سه‌ره‌كى نووترين نووچه

سوبه‌هى شاندێ هه‌رێمێ بۆ هنارتنا بودجه‌يى دێ چ داخوازى ژ به‌غدا كه‌ت؟

14/02/2015 12:52

223

ئه‌ڤرۆ نيوز:

شاندێ حوكمه‌تا هه‌رێما كوردستانێ دێ سوبه‌هى رۆژا ئێكشه‌مبی چیته‌ به‌غدا و دێ پرسا رێككه‌فتنا هنارتنا نه‌فتا هه‌رێمێ و ئاسته‌نگێن هه‌مبه‌ر وێ دروست بوون بۆ به‌غدا به‌حس كه‌ت.
پێشتر رێباز محه‌مه‌د وه‌زیرێ دارایى یێ حوكمه‌تا هه‌رێما كوردستانێ راگه‌هاند بوو كو شاندێ هه‌رێمێ بۆ به‌غدا دێ پابه‌ندبوونا خوه‌ ب رێككه‌فتنا هنارتنا نه‌فتا هه‌رێمێ ب رێیا كومپانیا سومو دیاركه‌ت.
بڕیاره‌ شاندێ هه‌رێمێ ب سه‌رۆكاتیا نێچیرڤان بارزانى سه‌رۆكێ حوكمه‌تا هه‌رێما كوردستانێ سه‌را به‌غدا بده‌ن و ل گه‌ل حه‌یده‌ر عه‌بادى سه‌رۆك وه‌زیرێن عیراقێ كوم ببن.

ب گۆره‌يى ئه‌و پێزانينێن ب ده‌ست ئه‌ڤرۆ نيوز كه‌فتين هه‌رێما كوردستانێ نه‌شێت ل دووڤ داخوازيا به‌غدا رۆژانه‌ 550 هزار به‌رميلان ب رێيا خوه‌ ب هنێريته‌ وه‌لاتێ توركيا د ڤى ده‌مى ژ به‌ر كو نوكه‌ نه‌شێن په‌ترۆلا هه‌رێمێ بهنێرنه‌ ژ ده‌رڤه‌يى وه‌لاتى و ئه‌و دێ داخوازێ ژ حوكمه‌تا ناڤه‌ندى كه‌ن كو ئه‌و دێ د سالێ هه‌موويێ دا ڤێ رێژێ هنێرنه‌ ژ ده‌رڤه‌، ئانكو دێ گرێدايى سالێ بيت نه‌كو رێژا رۆژانه‌.

پێشمەرگەیێن د دەستێ داعش دا نەھاتینە شەھیدکرن

14/02/2015 12:45

1300

ئەڤرۆ نیۆز، قائید میرۆ
پشتی ل تۆڕێن جڤاكى وێنەیێ ھژمارەک پێشمەرگەیێن دیل لبەر دەستێ داعش ھاتیە بەلافکرن بەرپرسەکێ کورد ل مووسل دبێژیت ئەف پێشمەرگە نەھاتینە شەھیدکرن.
ئێڤاریا دوھی و ئەڤا بۆری داعش وێنەیێ ھژمارەکا وان پێشمەرگەیان بەلافکر یێن بەری نوکە ب دیل کەفتیە دەستێ داعش و ھندەک ژێدەران بەلافکربوو، کو ئەف پێشمەرگە ھاتینە سووتن و شەھیدکرن، غەیاس سورچی، کارگێڕێ مەلبەندی ئێکەتیێ ل مووسڵ بۆ ئەڤرۆ نیۆز گۆت” مە ژێدەرێن باش یێن زانیاریان ھەنە و چو راستی بۆڤان زانیاریان نینە، ئەگەر ئەف پێشمەرگەیێن دیل ھاتبانە شەھیدکرن، دا ئەم زانین.
ئەڤرۆ نیۆز بۆ چەندین جارا پەیوەندی ب عەمید ھەلگۆر رێڤەبەرا راگەھاندنا وەزارەتا پێشمەرگەی کر، بەلێ بەرسیڤا پەیوەندیێ نەدا.

