ئه‌ڤرۆ نیوز، زنار:
ل پایته‌ختێ وه‌لاتێ مالیزیا كوالالامپور دوهى پشككێشانا یاریێن قاره‌مانییا ئێكه‌تیا ئاسیا هاته كێشان ب پشكداریا هه‌ردو یانێن هه‌ولێر و شورته ژ عیراقێ و تیمێن پشكدار هاتنه بلاڤكرن ل سه‌ر چار كومان ب ڤى شێوه‌ى.
كوما ئێكێ پێكهاتیه ژ یانێن وه‌حدات یان زات راس یێن ئوردنى و نه‌هزه یان سویق یێن عومانى ل گه‌ل وه‌حده یا سوورى و سه‌ركه‌فتیێ چارێ ژ یاریێن ڤه‌بر یێن ده‌ربازبونا قوناغا كومان.
كوما دویێ پێكهاتیه ژ یانێن شورته یا عیراقى و جه‌زیره یا ئوردنى و وادى نیص یا فه‌له‌ستینى و سه‌ركه‌فتیێ سیێ ژ یاریێن ڤه‌بر یێن ده‌ربازبونا قوناغا كومان.
كوما سیێ پێكدهێت ژ یانێن قادسیه یان عه‌ره‌بى یێن كوێتى و یانا هه‌ولێر ژ هه‌رێما كوردستانا عیراقێ و یانا ئستیقلال یا تاجیگستانێ ل گه‌ل سه‌ركه‌فتیێ یاریا ئێكێ یا قوناغا ڤه‌بر، كوما چارێ و دووماهیێ ژى پێكاهتینه ژ ریفاع یان مه‌نامه یێن وه‌لاتێ به‌حرێن و كوێت یا كوێتى و نه‌جمه یا لوبنانى و سه‌ركه‌فتیێ دویێ یێ یاریا ڤه‌بر.
بۆ زێده‌تر پێزانینان ل سه‌ر كوما چارێ كو دێ سه‌ركه‌فتیێ یاریا ناهال یا تركومانستانى و دورده‌ى یا قیرغستانى دێ به‌رامبه‌ر یانا فنجا یا عومانى كه‌ت و سه‌ركه‌فیێ وان دێ د كوما سیێ ل گه‌ل یانا هه‌ولێر دا یاریێن خوه كه‌ت.
نوینه‌رێن پارێزگه‌هێ سه‌رێ لیستا خولا كوردستانێ كونترول كر
ئه‌ڤرۆ نیوز، زنار:
د یاریێن گه‌را حه‌فتێ یێن خولا هه‌رێما كوردستانێ یا ته‌پا پێ دا بۆ یانێن نایاب هه‌ردو نوینه‌رێن پارێزگه‌هێ یانێن زێره‌ڤانى و زاخۆ شیان به‌رده‌وامیێ بده‌نه ئه‌نجامێ خوه یێن باش و كونترولا سه‌رێ لیستا خولێ بكه‌ن پشتى سه‌ركه‌فتنێن خوه ڤێ جارێ ل سه‌ر یانێن برایه‌تى و پێشمه‌رگه یا سلێمانیێ تومار كرین.
د یاریا ئێكێ دا ئه‌وا ناڤبه‌را یانا زێره‌ڤانى و برایه‌تى ل باژێرێ سلێمانیێ هاتیه كرن كو ل ده‌سپێكا ڤێ یاریێ یاریكه‌رێن راهێنه‌ر سلێمان ره‌مه‌زان نه‌شیاى مفاى ژ دو ده‌لیڤه‌یێن مسوگه‌ر وه‌رگرن و گوله‌كێ تومار بكه‌ن به‌رامبه‌ر یانا برایه‌تى ژى چه‌ند هێرشێن مه‌ترسیدار ل سه‌ر گولا زێره‌ڤانى په‌یداكرن لێ هه‌مى هێرشێن وان بێ دووماهى نه‌بون هه‌تا ده‌قیقه‌یا 29 ژ یاریێ ده‌مێ دادڤانێ یاریێ سه‌باح حه‌مه ریزا په‌نه‌لتیه‌ك بۆ یانا زێره‌ڤانى هژمارت و یاریكه‌رێ وێ هونه‌ر ئه‌حمه‌د یێ سه‌ركه‌فتى بوو د ئه‌نجامدانا وێ دا و شیا گۆلا ئێكانه یا ڤێ یاریێ تومار بكه‌ت سه‌ره‌راى كو د نیڤا دویێ دا برایه‌تى هه‌مى بزاڤ كرن بۆ راستڤه كرنا ئه‌نجامێ هه‌تا نیڤا دویێ ژ یاریێ ب دووماهى هاتى ب سه‌ركه‌فتنا زێره‌ڤانى ب گۆله‌كێ بێ به‌رامبه‌ر و ب ڤێ سه‌ركه‌فتنێ زێره‌ڤانى شیا سه‌رێ لیستا خولێ ژ یانا نه‌وروز وه‌رگریت ب 15 خالان.
