ئهڤرۆ نيوز:
رێڤهبهريا كهشناسيا ههرێما كوردستانێ راگههاند كو د ماوێ 24 دهمژمێرێن بۆرى دا، رێژهكا باشا باران بارينێ ل دهڤهرێن جودا يێن ههرێما كوردستانێ بارينه و ب ڤى رنگێ ل خوارێ:
نووترين نووچه
- نێچیرڤان بارزانی دوپاتیێ ل سەر بهایێن هەڤپشك یێن ئازادیێ و دیموكراسیێ دكەت
- نێچیرڤان بارزانی ل دەوحە پشكداری د بەهییا میرێ بەرێ یێ قەتەرێ دا كر
- مەسرور بارزانی سەرەخۆشیێ ل شێخ نەهرۆ كەسنەزانی دكەت
- نڤیسینگەها سەرۆكێ حوكمەتا هەرێمێ: حوكمەتا هەرێما كوردستانێ دێ بەردەوام بیت ل سەر رووبڕووبوونا گەندەلیێ و سەروەرییا یاسایێ
- 20 مەهـ ل سەر هەلبژارتنان دەرباز بووینە و چو بەهانە بۆ راگرتنا پەرلەمانی نەماینە
- سەرۆك بارزانی هەڤخەمییا خۆ بۆ حوكمەت و گەلێ قەتەرێ دەربڕی
- لیندزی گراهام پشتەڤانەكێ وەفادار و دۆستەكێ ب بها یێ گەلێ كوردستانێ بوو
- حوكمەتا هەرێما كوردستانێ د بەرهنگاربوونا گەندەلیێ دا پێگیرییا خۆ ب كارنامەیا خۆ سەلماند
- فەرهاد ئەترووشی: مە نڤیسار بۆ دامەزراندنا هەمیشەیی یا 70 هزار فەرمانبەرێن گرێبەست ئاراستەی بەغدا كریە
- بایكۆتكرنا پەرلەمانی دژاتیكرنا سووندا یاسایییە و تاوانەكا مەزنە بەرانبەر گەلێ كوردستانێ
سهرهكى نووترين نووچه
فهيسبۆك بڕياركا نوو ل دۆر بهلاڤكرنا ڤيديۆ و وێنان ددهت
ئهڤرۆ نيوز:
ئيدارا تۆڕا جڤاكيا فهيسبۆكى بڕيار دا، مهرجان بدانيته سهر ئهو ڤيديۆ و وێنێن ل لاپهرێن وێ تۆڕێ دهێنه بهلاڤكرن، كو توندوتيژى و بێ روومهتى تێدا نهبيت.
ب گۆرهيى نووترين دهنگۆ كو دهربارهيى فهيسبۆكى هاتيه بهلاڤكرن ئيدارا ڤێ تۆڕا جڤاكى راگههاند كو بهرى بهلاڤبوونا ههر ڤيديۆيهكێ، كو بێ روومهتى يان توندوتيژى وهكو سهبڕين و كوشتن ب گولهيى تێدا بيت، هوشداريێ بدهت كو ئهوان ڤيديۆيان توندوتيژى تێدايه.
ئهڤ پێنگاڤا فهيسبۆكى دبيت ههتا رادهيهكى يا باش بيت بۆ دوورخستنا ئهوێن ژ 18 ساليێ كێمتر ژ روودانێن توندوتيژيێ ب گۆرهيى ئيدارا فهيسبۆكى و خوه هێژايێ هندێ دبينيت كو كارهكێ باشه و دێ چالاكڤانێن جيهانى دهستخۆشيێ لێ كهن.
رهوشا سهقايێ سوبههى
ئهڤرۆ نيوز:
رێڤهبهريا گشتيا كهشناسيێ ل ههرێما كوردستانێ راگههاند كو سوبههى ئهسمانێ دهۆكێ دێ ساهى بيت وپلا گهرماتيێ ژى دێ بلند بيت.
پشكا پێشبينيان ل رێڤهبهريا گشتيا كهشنايا ههرێمێ راگههاند كو ژ ئهنجامێ لاوازبوونا فشارێن بلندێن دهريا ناڤهراست ل وهلاتێ توركيا بۆ سهر ههرێما كوردستانێ ئهو پێشبينى دكهن كو سوبههى رۆژا ئێكشهمبى رێكهفتى 18\1\2015 ئهسمانێ دهۆكێ ساهى بيت.
رێڤهبهريا گشتيا كهشناسيێ ل ههرێما كوردستانێ ئاشكهرا ژى كريه كو پلا گهرماتيێ ژى يا بلند دێ پيچهك بلند بيت و يا نزم ژى دێ ههڤبهركى ل گهل رۆژێن بهرى نوكه بيت ب رهنگهكى د ناڤبهرا 13 بۆ 0 دا.
ل دۆر پێشبينيا رێژا ههوايى و مهودايێ ديتنێ ژى دايه زانين كو دێ ئاراستهيێ وى دێ باكوورێ رۆژههلات و باكورێ رۆژئاڤا بيت ب رهنگهكى دێ يێ ل سهر خوه بيت د ناڤبهرا 5 بۆ 10 كلم د دهمژمێرهكێ ماوێ ديتنێ ژى دێ 10 كلم بيت.