روونشتنا جڤاتا نوونه‌ران ژ به‌ر ره‌ڤاندنا په‌رله‌مانتارى نه‌هاته‌ ئه‌نجام دان

14/02/2015 12:27

155

ئه‌ڤرۆ نيوز:

سه‌ركرداتيا كريارێن ئه‌منى ل به‌غدا د كۆنگره‌كێ رۆژنامه‌ڤانى دا راگه‌هاند كو چه‌كدارێن نه‌نياس شێخێ عه‌شيره‌تا جه‌نابين ل باشوورى به‌غدا قاسم سويدان جه‌نابى كوشتيه‌ پشتى ره‌ڤاندى ل گه‌ل زياد جه‌نابى ئه‌ندامێ جڤاتا نوونه‌رێن عيراقێ ئه‌وێ ل شه‌ڤا بۆرى هاتيه‌ ئازادكرن و ته‌رمێ زێره‌ڤانێن وى ل باكوورێ به‌غدا هاتينه‌ ديتن.

ب گۆره‌يى ژێده‌رێن ل به‌ر ده‌ست نوكه‌ سونه‌ نه‌چووينه‌ د كۆمبوونا جڤاتا نوونه‌رێن عيراقێ دا و كۆمبوونه‌ك يا ئه‌نجامدايى ژ بوو وه‌رگرتنا هه‌لويستى به‌رامبه‌ر ڤێ كريارا ل هه‌مبه‌ر زياد جه‌نابى و خێزانا وى هاتيه‌ ئه‌نجام دان و ل گۆرى نه‌بوونا رێژه‌يا قانوونى يا جڤاتا نوونه‌ران بۆ نيڤ ده‌مژمێرێ هاتيه‌ پاشخستن.

هنده‌ك ژێده‌رێن ده‌نگوباسان ئه‌ڤێ ئێكێ دئێخيته‌ ستوويێ عادى عامرى و ميليشياتێن وى كو ل خاله‌كا پشكنينێ زياد و مامێ وى يێ سه‌رۆك عه‌شيره‌تێ جنابيان گرتينه‌ و برينه‌.

مينحا ده‌زگه‌هێن راگه‌هاندنێ و وه‌شانێ يێن دهۆك و سلێمانيێ هاتنه‌ راوه‌ستاندن

14/02/2015 11:53

190

ئه‌ڤرۆ نيوز:

ب گۆره‌يى نڤيساره‌كا وه‌زاه‌رتا دارايى كو ئيمزا رێباز محه‌مه‌د حه‌ملان ل سه‌ره‌، ئاراسته‌يى په‌رله‌مانێ كوردستانێ كريه‌، مينحا هه‌يڤانه‌ يا حه‌فت ده‌زگه‌هێن راگه‌هاندنێ و به‌لاڤكريان هاتيه‌ بڕين كو هه‌موو هه‌يڤانه‌ 141 مليۆن ديناران ژ حوكمه‌تا هه‌رێمێ وه‌ردگرن.

پێشتر ئه‌وان ده‌زگه‌هان ژ گه‌نجينێن سلێمانيێ و دهۆك و مينحا هه‌يڤانه‌ وه‌ردگرت و د ناڤ دا يێن دهۆكێ هه‌ر ئێك ژ ده‌زگه‌هێ سپيرێز يێ چاپ و وه‌شانێ و ناڤه‌ندا په‌يامنێران ل دهۆكێ د ناڤ دايه‌.

ژ به‌ر ئه‌وێ قه‌يرانا دارايى يا حوكمه‌تا هه‌رێما كوردستانێ بڕيار دايه‌ مينحێن هنده‌ك ژ ده‌زگه‌هێن راگه‌هاندنێ ژى بهێنه‌ برين و ئه‌ڤه‌ ژى د چارچۆڤێ وان مينحان دايه‌.

ل هه‌مبه‌ر ڤێ چه‌ندێ موئه‌يه‌د ته‌يب، به‌رپرسێ ده‌زگايێ سپيرێز يێ چاپ و وه‌شانێ بۆ ئه‌ڤرۆ نيوز بێ ئاگه‌هيا خوه‌ ژ بابه‌تى دا زانين و گۆت: “ئه‌ڤه‌ ماوێ ساله‌كێ يه‌ مينحا ده‌زگه‌هێ مه‌ بۆ حه‌فت مليۆن و نيڤان هاتيه‌ كێمكرن”.

