ئه‌ڤرۆ نیوز:
كونسه‌یا برێڤه‌برنا كوما جڤاكێن كوردستانێ رادگه‌هینیت كو هنده‌ك ئالووزى و نه‌دانا ناسنامه‌یان بۆ هاتن و چوونا هێزێن وان بوویه ئه‌گه‌ر كو ئه‌و به‌حسێ ڤه‌كێشانا هێزێن خوه ل باشوورێ كوردستانێ بكه‌ن.
كه‌جه‌كه د راگه‌هاندنه‌كێ دا دیاركریه: ل باشوورێ كوردستانێ ب تایبه‌تى پارته‌ك ب ره‌نگه‌كێ نهێنى سیاسه‌ت و پرۆپاكندێن خوه دژى پارتا مه دكه‌ن، له‌وما مه ڤه‌كێشانا هێزا گه‌ریلایێن خوه ئێخستیه به‌ر دانوستاندن كو نوكه به‌رامبه‌ر داعش شه‌رى دكه‌ن، و ئه‌م به‌رده‌وام یێ دانوستاندنا ل سه‌ر ڤێ پرسێ دكه‌ین، به‌لێ بوچوونا گه‌لێ مه ل باشوور یا گرنكه.
د پشكه‌كا دى یا راگه‌هاندنێ دا هاتیه: هه‌تا نوكه چ پێدڤیه‌كا سه‌ربازى، ئێك فیشه‌ك و ئێك چه‌ك ب گه‌ریلایێن مه یێن شه‌رێ داعش دكه‌ن نه‌هاتیه دان، به‌لێ شه‌رێ مه ژ پێخه‌مه‌ت گه‌لێ مه‌یه و مه چاڤه‌رێى چ تشته‌كێ نه‌كریه.
ئه‌ڤرۆ نيوز:
وه‌زاره‌تا ناڤخۆ يا حوكمه‌تا هه‌رێما كوردستانێ د دو ليستان دا، ناڤ و هژمارا كانديدێن دامه‌زراندنێ ل رێڤه‌به‌ريا پۆليسێن دهۆكێ به‌لاڤ دكه‌ت.
ب گۆره‌يى وێ نڤيسارا ب ده‌ست ئه‌ڤرۆ نيوز كه‌فتى، ناڤێ ئه‌وان كانديدێن دامه‌زراندنى تێدايه، داخوازێ ژى ژ وان كه‌سێن ناڤێن وان ده‌ركه‌فتين دكه‌ت كو سه‌ره‌دانا رێڤه‌به‌ريا پۆليسێن دهۆكێ بكه‌ن دا ب گۆره‌يى مه‌رجان بهێنه دامه‌زراندن.
ئه‌ڤ ليستێن ناڤان وه‌لاتيێن قه‌زا ئاكرى و به‌رده‌ره‌ش و دهۆك و زاخۆ و سێمێل و شنگال و شێخان ب خوه ڤه دگريت كو ئێك يا كه‌سوكارێن شه‌هيدايه و يا دژى يا وه‌لاتيێن دى يه.
ڤێره كليك بكه:
ليستا به‌ربژارێن دامه‌زراندنێ ل سه‌ر ميلاكێ رێڤه‌به‌ريا پۆليسێن دهۆكێ كه‌سوكارێن شه‌هيدان
ليستا به‌ربژارێن دامه‌زراندنێ ل سه‌ر ميلاكێ رێڤه‌به‌ريا پۆليسێن دهۆكێ
كۆنفرانسێ رێڤه‌به‌ریا گشتی یا په‌روه‌ردا پارێزگه‌ها دهۆكێ ئه‌ڤرۆ 8-2-2015 ل ده‌مژمێر 9:30 سپێدێ ب به‌رهه‌ڤبوونا د. پشتیوان صادق وه‌زیرێ په‌روه‌ردا حوكمه‌تا هه‌رێما كوردستانێ و فه‌رهاد ئه‌مین پارێزگه‌رێ دهۆكێ و هژماره‌كا به‌رپرسێن حزبی و حكومی و ئه‌ندامێن په‌رله‌مانی و سه‌رۆك ئه‌ندامێن جڤاتا پارێزگه‌ها دهۆكێ ل هۆلا ئاماده‌یا بژاره ده‌ستپێكر.
