ئهڤرۆ نيوز:
ئهڤرۆ سپێدێ چهكدارێن داعش ل سولتان عهبدولا سهر ب ميحوهرێ گۆێر چهكدارێن داعش هێرش كره سهر پێشمهرگهيى.
ب گۆرهيى ئهو پێزانينێن ب دهست ئهڤرۆ نيوز كهفتين، هێزێن پێشمهرگهيى شيان ب دژوارى بهرسڤا وان بدهن و نههێلن نێزيكى دهڤهرێن پێشمهرگه نشين ببن.
ژێدهرهكێ رۆژنامهڤانى ب ئهڤرۆ نيوز راگههاند كو چهكدارێن داعش ل نێزيك پرا گۆێر ب هاونان هێرش كريه سهر پێشمهرگهيى، بهلێ پێشمهرگه شيان بهرسڤا وان بدهن و هژمارهكا زۆرا وان ب كوژن و بريندار بكهن و گۆت: “گهلهك تهرمێن وان ل وێرێ ماينه”.
ئهڤرۆ نيوز:
ئاخفتنكهرێ ب ناڤێ حوكمهتا ههرێما كوردستانێ راگههاند كو ههر دهمێ پاره چو بهر دهستێ ئهوان، دێ مووچێ ههيڤا 11 و 12 پێكڤه بهلاڤ كهن، بهلێ نوكه نينه.
سهفين دزهيى، ئاخفتنكهرێ ب ناڤێ حوكمهتا ههرێما كوردستانێ بۆ KDF.info راگههاند كو بهلاڤكرنا مووچێ ههيڤا 11 و 12 يێ سالا بۆرى، پهيوهندى ب بهغدا ڤه نينه، بهغدا نوكه چ پاره رهوانهيى ههرێما كوردستانێ نهكريه و ههكه رهوانه ژى بكهت، دێ يێ 2015 رهوانه كهت، نهيێ 2014ێ.
گۆتژى: “ههر دهمێ حوكمهتا ههرێما كوردستانێ د دهستان دا ههبوو ژ داهاتێ ناڤخۆ و فرۆتنا پهترۆلێ دێ مووچان بهلاڤ كهت”.
ئاخفتنكهرێ ب ناڤێ حوكمهتا ههرێما كوردستانێ ئاماژى ب وێ چهندێ ژى كر كو ئهو پارێ نوكه ل بهر دهستێ وان بههرا وێ چهندێ ناكهت دو مووچێن فهرمانبهران پێ بدهن.
سهفين دزهيى گۆت: “ههڤيانه 850 مليار دينار مه دڤێن، دێ دو ههيڤان دبيته ترليۆنهك و 700 مليار دينار و نوكه ئهو پاره ل بهر دهستێ مه نيه”.
ژ ئهگهرێ پهيدابوونا قهيرانا دارايى يا ههرێما كوردستانێ ل دهسپێكا سالا بۆرى، ههتا نوكه فهرمانبهرێن ههرێمێ مووچێ ههيڤا 11 و 12 يێن سالا 2014 وهرنهگرتينه.
ئهڤرۆ نيوز:
رێڤهبهريا گشتيا كهشناسيێ ل ههرێما كوردستانێ راگههاند كو سوبههى ئهسمانێ دهۆكێ دێ بيته ساهى ل گهل هندهك ئهورێن كێم.
پشكا پێشبينيان ل رێڤهبهريا گشتيا كهشنايا ههرێمێ راگههاند كو ژ ئهنجامێ كارتێكرنا فشارێن نزمێن دهريا ناڤهراست ل وهلاتێ توركيا بۆ سهر ههرێما كوردستانێ ئهو پێشبينى دكهن كو سوبههى رۆژا دوشهمبى رێكهفتى 12\1\2015 ئهسمانێ دهۆكێ ب تهمامى بيته ساهى و هندهك جاران دێ ئهورێن كێم پهيدا بن.
رێڤهبهريا گشتيا كهشناسيێ ل ههرێما كوردستانێ ئاشكهرا ژى كريه كو پلا گهرماتيێ ژى يا بلند دێ پيچهك بلند بيت ههڤبهركى ل گهل رۆژێن بهرى نوكه بيت ب رهنگهكى د ناڤبهرا 9 بۆ -1 پلان دا.
ل دۆر پێشبينيا رێژا ههوايى و مهودايێ ديتنێ ژى دايه زانين كو دێ ئاراستهيێ وى دێ باكورێ رۆژههلات و باكورى رۆژئاڤا بيت ب رهنگهكى دێ يێ ل سهر خوه بيت د ناڤبهرا 5 بۆ 20 كلم د دهمژمێرهكێ ماوێ ديتنێ ژى دێ 8 و 10 كلم بيت و ل دهمێ مژێ ژى 6 بۆ 8 كلم بيت.
