌گه‌زنامێن ئۆرۆپى و سورى و ئاسياوى نه‌ و گۆت: “ب تنێ 3% خۆجهيێن پارێزگه‌ها نه‌ينه‌وا سه‌ر ب داعشن”.

نيشاندان 1...660 1,660 2,660 2,6642,6652,666...3,102 زێده‌تر

لاپه‌ر 2,665 ژ 3,102