ل ده‌ستپێكێ په‌یڤا بخێرهاتنێ ژ ئالیێ عه‌بد یوسف رێڤه‌به‌رێ گشتی یێ په‌روه‌ردا پارێزگه‌ها دهۆكێ ڤه هاته خواندن و ل دووڤ دا وه‌زیرێ په‌روه‌ردێ په‌یڤه‌ك پێشكێشكر و ئاماژه ب گرنگیا گێڕانا كۆنفرانس و كۆنگرێ په‌روه‌ردێ كر و پاشی سوپاسیا بهێنفره‌هیا خه‌لكێ دهۆكێ كر كو ته‌حه‌مول كێشای هه‌تا قوتابخانه ژ ئاواران هاتینه ڤالا كرن و پاشی قوتابیان ده‌ست ب ده‌وامێ كری.
هه‌روه‌سا پارێزگه‌رێ دهۆكێ په‌یڤه‌ك ب ڤێ هه‌لكه‌فتێ پێشكێشكر و دوپاتی ل پێشڤه‌برنا ئاستێ مامۆستایان ب رێیا خول و ورك شوپان كر و دیسا دوپاتی ل خۆشكرنا ژیانا مامۆستایان كر و خواست كو وه‌زیرێ په‌روه‌ردێ داكۆكیێ ل وێ چه‌ندێ بكه‌ت ژ بلی بودجا پارێزگه‌ها دهۆكێ بودجه‌كا دی یا تایبه‌ت بۆ پارێزگه‌هێ بهێته ته‌رخانكرن ، چونكو ئاواران گه‌له‌ك كارتێكرن ل قوتابخانان كریه.
پشتی رێوره‌سمێن ده‌ستپێكێ ب دووماهی هاتین، ئه‌ندامێن كۆنفرانسی چوونه هۆلێن دانوستاندنان و بڕگێن كۆنفرانسی هه‌تا ده‌مژمێر 5:30 ئێڤاری دێ د به‌رده‌وام بن و پاشی راپۆرتا دووماهیێ دێ هێـته به‌رهه‌ڤكرن.
ئه‌ڤرۆ نيوز:
سه‌رۆك بارزانى د پشكا دويێ يا ديدارا خوه دا ل گه‌ل رۆژناما حه‌يات يا له‌نده‌نى ئاماژێ ب وێ چه‌ندێ دكه‌ت كو ئه‌ڤه ژ سه‌رده‌مێ زه‌ينه‌فونى و هه‌تا نوكه چو كه‌س نه‌شيايه خوه‌شيێ ب داگيركرنا كوردستانێ ببه‌ت و ئاماژێ ب وێ چه‌ندێ دكه‌ت كو ئه‌و نابيته پشكه‌ك ژ كێشا دناڤبه‌را ئه‌مريكا و ئيرانێ دا و كيش ژ وان هاريكاريا وى دكه‌ت دێ سۆپاسدارێ وان بيت.
مه‌سعود بارزانى سه‌رۆكێ هه‌رێما كوردستانێ ديار كر كو ئه‌ڤه ژ سه‌رده‌مێ زه‌ينه‌فونى و هه‌تا نوكه چو كه‌س نه‌شياينه خوه‌شيێ ب داگيركرنا كوردستانێ ببه‌ن و دبێژيت: “نه ل سه‌ر ده‌مێ به‌عسيان و نه‌ژى عوسمانيان و نه عه‌باسيان و نه‌ژى ئه‌مه‌ويان، نه‌شيايه ل كوردستانێ به‌رقرار ببن، ئه‌ز ئه‌ڤێ نه وه‌كو خوه مه‌زنكرنه‌ك دبێژم به‌لێ ئه‌ڤه ژ ئه‌نجامێ وێ سه‌ربۆرا مه‌يه و ب تنێ كورد دشێن ل كوردستانێ ب ئارامى بژين”.