ڤيديۆ: ئێك ژ ديدهڤانێن ئێزدى سهرهاتيا خوه بهحس دكهت
داخۆيانيا ميرێ ئێزديان ل سهر دامهزراندنا كانتۆنا شنگال ژ لايێ پهكهكێ ڤه
ئهڤرۆ نيوز:
د كاردانهڤهكێ دا بهرامبهر دامهزراندنا جڤاتا كانتۆنا شنگال، ژ لايێ پهكهكێ ڤه، ميرێ ئێزديان هاته دهنگ و هوشداريهكا دژوار دا و دا زانين كو ئهو دێ ب خوينێ بهرهڤانيێ ژ كارهكێ ژ ڤى رهنگێ يێ خوه سهپاندنێ كهن.
مير تهحسين بهگ ميرێ ئێزديان د داخۆيانيهكا تلهفۆنى دا بۆ باسنيوز راگههاند كو ماوهكه ئهو ئاگههدارى كارهكێ ژ ڤى رهنگى يه و هوشدارى دايه كو ههموو لايهنێن ئێزديان و شنگال ژ حوكمهتا ههرێمێ ب سهرۆكاتيا بارزانى ناهێنه جوداكرن و ههر لايهك ژى بزاڤا ڤێ چهندێ بدهت و كێشان دروست بكهت، دێ ب دژوارى رووى ب روويێ وان بن.
ميرێ ئێزديان ل كوردستان و جيهانێ راگههاند ژى كو ئهوێن مژوولى پلاندانێ ب كرێگرتى و دوژمنێن ئێزديان و گهلێ كوردستانێ تهماشه دكهين و مامهلا دوژمنێن راستهقينه يێن مللهتى دێ ل گهل كهين.
مير تهحسين بهگ گۆت: “ب تنێ سهرۆكێ ئێزديان مهسعود بارزانى يه و ب تنێ ئهو دشێن ب وهرگرتنا رايا ئێزديان بڕيارێ ل سهر مان و نهمانا ئێزديان بدهت”.
ههر وهسان ميرێ ئێزديان بهحس ل وێ جڤاتێ كر و گۆت: “هيڤيدارم بهرى ههر تشتهكى خو ژ دهڤهرا شنگال ڤهكێشن و چو جار بير ل هندێ نهكهن كارهكێ وهسان يێ ترسناك بكهن و بلا بهێلن خهلك ل بن سيبهرا پێشمهرگهيى دا يێ ئارام بيت”.
ميرێ ئێزديان سلاڤ و رێزێن خوه ژى بۆ ههموو پێشمهرگهيى هنارتن و سهرهخۆشى ل شههيدا كرن و هيڤيا زوو ساخبوونا برينداران ژى كر.
رۆژا چوار شهمبی پارتا كرێكارێن كوردستانێ PKK د كومبوونهكێ دا ئهنجومهنهك بۆ كانتونا شنگالێ دروست كر كو ژ 27 كسان پێك دهێت ب ناڤێ جڤاتا ئێزديێن شنگال و ب بۆچوونا وان ئهڤ كانتۆنه بۆ پتر خزمهتكرنا دهڤهرا شنگاله و ئێكهتيێ ژى دهستخۆشى ل ڤێ پێنگاڤێ كريه، بهلێ قاسم شهشۆيێ سهركردێ پێشمهرگێن ئێزدى ل چيايێ شنگال ژى بۆ ئهڤرۆ نيوز راگههاند بوو كو ههكه ئهو دهستبهرداريى ڤان رهنگه كاران نهبن، چو ب سهرێ داعش ئينايه، دێ وهل پهكهكێ ژى كهن.
هنارتنا پهترۆلێ بۆ بهندهرێ جيهان هاته راوهستاندن
ئهڤرۆ نيوز:
ژ ئهگهرێ كێشهكا تهكنيكى ل وهلاتێ توركيا د ماوێ دو حهفتيێن بۆرى دا، ئهڤه جارا دويێ يه هنارتنا پترۆلا كهركووك بۆ بهندهرێ جيهان يا توركى رادوهستيت.
ژێدهرهكێ بلند ل كۆمپانيا پهترۆلا باكور د داخۆيانيهكێ دا بۆ باسنيوز راگههاند كو هنارتنا پهترۆلا كهركووك بۆ بهندهرا جيهان يا توركى راوهستايه و پهترۆل ژ كهركووك ناچيت.
ئهڤى ژێدهرى گۆتژى: “د ماوێ ڤان 15 رۆژان دا ژ 1\1\2015 ههتا نوكه بۆ جارا دويێ يه هنارتنا پهترۆلا كهركووك د راوهستيت، ههردو جاران ژى ژ ئهگهرێ كێشكهكا تهكنيكى يا ناڤخۆيا توركيا بوويه”.
