ئه‌ڤرۆ نیوز:
ئه‌ڤرۆ رێباز محەمەد حەملان وه‌زیرێ دارایى یێ حوكمه‌تا هه‌رێما كوردستانێ راگه‌هاند: ئه‌و 500 ملیون دولارێن مه ژ توركیا ده‌ین كرین، ل دو رۆژێن بهێت دێ گه‌هن و دێ ده‌ست ب به‌لاڤكرنا موچێ هه‌یڤا 1 یێ فه‌رمانبه‌ران كه‌ین.
رێباز محەمەد حەملان وه‌زیرێ دارایى یێ حوكمه‌تا هه‌رێما كوردستانێ دیسا ئاشكرا كر ئه‌گه‌ر به‌غدا به‌رى توركیا پاره هنارت، دێ ده‌ست ب به‌لاڤكرنا مووچێ هه‌یڤا 1 یێ فه‌رمانبه‌ران هێته كرن.
ئه‌ڤرۆ نیوز:
ئه‌ڤرۆ ده‌سته‌یا زانایێن موسلمان ل عیراقێ گیان ژ ده‌ستدانا سه‌رۆكێ ده‌سته‌یێ حارس زارى راگه‌هاند.
یه‌حیا تائى په‌یڤدارێ ده‌سته‌یا زانایێن موسلمان ل عیراقێ د به‌یاننامه‌كێ دا راگه‌هاند ئه‌ڤرۆ حارس زارى ل باژێرێ ئیسته‌نبول ژ ئه‌گه‌رێ نه‌خوشیه‌كا دوم درێژ چو به‌ر دلوڤانیا خودێ.
جارس زارى ئێك بوویه ژ زانایێن ناڤدارێن سوننان ل عیراقێ و سه‌رۆكێ ده‌سته‌یا زانایێن موسلمان بوویه و پشتى روودانێن 2003 و رزگاركرنا عیراقێ ل ئوردن ئاكنجی بوویه.
ئه‌ڤرۆ نیوز:
كه‌شتیه‌كا دى كو فروكه ل سه‌ر دادده‌ن، ژ باژێرێ نورفولك به‌ره‌ڤ رۆژهه‌لاتا ناڤه‌راست برێكه‌فت داكو پشكداریێ د شه‌رێ دژى داعش دا بكه‌ت.
كه‌شتیا (یو إس إس پیودور روزفلت) كو فروكێن ژ جورێ (نیمتز) هلدگریت، به‌ره‌ڤ كه‌شتیێن دى ل رۆژهه‌لاتا ناڤه‌راست برێكه‌ڤت كو ل گه‌ل ڤان كه‌شتیان دێ پشكداریێ د شه‌رێ ژناڤبرنا داعش ل عیراق و سووریا دا كه‌ت.
تێ زانین كه‌شتیا (یو إس إس پیودور روزفلت) فرۆكێن ئه‌مریكى یێن هه‌رى پێشكه‌فتى هه‌لدگریت.
https://www.youtube.com/watch?v=uBtahfXlD5s
ئه‌ڤرۆ نيوز:
ژێده‌ره‌كێ مه‌يدانى ژ سۆپايێ عيراقى ئاماژه ب وێ چه‌ندێ كر كو فرۆكه‌كا نه‌ناسيار بۆردۆمانا له‌شكرێ عيراقێ كر.
ئه‌ڤى ژێده‌رى د داخۆيانيه‌كا رۆژنامه‌ڤانى دا راگه‌هاند كو ل پارێزگه‌ها ئه‌نبا فرۆكه‌كا نه‌ناسيار بۆدومانا چه‌ند بنگه‌هێن له‌شكرى يێن عيراقێ كرن و ده‌زگه‌هێ هه‌والگه‌ريا عيراقى ژى هه‌تا نوكه نه‌زانيه ئه‌و فرۆكه سه‌ر ب چ لايه‌نه‌كى يه.
ئه‌ڤى ژێده‌رى ئاماژه ب وێ چه‌ندێ ژى كر كو ل ئه‌نبار شه‌ره‌كێ دژوار يێ د ناڤبه‌را له‌شكرێ عيراقێ و چه‌كدارێن داعش دا دهێته كرن و هه‌ردولا به‌رده‌وام يێ پێشڤه‌چوون و پاشڤه‌چوونان دكه‌ن.
ئه‌ڤرۆ نيوز:
وه‌زاره‌تا سامانێن سرۆشتى ل حوكمه‌تا هه‌رێما كوردستانێ راگه‌هاند ل دووماهيێ ڤێ هه‌يڤێ هه‌رێما كوردستانێ دێ ب په‌ترۆلا كه‌ركووك ڤه شێت رۆژانه 600 هزار به‌رميلێن په‌ترۆلێ د رێيا به‌غدا را ره‌وانه‌يى ژ ده‌رڤه كه‌ت.