ئاماژه ب وێ چه‌ندێ ژى كر كو هه‌ر ده‌مێ ترسه‌ك ل سه‌ر وه‌لاتى هه‌بيت، ئه‌و دێ چيته به‌ره‌يێن شه‌رى و ب ئه‌ركێ خوه د زانيت و دبێژيت: “مه نه‌دخواست ڤه‌گه‌رينه سه‌رده‌مێن شه‌رى، گه‌له‌ك يێن تووشى شه‌ران بووين و بهايێ وان دزانين، مه گه‌له‌ك بزاڤ كرن ژى خوه د ڤى شه‌رى هه‌ل نه‌ده‌ين، نه‌لێ وه‌سان چێنه‌بوو”.
زێده‌تر گۆت: “مه گه‌له‌ك نه‌خوه‌شى ديتن، ئه‌ڤجا مه ڤيا، ره‌وشا وه‌لاتيێن خوه خوه‌ش بكه‌ين و ئابوورا خوه پێش بێخين و په‌يوه‌نديێن خوه ل گه‌ل هه‌ڤسۆيێن خوه خوه‌ش بكه‌ين، به‌لێ وه‌سان دياره هێشتا نه‌حه‌زێن مه د رژدن ل سه‌ر نيه‌تێن خوه يێن خراب، ژ به‌ر هندێ ژى دڤێت ل به‌ر سينگێ وان ب راوه‌ستين”.
ل دۆر پرسياره‌كێ كا ئه‌و ڤه‌گه‌ريايه رۆلێ جه‌نراليێ، سه‌رۆك بارزانى د گرنژيت و دبێژيت: “ئه‌ز له‌شكره‌كم ژ پێشمه‌رگێ كوردستانێ”.
حه‌يات پرسيار ژێ كريه ژى كو ئه‌و دشێت د ئێك ده‌م دا هه‌ڤالێ جۆ بايدن و قاسم بى، سه‌رۆكێ هه‌رێما كوردستانێ د به‌رسڤا ڤێ پرسيارا وان دا دبێژيت: “كێشا ملله‌ته‌كى يا د ده‌ستێ من دا، هه‌ڤالينيا من ل سه‌ر هه‌لويستێ وايه به‌رامبه‌ر وێ كێشێ، ب چو ره‌نگان ئه‌ڤه نه بابه‌تێن كه‌ساتى نه. من كێشا خوه يا هه‌يى و نابمه پشكه‌ك ژ كێشا ئه‌مريكا و ئيرانێ يان ژى يا ئيرانێ به‌رامبه‌ر ئه‌مريكا، ئه‌ز يێ د شه‌رێ چاره‌نڤيس ساز دا ل گه‌ل دوژمنه‌كێ دڕنده ناڤێ وى داعشه، هه‌كه سوله‌يمانى يان ژى بايدن هاريكاريا من بكه‌ن، دێ سۆپاسدارێ وان بم.
ده‌رباره‌يى هاريكاريكرنا ئسرائيل ژى گۆت: “نه مه داخواز ژێ كريه و نه‌ژى وان گۆتيه مه و هه‌كه تشته‌كێ ژ ڤى ره‌نگى هه‌بايه دا ته‌پێزانينێن باشتر هه‌بن ژ لايێ وان كه‌سێن ب نهێنى سه‌ره‌ده‌ريێ ل گه‌ل دكه‌ن و هێرشێ دكه‌نه سه‌ر وان كه‌سێن ب ئاشكه‌رايى په‌يوه‌نديێ ل گه‌ل دكه‌ن”.
