ئه‌ڤرۆ نيوز:
هه‌ر ئێك ژ شه‌هريڤانا كوردى و ديار دێرسم و ئه‌يوب عه‌لى، سروده‌كا نشتيمانى بۆ شنگال گۆت و بڕياره د ڤان چه‌ند رۆژان دا بهێته به‌لاڤكرن.
ئاواز و ميوزيك ژ لايێ ميوزيكژه‌نێ ناڤدار دلشاد سه‌عيد بۆ هاتيه دانان و تێكست ژى يا هه‌لبه‌ستڤاندانا ناڤدارێ كورد ئه‌ديب چه‌لكى يه.
ب گۆره‌ى ڤى نووچه‌يێ مالپه‌رێ كورد ميوزيك، ميوزيكا ڤێ سرۆدێ ژى ژ لايێ گرۆپێ ئوركێسترايا وه‌لاتێ چيكێ ڤه هاتيه تۆماركرن.
ناجی به‌ده‌ل
ئه‌ڤا رابۆری د.كه‌مال فوئاد سیاسه‌تمه‌دار و دیپلومات و كه‌سایه‌تیێ ناڤدارێ كوردستانێ ل باژێرێ به‌رلین چو به‌ردلوڤانیا خودێ .
پشتی شێشت سالێن خزمه‌تێ ل خه‌بات و ره‌وشه‌نبیری و سیاسی و رۆژنامه‌نڤیسی و ئه‌ندامێ ده‌سته‌یا دامه‌زرێنه‌ر و ئه‌ندامێ مه‌كته‌با سیاسی یا ئێكه‌تیا نیشتمانی چو به‌ردلوڤانیا خودێ.
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێمێ راگه‌هاند كو راگه‌هاند كو سوبه‌هى دێ ئه‌سمانێ دهۆكێ ب هنده‌ك ئه‌ورێن كێم هه‌بن، پلا گه‌رماتيێ ژى دێ هێته خوار.
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێمێ دياركر كو سوبه‌هى رۆژا دوشه‌مبى رێكه‌فتى 16\11\2014 دێ هنده‌ك ئه‌ور ل ئه‌سمانێ دهۆكێ هه‌بن و هنده‌ك جاران ژى دێ ب تمامى بيته ئه‌ور.
د نڤيساره‌كێ دا كو دانه‌ك بۆ ئه‌ڤرۆ نيوز هنارتيه دايه زانين كو دێ پلا گه‌رمێ ژى دێ سێ بۆ چار پلان هێته خوار وه‌كو هه‌ڤبه‌ركى ل گه‌ل ئه‌ڤرۆ.
ئاشكه‌را ژى كريه كو ئاراسته‌يێ بايى دێ ل باكوورێ رۆژهه‌لات بيت ب ره‌نگه‌كى د ناڤبه‌را 10 هه‌تا 20 كيلۆمه‌تران د ده‌مژمێره‌كێ دا، ئانكو دێ يا ناڤه‌ندى بيت.
ل دۆر ديتنێ ژى دايه زانين دێ ئاراستێ ديتنێ هه‌شت هه‌تا 10 مه‌تر بيت و بلندترين رێژا پێشبينيكرى دێ 19 پله بيت و نزمترين ژى 15 پله بيت.
ئه‌ڤرۆ نيوز، نيوار محه‌مه‌د سه‌ليم:
فه‌رماندێ به‌ته‌ليۆنا دو يا پێشمه‌رگێ زێره‌ڤانيێ راگه‌هاند شڤێدى چه‌كدارێن داعش ژ دو سێ لايان ڤه هێرش كره سه‌ر پێشمه‌رگه‌ى ب مه‌ره‌ما وێ چه‌ندێ ل ميحوه‌رێ وانكێ پێشڤه‌چوونێ بكه‌ن.
عه‌قيد زۆبێر ئيبراهيم، فه‌رماندێ به‌ته‌ليۆنا دو يا پێشمه‌رگێ زێره‌ڤانيێ، بۆ ئه‌ڤرۆ نيوز گۆت: “شڤێدى ده‌مژمێر 1:30 شه‌ڤێ چه‌كدارێن داعش هێرش ژ دو سێ لايان ڤه كره سه‌ر هه‌دو گۆندێن سه‌هلج و عين مانع ڤه”.
زێده‌تر گۆت: “د به‌رسينگگرتنا وان هێرشان دا، پێشمه‌رگێ كوردستانێ ب دژوارى به‌رسڤا وان دا و هێرشێن وان تێكشكاندن”.
فه‌رماندێ به‌ته‌ليۆنا دو يا پێشمه‌رگێ زێره‌ڤانيێ دا زانين ژى كو پێنج ته‌رمێن داعش كه‌فتنه د ده‌ستێ وان دا، هنده‌ك ژى ره‌ڤاندن و پاشڤه‌زڤرينه جهێ ژێ هاتى.
