ئه‌ڤرۆ نيوز:
وه‌زاره‌تا خواندنا بلند و ڤه‌كۆلينێن زانستى، فه‌رمانگه‌ها گشتى يا ڤه‌كولين و په‌ره‌پێدانێ و ژ به‌ر به‌رژه‌وه‌نديا گشتى ره‌زامه‌ندى هاته دان ل سه‌ر درێژژكرنا ماوێ پێشكێشكرنێ بۆ خواندنا بلند “دبلۆما بلند، ماسته‌ر، دكتورا” بۆ وه‌رزێ هاڤينێ بۆ سالا خواندنێ 2016-2017 هه‌تا رۆژا ئێكشه‌مبى رێكه‌فتى 14ى گۆلانا 2017ێ ل گه‌ل ب دووماهى هاتنا ده‌واما فه‌رمى.
ئه‌ڤرۆ نيوز:
پشتى چه‌ند رۆژان ژ ده‌سته‌سه‌ركرنێ و مانێ ل زيندانێ ئه‌ڤرۆ مه‌لا عه‌لى كه‌له‌ك دێ ب كه‌فاله‌ت هێته ئازادكرن.
مه‌لا عه‌لى كه‌له‌ك ژ لايێ پۆليسان ل شه‌ڤا 2ى گۆلانا 2017ێ ل سه‌ر سكالايه‌كێ هاتبوو ده‌سته‌سه‌ركرن و ئه‌ڤرۆ 11ى گۆلانێ دێ ب كه‌فاله‌ت هێته ئازادكرن.
به‌رى نوكه مه‌لا عه‌لى كه‌له‌ك وه‌كو بزاڤه‌ك بۆ هاتنه خوارا سه‌نگى، داخواز كربوو كو يێ بڤێت كێشا خوه ژ ده‌ست بده‌ت، بلا كلينسا بخوه‌ت، ئه‌ڤه ژى ببوو ئه‌گه‌ر كو ژيانا ژنه‌كێ بكه‌ڤيته به‌ر مه‌ترسيێ پشتى زێده‌ترى هزار كلينسان خوارى و نوشداران ب زۆرى نشته‌رگه‌ريه‌ك بۆ كرى و ژ مرنێ رزگاركرى.
پشتى مه‌لا عه‌لى كه‌له‌ك كلينيكه‌كا نوشدارى ب ناڤێ “نوشداريا نه‌به‌وى” ڤه‌كرى گه‌له‌ك ژ وه‌لاتيان قه‌ستا وى كريه و گه‌له‌ك ڤيديۆ ژى ل تۆڕێن جڤاكى به‌لاڤكرينه و ب گۆره‌ى وان نه‌خۆش چاره كرينه، د به‌رامبه‌ر ژى دا وه‌زاره‌تا ساخله‌ميێ چه‌ندين جاران سكالا ل سه‌ر تۆماركرينه.
ئەڤرو نیوز ، نەوزاد زادە هلوری:
رێڤەبەریا شەهید و ئەنفالکریێن بارزان بمەرەما زێدەتر ناساندنا جینوسایدا گەلێ کورد ، لسەر داخوازیا وەلاتێ نیوزلەندا چەند پەرتووکەکێن تایبەت لسەر جینوسایدا گەلێ کورد دێ رەوانەیێ وی وەلاتێ کەت و وەرگێریت بۆ زمانێن بیانی.