سه‌رۆك بارزانى د پشكه‌كا دى يا ئاخفتنا خوه دا ئاماژێ ب وێ چه‌ندێ ژى دكه‌ت كو ب كێمى هه‌تا نوكه سێ هزار چه‌كدارێن داعش يێ ل شه‌رى هاتينه كوشتن.
ئەڤرۆ:
ھژمارەکا کۆمپانیان گازندان دکەن ژ زێدەبۆونا باجا ل سەر کۆمپانیا ئەڤ سالە، خودانێ کۆمپانیەکا قونتەراتێن گشتی دبێژیت: ھەکە بۆ پرۆژێن داھاتی گوتبان دێ زێدەھی چیتە سەر دا ھزرا قازانجێ خوە کەین بۆ زێدەتر، گۆتژی بەری نوکە ١٥% ێ قازانجێ مە بۆو و ٦% ێ باجە بۆ، نوکە ٦% ێ یا بۆویە ٨% ێ، ئابۆورناسەکی دیارکر کو ئەڤ باجە دێ قەیرانێ پتر لێ کەت و دێ زیانێن مەزن ل دووڤ خوەرا ھێلیت دڤێت حوکمەت ل ژێدەرێن دیێن ئابووری بگەریت ژبلی ڤی ژێدەری.
پارێزەر ئیدریس ئەحمەد خۆدانێ کۆمپانیا بیناھی یا قونتەراتێن گشتی بۆ ئەڤرۆ دیارکر کو زێدەبۆونا باجا کۆمپانیا بۆویە بارگرانی ل سەر وان و گۆت: ھەکە بۆ پرۆژێن داھاتی گوتبان دێ زێدەھی چیتە سەر دا ھزرا قازانجێ خوە کەین بۆ زێدەتر، بەری نوکە ١٥% ێ قازانجێ مە بۆو و ٦% ێ باجە بۆ، نوکە ٦% ێ یا بۆویە ٨% ێ، گۆتژی ئەڤە ل شوونا قەربۆویا مە بکەن یێن رابۆوین باجە یا ل سەر مە زێدەکری، ھەکە کاودان چێ بن باج چەند با دا ئەم ژی ل گەل گونجین، ئەڤە گاز ھاتە خارێ و مە کار نینە و باجە ل سەر حسێبا کارێ کەڤن دێ بیتە خوسارەتییا مە، د ھەموو پرۆژان دا ژی ئەم قازانجێ نائینین.
جەلال کەمال عومەر رێڤەبەرێ باجا کۆمپانیا ل دھۆکێ خویا دکەت کو یاسا باجا کۆمپانیا گرێدایە ب حوکمەتا فیدرال ڤە یا ژمارە ١١٣ یا سالا ١٩٨٢ ێ زۆر کەڤنە، ئەڤ رێنمایێن ئەڤ سالە بۆ مە ھاتی رێژەکا کێم یا باجێ یا زێدە بۆیی، یا بەلێندەرا ٩% ێ بۆ ئەڤ سالە یا بۆویە ١٠% ێ قونتەراتێن گشتی سالا بۆری ٦% ێ بۆ یا بۆویە ٨%ێ و دانان و دابینکرن سالا بۆری ٧%ێ بۆ یا بۆویە ٩% ێ، نڤێسینگەھێن راوێژکاریا ئەندازیاری سالا بۆری ١٥%ێ بۆ یا بۆویە ٢٠% ێ، بلا خەلکێ مە بزانیت یا بەغدا ٣% ێ یە باجا مە دبیتە ١.٤% ێ ھندەک دبنە ١.٣٠% ێ ئانکو باجا مە یا کێمە و ھەوجەی گازندان ناکەت. گۆتژی ھندەک کۆمپانی ھەردەم گازندا گرانیا باجێ دکەن، لێ ھەکە بەرێخوە بدەنە وێ باجێ یا ئەو دەن نە ل دووڤ وان گازندایە، ئەگەر ھەڤبەریێ بکەن دناڤبەرا باجا مە ل گەل بەغدا یا مە گەلەک کێمترە ژ یا وان.