ئەڤرۆ نیوز، ئەمیر ئەترووشی:
سەرۆکێ بەشێ راھێنانێ ل رێڤەبەریا راھێنان و پیشەیی ل پارێزگەھا دھۆکێ راگەھاند، رێڤەبەریا وان ئەڤە دەمەکە مژوولی ڤەکرنا خۆلێن پیشەیی بۆ وان گەنج و لاو و کچێن حەزا کارکرنێ ھەبیت و گۆت: ئەڤرۆ دێ سێ خۆلێن کومپیوتەر و لەحیمی ب دووماھی ھێن و تێدا ٦٠ ئاوارە باوەرناما کارکرنێ وەرگرن.
ئەندازیار نیبار عەبدولستار حەسەن بۆ ئەڤرۆ نیوز دیار کر، ھەر گەنجەکێ پارێزگەھا دھۆکێ حەزا کارکرنێ ھەبیت، دشێت قەستا رێڤەبەریا مە بکەت و ئەو تایبەتمەندیا بڤێت ھەلبژێریت و خوە فێری کاری بکەت و گۆت: خۆلێن مە د بێ بەرامبەرن و ھاتن و چوون ژی ل سەر کیستێ رێڤەبەریا مەیە.
خویاژی کر کو ھەتا خۆلێن فێرکرنا کارێ پلاستیکی ژی دھێنە ڤەکرن، بەلێ دڤێت ئەو کەسێ پشکدار دبیت نە فەرمانبەر بیت و ھێشتا گەنج بیت.
ئەڤرۆ، دھۆک:
رێڤەبەرێ گشتیێ گەشتوگوزارێ ل پارێزگەھا دھۆکێ دیار کر کو چار تلفریک دێ ل دھۆکێ ھێنە چێکرن، ب ئاوایەکی تلفریکا ئێکێ ل گوندێ بابلو ب دووماھی ھاتیە و گۆت “ل دەمەکێ نێزیک دێ کەڤیتە کاری”.
عوبەیدوللا داوود رێڤەبەرێ گشتیێ گەشتوگوزارێ ل پارێزگەھا دھۆکێ دیار کر ژی تلفریکا سەرێ چیایێ زاوا کو ل سالا ٢٠١٠ێ ژ لایێ رێڤەبەریا ئەندازەیا لوبنانی یا ھاتیە چێکرن و گۆت “پرۆژە پێک دھێت ژ پێنج گوندێن گەشتیاری و ھژمارەکا پارک و تلفریک و ئوتێل و موتێلان و رۆبەرێ وێ دۆرێن ٦٥٠ دونەمێن ئەردینە و ھەموو کێشە ل گەل لایەنێن پەیوەندیدار ھاتینە چارەکرن و مە بەلگەنامە داینە رێڤەبەریا گشتیا وەبەرھێنانێ ل پارێزگەھا دھۆکێ و مەرجێن قانوونی ژی بۆ ھاتینە دانان داکو نەبیتە دەرگەھەک بۆ مفایێن کەسوکی و ل دەستپێکا ئێکێ یا سالا بھێت دێ تلفریک ب دووماھی ھێت و ھندەک کۆمپانیا ژی یا خواستی خزمەتکاری بگەھنە چیایی دا بشێن دەست ب کاری بکەن و پشتی کارەب گەھشتیێ، بریار ئەوە ئاڤ ژی بگەھیتێ”.
رێڤەبەرێ گشتیێ گەشتوگوزارێ دیار کر ژی کۆمپانیەکا لوبنانی یا داخازکری کو تلفریکەک ژ گەلیێ دھۆکێ دێ چیتە کێلیا شەدایێ و ل سەرێ کێلیێ ھژمارەکا کافی و خارنگەھان دێ ھێنە ئاڤاکرن و گۆت “دۆرێن ٩٠% وەکو دیزاین و رازیبوون ب دووماھی ئیناینە و ل سالا ٢٠١٥ دێ دەست ب کاری ھێتە کرن و بۆ دەمێ دو سالان دێ ب دووماھی ھێت و گۆت “مە ماستەر پلانا ستراتیژی یا گوندێن گەلیێ دھۆکێ یا ھەی کو ژ سێ گۆندێن گەشتیاری پێک دھێت ل گەل ئاکنجیێن سەرەکی ل وێرێ و ئەو گوند ژی ب شێوێ گەشتیاری بھێنە ئاڤاکرن، بەلێ ئاریشا مە ل ڤێرێ ئاریشا قەرەبووکرنا عەردی یە و ٩٥% ژ وی عەردی یێ خەلکی یە و داخازا قەرەبووکرنێ دکەن و نوکە د شیان دا نینە بھێنە قەرەبووکرن و ھیڤیدارم چارەیەکێ ببینین داکو پرۆژە بھێتە بجھئینان”.