ئهڤرۆ نيوز، سالار دوسكى:
پارچەکا ڤیدیویەکا کچەەکا نەتەوە ئیسرائیلی دەمێ ھاژۆتنا ترۆمبێلا خوە گوھداریا سروودەکا نشتیمانی یا کوردی ب دەنگێ (رکێش سهیرانی) ل گەل گۆتنا ههلبهستا ھەلبەسڤان (شەعبان سلێمان) دکەت و ل گەل گوھداریکرنێ پەسنا رۆلێ کوردان بگشتی دکەت و دیسا رۆلێ سەرۆک مەسعود بارزانی و پێشمەرگێ کوردستانێ بلند نرخینت د شەرێ دژی داعش دا و ئەڤە پارچە ڤیدیویە ل چەندین مالپەرێن فێسبووکێ دھێتە بەلاڤەکرن و کومێنت ل سەر دھێنەدان.
شەعبان سلێمان خودانێ ڤێ ھەلبەستێ بۆ مالپەرێ ئەڤرۆ نیۆز گۆت: من ژی وەک ھەر کەسەکی د فێسبووکی دا ئەڤ ڤیدیویە دیتی یە و سەربلندم کو سترانا کوردی یا رەسەن دگەھیتە جیھانا دەرڤە و ب رێکا ڤێ سترانێ پەیاما مللەتێ کورد دگەھیتە جیھانێ.
ئهڤرۆ:
ڤەکولینەکا سوێدی دیارکر کو دەمێ نوشدارێ ددانان ب دەرئینانا ددانێ مرۆڤەکی رادبیت ئەو پشکەکا بچووک ژ بیردانکا وی کێم دکەت، سایتێ ( لباب الاکترونی) ل ژێر دەڤێ نوشدارەکێ ددانان دیارکیرە کو د ھەمان دەم دا ماموستایێ زانستێ دەروونی یە ل زانکۆیا ( ئومیا) ل باشورێ سوێدێ ب ناڤێ ( بان بیرگدال، دبێژیت یا دیارە کو ددانان گرنگیەکا تایبەت بۆ مێشکێ مە ھەیە و ل دووڤ ڤەکولینەکێ کو ل سەر ١٩٦٢ کەسان ھاتیە کرن کو ژیێن وان دناڤبەرا ٣٥-٩٠ سالیێ دانە دیاربوویە پشتی ددانێن وان ھاتینە دەرخستن بیردانکا وانژی ئالوز بوویە و گەلەک ھزر د سەری دا نامینن.
بەلێ ل دووڤ ھزرا بیرگدالی کو ڤەکولین ل سەر مشکان و مەیمینکان کریە دیاربوویە کو ھەڤبەندیەک دناڤبەرا ددان و بیردانکێ دا ھەیە و و ئەڤە ئێکەم ڤەکولینا سوێدی یە ب شێوەیەکێ بەرفرەە دھێتە ئەنجامدان و دیسان ڤەکولەری دیارکریە کو ئەو دێ ب ڤەکولینەکا دی ل دۆر چاندنا ددانان و کارتێکرنا وان ل سەر بیردانکا مرۆڤی رابیت و دێ دیارکەت کا باشی و خرابیێن ڤێ کریارێ چنە.
ئەڤرۆ:
رێڤەبەرێ گشتیێ پەروەردێ ل پارێزگەھا دھۆکێ عەبد یوسف دیارکر کو ب بریارەکا جڤاتا پارێزگەھا دھۆکێ ١٠ پارچێن ئەردی بۆ قوتابخانێن ئاواران ل سنوورێ پارێزگەھا دھۆکێ و ل دەڤەرێن جودا جودا ھاتنە تەرخان کرن و ل سەر ڤێ بریارێ شاندەکێ وەزارەتا پەروەردا عیراقێ ل دھۆکێ یە.
عەبد یوسف ھەروەسا دیارکر کو کو ئەڤ پارچێن ئەردی بۆ دانا کابینانە، کو پێنج ل دھۆکێ، سێ ل سێمێلێ و دو ل زاخۆ ھاتنە تەرخان، گۆت ژی ل سنوورێ ھەر پەروەردەکێ ھندەک قوتابخانە بۆ ھاتینە تەرخان کرن کو بشێن دەوامێن خوە تێدا بکەن ل دەواما سیێ، ئەو دێ مامۆستا و پێدڤیا بخوە پەیدا کەن و پێشتر ژی ھاریکاریا وان ھاتبوو کرن د ئەنجام دانا ئەزموونان دا.
نيشاندان