دڤێ دەربارێدا ئابۆورنناس د. محەمەد شەعبان دیار دکەت کو ئەڤ باجێن نوو ھاتینە دانان ژلایێ حوکمەتێ ڤە ئێکە ژ ھویێن بەردەست بۆ باشترکرنا بۆدجێ دناڤا ئابۆورییا نشتیمانی، ژلایەکێ دی ڤە ب جھئینانا کومەکا ئارمانجا ژ وان زێدەکرنا خزمەتگوزاریان بۆ وەلاتیان و ئاڤاکرنا پرۆژێن نوو یان بەرفرەھکرنا پرۆژێن کەڤن، ئارمانجەکا دیتر یا گرنگ ھەیە ئەو ژی داکو وێ بۆوشاییا کەتیە د بۆدجێ دا تژی کەتەڤە، لێ دڤێت چەند مەرجەک تێدا بھێنە دیتن داکو بگەھیتە وێ ئارمانجا ھاتیە دارێتن دڤێت باجە یا گونجایی بیت ژلایێ قەبارەی و رێژا سەدی یا ھاتیە دانان بۆ وی جھێ دێ تەحەمولا باجێ کەت، گۆتژی دڤێت زێدەھیا باجێ د دەمێ گونجای دا بیت ئانکو نابیت باجە بھێتەدان و قەیرانا دارایی ل وەلاتی ھەبیت و بەردەوام باجە دھێنە سەپاندن دەمێ بارێ ئابووری یێ وی وەلاتی یێ باش بیت و کۆمپانیان حەزا ئەداکرنا باجێ ھەبیت. ناڤھاتی دیارکر ژی کو دڤێت باجە ل سەر ھەموو کەرتان بھێنە سەپاندن نەک بۆ کەرتەکێ دەستنیشانکری بیت یان باجا ھندەک کەرتان ب رێژا ١٠% ێ بھێتە زێدەکرن و یا کەرتێ دیتر ٨% ێ بیت، مەرجێ چارێ دڤێت باجە ل گۆرەی ڤەکۆلینەکا ئابووری یا ھوور بیت داکو ئەنجامێن مەزنێن پوزەتێڤ ھەبن.
خۆدانێ کۆمپانیا ھایەر یا فروتنا کەل و پەلێن کارەبێ محەمەد عوبەید گۆت: فرۆتنا تشتێ مە ب قستە دڤێت حوکمەت ھاریکاریا مە بکەت، ئەم یێ ھاریکارییا وەلاتیان دکەین دڤێت ئەڤ باجا ھەنێ بۆ مە نەبیت و بھێنە جوداکرن ژ کۆمپانیێن دیتر چونکو کارێ ب خوە قستە چ قازانجێ وەسا مە نینە، گۆتژی مە کەرتێن دیتر ھەنە دشێن مفایی ژێ بینن مینا کەرتێ چاندنێ و گەشت وگوزارێ و بیاڤێن دیتر بۆ خوە داھاتێ وان دابین بکەن.
