NO IORG
نووترين نووچه
نووترين نووچه

207

ئه‌ڤرۆ نيوز:

پيره‌ژنه‌كا پۆله‌ندى ڤه‌گه‌ريا ژيانێ، پشتى 11 ده‌مژمێران ژ بڕيار دان ل سه‌ر مرنا وێ و ڤه‌شارتنا وێ د ته‌زينه‌را مريان دا.

ئه‌ڤ سه‌رهاتيه‌ بۆ وى ده‌مێ د ڤه‌گه‌ريت، ده‌ما نوشدارێ ئۆسترۆ لۆبلسكى يا 91 پشكنينا وێ ب رێيا لێدانێن دلێ وێ و لڤيينێن چاڤێ وێ كرى و بڕيار دايى كو ئه‌وێ گيانێ خوه‌ ژ ده‌ست دا ب گۆره‌ى تله‌ڤزيۆنا تى ڤى ئێن يا ناڤخۆى.

نوشدارێ وێ پيره‌ژنێ بۆ تى ڤى ئێن گۆت: “من پشكنينا لێدانا دلێ وێ و چاڤێن وێ كر و بێهنا وێ ژى راوه‌ستيا بوو، چ نيشانێن ژيانێ لێ نه‌مابوون و ئه‌و مربوو”.

نوشدارى ژى ئێمزا كربوو كو ئه‌و ژن يا مرى، خێزانا وێ ژى خوه‌ به‌رهه‌ڤ دكر دا رێ و ره‌سمێن ڤه‌شارتنا وێ ئه‌نجام دان و ئه‌و د ناڤ ته‌زينه‌را مريان دا راگرت بوو.

ل ده‌مێ ڤه‌گوهاستنا وێ بۆ جهێ شووشتن و ب پێچانێ بۆ بن ئاخكرنێ بۆ جهێ تايبه‌ت هاتيه‌ ڤه‌گوهاستن ئاشكه‌را بوو كو ئه‌و هێشتا نه‌مريه‌.

75

ئه‌ڤرۆ نيوز، له‌زگين جۆقى:

به‌رپرسێ لقێ 17 يێ پارتى ديموكراتى كوردستان ل چيايێ شنگال راگه‌هاند كو ژ شڤێدى وه‌ره‌ د هێرشه‌كێ دا بۆ سه‌ر چه‌كدارێن داعش ئه‌و شيان دو گوندان ب ته‌مامى ژ بن كۆنترۆلا چه‌كدارێن داعش بيننه‌ ده‌ر.

سه‌عيد شنگالى، به‌رپرسێ لقێ 17 يێ پارتى ديموكراتى كوردستان ل چيايێ شنگال، تايبه‌ت بۆ ئه‌ڤرۆ نيوز گۆت: “ژ شڤێدى وه‌ره‌ هێزێن شه‌رڤانێن ئێزدى و پێشمه‌رگێ كوردستانێ شيان هه‌ردو گۆندێن سكينێ و گه‌لى شلۆ كو دكه‌ڤنه‌ سه‌ر ناحيبا سنونێ باشوورێ قه‌زا شنگال ب ته‌مامى هاتينه‌ كونترۆلكرن”.

به‌رپرسێ لقێ 17 يێ پارتى ديموكراتى كوردستان ل چيايێ شنگال خۆيا كر كو هه‌تا نوكه‌ هێرش يا به‌رده‌وامه‌ و پێشمه‌رگه‌ و شه‌رڤانێن ئێزدى به‌رده‌وام د پێشڤه‌چوونێ دانه‌.

64

ئه‌ڤرۆ نيوز:

سه‌رۆك ئه‌ركانێ سۆپايێ ئه‌مريكا، جه‌نرال مارتن دێمپسى گه‌هشته‌ عيراقێ و وه‌كو جه‌نرالى ئاشكه‌را كرى مه‌ره‌م ژ سه‌ره‌دانا وى بۆ وێ چه‌ندێ يه‌ بزانيت چاوان هه‌ڤكاريا وان بۆ عيراقێ برێڤه‌دچيت.

