ئه‌ڤرۆ نیوز، چه‌كدار ئه‌ترووشى:
ئه‌ندامێ فه‌رمانده‌یا له‌شكه‌رێ كوردستانێ دیاركر كو پێشمه‌رگه ل هیڤیا بریارا فه‌رماندێ هێزێن چه‌كداره بو هێرشكرنێ ل سه‌ر شنگالێ.
عه‌بدلره‌حمان كه‌ورینى ئه‌ندامێ فه‌رمانده‌یا له‌شكه‌رێ كوردستانێ و فه‌رماندێ فه‌رمانده‌یا سپیلك تایبه‌ت بو ئه‌ڤرۆ نیوز دیاركر كو وره‌یا پێشمه‌رگه‌یى یا بلنده و بو هه‌ر بریاره‌كێ یێ حازره و گوت” پشتى سه‌ركه‌فتنێن مه‌زن یێن پێشمه‌رگه‌یى توماركرین و رزگار كرنا چه‌ندین ده‌ڤه‌رێن ئستراتیژى وره‌یا پێشمه‌رگه‌یى گه‌له‌ك بلند بویه و یێ به‌رهه‌ڤه ژى بو هه‌ر ئه‌ركه‌كێ پێ بهێته راست پاردن”.
كه‌رورینى ئاماژه ب وێ چه‌ندێ كر كو هه‌تا نوكه چو ده‌م نه‌هاتینه دیاركرن و گوت” بو هێرشكرنێ ل سه‌ر شنگالێ و رزگار كرنا وێ چو ده‌م نه‌هاتینه ده‌ست نیشانكرن لێ ژ هه‌موو ئالیان ڤه پێشمه‌رگه یێ به‌رهه‌ڤه”.
فه‌رماندێ فه‌رمانده‌یا سپیلك دیاركر كو رولێ هێزێن هه‌ڤپه‌یمان یێ دیاره و گوت” فروكه‌یێن هه‌ڤپه‌یمانان روله‌كێ باش هه‌بویه د شه‌رێ نوكه دا و پێدڤیه پتر هاریكار بن بو هندێ بشێن ل ده‌مێن نێزیك داعش بهێته ژناڤبرن”.
لدور پشكداریا پێشمه‌رگه‌یى د رزگار كرنا مووسل دا د. كه‌ورینى دیاركر كو نه ئه‌ركێ وانا یه و گوت” ئه‌ركێ له‌شكرێ عیراقێ یه جهێن خوه پاقژ بكه‌ت ژ تیرورسیتێن داعش و پێشمه‌رگه نه یێ به‌رهه‌ڤه شه‌رى بو مووسل بكه‌ت لێ ئه‌گه‌ر سه‌روكێ هه‌رێما كوردستانێ بریارا وێ چه‌ندێ دا كو پشكدار ببین ب بێ دودلى دێ پشكداریێ د رزگاركرنا پارێزگه‌ها نه‌ینه‌وا دا كه‌ین.
ل دووماهیێ د. عه‌بدولره‌حمان ئه‌و چه‌نده راگه‌هاند و خوسات كو پێشمه‌رگه وه‌سا بهێته به‌رهه‌ڤكرن ژلایێ ناتوڤه و ببیته ئه‌ندام چونكو نوكه پێشمه‌رگه پێش هه‌موو جیهانێ ڤه شه‌رى ل گه‌ل تیرورێ دكه‌ت.
كه‌ورینى:پێشمه‌رگه یێ به‌رهه‌ڤ نینه بچیته مووسل
نيشاندان