رێبوار رەمەزان رێڤەبەرێ شەهید و ئەنفالکریێن بارزان د لێدوانەکێ دا بو ئەڤرو نیوز گۆت: (چەند روژ بەریا نها کومپانیەکا نیوزلەندی بناڤێ کومپانیا ئەلماس سەرەدانا دەڤەرا بارزان کر و دوێ سەرەدانێ دا مە وەکو رێڤەبەریا شەهید و ئەنفالکریێن بارزان چەند پەرتووکەک لسەر جینوسایدا گەلێ کورد و جینوسایدا بارزانیان پشکێشی وان کرن ، پشتی کو ئەو ڤەگەریایی ل گەل وەلاتێ خوە کومبوون و بریاردا کو زانیاریێن زێدەتر لسەر گەلێ کوردستانێ ب گشتی و جینوسایدا کوردان ب تایبەتی بزانن ژبەرڤێ داخواز ل مە کر کو پەرتووکێن زێدەتر لسەر جینوسایدا گەلێ کورد بۆ وان بهێنە رەوانەکرن داکو ئەو ژلایێ خوڤە وەرگێرن لسەر زمانێ خوە و بەلاڤ بکەن و پشتەڤانیا خوە ژی بۆ گەلێ کورد و دانەنیاسینا زێدەتر یا کومکوژیێن کوردان وەکو جینوساید راگەهاند ، بێگومان ئەڤێ یەکێ گرنگیا خوە هەیە)
زێدەتر گۆت: (لسەر هەر تاکەکێ کورد و سازیێن هەرێمێ یە کو کار بکەن بۆ کومکرنا زێدەتر یا زانیاری و وێنە و بەلگەنامەیان ل بارا ئەنفال و کومکوژیێن گەلێ کورد داکو پتر بکارین ب رێیا وان خوە بگەهینین ناڤەندێن جیهانی و دانەنیاسینا وان وەکو جینوساید)
ئەڤرۆ نيوز:
سەرۆکێ کومسیۆنا بلندا ھەلبژارتنان ل ھەرێما کوردستانێ دیارکر، پشت بەستن ب مادێ قانوونێ یێ ژماە (1) ل سالا 2009، کو 8 جاران لە پەرلەمانی ھایتە پەسەندکرن و راستڤەکرن ، دبێژیت، پێدڤی ناکەت پەرلەمانێ کوردستانێ چو قانوونەکێ بۆ ئەنجامدانا ھەلبژارتن یان ریفراندۆمێ دەربێخیت.
ھندرێن محەمەد ھەروەسا گۆت: ئەم وەکی کومسیۆنا بلندا سەربخوەیا ھەلبژارتنان و راپرسیا ل ھەرێما کوردستانێ ل ھەرسێ ئالیێن دارایی و کارگێری و ھونەری دێ خوە بەرھەڤ کەین، وەک ئالیێ دارایی مە بۆ ھەلبژراتنان داھاتی یان ریفراندۆمێ داخوازا تەرخانکرنا بودجەکا تایبەت کریە، کو نێزیکی 20 ملیۆن دۆلاران و دێ ژ ئالیێ حوکمەتا ھەرێما کوردستانێ ڤە بوو مە ھێتە دابینکرن.
ژئالیێ کارگیری ڤە ژی ھەموو ستاف و ئۆرگانێن مە ب کارمەندێن ئۆفسێن سەرەکی و ل باژێران ژی ھەموویان دەستبکارێن خوە کرینە و دئامادەنە.
ل دووماھیا حەفتیا بۆری ژی بۆ ئالیێ ھونەری مە تیمەک ھنارتیە بەغدا بۆ ئینانا تۆمارنامێن دەنگدەران کو ل کۆمسیۆنا بلندا ھەلبژارتنێن عیراقێ نە، ھەر دەمێ ئەو تۆمار گەھشتن ئێکسەر بۆ نوویکرنا تۆمارنامێن دەنگدەران دێ کەین، ژ ئالیەکێ دیڤە نوکە ئەم مژوولی دانانا سیستەمەکێ پێشکەفتی نە بۆ رۆژا دەنگدانێ دا کو دەنگدان ب ساناھی و ددەمەکێ کێم دا بھێتە برێڤەبرن، ھەروەسا بلەز ئەنجام ژی بھێنە راگەھاندن.
ئه‌ڤرۆ نيوز:
سیاسەتمەدارێ باکوورێ کوردستانێ عوسمان ئۆجەلان دبێژیت، سەرکردێن پەکەکێ پشکک ژوان بووینە جھێ بجھئینانا ئەجیندایێن ھزرا چەپ خواز و دژی نەتەوە و دژی دەلوەتا کوردی، بڤی رەنگێ سیاسەتێ ژی دێ زیانێ ب پاشەرۆژا کوردستانێ گەھینن.
برایێ ریبَەرێ زیندانکریێ پەکەکێ و سیاسەتەڤانێ کوردستانێ باکوور عوشمان ئۆجەلانی بۆ مالپەرێ پارتی دیموکراتی کوردستان راگەھاند، باسکەکێ دناڤا پەکەکێ دا دژاتیا پراسا نەتەوەیی یا مللەتێ کورد دکەن، کۆ دبێژنێ باسکێ ئەنقەرە کو ژڤان کەسان پێکدھێت، ( رەزا ئاڵتون، دۆران کلکان، سەبری تۆک، جەمیل بایک، عەلی حەیدەر قایتەران)، ھەلبەت ئەڤ کەسێن ھەنێ ب ھزروبیرێن چەپخوزای داخبارن و باورەی ب پرسا نەتەوەیی نینە، کاری ژبۆ سەرکوتکرنا ھزرا نەتەوەیی دناڤا پەکەکێ دا دکەن.