د یاریه‌كا دى یا هه‌مان گه‌ر دا ل ناڤ یاریگه‌ه و جه‌ماوه‌رێ خوه دا یانا زاخۆ شیا سه‌ركه‌فتنا خوه یا سیێ ل دووڤ ئێك تومار بكه‌ت ڤێ جارێ ژى ل سه‌ر یانا پێشمه‌رگا سلێمانیێ ب گۆله‌كێ بێ به‌رامبه‌ر كو گۆلا زاخۆ ل دووماهى ده‌قیقه ژ یاریێ ژ لایێ یاریكه‌رێ وێ ئدریس عه‌لى ڤه هاته توماركرن ب ڤێ سه‌ركه‌فتنێ یانا زاخۆ پێشڤه هاته رێزا دویێ ب چارده خالان.
ژ یاریێن دى یێن هه‌مان گه‌ر پێشمه‌رگا هه‌ولێر سه‌ركه‌فت ل سه‌ر سلێمانیێ ل یاریگه‌ها یا دویێ ب دو گۆلان به‌رامبه‌ر گۆله‌كێ.
ئێكه‌تیا عیراقێ ژڤانێ یاریێن زاخۆ دیار كر
ئه‌ڤرۆ نیوز، زنار:
ئێكه‌تیا باسكا عیراقێ ژڤانێ هاردو یاریێن تیما باسكت بۆلا زاخۆ یێن پاشخستى دیاركرینه كو بریاره ل به‌رامبه‌ر هه‌ردو یانێن سلێخ و نه‌فت ژ چارچوڤێ خولا عیراقێ یا باسكت بۆلێ بۆ یانێن نایاب.
زێده‌تر جوتیار عه‌لى هاریكارێ راهێنه‌رێ باسكا زاخۆ د داخویانیه‌كا تایبه‌ت دا بۆ مالپه‌رێ ئه‌ڤرۆ نیوز گۆت: ئێكه‌تیا باسكا عیراقێ ئه‌و ئاگه‌هدار كرینه تیما وان دێ یاریێن خوه یێن پاشخستى ژ خولا باسكت بۆلێ به‌رامبه‌ر سلێخ و نه‌فت ل هولا گرتیا بنگه‌هێ لاوان ل زاخۆ ل رۆژا 20 و 25 ڤێ هه‌یڤێ ئه‌نجام ده‌ن.
ناڤبرى گازنده ژ ڤى ماوه‌ى كر و دیاركر كو ئه‌ڤ ماوه یێ گونجاى نینه بۆ ئه‌نجامدانا یاریێن خولێ ژ به‌ركو یاریكه‌رێن پیشه‌كار دێ به‌ر ب وه‌لاتێن خوه چن بۆ بهێنڤه‌دانا سه‌رێ سالێ و جه‌ژنا مه‌سیحیان.
ژڤانێ پشككێشانا قاره‌مانیا چامپیونس لیگ هێته دیاركرن
ئه‌ڤرۆ نیۆز
ئێكه‌تیا ته‌پا پێ یا ئوروپا یوێفا رۆژا دوشه‌مبى یا بهێت ل ده‌مژمێر 2 پشتى نیڤرو ل باژێرێ نیون یێ سویسرى ده‌سنیشان كر بۆ ئه‌نجامدانا پشككێشانا یاریێن قوناغا شازدێ یێن قاره‌مانیا ئوروپا قاره‌مانێن خولان.
پشككێشانا قوناغا شازدێ یا ڤێ قاره‌مانیێ دێ ژ لایێ كارل هاینز ریدله‌ر نوینه‌رێ یاریا دووماهیا قاره‌مانیێ كو دێ ل باژێرێ به‌رلین یێ ئه‌لمانى هێته كرن ئه‌نجامده‌ت.
ل دووڤ سیسته‌مێ قاره‌مانیێ سه‌ركه‌فتیێن ئێكێ یین قوناغا كومان دێ به‌رامبه‌ر یێن تیمێن رێزا دویێ هاتین یارێن خوه ئه‌نجامده‌ن دیسان دو یانێن ئێك وه‌لات ژى نابیت بكه‌ڤنه به‌ر ئێك.
یانێن رێزا ئێكێ هاتین پێكهاتى نه ژ ریال مه‌درید و به‌رشه‌لونه و ئه‌تله‌تیكو مه‌درید یێن ئسپانى و بایرن میونخ و بروسیا دورتموند یێن ئه‌لمانى، پورتو یا پرتوگالى و چێلسى یا ئنگلیزى و موناكو یا فره‌نسى.
یانێن رێزا دویێ هاتین د قوناغا كومان دا پێكهاتینه ژ بایرلیڤه‌ركوزن و شالكه یێن ئه‌لمانى و بازل یا سویسرى و ئه‌رسینال و مانچسته‌ر ستى یێن ئنگلیزى و یوڤانتوس یا ئیتالى پاریس سان جێرمان یا فره‌نسى و شاختار دونیتسك یا ئوكرانى.
نيشاندان