جەلالی ل دۆر کۆمپانیێن کەل و پەلان ب قست دفروشن گۆت: باجە بۆ وان نەبیت و بھێنە جوداکرن ژ کومپانیێن دیتر، نەدانا باجێ نە ب دەستێ مەیە ب تنێ پەرلەمان دشێت ژ باجێ ب لێبۆریت و بریارێ بدەت بھێنە جوداکرن نە ب دەستێ مەیە و بلا خۆدانێن کۆمپانیان ڤێ گازندێ ش مە نەکەن. ناڤھاتی ئاشکراکر ژی کو ئەو جھێن ب تنێ ناڤ کۆمپانی و چ بنەما بۆو نە رێڤەبەریا مە گرێدایە ب وان کۆمپانییا یێن تومارکری لنک مە و یێن دیتر من چ پێزانین ل سەر نینن، گۆتژی خەلکێ مە نوکە کەس قازانجێ خوە یێ دروست دیار ناکەت ھەکە چەند سالا قازانج ھەبیت نابێژیت من ھندە یێ ھەی، ھەکە سالەکێ خوسارەت بیت دێ ھێت گازندێ کەت بێژیت مە گەلەک خوسارەتیا دای ئەڤ سالە ھاریکارییا مە بکەن، ھەکە راست بێژیتە مە کیژان سالێ خوسارەت بۆ و کیژان قازانج کر دێ مە باوەری پێ ھەبیت و دێ سالا خوسارەتیێ بۆ وی قەرەبۆو کەین. ئابوورناس د.محەمەد شەعبان دا زانین ژی کو ئەڤ باجێن ئەڤ سالە ھاتینە دانان بۆ کۆمپانیان پتر لایەنێ بەرئاقلی تێدایە ژ لایەنێ نە عەقلی خالا نێگەتیڤ یا ڤێ باجێ یا ھاتیە سەپاندن بۆ ھندەک کەرتان و ھندەکێن دیتر نە ھاتیە سەپاندن، دیسا د ماوەکێ گونجای دا نەھاتیە، گۆتژی ئەڤ باجە دێ قەیرانێ پتر لێ کەت و دێ زیانێن مەزن ل دووڤ خوەرا ھێلیت دڤێت حوکمەت ل ژێدەرێن دیێن ئابووری بگەریت ژبلی ڤی ژێدەری. پەرلەمانتار یەروانت نیسان ئەندامێ لێژنا دارایی ل پەرلەمانێ کوردستانێ دبێژیت: تشتەکێ سروشتیە باجا کۆمپانیا بھێتە زێدەکرن داکو حوکمەت بشێت پتر پروژێن خزمەتگوزاری بێختە د خزمەتا وەلاتیان دا وەکو ل وەلاتێن ئەوروپی پشت بەستیێ ب باجێ دکەن، گۆتژی ل وەلاتێ مە ژی د ڤان کاودانان دا دڤێت پشت بەستن ب نەفتێ ب تنێ نەھێتەکرن، بەلکو سەرمایەدار و بازرگان ژی رۆلێ خوە ببینن و باجا کۆمپانیێن وان بھێتە زێدەکرن وەکو ھەستکرن ب وەلاتیبۆونێ کو ب خزمەتەکا نشتیمان پەروەری و شارستانی دھێتە ل قەلەمدان.
ئه‌ڤرۆ نيوز:
بڕياره ئه‌ڤرۆ نێچيرڤان بارزانى سه‌رۆك وه‌زيرێن هه‌رێما كوردستانێ سه‌ره‌دانا وه‌لاتێ ئيمارت بكه‌ت ژ بوو پشكداريكرن د گۆپيتكا دوبه‌يى دا.
گۆپيتكا دوبه‌يى سالانه ژ لايێ حوكمه‌تا دوبه‌يى ڤه دهێته سازكرن و گه‌له‌ك مێڤانێن نێڤده‌وله‌تى ژى دهێنه گازيكرن و بڕياره ئه‌ڤ ساله هه‌ر ئێك ژ سكرتێرێ گشتيێ نه‌ته‌وێن ئێكگرتى و ئيبراهيم مه‌لحه‌م سه‌رۆك وه‌زيرێن مسرێ و محه‌مه‌د بن زايد جهنشينێ ئه‌بۆ زه‌بى پشكدايێ تێدا بكه‌ن.
د ڤێ گۆپيتكا دێ ئه‌ڤرۆ ده‌ست ب كارێن خوه كه‌ت و بۆ سێ رۆژان يا به‌رده‌وام بڕياره نێچيرڤان بارزانى سه‌رۆكێ حوكمه‌تا هه‌رێمێ گۆتاره‌كێ پێشكێش بكه‌ت و داخوازێ ژ سه‌رمايه‌دارێن وى وه‌لاتى بكه‌ت وه‌به‌رهێنانێ ل كوردستانێ بكه‌ن.