عوسمان ئۆجەلان کو ئەو بەخوە بەری نوکە ئێک ژ سەرکردێن پارتا ناڤبری بوویە، وەکی چەندین دیدار و ھەڤدیتنان ئاشکراکریە، ھەر ئەو ململانێ و دوبەرەکی یا دناڤا پەکەکێ دا ل دۆر ھزرا نەتەوەیی و سەرئێک زێدەکرن ھوکارێ دەستبەردانا وی بوویە، ھەروەسا زێدەتر گۆت: ئەو باسکێ دەست بلند و ل سەری ھاتنە ژناڤبرن، بەانبەری وێ دەست ب سەرکوتکرنێ کرن، چونکی بەرۆڤاژی وان ھزر دکەن.
سەباەرت گەفێن رەزا ئالتۆن بۆ سەر ھەرێما کوردستانێ ژی سیاستەمدارێ باکووری گۆت: رەزا ئالتۆن ئەوێ پۆستێ بەرپرسیا پەیوەندیێن کوما جڤاکێ کوردستانێ (کەجەکە) پێ ھاتیە راسپاردن، مرۆڤەکێ نەخویندوارە و ل سەر جادێ فێری خواندن و نڤیسینێ بوویە، ھزرا سیاسی یا وی ھندا بەرتەتنگە، ل باشوورێ کوردستانێ گەفان ل وەلاتێ تورکیا دکەت، ھەروەسا پەکەکێ خو ب نوونەریا کوردێن رۆژئاڤا زانیە و کوردستانا رۆژئاڤا خستیە گێژەڤانکێ دا و دوور نیە رۆژئاڤا و باشوورێ کوردستانێ تووشی شەڕەکی بکەن، دەمێ رەزا ئالتون دبێژیت کوردستانا باشوور دێ کەینە مەیدانا شەڕی رامانا وێ چیە؟.
عوشمان ئۆجەلان دووپاتکر کو پارتا کرێکارێن کوردستانێ ل کوردستانا باکوور شەکەستنەکا مەزن خواریە و نەشێت جارەکا خوەراگریت، ھەروەسا گۆت: فەلسەفا پەکەکێ ئەوە، ھەر جھەکێ دەلیڤە ھەبیت بکەنە مەیدانا شەڕی، لەورا وانا دڤێت شەڕێ خوە ژ باکوورێ کوردستانێ ڤەگوھێزنە ناڤا کوردستانا باشوور، ئاخر تۆ ل باشوورێ کوردستانێ مووشەکان بگریە وەلاتێ تورکیا و ھێرشی سەر دەزگەێن تورکیا بکەی ژ ھەرێما کوردستانێ بکەیە ل سەر وەلاتێن ھەڤسووی، بێگۆمان ئەوژی ناراوەستن و دێ بەرسڤا وان ھێرشان دەن، ھەر ئەڤە بخوە ھوکارێ خەباتا چەکداریا وانا یە ل باکوورێ کوردستانێ و ڤەگۆھاستنا وێ بۆ باشوورێ کوردستانێ و رەنگە وان ھەلێخستنا شەران ژی بکەنە ئارمانج خوە.
ئەڤرۆ نیوز، نەوزاد زادە ھلوری:
دەڤەرا زێبار ل سنوورێ ناحیا دینارتە ئێکە ژ وان دەڤەرێن کوردستانێ ب گشتی و پارێزگەھا دھۆک و قەزا ئاکرێ ب تایبەتی کو زورترین دارێن کەزانان ھەنە و سالانە رێژەیەکا زورا کەزانان دھێنە کرن و فروتن ، بەلێ وەلاتی رێژەیەکا زورا کەزانان ب تەری ژێڤە دکەن و ئەڤێ یەکێ ژی کارتێکرن لسەر کەزانا ھشک کریە.
شێخ زادە یاسین وەلاتیەکێ سنوورێ ناحیا دینارتەیە دیارکر کو ئەو ن ل گەل وێ یەکێ یە کەزانب تەری بھێتە ژێڤەکرن و بو ئەڤرۆ نیوز گۆت: (کەزان ئێکە ژ بەرھەمێن ھاڤینی و داھاتیێن وەڵاتیێن گوندان، ژ ناڤێ وێ دیارە کو بەرھەمەکێ ھاڤینی یە بەلێ ھەوالاتی ب رەنگەک بەرفرە سالان د نوکەدا دچنە دەڤەرێن چیای بو ژێڤەکرنا کەزانێن تەر و ئەڤێ یەکێ ژی کارتێکرنێن زور ل سەر کەزانێن ھشک ھەیە ھەند وەکو بھا ھەند ژی وەکو رێژە ھەر بوۆ نموونە کەزان ب تەری کیلو ب ٣ ھزار دیناران دھێتە فروتن بەلێ ب ھشکی ب ١٥ ھزار دیناران دھێتە فروتن).
