شێخان،بارزان سلێمان مزوورى
رێڤه‌به‌رێ پشكا هاتنوچونا قه‌زا شێخان بۆ ئه‌ڤرۆ نیۆس دیار كر كو شوفێره‌كێ ئیزدى د رویدانه‌كێ دا شێخان گیانێ خۆ ژ ده‌ست دا.
پێشه‌نگ به‌درخان محه‌مه‌د سه‌لیم ، رێڤه‌به‌رێ پشكا هاتنوچونا قه‌زا شێخان بۆ ئه‌ڤرۆ نیۆس دیار كر كو ئه‌ڤرۆ ده‌مژمێر 7 شه‌ڤ 23/11 ل سه‌ر رێكا سه‌ره‌كیا شێخان بۆ ناحیا ئه‌لقوش ل نێزیك گوندێ بێبانێ رویدانه‌ك ژ جورێ لێكدان دناڤبه‌را ترومبێله‌ك بارهه‌لگر مارسیدس ژ جورێ تانكه‌ر و ترومبێله‌كا ژ جورێ پیكاب دێر رویدا ، د ئه‌نجام دا شوفێرێ ترومبێلا پیكاب دێر گیانێ خو ژ ده‌ست دا بۆ نه‌خوشخانا شێخان هاته‌ ره‌وانه‌كرن پاشان بۆ نۆژداریا داد پارێزگه‌ها دهوك هاته‌ ره‌وانه‌كرن ،
ناڤبرى دیار كر كۆ ژبه‌ر قه‌له‌بالغیا ترومبێلێن بارهه‌لگر ئه‌گه‌رێ رویدانێ هیشتا دیار نه‌بویه‌ به‌س ئه‌م هه‌ولێ ده‌ین داكۆ ئه‌گه‌رێن رویدانێ دیار بن ،
ناڤبرى دیار كر كۆ ئه‌و كه‌سێ گیانێ خو ژ ده‌ست دایى بناڤێ خیرو ره‌شو ئیلیاس ئیزدیه‌ ئاكنجیێ گوندێ سریچكایه‌ سه‌ر ب قه‌زا شێخان ڤه‌ .

ئه‌ڤرۆ نیوز،زنار توڤى:
ل سپێده‌هیا روژا 23/11/2014 لده‌مژمێر 5 سپێدێ هێزێن پێشمه‌رگه‌ى هێرشه‌كا به‌رفره كره‌ سه‌ر مولگه‌یێن داعش ل هه‌ردوو ناحیێن جه‌له‌ولا و سه‌عدیه‌و شیان بو ده‌مه‌كێ كورت هه‌ردوو ناحیان ژ تیرورستان كونترول بكه‌ن. سه‌روكێ كومه‌لا زانستێن سیاسى ل كوردستانێ بو ئه‌ڤرۆ نیوز راگه‌هاند:گتنا هه‌ردوو ناحیێن جه‌له‌ولا و سه‌عدیه‌ و دێ بنه‌ هوكاره‌ك كو هێزێن داعش بێ هیڤه‌ ببن و توشى شكه‌ستنه‌كا مه‌زن بوینه‌،له‌ورا دڤێت خشته‌ و پلانێن باش بهێنه‌ دارێتن،ژپێخه‌مه‌ت هه‌مى ده‌ڤه‌رێن دى یێن كوردستانێ بهێنه‌ رزگار كرن،جه‌بار محه‌مه‌د سالح سه‌روكێ كومه‌لا زانستێن ساسى ل كوردستانێ زێده‌تر خویاكر:رزگاركرنا ڤان ده‌ڤه‌ران رێره‌وێ كوردستانێ به‌ره‌ف ئاراسته‌كێ باش بر و ئه‌ڤ چه‌نده‌ دیاردكه‌ت،كو ئه‌م دشێین باشتر پێنگاڤان بهاڤێژین،له‌ورا رزگاركرنا ڤان هه‌ردوو ده‌ڤه‌ران دبیته‌ رێ خوشكه‌ره‌ك كو چایێ حه‌مرین و شاخێ مه‌نسور و ده‌ربه‌رندا دوباله‌ بهێنه‌ رزگاركرن،ل باشورێ روژهه‌لاتى هێرش ناهێنه‌ سه‌ر هێزێن پێشمه‌رگه‌ى،هه‌ر هێرشه‌كا بهێته‌ كوردستانێ ژوى لایڤه‌ دێ هیچنه‌ تێكشكاندن،ناڤهاتى زێده‌تر خویاكر:ب رزگاركرنا ڤان هه‌ردوو ده‌ڤه‌را ئاسایشا نه‌ته‌وه‌ى یا كوردستانێ دێ هێته‌ پاراستن،رێ دێ بو ده‌ڤه‌رێن(كه‌لهور و لور)ڤه‌بیت دێ شێن بساناهى كه‌هنه‌ هه‌ڤدوو،هه‌روه‌سا ژلایێ جوگرافى ڤه‌ رێیا بازرگانى بو به‌غدا دێ هێته‌ ڤه‌كرن و هێرشا یازرگانى لسه‌ر ده‌ڤه‌رێ نامینیت،رێیا هاتن و چونا وه‌لاتیان بو به‌غدا و ده‌ڤه‌رێن دیتر،دێ بساناهى بیت. ناڤهاتى ئه‌وژى خویاكر:پێشمه‌رگه‌ى بو جیهانێ دیاركر كو خودان ئیراده‌یه‌كا پولاینه‌ و بیونه‌ نمونا به‌رخوه‌دانێ ل سه‌رانسه‌رى جیهانێ