به‌رپرسێ ده‌زگه‌ها سپيرێز زێده‌تر گۆت: “ئه‌ڤه‌ ژ هه‌يڤا 9 وه‌ره‌ ئه‌وان ئه‌و پاره‌ ژى وه‌رنه‌گرتيه‌”.

spirez u payamneran — دا ب زه‌لالى بهێته‌ خواندن كليك بكه‌

سه‌رۆكێ ئه‌لمانيا: روژەک دێ ھێت تورکیا دانپێدانێ ب قرکرنا کوردان بکەت؟

14/02/2015 10:33

160

ئەڤرۆ نیوز، زنار توڤی:
ل بیرھاتنا حەفتێ سالیا بومبەبارانکرنا باژێرێ درسدن یێ ئەلمانی یێ کو ل رۆژا 1945.2.13 ژ لایێ وەلاتێن ھەڤپەیمان ڤە ب دژوارترین شێوە د جەنگێ دويێ یێ جیھانی دا ھاتیە بومبەبارانکرن.

دوهى 2015.2.13 سه‌رۆكێ ئه‌لمانيا، يواخيم گاوگ، ب مەرەما ساخکرنا وێ رۆژێ سەرا وی باژێری دا و د پەیڤەکێ دا گۆت: “دڤێت ئەم ژ بەرپرسیاریا ئەلمانیا د شەرێ جیھانی دا نەرەڤین و ئەم دزانین کێ ئەڤ جەنگێ خویناوی دەستپێکر و ئەم چ جاران وان قوربانیان ژبیر ناکەین”.
ھەروەسا گوتژی: “ئەرێ دێ روژەک ھێت،کو تورکیا دانپێدانێ ب قرکرنا کوردان بکەت و بەرپرسیارەتیا خوه‌ د شەرێن قرکرنا کوردان دا ب تایبەتی کوردێن ئێزدی و ئەرمەنان دا راستیێ بێژیت؟”.

فرۆكێن هه‌ڤپه‌يمانان نه‌هێلا داعش هێرشى سه‌ر پێشمه‌رگه‌يى بكه‌ت

14/02/2015 10:12

400

ئەڤرۆ نیۆز، قائید میرۆ:
فڕۆکەیێن ھەڤپەیمان رێگری ل هێرشەکا داعش بۆ سەر چەپەرێن ھێزێن پێشمەرگەی کرو نەھێلا پیلانا داعش بھێتە بجە ئینان.
ژێدەرەکێ بەرپرس ل ھێزێن پێشمەرگەی بۆ ئەڤرۆ نیۆز دیارکر” شەڤا بۆری گروپا تیرۆرستیا داعش ل میحوەرێ دەوروبەرێ ئاسکی مووسڵ و کەسکێ لبەربوو ئێرشی سەر ھێزێن پێشمەرگەیێن کوردستانێ بکەن و بۆڤێ مەرەمێ پلانەک دارشتبوو
ئەڤی ژێدەری کو نەڤیا ناڤێ وی بھێتە بەلافکرن گۆتژی” فڕۆکەیێن ھەڤپەیمان پشتی لڤینێن داعش دەرکەفتی ب ھویری بنکە و بارەگایێن وان بوردۆمانکرن و د ئەنجامدا، ژبلی شکست ئینانا پیلانا ئێرشکرنێ زیانێن زۆرژی گەھاندن تیرۆرستا.

ل دهۆك 31 هزار قوتابى ژ خواندنێ بێ به‌هر بوون

14/02/2015 09:35

233

ئه‌ڤرۆ نيوز:

ژ ئه‌گه‌رێ ئاواره‌بوونێ بۆ هه‌رێما كوردستانێ 67 هزار قوتابى هاتينه‌ پارێزگه‌ها دهۆك و نوكه‌ 31 هزار ژ وێ رێژێ نه‌شياينه‌ ب خوينن و 36 هزار قوتابى ژى ل قوتابخانێن پارێزگه‌ها دهۆكێ درێژاهيێ ب خواندنێ دده‌ن.