ئه‌ڤرۆ ده‌مژمێر 10 سپێدێ ل هولا سه‌عد عه‌بدولا كونفرانسه‌ك ل سه‌ر جینوسایدا ئێزدیان هاته سازكرن.
حسو هورمی رێكخه‌ر و په‌یڤدارێ كونفرانسێ ب ناڤێ (كومه‌لكوژیێ و ژناڤبرنا ره‌گه‌زی ل دژی ئێزدی و مه‌سحی) بۆ ئه‌ڤرۆ نیوز دیاركر ئه‌ڤ كونفرانسه دێ دو رۆژان ڤه‌كێشیت و ل هه‌ولێرا پایته‌خت و هولا سه‌عد عه‌بدولا و دێ ب چه‌ندین ته‌وه‌ران پێك هاتینه ئه‌و ژی ژل ایێ قانوونى ڤه هه‌لسه‌نگاندنا جینوسایدێ و چاوانیا هه‌مبه‌ركرنا ئه‌ڤێ كاره‌ستێ ل قانوونا ده‌ولی، رۆل و كاریگه‌ریا عیراقێ ل به‌رهنگاریا ئه‌وێ چه‌ندێ پێكهاته ل جهێن خو ب مینن، رێ و ئاوایێن ڤه‌گه‌راندنا ئاواران بو ل سه‌ر جهـ و ولارێن وان، رۆلێ رێكخراوان و حكومه‌تا عیراقێ شیایه رێ یه‌كێ په‌یدا بكه‌ت بۆ ژ لایێ ده‌روونی ڤه بۆ ئه‌ڤان ئاوارن چاره‌سه‌ریان ب بینیت، ووره‌ك بۆ هه‌موو رێڤه‌به‌رێن كه‌مپان هێنه سازكرن گازه‌ندو و ئاریشه‌یێن خوه دیار بكه‌ن.
حسو هورمی ئه‌و چه‌نده ژی گوت د ڤی كونفرانسی دا به‌رهه‌ڤكرنا راپۆرته‌كێ یه و ئه‌ڤه هه‌مو دبنه پێنگاڤه‌ك بو 17 هه‌یڤا سێ ل جنێڤ كونگره‌یه‌كێ نێڤ ده‌ولی ل سه‌ر بنكارێ ئه‌ڤێ كونگره‌یی هێته گێران و به‌رهه‌م و راپۆرتا ئه‌ڤی كونفرانسی دبیته هێڤێنێ ئه‌وی كونگرێ ل جنێڤێ .
په‌یڤدارێ كونفرانسی ئه‌و چه‌نده ژی دیاركر به‌شداربویێن كونفرانسی نێزیكی 800 كه‌سان دبن ژ كه‌سایه‌تێن په‌رله‌مانتار و ئه‌كادیمیێن ب بابه‌تی ڤه گرێدایی و سیاسه‌تمه‌دار رێڤه‌به‌رین كه‌مبان و سایكولوژی و ده‌رۆنی ل ته‌ڤایا عیراقێ و كورستانێ به‌رهه‌ڤی ئه‌ڤی كونفرانسی دبن .
ئەڤرۆ:
پشتی کو رێککەفتنا د ناڤبەرا ھەرێما کوردستانێ و عیراقێ دا دا بەحس ل پێشمەرگەی ھاتیە کرن و کوردان دخواست موچێ پێشمەرگەی ل بەغدا بھێت و پێشمەرگە نەھێتە ھژمارتن وەکو زێرەڤانێن نیشتمانی، ژبەرکۆ دستورێ عیراقێ ب ئاشکرا بەحس ل زێرەڤانێن ھەرێمێ (پێشمەرگەیی) کریە و شارەزایەکا قانوونا دستوری ژی دبێژیت عیراق چ منەتان ل پێشەرگەی ناکەت و ئەرکێ وێ یە پێتڤیێن وی دابین بکەت .
