ئەڤرۆ:

پرچ ژ گرنگترین نیشانێن گەنجاتی و ساخلەمیێ یە و دگەلەک دەمان دا پرچ قودیکێن راستن بۆ بەروڤاژیکرنا رەوشا ساخلەمیێ و دگەل ڤێ چەندێ ژی پرچێ مرۆڤی بەردەوام دھێتە گوھۆرین، تشتێ بەرچاڤ د نەھێلانا جوانیا پرچێ دا کەرستێن کیمیاوی یێن ب ھێزن و دگەل یێن پاقژکرنێ و ئامیرێن فێرکرن و حولیکرنا پرچێ و ھندەک کەرستەیێن دیتر کو پرچ ژ لەشێ مرۆڤی وەردگریت ل دەمێ پێدڤی دبیتێ، یان ھندەک کاودانێن کو مرۆڤ دژیانا خۆ دا بەرھەڤ دبیت وەکو فشارێن ھەستپێکرنێ، بەلێ ھەکە پرچێ تە ھندەک ژ جوانیا خۆ ژدەست دا و ساخلەمیا خۆ بەرزەکر، ل وی دەمی دێ قەستا کێ کەی؟

• رێیێن تەرکرنا پرچێ ب کاربینن

کەرستێن کیمیاوی دیسان شامپوویان ژی ب زێدەھی گەلەک ب کارنەئینن، رێکێن تەرکرنا پرچێ ب کاربینن و ل دەمێ تو پرچێ خۆ فێردکەی پلا گەرماتیێ گەلەک زێدەنەکە، ھەروەسان ئەو دەرمانێن تو بۆ تەرتیبکرنا پرچێ ب کاردئینی ئەگەر کەرستێن میتانول و ئیتانول دناڤدا ھەبن ب کارنەئینە، ژبەرکو ئەڤ ھەردو کەرستە پرچێ ھشک دکەن و کەڤلێ سەری ئەگەر یێ کێم مووی بیت نەدوورە ببنە ئەگەرێ خوریانێ و ھەست ب نەئارامیێ بکەی و ھەکە تە ڤیا پرچێ خۆ بویاغ بکەی رۆژەکێ ھەتا دو رۆژا بەری بویاغکرنێ شامپوویێ ب کاربینە.

• ژیێ مرۆڤی رۆلێ خوە د پرچێ دا ھەیە:

بویاغکرنا پرچێ و ئوتیکرنا وی کو ھندەک کەس پێ رادبن یان ھشککرنا وی ب فیری و دبنە ئەگەرێ دڕاتیا پرچێ و نەرێکخستنا وی، ھەروەسان عەمری ژی رۆلەکێ گرنگ دڤێ چەندێ دا ھەیە و دەما دڕاتیا پرچێ زێدەدبیت ھاڤێتنا زەیتێ کێم دبیت و بزانە کو پرچێ پیر ژ پرچێ گەنج نەرێکخستی ترە، ئەڤجا پرچێ پیربووی تو بویاغ بکەی یان نە، تەیساندن تێدا نامینیت، لەورا یا پێدڤیە ل سەر تە بێژیە سەرتراشا خۆ چارەیا پرچێ تە ب کەرستێ سیلفون بکەت ئەوێ تەیساندنێ ددەتە پرچێ بۆ دەمێ چوار ھەتا شەش حەفتیان، و ل مال سەرێ خۆ ب ئاڤا تەزی بشوو ژبەرکو ئاڤا تەزی بەشەرێ تێک دبەت و پاراستنێ ل سەر کەرستەیێن پرچێ تەر دھێلن دکەت، بەلێ ئاڤا گەرم زووکا دشووت و دبیتە ئەگەرێ ھشکاتیا موویان.

• ب بورینا رۆژان پرچ کێم دبیت

پرچ ب بوورینا رۆژان کێم دبیت ئەڤەژی پەیدادبیت ژبەرکو کونکێن سەرێ مرۆڤی کو نێزیکی ١٠٠ ھزارانە ب بورینا عەمری تەنک دبن و دەمەک دێ ھێت بنێن موویان نەشێن موویێن باش دروست بکەن، ھەروەسان ل گەل بوورینا رۆژان موویێن نوو دێ کورت تر لێ ھێن ژ موویێن گەنجاتیێ و ھەر تشتەکێ نەباشیێ بێخیتە کریارا خوینێ دبیتە ئەگەرێ ڤێ چەندێ.

ئه‌ڤرۆ:

زارڤەکەرا ناڤدارا تورکی مریەم ئۆزێرلی کو ب “سولتانە ھەیام” یا بەرنیاسە رەتکر کو وێ گۆژمەکێ پارەی ژ ملیاردێرەکی ئیماراتی وەرگرتبیت و دیارکر ژی ھەتا نوکە ئەو کرێدارە.

ناڤھاتیێ گۆت: دبیت خەلکەک ھزرەکا مەزن بۆ من بکەت و بێژن گەلەک مال و مۆلکێ ھەی، لێ ئەز ب پشت راستیڤە دبێژم ھەتا نوکە من خانیێ خوە ژی نینە و ئەو خانیێ ئەز وکچا خوە نوکە تێدا دژین نەیێ منە، بەلکو من ب کرێ گرتیە، ھەروەسا من ترۆمبێل ژی نینە، ژبلی پایسکلەکێ من چو تشتێ دی نینە.

د دووڤ دا گۆت: “ل ڤێ دووماھیێ نۆچەیەکێ  نەراست دەرحەقی من ھاتیە بەلاڤکرن کو دبێژن وێ کۆژمەکێ زۆرێ پارەی یێ ژ ملیاردێرەکێ ئیمارتی وەرگرتی، ئەز ڤێ چەندێ ب توندی رەت دکەم و سوندێ دخۆم من چو پارە  وەرنەگرتینە”.

ل دووماھیێ گۆت: “ئەزا بەختەوەرم کو ل گەل کچا دژیم و من پارێن کەسێ نەڤێن”.