ئه‌ڤ سه‌ره‌دانا جه‌نرال دێمپسى د ده‌مه‌كى دايه‌ كو ئه‌مريكا يا بزاڤان دكه‌ت هه‌ڤكاريا خوه‌ بۆ هێزێن عيراقى و كوردستانێ باشتر لێ بكه‌ت دا كو بشێن باشتره‌ به‌ره‌ڤانيێ بكه‌ن ل دژى چه‌كدارێن داعش.

نوكه‌ 1600 سه‌ربازێن ئه‌مريكى ب مه‌ره‌ما شيره‌تكاريێ ل عيراقێ هه‌نه‌ و سه‌رۆك ئه‌ركانێ سۆپايێ عيراقێ به‌رى حه‌فتيه‌كێ راگه‌هاند بوو كو ئه‌و دخوازن وێ رێژێ بۆ سێ هزار و 100 كه‌سان زێده‌ بكه‌ن.

پشتى گه‌هشتنا خوه‌ بۆ عيراقێ د په‌يڤه‌كا كورت دا مارتن دێمپسى گۆت: “مه دڤێت ببينين كا چاوان هاريكاريێن مه‌ دگه‌هنه‌ عيراقێ”.

90
حه‌يده‌ر عه‌بادى سه‌رۆك وه‌زيرێ حوكمه‌تا عيراقێ

ئه‌ڤرۆ نيوز:

د بیاڤێ سەرەدانا خوە دا ژ بوو لایێ عه‌مار حه‌کیم سەروکێ جڤاتا بلندا ئیسلامی راگەهاند كو کێشێن د ناڤبەرا هەرێما کوردستانێ و حوکمەتا ناڤەندی دا دێ ب رێيێن قانوونى و ل گور دستوورێ عێراقێ هێنە چارەرکرن و بەرپەرەکێ نوو ژ پەیوەندیێن د ناڤبەرا هەرێمێ و ناڤەندێ دا هێتە ڤەکرن ، هەر ژ بوو ڤێ مەرەمێ هەردولا د رژدن ل سەر چارەسەرکرنا کێشان و نیەتەکا باش ژ بوو ڤێ چەندێ هەیە ب گۆره‌ى مالپه‌رێ كورد پۆرتال.
پێنجشەمبا بوری حوکمەتا عێراقێ و یا کوردستانێ ل سەر چەند خالێن گرنگ رێکەفتینە ل گور رێکەفتنێ حوکمەتا عێراقێ دێ 500 ملیون دولارێن ئەمریکی رەوەانەیی کوردستانێ کەتن و کوردستان دێ 150 هزار بەرمیلێن پەترولا خام ئێخیتە بن کونترولا حوکمەتا ناڤەندی.

56

ئه‌ڤرۆ نيوز:

رێڤه‌به‌ريا گشتيا كه‌شناسى و بيڤه‌له‌رزێ ل هه‌رێمێ راگه‌هاند كو راگه‌هاند كو سوبه‌هى دێ ئه‌سمانێ دهۆكێ ب تمامى بيته‌ هه‌ورێن تارى ل گه‌ل هه‌بوونا ده‌ليڤا باران بارينێ ل دانێ ئێڤارى و ئاراستێ باى ژى دێ گه‌هيته‌ 20 كيلۆمه‌تران د ده‌مژمێره‌كێ دا.

رێڤه‌به‌ريا گشتيا كه‌شناسى و بيڤه‌له‌رزێ ل هه‌رێمێ دياركر كو سوبه‌هى رۆژا ئێكشه‌مبى رێكه‌فتى 15\11\2014 ئه‌سمانێ دهۆكێ دێ ب تمامى بيته‌ هه‌ورێن تارى ل گه‌ل هه‌بوونا ده‌ليڤا باران بارينێ ل دانێ ئێڤارى.

د نڤيساره‌كێ دا كو دانه‌ك بۆ ئه‌ڤرۆ نيوز هنارتيه‌ پشكا پێشبينان ل رێڤه‌به‌ريا گشتيا كه‌شناسيێ دايه‌ زانين كو دێ پلا گه‌رمێ ژى يا نێزيكى رۆژێن به‌رى نوكه‌ بيت كو بلندترين پله‌ 20 و نزمترين پله‌ ژى 10 بيت.