ناڤبری گۆتژی: (ئەو کەسانێن دچنە کەزانێن تەر ئەو وان کەسانان بو ناڤا ترشی و زەلاتێ و ناڤ ھندەک جورێن خوارنێ دئینن کو رەنگ ۆ شێوەیە وتاما خوارنێ خوش دکەن ۆ ژلایەکێ دن ژی ڤە بو ساخلەمیا مروڤی باشە ب تایبەتی بو گەدەیی و بەرسوژیێ).
ئەحمەد جەمیل ئەبو زێد رێڤەبەرێ چاندنا قەزا ئاکرێ بو ئەڤرۆ نیوز گۆت: (کەزان ئێکە ژ بەرھەمێن ھاڤینیێن قەزا ئاکرێ و وەلاتی سالانە ب رێیا کومکرن و فروتنا وان داھاتیەکێ باش بخو پەیدا دکەن و کەزان ژی ل ھەموو سنوورێ ناحیا دینارتە و دولا زێبارێ و گوندێن وان ھەنە).
زێدەتر گۆت: (ئەڤا کو بویە جھێ دلگرانیا مە و خەلکەکێ دن ئەوە کو رێژەیەکا زورا کەزانان ب تەری دھێنە ژێڤەکرنو فروتن و ئەڤێ یەکێ ژی کارتێکرنەکا زور لسەر کێمبوونا کەزانان ھەیە دەما پێکەھشتنا وان ئانکو کارتێکرن ل سەر کێمبوونا کەزانا ھشک ھەیە).
ریڤەبەرێ چاندنا قەزا ئاکرێ دیارکر ژی کو ل سنوورێ قەزا ئاکرێ ٦١٤ دونەمێن عەردی تایبەت ب دارێن کەزانان ل سنوورێ قەزا ئاکرێ ھەنە و پرانیا وان ژی دکەڤن سنوورێ ناحیا دینارتە و دەڤەرا زێبار و گۆتژی: (سالانە ل سنوورێ قەزا ئاکرێ زێدەتری دوو ھزار تەنێن کەزانان دھێنە کومکرن و فروتن و ئەڤ سال ژی ئەگەر وەلاتی ب تەری ژیڤەنەکەن دێ ب ھەمان شێوە و پتر ژی فروشن چونکو وەسا دیارە ئەڤ سال دێ کەزان باشتر بن).
ل گوەی زانیاریێن رێڤەبەریا چاندنا ئاکرێ پارسال کیلویا کەزانا ھشک ب ١٠ بۆ ١٥ ھزار دیناران دھاتە فروتن.
ئه‌ڤرۆ نيوز:
پۆليسێن پارێزگه‌ها دهۆكێ راگه‌هاند كو شڤێدى لاشێ كه‌سه‌كێ 47 سالى ل قه‌زا سێمێلێ هاته ديتن و پشتى ڤه‌كۆلينان ديار بوو كو ئاواره‌يه.
هێمن سلێمان به‌رپرسێ پشكا په‌يوه‌ندى و راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ بۆ ئه‌ڤرۆ نيوز گۆت: “شڤێدی 9ى گۆلانا 2017ێ ل سنورێ قەزا سێمێلێ ل دەڤەرا سـێجێ لاشێ کەسەکێ 47 ساڵی هاتە دیتن”.
رائيدێ مافقه‌روه‌ر هێمن سلێمان زێده‌تر گۆت: “پشتی پۆلیس ل جهێ روودانێ ئامادە بووین لاشێ وی هاتە ڤەگۆهاستن بۆ نوشدارێ داد دیاربوو لاشێ کەسەکێ ئاوارەیە ب ناڤێ ” م. ٲ. خ” و پەرێن ڤەکولینێ بۆ ڤێ روودانێ ژ لایێ بنگەهێ پۆلیسێن خانکێ هاتینە ڤەکرن”.
ئه‌ڤرۆ نيوز:
ب سەروكاتیا جەهوەر عەلی قائیمقامێ قەزا دهۆكێ ئەڤرۆ 10ى گۆلانا 2017ێ ب ئامادەبونا هژمارەكا رێڤەبەریێن پەیوەندیدار ل كوچكا قائیمقامیێ كومبونا لیژنا پاراستن وسەخبێركرنا رووبارێ دهۆكێ یێ گەشتیاری هاتە ئەنجامدان.