عوبەیدوللا داوود ئەو ژی دیارکر ل ناحیا سەرسنکێ کار دھێتە کرن ئوتێلا بەری یا سەرسنکێ وەکو سالا ١٩٤٦ بھێتە نووژەنکرن و دیسا ھژمارەکا ھەیکەل و ئاڤاھیێن کەڤن ل وێرێ ھەنە و راستی وەبەرھێنانێ کرینە کو دوبارە بھێنە ئاڤاکرن و گۆت “تلفریکەک ژی ل سەرێ کانیێ وەکو قووناغا ئێکێ دێ چیتە گاروکی و ژ قووناغا دویێ دێ چیتە سەرێ گارەی و بۆ قووناغا سیێ وەکو بەرنامە مە دانایە و دپلانا مەدایە ل سەرێ گارەی بچیتە چیایێ مەتینی و پێکڤە بھێنە گرێدان و دۆرێن ٧٠% ژ دیزاینی ب دووماھی ھاتیە”.
ل دووماھیێ ناڤبری گۆت “ل ئاکرێ ژی وەکو جھەکێ گەشتیاری بریار ئەوە تلفریکەک بھێتە دانان کو بچیتە سەرێ کەلھا ئاکرێ و ب رێیا رێڤەبەریا گەشتوگوزارێ ل ئاکرێ بھێتە ئەنجامدان”.
ئامێدیێ، نەوزاد زادە ھلۆری:
قوتابیەکێ خەلکێ زومار کو ل پەیمانگەھا تەکنیکیا ئامێدیێ دخواند ژ ئەگەرێ بەرکەفتنا کارەبێ دوھی 15\11 گیانێ خوە ژ دەست دا.
دکتور نەجیب سەعید، رێڤەبەرێ ساخلەمیا ئامێدیێ بۆ ئەڤرۆ ئاشکرا کر، ل ئێڤاریا رۆژا ئەینیا بۆری وی قوتابیێ خەلکێ زومار دگەل ھەڤالێن خوە مەحفیرەک ل سەر بانێ ئاڤاھیێ بەشێ ناڤخۆیی دشووشت و ژ نیشکەکێڤە کەڤتە بەر کارەبێ، ھەڤالێن وی ئێکسەر برنە نەخۆشخانا ئامێدیێ و گۆت “ژ بەرکو کارەبێ گەلەک کارتێکرن ل سەر لەشێ وی کربوو، دوھی 15\11 ل نەخۆشخانا ئامێدیێ گیانێ خوە ژ دەست دا “.
رێڤەبەرێ ساخلەمیا ئامێدیێ خویا ژی کر، ناڤێ وی قوتابی سەمیر مامور موسایە و خەلکێ ناحیا زومار بوو، قوتابی بوو ل پەیمانگەھا تەکنیکیا ئامێدیێ و ل پشکا نەخۆشیێن شیکاری دخواند و ل بەشێ ناڤخۆیی ل وێ قەزایێ دما.
سەرەراری وێ چەندێ کو زارۆ ھەست دکەن ئەو د نەخوشن ب نەخوشیا شەکرێ، بەلێ زارۆ حەز ناکەت کەسەک بزانیت وی نەخوشیا شەکرێ ھەیە، داکو ھەست ب شەرمێ ژ ھەڤالێن خۆ نەکەت و رەنگە ئەو ژ نەخوشیا شەکرێ ب ترسیت، ھندەک جاران ژی زارۆیێن تووشی نەخوشیا شەکرێ دبن ھەست دکەن ئەو گەلەک ماندیبوونێ بۆ دایبابێن خۆ پەیدادکەن و رەنگە ژ دایبابێن خۆ کویڤی ببن، داکو داخوازێ ژێ نەکەن دەرمانان یان بخۆت، یان ل دووڤ سیستەمەکێ خوارنێ یێ دەستنیشانکری بچیت.