دکتورە ئەڤین خالد بسپۆر دوارێ قانوونا دستوری دا و مامۆستا کولیژا قانوون و رامیاری بۆ ئەڤرۆ دیارکر کو پێشمەرگە بەرگریێ ژ ئاخا عیراقێ دکەت و چەکدارێن داعشێ مەترسینە ل سەر ئاخا عیراقێ ھەموویێ نەکو ل سەر کوردستانێ ب تنێ و گۆت ” دەمێ پێشمەرگە وان چەکداران لاواز دکەت، ئانکو داعشێ ل ھەموو عیراقێ بەر ب لاوازبوونێ ڤە دبەت” .
ئەڤینێ ئەوژی دا دیارکرن کۆ پێدڤیە ل سەر عیراقێ بودجەکا تایبەت بۆ پێشمەرگەی دابین بکەت و ل گەل ھندێ ژی دا چەکی ژی بۆ فرێکەت و گۆت ” عیراق چ منەتان ل پێشمەرگەی ناکەت و دەمێ بودجێ پێشمەرگەی ژ بەغدا بھێت، ژ بەر کوو ئەڤە بنیاتەکێ دستۆری یێ ھەی و ل مادا ١٢٢ ل برگا (٥) دا ماف دایە ھەرێمێ کو رابیت ب رێکخستن و دامەزراندنا پۆلیس و ئاسایش و زێرەڤانێن ھەرێمێ (پێشمەرگەی) , ھەر ژبەر ڤێ چەندێ ئەرکێ عیراقێ یە و چو منەتان ل سەر پێشمەرگەی ناکەت مادەم پارەی و چەکی ددەتە میلیشیاتێن شیعی، چاوا نادەتە پێشمەرگەی کو دستوری رێ دایی”.
ئەڤین خالد زێدەتر گوت” دستورێ عیراقێ ب دروستی ناھێتە بجھئینان، ژ بەر کو ھەر پارتەکا سیاسی دخوازیت بەرژەوەندیا وێ بھێتە پاراستن ل سەر کیستێ پارتێن دن و ئەڤە ژی بوویە ئەگەر کۆ ھەڤرکی بکەڤیتە د ناڤبەرا پارتێن سیاسی دا ل عیراقێ و دستور نەھێتە بجھئینان ب تایبەتی ھندەک مادێن گرنگ یێن ڤی دستوری دا کو ھندەک پارت دترسن بەرژەوەندیا وان ژناڤ بچیت”.
ل دووڤ بوچوونا ڤێ بسپۆرا قانوونا دستوری” بەری داعش ژی، پێشمەرگەی رۆلەکێ مەزن دیتیە ل عیراقێ، ژ بەر کو ھەرێما کوردستانێ دەڤەرەکا ئارام بۆ، ئەو ئارامی ژی ببو ئەگەر کو دەولەتێن دی ب رێیا ھەرێمێ بھێن کاربکەن ل عیراقێ و ئابوورێ عیراقێ بەرب پێش بچیت .”
ئەڤرۆ:
ژێدەرەکی ژ ھێزا پێشمەرگێ کوردستانێ ل کۆبانێ دیار کر کو ئەو سێ ھەیڤێن بۆ مانا پێشمەرگەی ل کۆبانێ ھاتینە دیارکرن ب دووماھی ھاتن و گۆت:(بەرپرسەکێ بلند یێ ھێزا یەپەگێ داخواز کر کو ماوێ مانا پێشمەرگەی بھێتە درێژکرن).
رائید عزەدین تەمۆ، بۆ مالپەرێ پارتی خویا ژی کر کو یەپەگە مانا ھێزا پێشمەرگەی ل کۆبانێ ب پێدڤی دزانیت و گۆت:( داخواز دکەن سەرۆک بارزانی ماوێ مانا پێشمەرگەی زێدە بکەت و مە ژی ئەڤ داخوازا وان گەھاندیە بەرپرسێن ھێزا پێشمەرگە).
نيشاندان