ئه‌ڤرۆ نیۆز:
ژێده‌ره‌كێ له‌شكرێ ئاشكراكر، سه‌رۆك وه‌زیرێن عیراقا فیدرال حه‌یده‌ر عه‌بادى پشتى چه‌ندین گه‌نگه‌شێن درێژ ل گه‌ل وه‌زیرێ به‌ره‌ڤانیا عیراقێ خالد عوبه‌یدی گه‌هشته‌ بڕیاره‌كێ كو ده‌سته‌یا بلندا سه‌ركردایه‌تیا له‌شكرى ل دووڤ رێنما و پلانێن له‌شكرى بشێوه‌كى كاریگه‌ر ناچن هه‌روه‌سا هه‌تا نها هنده‌ك ژوان سه‌ركردێن له‌شكرى خوه‌ ب به‌ندێن سه‌رۆك وه‌زیرێن به‌رێ نورى مالكى دزانن.
ل گۆڕ ژێده‌رێ له‌شكرى حه‌یده‌ر عه‌بادى ژ خالد ئه‌لعوبه‌یدى خواست ب زووترین ده‌م هه‌لسه‌نگاندنه‌كێ بكه‌ت بۆ ئه‌نجامدانا گوهۆڕینێن ب له‌ز دناڤا سه‌ركرده‌یێن له‌شكرى دا.
ژئالیه‌كێ دیڤه‌ وه‌زاره‌تا ناڤخوه‌یا عیراقێ پێدڤى ب هه‌مان گوهۆرینان هه‌یه‌، و ژێده‌رێ له‌شكرى حه‌یده‌ر عه‌بادى بڕیارا خوه‌ ل دۆر پاقژكرنا وه‌زاره‌تا ناڤخوه‌یا عیراقێ ژى دایه‌، كو هه‌موو ئه‌ندامێن جهێ گومانێ و گه‌نده‌لان و هه‌موو به‌ندێن نورى مالكى هه‌تا دگه‌هیته‌ بریكارێن وه‌زاره‌تان ژى بهێنه‌ گوهۆڕین.
ژێده‌رێ له‌شكرى هه‌روه‌سا خوه‌یاكر، پرۆسا پاقژكرنا وه‌زاره‌تا ناڤخوه‌ى ل سه‌ر چه‌ندین قووناغان دێ هێته‌ كرن، به‌لێ دێیا ب زحمه‌ت بیت، چونكى وه‌كى توڕێن مافیا یا تێك هه‌لكێشایه‌، هه‌روه‌سا نابیت هه‌موو پله‌ بلندێن وه‌زاره‌تى دژى حه‌یده‌رى ب پشته‌ڤانیا مالكى بهێنه‌ ئازراندن، ئه‌و هه‌وا پاقژكرنێ دێ ده‌زگه‌هێ هه‌والگیریا نیشتیمانى و ده‌زگه‌هێ هه‌والكیریا فیدرال ژى گریت.

ئه‌ڤرۆ نیۆز:
ئه‌ندامێ جڤاتا نوونه‌رێن عیراقێ یێ به‌رێ زوهێر ئه‌لئه‌عره‌جى ئاشكراكر، پشتى سه‌ركه‌فتنا هێزێن پێشمه‌رگه‌ى و دربێن دژوارێن هێرشێن ئه‌سمانى یێن هه‌ڤپه‌یمانان زێده‌بارى پێشڤه‌چوونا له‌شكرێ عیراقێ ل باشورێ مووسل، چه‌كدارێن داعشێ نه‌چاربووینه‌ ده‌رگه‌هێ رێكخستنێ و چوونا دناڤ رێزێن داعشێ به‌رانبه‌رى خه‌لكێ مووسلێ ڤه‌كه‌ن.
زوهێر ئه‌لئه‌عه‌ره‌جى گۆت: ب سه‌ده‌ما دربێن ئه‌سمانى یێن سه‌ركه‌فتى و سه‌كه‌فتنا پێشمه‌رگه‌ى ل ده‌وروبه‌رێن پارێزگه‌ها نه‌ینه‌وا، داعشێ ده‌رگه‌هێ رێكخستنێ ب شێوان ڤه‌كه‌ر ئێك ژوان هه‌لگرتنا چه‌كى دناڤ رێزێن چه‌كداران دایه‌، یا دوێ رێكخستنا كه‌سێن بكریارێن خوه‌كوژیى رادبن، هه‌روه‌سا رونكر،هنده‌ك كه‌سان ناڤێن خوه‌ نڤیسینه‌ وه‌ك حه‌زه‌كا تایبه‌ت، و هنده‌ك ژوان ژى ب ته‌عدایى هاتینه‌ تۆماركرن.
زێده‌بارى وێ زوهێرى گۆت: رێنمایێن نوو ژى ل سه‌ر خه‌لكێ مووسلێ هاتینه‌ به‌لاڤكرن، وه‌كى نابیت كه‌سه‌ك ژ مووسل ده‌ركه‌ڤیت هه‌كه‌ كه‌سه‌ك دى نه‌بیته‌ كه‌فیل بۆ ڤه‌گه‌ریانا وى بۆ مووسل.

ئه‌ڤرۆ نیۆز:
ژێده‌ره‌كێ ئێمناهیێ راگه‌هاند، چه‌كدارێن تیرۆرێ یێن داعشێ نها مژوولى دانانا وه‌زیره‌كێ نوو بۆ وه‌زاره‌تا شه‌رى دانیت پشتى وه‌زیرێ شه‌رى و والیێ مووسل (رزوان ئه‌لحمدونى) دهێرشه‌كا ئه‌سمانیا هه‌ڤپه‌یمانان دا به‌رى چه‌ند رۆژان هاتیه‌ كوشتن، هه‌ڤده‌م دوپاتكر دبیت كه‌سه‌كێ ب ره‌گه‌ز عه‌ره‌ب ل جهێ وى تیرۆرستێ عیراقى بهێته‌ دانان.
ئه‌ێك ژ ئه‌فسه‌رێن پۆلیسێن عیراقێ ل پارێزگه‌ها نه‌ینه‌وا ب ناڤێ رائید یاسین ئه‌لجبورى بۆ ئاژانسا ئه‌نازۆل گۆت: چه‌كدارێن تیرۆرستێن داعشێ نها هژماره‌كا كومبوونان ئه‌نجامدده‌ن بۆ هه‌لبژارتنا وه‌زیرێ شه‌رى یێ نوو ل جهێ ئه‌لجمدونى بهێته‌ دانان.
زێده‌بارى وێ ئه‌لحبورى گۆت: ناكوكى دناڤ رێزێن داعشێ هه‌نه‌ سه‌باره‌ت هه‌لبژارتنا وه‌زیرێ نوو، ئاماژه‌دا هندێ ل دۆر پێزانیێن بوى گه‌هشتین، ئه‌و پۆسته‌ دبیت بۆ كه‌سایه‌تیا عیراقێ نه‌بیت به‌لكى به‌هرا پتر بۆ عه‌ره‌به‌كى بیت.
هه‌ژى گوتنێ یه‌ وه‌زیرێ شه‌رى و والیێ مووسل رزوان تالب ئه‌لحه‌مدون ل گه‌ل 4 چه‌كدارێن دى دهێرشه‌كا ئه‌سمانى دا ل بازارێ ئه‌لمعاش ل رۆژئاڤایا مووسل هاتنه‌ كوشتن، پشتى وى ب رۆژه‌كێ والیێ به‌عاجێ یێ بناسناڤێ (ئه‌بو فاتیما) دهاته‌ نیاسین و 4 چه‌كدارێن دى ژى هاتیه‌ كوشتن.