ئەڤرۆ، بەرپەرێ ساخلەمیێ:
ئەڤ ھەستکرنە تشتەکێ سروشتینە ل دەڤ زارۆیێن تووشی نەخوشیا شەکرێ دبن، بەلێ ھەکە گەلەک بەردەوام بوون پێدڤیە زارۆ ژلایێ دەروونی ڤە بھێتە چاڤدێریکرن، و ل گەل نەخوشیا خۆ بگونجیت و بزانیت کو نەخوشیا شەکرێ تشتەکێ نورمالە دژیانا وی دا و بشێت خۆ ل گەل ب گونجینیت و ژیانا خۆ ب شێوەیەکێ سروشتی ب رێڤە ببەت، پێدڤیە کەسەک ھەبیت زارۆیی باوەری پێ بھێت و ل گەل باخڤیت و ب ھەبوونا وی ھەست ب ئارامیێ بکەت و راستە کو ئەو کەس نەشێت نەخوشیێ ژ زارۆیی ببەت یان راستیا نەخوشیێ ژێ ڤەشێریت، بەلێ ھەر چ نەبیت زارۆ دێ شێت ئاستەنگێن خۆ ل گەل نەخوشیێ بۆ بێژیت، ھەلبەت باشترە دایک یان باب د ڤێ چەندێ دا رۆلێ خۆ ببینت، باشترە ئەو زارۆیێ خۆ پال بدەن ل گەل نوشدارێ خۆ باخڤیت و ھەر پرسیارەکا ھەبیت بێژیتە نوشداری و ھەکە ھندەک زارۆیێ، دیتر ژی ل دەڤ نوشداری ھەبن کو وانژی نەخوشیا شەکرێ ھەبیت، ھەلبەت دێ گەلەک مفای ژ ئێکدو بینن و ئەو پێکڤە دێ ھەست ب وێ چەندێ کەن کو گەلەک زارۆیان ئەڤ نەخوشیە ھەیە و دشێن ژیانا خۆ ببورینن. ھەکە زارۆ ژ وی رەنگی بیت ئەوێ، گەلەک حەز ژ ئاخفتنێ نەکەن یان حەز نەکەت کەسەک چ تشتان ژێ بزانیت، پێدڤیە دایباب وی ھان بدەن کو ب رێکا نیگارکێشانێ ھەستێ، خۆ دەرببریت یان ب رێکا نڤیسینێ و بلا ھەردەم دایباب زارۆی ھان بدەن کو ھەر تشتێ بۆ وی نەخوش بیت وان ئاگەھداربکەت و ھەکە ھندەک کەس ژی ھەبن ئیزعاجا وی بکەن، پێدڤیە بێژیتە دایبابێن خۆ.
نوشدارێ چارەسەرکار دێ رابیت ل دووڤ سیستەمەکی پلانەکێ بۆ چارەسەرکرنا زارۆی دانیت، و ب وێ پلانێ زارۆ دێ ژیانا خۆ ب نورمال بورینیت، لەورا پێدڤیە دایباب ھاریکاربن ل گەل زارۆی دا بشێت بەردەوامیێ بدەتە ب کارئینانا دەرمانێن خۆ و ھەر دەمێ بۆژڤانێ خوارنا دەرمانان پێدڤیە ل ھزرا وی بینن و ھەکە زارۆی ھەست کر کو ئەو یێ ساخلەمە ھەلبەت دێ ژلایێ دەروونی ژی یێ باش بیت و دێ باوەری بۆ پەیدابیت کو چ ئاستەنگ د رێکا وی دا نینن و دشێت وەکی ھەموو زارۆیان ژیانا خۆ ب نورمال ببورینیت.
ل دەستپێکێ یا پێدڤیە دایباب گەلەک ھاریکاریا وی بکەن ھەتا بشێت کونترولێ ل سەر نەخوشیا خۆ بکەت، و زارۆی ژی شیان ھەنە ب ھندەک کاران راببیت وەکو فێربوونا چاوانیا پیڤانا ئاستێ شەکرێ دناڤ خوینێ دا و باشترە دایباب رێکێ ل بەر خوش بکەن و ھەر جھێ وی ڤیا خوینێ ژێ بکێشیت بۆ زانینا رێژا شەکرێ و بلا ب دەنگەکێ بلند ئەو ئەنجامی بخوینیت، ژبەرکو ب وێ رێکێ ئەو بخو دێ شێت پالپشتیێ ل سەر خۆ کەت و ھەکە رێژا شەکرێ یا بلند بیت دێ ھەول دەت بۆ جارێن بھێت کێم بکەت.
ھەلبەت ژی پتریا زارۆیان شیان ھەنە کونترولێ ل سەر رێژا شەکرێ بکەن، بەلێ پێدڤیە زارۆ بۆ ھندەک حالەتێن تەنگاڤیان بھێتە راسپاردن کو دبیت ب دەستێ وی نەبن، ب تایبەت ژی ژ ئەگەرێن دەروونی یان ل دەمێ بێھنڤەدان و رۆژێن کو نەچیتە خواندنگەھێ دبیت بۆ پەیداببن کو نەشێت ب دروستی دەرمانێن خۆ ب کاربینیت و ئەڤ چەندە کارتێکرنێ ل دەروونێ وی دکەت و ل وان کاودانان باشترە دایباب ل گەل باخڤن و باوەریا دەروونی بۆ پەیدابکەن کو دێ شێت ل مال ژی پێنگاڤێن خۆ یێن پێدڤی بجھئینبت.
نيشاندان