سه‌رۆكێ لژنا وزه و سامانێن سرۆشتى ل په‌رله‌مانێ كوردستانێ بۆ رووداو دياركر كو نوكه هه‌رێما كوردستانێ 250 هزار به‌رميلێن په‌ترۆلێ بێى كه‌ركووك ره‌وانه دكه‌ت، ب ره‌نگه‌كى كو ئێدى حوكمه‌تا عيراقێ هێجه‌ت نه‌ماينه پشكا بودجێ هه‌رێمێ ببڕيت و گۆت: “نوكه هه‌رێما كوردستانێ پشكا خوه ژ رێكه‌فتنێ ب جهـ ئينايه و پێدڤيه حوكمه‌تا ناڤه‌ندى ژى به‌هرا خوه ب جهـ بينيت”
شێركۆ جه‌وده‌ت سه‌رۆكێ لژنا وزه و سامانێن سرۆشتى ل په‌رله‌مانێ كوردستانێ ده‌رباره‌يى په‌ترۆلا كه‌ركووك گۆت: “ب گۆره‌يى گۆتنێن وه‌زيرێ سامانێن سرۆشتى هنده‌ك كێشێن ته‌كنيكى يێن هه‌ين و هێشتا چاره‌سه‌ر نه‌بووينه، به‌لێ نابنه رێگر ل هه‌مبه‌ر بجهـ نه‌ئينانا وێ رێكه‌فتنێ، چونكو په‌ترۆلا كه‌ركووك ل ژێر چاڤدێريا كۆمپانيا په‌ترۆلا باكوور دهێته هنارتن و ئه‌وان هاش كێشێن ته‌كنيكى هه‌يه”.
ب گۆره‌يى راگه‌هاندنه‌كا وه‌زاره‌تا سامانێن سرۆشتى بڕيار سه‌رجه‌مێ هنارتنا په‌ترۆلێ ل هه‌رێما كوردستانێ هه‌تا دووماهيا ڤێ هه‌يڤێ بگه‌هيته 600 هزار به‌رميلان.
ئه‌ڤرۆ نيوز:
لژنا ئه‌منى يا جڤاتا پارێزگه‌ها سه‌لاحه‌دين راگه‌هاند كو ئه‌ڤرۆ سپێدێ كريارا ئازادكرنا باژێرێ تكريت ب ته‌مامى هاته كرن پشتى 48 ده‌مژمێران ژ شه‌رێ ئازادكرنا وى باژێرى.
جێگرێ سه‌رۆكێ لژنێ خالد جسام بۆ شه‌فه‌ق نيوز گۆت: “ئه‌ڤرۆ سپێدێ شه‌رێ ئازادكرنا تكريت ب دووماهى هات پشتى هاتنا هێزێن له‌شكرێ عيراقێ و حه‌شد شه‌عبى و چه‌كدارێن عه‌شيره‌تان بۆ ناڤ سه‌نته‌رێ باژێرى”.
زێده‌تر گۆت: “كريارێن له‌شكرى يێن ل حه‌فتيا بۆرى بۆ ئازادكرنا ناحيا عه‌له‌م و دور و باژێرێ تكريت هاتينه كرن ئه‌ڤرۆ ب دووماهى هاتن”.
ئەڤرۆ:
رێڤەبەرێ ناحیا قەسروک راگەھاند، پرۆژێ جوتسایدێ ناڤ سەنتەرێ کۆمەلگەھا چرە پرۆژەکێ ستراتیژیە و رێیا ھاتن و چوونا ھەموو باژێرێن کوردستانێ د ناڤ ڤی سەنتەری دەرباز دبن، بەلێ ڤێ رێیێ چو پێگوھۆرێن دی نینن و ئاریشە بۆ وەلاتیان پەیداکرینە.
شێردل سمۆ، رێڤەبەرێ ناحیا قەسروک بۆ روژناما ئەڤرۆ ئاشکرا کر، ئەو رێیێن پێگوھۆر رێیا باشیک و بن چیایێ مەقلوبە، ئەو یێن ھاتین گرتن و ھندەک ژ وان یێن ژ کار کەفتین، ب تنێ ئەڤ رێیە یا مایی قەلەبالغەک مەزن یا کەفتیە سەر و بوویە جھێ دلگرانیێ بی خەلکێ کیمەلگەھێ و شوفێرێن ھاتن و چوونێ ل سەر دکەن.
ناڤبری دیار کر، ھەر چەندە باژێرڤانیا چرە ھندەک ئامادەکاری یێن بۆ کرین بۆ رێیێن پێگوھۆر ژی، بەلێ ب دیتنا من ئەو نابنە پێگوھۆرێن دروست کو چارەسەریا وێ قەلەبالغێ بکەن، ئەو پرۆژە پێدڤیە ب زووترین دەم بھێتە چێکرن، ئەم دێ تەحەملا ھندێ کەین کو ماوەیەک ببیتە قەلەبالغ، بەس دێ خزمەتەکا گشتی گەھینتە وان کەسێن ھاتن و چوونێ ل سەر دکەن، ئەگەر ئەڤ پرۆژە بھێتە دروستکرن ھەتا رادەیەکێ باش دێ قەلەبالغ کێم بیت.