عه‌بد يوسف ئه‌حمه‌د، رێڤه‌به‌رێ گشتيێ په‌روه‌ردا دهۆكێ بۆ مالپه‌رێ فه‌رمى يێ حوكمه‌تا هه‌رێما كوردستانێ راگه‌هاند: “67 هزار قوتابى هاتينه‌ پارێزگه‌ها دهۆك و نوكه‌ 31 هزار ژ وێ رێژێ بێ به‌هر بوون ژ خواندنێ و 36 هزار قوتابى ژى ل قوتابخانێن پارێزگه‌ها دهۆكێ درێژاهيێ ب خواندنێ دده‌ن و هه‌تا نوكه‌ قوتابخانه‌ ژى ل كه‌مێن پارێزگه‌هێ نه‌هاتينه‌ دروستكرن”.

دبێژيتژى: “بۆ چاره‌كرنا كێشا قوتابيان ل كه‌مپان، چه‌ندين قوتابخانه‌ نوكه‌ د قوتاغێن دروستكرنێ دانه‌ و د ماوه‌كێ كورت دا ئه‌و قوتابخانه‌ دێ هێنه‌ ڤه‌كرن”.

رێڤه‌به‌رێ گشتيێ په‌روه‌ردا دهۆك ئاماژێ ب وێ چه‌ندێ ژى دكه‌ت كو كارێ وان هاتيه‌ ب ساناهيكرن بۆ وه‌رگرتنا قوتابيان ل قوتابخانێن سه‌ر ب وه‌زاره‌تا په‌روه‌ردا هه‌رێمێ ڤه‌.

ده‌رباره‌يى ئه‌و بابه‌تێن قوتابيێن ئاواره‌ د خوينن دبێژيت: “هه‌مان بابه‌تێن قوتابخانێن هه‌رێمێ دخوينن، به‌لێ قوتابيێن عه‌ره‌ب و توركمان ل قوتابخانێن ژ ده‌رڤه‌يى سنورێ هه‌رێما كوردستانێ هه‌مان به‌رنامێ خواندنێ نينه‌ و بزاڤێ دكه‌ين ل گه‌ل رێڤه‌به‌ريا گشتيا په‌روه‌ردا مووسل بگه‌هينه‌ چاره‌كێ دا كو ئه‌و ژى ژ خواندنێ بێ به‌هر نه‌بن”.

ل پارێزگه‌ها هه‌ولێر ژى 20 هزار و 732 قوتابىێن ئاواره‌ هه‌نه‌ و 36 قوتابخانێن تايبه‌ت بۆ هاتينه‌ ڤه‌كرن و ل پارێزگه‌ها سلێمانيێ ژى 15 هزار و 714 قوتابيێن ئاواره‌ هه‌نه‌ و28 قوتابخانه‌ بۆ هاتينه‌ ڤه‌كرن ژ ده‌رڤه‌يى كه‌مپان دا كو ژ خواندنێ نه‌هێنه‌ دابڕين.

ئه‌ڤ مه‌ترسيا مه‌زنا ئابوورى يا كه‌فتيه‌ سه‌ر دهۆكێ

13/02/2015 22:31

904

ئه‌ڤرۆ نيوز:

زاگرۆس فه‌تاح رێڤه‌به‌رێ گشتيێ بودجه‌ و وه‌به‌رهێنانێ ل وه‌زاره‌تا پلاندانانا هه‌رێمێ هوشداريێ ل دۆر زێده‌بوونا قه‌يرانا ل هه‌رێما كوردستانێ دده‌ت و ئاشكه‌را دكه‌ت كو ل هه‌رێما كوردستانێ رێژا پێشڤه‌چوونا ئابوورى ژ 8% بوويه‌ 3% و رێژا هه‌ژاريێ ژى ژ ده‌سپێكا سالا 2014 ب رێژا 5% زێده‌بوويه‌.

رێڤه‌به‌رێ گشتيێ بودجه‌ و وه‌به‌رهێنانێ ل وه‌زاره‌تا پلاندانانا هه‌رێمێ ئاماژێ ب وێ چه‌ندێ ژى دكه‌ت كو ل رێژا هه‌لاوسانێ “تضخم” ژى ل هه‌رسێ پارێزگه‌هێن هه‌رێمێ زێده‌بوويه‌ و ب ره‌نگه‌كى ل پارێزگه‌ها دهۆكێ ب رێژا 23% پشكا شێرى ب به‌ر كه‌فيته.