هوشەنگ باوانی ئەندامێ لیژنا نافبری ئاشكرا كر ئەڤرۆ كۆمبوونا ئێكێ يا لیژنا پاراستنا و سەخبێركرنا رووباری دهۆكێ یێ گەشتیاری ژ بوو پاراستنا سامان و مولكی میری و گشتی هاتە پێك ئینان و گۆت: “ئەڤێ لیژنێ چەندین بریارێن گرنگ دان، مینا قەدەغەكرنا مەيی ڤەخوارنێ ل رووبارێ دهۆكێ یێ گەشتیاری و دووڤچونا بەردەوام ل سەر كەرتێن گەشتیاری ل رووباری ب مەرەما نووژەنكرنێ”.
هوشەنگ باوانی خویاژكر هەمانگی د گەل كەرتێن رەوشەنبیری و جڤاكی و گەشتوگوزاری و رێكخراوێن جڤاكێ سیڤل بۆ ئەنجامدانا كاروچالاكی و بزاڤێن گشتی بهێتە كرن و گۆت: “گرێدانا ژمارەكا كامیرێن چاڤدێریێ ل سەر جادا گشتی و سەرەكیا ئێتیتێ ژ بریارێن كۆمبوونا نافبری بوون”.
ئه‌ڤرۆ نيوز:
حه‌يده‌ر عه‌بادى سه‌رۆك وه‌زيرێن عيراقێ د كۆنگره‌كێ رۆژنامه‌ڤانى دا پشتى كۆمبوونا جڤاتا وه‌زيران ل شه‌ڤا سێشه‌مبى 9ى گۆلانا 2017ێ راگه‌هاند: “ب پشتراستى ڤه بلندكرنا ئالايێ په‌كه‌كێ ل كه‌ركووك ره‌تدكه‌ين، دياره هه‌ڤركيا بلندكرنا ئالايان ل كه‌ركووك سه‌رهلدايه. په‌كه‌كه رێكخراوه‌كا عيراقى نينه، ژ به‌ر هندێ ژى رێ ناده‌ين چالاكيێن ژ وى ره‌نگى ئه‌نجام بده‌ت و به‌رى نوكه ژى مه ئاگه‌هدار كرينه كو مه نه‌ڤێت بكه‌ڤينه هه‌ڤركيان ل گه‌ل په‌كه‌كێ”.
عه‌بادى ته‌كست ل سه‌ر وێ چه‌ندێ كر كو رێ ناده‌ن په‌كه‌كێ چ جۆره چالاكيه‌ك ل ناڤ ئاخا عيراقێ هه‌بيت ل دژى توركيا، دستوور عيراقێ رێ ب ڤێ چه‌ندێ ناده‌ت كو ئاخا عيراقێ ل دژى وه‌لاته‌كێ دى بهێته ب كار ئينان.
ده‌رباره‌ى بلندكرنا ئالايى ل كه‌ركووك عه‌بادى گۆت: “بلندكرنا ئالايێن جودا ل كه‌ركووك سه‌رهلدايه هه‌كه دێ ب هێزێ ئالايى بلند كه‌ن، بلا ل دووڤ قانوونا دارستانێ بچن، مه ژى سه‌روه‌ريا قانوونێ دڤێت”.
ئه‌ڤرۆ نيوز:
عه‌بدولخالق ته‌لعه‌ت رێڤه‌به‌رێ پۆليسێن هه‌ولێر راگه‌هاند كو رێڤه‌به‌رێ به‌نكا زانكۆ ل هه‌ولێر دوسيه ل سه‌ر بوويه و ب بڕيارا دادوه‌رى هاتيه ده‌سته‌سه‌ركرن و گۆت: “ده‌سته‌سه‌ركرنێ په‌يوه‌ندى ب پاره‌يى ڤه هه‌بوو”.
ژ لايێ خوه ڤه حاكم ئه‌حمه‌د ئه‌نوه‌ر سه‌رۆكێ ده‌سته‌يا ده‌ستپاكيێ ل هه‌رێمێ راگه‌هاند كو ده‌سته‌يا ده‌ستپاكيێ كار ل سه‌ر ژماره‌كا دوسيێن گه‌نده‌ليێ دكه‌ت و ئه‌و ژى ئێكه ل وان دوسيێن كار ل سه‌ر دكه‌ت بێ ى كو ناڤه‌رۆكا بابه‌تى ئاشكه‌را كه‌ت و گۆت: “ناڤه‌ررۆكا بابه‌تى په‌يوه‌ندى ب دادگه‌هێ ڤه هه‌يه و ل سه‌ر به‌حس ناكه‌ين”.
ژێده‌ر: خه‌ندان
نيشاندان