ناڤبری دیار کر، کۆژمێ ڤی پرۆژەی پتر ژ ١٢ ملیار دینارانە، ژ لایێ کۆمپانیا مەساج ڤە ھاتیە گرتن، ئەڤ پرۆژە درێژیا وی ٢ کیلومەتر و شەش سەد مەترە و ٤% کار ل سەر ھاتیە کرن.
ئه‌ڤرۆ نيوز:
ئاخفتنكه‌رێ ب ناڤێ پۆليسێن هه‌ولێر راگه‌هاند كچه‌كا 15 سالى ل سه‌ر ئاڤاهيه‌كى خوه خسته خوار و گيانێ خوه ژ ده‌ست دا.
كاروان عه‌بدولكه‌ريم ئاخفتنكه‌رێ ب ناڤێ پۆليسێن هه‌ولێر، د پۆسته‌كى دا ل په‌يچێ خوه ئاماژه ب وێ چه‌ندێ كريه كو ده‌مژمێر 8:30 ده‌قيقه هاتينه ئاگه‌هداركرن ل دۆر هه‌بوونا روودانه‌كێ ل تاخێ سه‌ربه‌ستى يێ باژێرێ هه‌ولێر گۆت: “پۆليس ب له‌ز گه‌هشتنه جهێ روودانێ، وه‌سان ده‌ركه‌فت كو كچه‌كا 15 سالى خوه د ئاڤاهيه‌كى دا هاڤێته خوار و دووماهى ب ژيانا خوه ئينا”.
ئاخفتنكه‌رێ ب ناڤێ پۆليسێن هه‌ولێر دبێژيت: “ته‌رمێ وێ ره‌وانه نوشداريا داد ل نه‌خۆشخانا رزگارى هاتيه كرن و دوسيا ڤه‌كۆلينێ ل سه‌ر روودانێ ژ لايێ پۆليسان ڤه ده‌سپێكريه”.
ئەڤرۆ نیوز، بێوار حسێن زێباری:
ل سپێدەیا 1991/3/12 و پشتی سەربازگەھا ئاکرێ ھاتیە چوول کرن ئەوا ھنداڤ ئاکرێ و جەماوەرێ ئاکرێ ب ھەموو چین و تووێژ ڤە رابوون ب سەرھلدانێ کو ل پێش ھەموویان جهـ و دام و دەزگەھـ و قشلا ئاکرێ ھاتنە گرتن و چوول کرن ئەڤ جھە ژی کۆ دەستێن رژێما بەعس دابوون لێ ھاتە ئازادرکرن ئەڤ یەکە ژی بوویە جھێ ئازادی و دلخوشیا خەلکێ ئاکرێ دەردۆرێن وێ.
ئازادكرنا ئاكرێ ئه‌وا دو ده‌مژمێران ڤه‌كێشايى، ب رۆژه‌كێ پشتى يا هه‌ولێرێ بوو و ب كليلا سه‌رهلدانێن بادينان هاته ب ناڤكرن.
د ڤێ سه‌رهلدانێ دا ژ به‌ر ره‌ڤينا رژێمێ و شه‌ر نه‌كرنێ و مه‌زناهيا ئيرادا خه‌لكێ ئاكرێ، چو كه‌س شه‌هيد نه‌بوون و هنده‌ك بريندارێن كێم هه‌بوون، ئه‌و ژى ئه‌و بوون يێن ژ ئه‌گه‌رێ خۆشيێ هاتينه برينداركرن و ته‌قه‌كرنێ و برينێن وان ژى سڤك بوون.
ئه‌ڤرۆ نيوز:
لژنا ئاسايش و به‌ره‌ڤانيێ ل په‌رله‌مانێ عيراقێ ئاشكرا كر كو راپۆرتا ده‌ستپێكێ سه‌باره‌ت كه‌فتنا باژێرێ مووسل ل چه‌ند رۆژێن بهێت دێ ل په‌رله‌مانێ عيراقێ دانوستاندنێ ل سه‌ر كه‌ن.
سەباح ساعیدی ئه‌ندامێ لژنا ئاسايش و به‌ره‌ڤانيێ ل كوتلا چاكسازيا نيشتمانى گۆت: ئه‌و لژنا بۆ ڤه‌كولينێ ژ كه‌فتنا باژێرێ مووسل هاتيه پێكئينان، گه‌هشتيه قوناغا به‌رهه‌ڤكرنا راپۆرتا ده‌ستپێكى ل سه‌ر روودانێ و ل چه‌ند رۆژێن بهێت دێ ئێخنه هه‌مبه‌ر په‌رله‌مانێ عيراقێ.
نيشاندان