مە نەهێلا ۹ هزار گەنج بگەهنە داعشێ
داعش ئهڤرۆ ل مووسل چ كریه؟
ئهڤرۆ نیوز ، بارزان سلێمان مزوورى
ژێدهرهك ژ رێكخراوا چهكدارێن ئازاد ل ناڤ باژێرێ مووسل بۆ ئهڤرۆ نیوز دیار كر كو ئهڤرۆ چهكدارێن تیرورستێن داعش ل گورهپانا پارێزگهها موسل سێ رێكخستیێن خوه دو ژ وان سێدارهدان ئێك ژوان ژى ل ئاڤاهیهكێ بلند دا ئاڤاهیێ ئاشور بهرامبهرێ ئاڤاهیێ پارێزگههێ چاڤێن وى گرێدان و تێدا هاڤێته خار.
سوبه پێنگاڤا ئێكێ بۆ رزگاركرنا مووسل دێ هێته هاڤێتن
ئهڤرۆنیۆز، سالار دۆسكى”
سهرۆكێ جڤاتا پارێزگهها نهینهوا دیاركر كو سوبه 17/1/2015 ب فهرمى سهربازگهههك بۆ خهلكێ پارێزگهها نهینهوا دێ هێتهڤهكرن و دێ كار بۆ قۆناغا داهاتى هێتهكرن و ههموو خهلكێ باژێرێ موسل هێنه داخازكرن كو یێ حهز ههبیت پشكداربیت د ئازادكرنا باژێرێ خوه دا ، پهیوندیێ پێ بكهت، ئهڤه و دێ لدووڤ چهندین مهرجان بیت كو خهلكێ مووسل بیت، باوهرى ب رزگاركرنا مووسل ههبیت.
بشار كیكى زێدهتر بۆ مالپهرێ ئهڤرۆ نیۆز ئاشكراكر كو سوباهى 17/1/ دێ ب فهرمى سهربازگهههك ل دهڤهرا (زێلكان) هێتهڤهكرن بۆ خهلكێ باژێرێ مووسل و ئهوێن حهز ههبیت پشكداربیت د شهرێ رزگاركرنا باژێرێ خوه دا و ئهڤ خهلك دێ كهڤیته ژێر راهێنان و ئهڤ كاره دێ ب شێوهكێ فهرمى بیت، دیسان چهندین بهرپرسێن بلندێن وى باژێرى دێ بهرههڤى رێورهسمان بن.
كیكى گۆت ژى: مه دڤێت پتر عهرهبێن سونه بن، چونكه دهڤهرێن كوردى و كێم نهتهوه پێشمهرگه دپارێزیت و بتنێ ئهڤه بۆ ناڤ مووسله و باشورێ مووسله، دیسا دو ئهگهر ههنه كو هێزێن بیانى و حوكمهتا عیراقێ مهشق و راهێنان بڤى خهلكى بكهن.
ههڤدهم سهرۆكێ جڤاتا پارێزگهها نهینهوا گۆت: رزگاركرنا مووسل كریارهكا بهرفهره و دڤێت گهلهك لایهن تێدا پشكداریێ بكهن، حوكمهتێن ئهمریكا و عیراقێ و حوكمهتا ههرێما كوردستانێ و دیسان حوكمهتا خوهجهی یا مووسل ژى دڤێت ل گهل دابیت.
هوزانڤانێن دهۆكێ دێ ل چیایێ شنگالێ بن
ئهڤرۆ نیۆز، سالار دۆسكى:
رێڤهبهریا گشتى یا رهوشهنبیرى و هونهرى رێڤهبهریا چالاكیێن ویژهیى ل دهۆك، ل ژێر دروشمێ (پێشمهركه ناسنامهیه) ژڤانه ل رێكهفتى 18/1/2015 رۆژا ئێك شهمبى كونسێرتهكا ههلبهست خواندنێ بۆ هژمارهكا ههلبهست ڤانێن باژێرێ دهۆكێ ل چیایێ شنگالێ رێك بێخیت.
حهسهن عارف بهرپرسێ راگههاندنا رێڤهبهریا گشتى یا رهوشهنبیرى هونهرى ل دهۆكێ، بۆ مالپهرێ ئهڤرۆ نیۆز دیاركر كو ئهڤ كونسێرتا ههلبهست خواندنێ دێ رۆژا ئێك شهمى 18/1/2015 دهمژمێر 3 ئێڤارى بیت و ل دانێ ئێڤارى ل چیایێ شنگالێ بۆ پێشمهرگێ كوردستانێ، ههر ئێك ژ ههلبهستڤان(موئهد تهیبت، شهعبان سلێمان، لایق كورێمهى و ههلگورد قهار)دێ پشكداریێ تێدا كهن.
عارفى بهردهوامى دا گۆتنێن خوه و ئاشكراكر كو ئارمانج ئهوه پهیاما خهلكێ دهۆكێ بگههینه پێشمهرگێ كوردستتانێ و بێژینێ هووون كورێن دهۆكێ نه و دچهپهرێ بهرهڤانیكرنێ دانه و خهلكێ دهۆكێ ب ههموو تهخێن خوه ڤه هوون ل بیرا نهكرینه چونكه هوون ژێدهرێ ئێمناهى و تهناهیا كوردستانێ نه.
نيشاندان
WP Facebook Auto Publish Powered By : XYZScripts.com