ژێده‌ر: KNN

عه‌بادى: عيراقێ پێدڤى ب هێزا هشكاتى يا چو وه‌لاته‌كى نينه‌

13/02/2015 22:18

127

ئه‌ڤرۆ نيوز:

نڤيسينگه‌ها سه‌رۆك وه‌زيرێن عيراقێ راگه‌هاند كو بۆ رووى ب روويبوونا چه‌كدارێن داعش ل پارێزگه‌ها ئه‌نبار و پارێزگه‌هێن دى، عيراقێ پێدڤى ب هێزێن هشكاتى يێن چو وه‌لاتان نينه‌.

نڤيسينگه‌ها عه‌بادى د به‌ياننامه‌كێ دا ئاماژه‌ ب وێ چه‌ندێ كريه‌ كو سه‌رۆك وه‌زير فه‌رماندێ گشتيێ هێزێن چه‌كداره‌ ل عيراقێ و گرنگيه‌كا مه‌زن ب پارێزگه‌ها ئه‌نبار دده‌ت و يێ پابه‌نده‌ ب پاراستنا خه‌لكێ وێ پارێزگه‌هێ.

د ڤێ به‌ياننامێ دا هاتيه‌ ژى: “هێزێن حه‌شه‌د شه‌عبى و له‌شكرێ عيراقى يێ ل وێ ده‌ڤه‌رێ هه‌يى و ئه‌و دشێن وێرێ ب پارێزن”.

نوكه‌ هێزێن هه‌ڤپه‌مانان بزاڤێ دكه‌ن ب رێيا هشكاتى هێرشێ بكه‌نه‌ سه‌ر چه‌كدارێن داعش ب تايبه‌ت پشتى بۆ وان ديار بوويى كو هێرشێن ئه‌سمانى ب تنێ به‌س نينن بۆ ژناڤبرنا داعش.

ئه‌ڤرۆ بارزانى دێ چيته‌ نمسا

13/02/2015 13:03

153

ئه‌ڤرۆ نيوز:

مه‌سعود بارزانى سه‌رۆكێ هه‌رێما كوردستانێ د چارچۆڤێ سه‌ره‌دانا خوه‌ دا كو چه‌ند رۆژه‌ ل ئورۆپايه‌، ئه‌ڤرۆ رۆژا ئه‌ينى دێ سه‌ره‌دانا نه‌مسا كه‌ت.

ب گۆره‌يى زانياريێن رووداو به‌لاڤكرين، ئه‌ڤرۆ ئه‌ينى 2015.2.13 سه‌رۆكێ هه‌رێما كوردستانێ دێ سه‌ره‌دانا نه‌مسا كه‌ت و ل بڕياره‌ ل گه‌ل هێنز فيشه‌ر، سه‌رۆكێ وى وه‌لاتى كۆم ببيت.

مه‌سعود بارزانى سه‌رۆكێ هه‌رێما كوردستانێ ل رۆژا 2015.2.6 ب مه‌ره‌ما پشكداريكرن د كۆنفرانسێ ئاسايشا جيهانى دا، ناسيار ب ميونشن، به‌ر ب ئورۆپا چووبوو و د كۆنفرانسى دا ئه‌وێ سێ رۆژان ڤه‌كێشايى، بارزانى ل گه‌ل ئه‌نگێلا مێركل، شيره‌تكارا ئه‌لمانيا و حه‌يده‌ر عه‌بادى، سه‌رۆك وه‌زيرێن عيراقێ، جۆ بايدن، جێگرێ سه‌رۆكێ ئه‌مريكا كۆمبوو و چه‌ندين ديدارێن دژى ئه‌نجام دان.

10ى ڤێ هه‌يڤێ ژى سه‌ره‌دانا فره‌نسا كر و ل گه‌ل فرانسوا هۆلاند سه‌رۆك وى وه‌لاتى كۆمبوو، بڕياره‌ ئه‌ڤرۆ ژى سه‌ره‌دانا نه‌مسا بكه‌ت، به‌لێ ديار نينه‌ پشتى سه‌ره‌دانا نه‌مسا دێ ڤه‌گه‌ريته‌ كوردستانێ يان چو سه‌ره‌دانێن دژى هه‌نه‌.

نيشاندان 1...740 1,740 2,740 2,7442,7452,746...3,101 زێده‌تر

لاپه‌ر 2,745 ژ 3,101