ئاشكه‌را ژى كريه‌ كو ئاراسته‌يێ بايى دێ ل باكوورێ رۆژهه‌لات و باشوورێ رۆژهه‌لات بيت ب ره‌نگه‌كى د ناڤبه‌را 10 هه‌تا 20 كيلۆمه‌تران د ده‌مژمێره‌كێ دا، ئانكو دێ يا ناڤه‌ندى بيت.

ل دۆر ديتنێ ژى دايه‌ زانين دێ ئاراستێ ديتنێ دێ 10 مه‌تر بيت و ل ده‌مێ باران بارينێ ژى دێ ئه‌ڤ رێژه‌ هێته‌ خار بۆ شه‌ش هه‌تا هه‌شت مه‌تر.

70

ئه‌ڤرۆ نيوز:

سه‌رۆك ئه‌ركانێ سوپايێ ئه‌مريكا جه‌نرال مارتن دێمپسى راگه‌هاند كو ئه‌و نوكه‌ دانوستاندنێ ل سه‌ر هنارتنا شيره‌تكارێن سه‌ربازى دكه‌ن دا كو ل گه‌ل هێزێن هشكاتيێ يێن عيراقى ل به‌ره‌يێن شه‌رى يێن دژوار رۆلێ خوه‌ بگێرن و رزگاركرنا مووسل ژى پێدڤى ب 80 هزار سه‌ربازايه‌.

ل ده‌مێ گوهگرتنا كۆنگرێسێ ئه‌مريكى ل فه‌رماندێن سه‌ربازى يێن ئه‌مريكا، جه‌نرال مارتن دێمپسى رۆهنكرنه‌ك ل دۆر ئه‌وشا ئه‌منى و سه‌ربازى يا عيراقێ ب شكداريا وه‌لاتێ وى دژى داعش دا.

ئاخفتنكه‌رێ ب ناڤێ كۆنگرێسێ ئه‌مريكى ل دۆر گۆتارا دێمپسى گۆت: “دێمپسى ئاماژه‌ ب هنارتنا هێزێن هشكاتى يێن سه‌ربازى يێن په‌ياده‌ بۆ عيراقێ نه‌كر، به‌لێ ئه‌وى ب رۆهنى به‌حس ل هنارتنا شيره‌تكارێن سه‌ربازى و يێن تايبه‌ت ب فرۆكێن جه‌نگى كر بۆ به‌رێن شه‌رى دژى داعش”.

ژ بوو شيره‌تكاريێ نوكه‌ 1600 سه‌ربازێن ئه‌مريكى يێن بۆ عيراقێ ڤه‌گه‌راندين و مل ب ملێ هێزێن ئه‌منى يێن عيراقێ پشكداريا شه‌رى دكه‌ن.

حه‌فتيا بۆرى دێمپسى راگه‌هاند بوو كو ئه‌و ب نيازن رێژا سه‌ربازێن شيره‌تكار يێن ئه‌مريكى بۆ عيراقێ بۆ سێ هزار و 100 سه‌ربازان زێده‌ بكه‌ت.

هه‌ر ديسا دێمپسى د گۆتارا خوه‌ دا داخواز ژ كۆنگرێسى كر كو پشته‌ڤانيا پتر يا سۆپايێ ئه‌مريكا بكه‌ن ب كۆژمێ 5.6 ميليار دولاران.

سه‌رۆك ئه‌ركانێ له‌شكرێ ئه‌مريكا ئاماژه‌ ب وێ چه‌ندێ ژى كر كو ژ بوو ئازادكرنا مووسل پێدڤى ب 80 هزار سه‌ربازێن خودان شيان و مه‌شقكرى هيه‌.

79

ئه‌ڤرۆ نيوز:

د گرته‌يه‌كا ڤيديۆيێ دا، چالاكڤانێن جيهانى ب زمانێ خوه‌ پشته‌ڤانيا كۆبانێ و شنگال دكه‌ن و دبێژن ئه‌و نه‌ ب تنێ نه‌.

نوكه‌ پێشمه‌رگه‌ێ كوردستانێ و شه‌رڤانێن يه‌كينه‌يێن پاراستنا ب ره‌نگه‌كێ سه‌ر ئه‌رد و جودا ژ هه‌موو جيهانێ و هه‌ڤپه‌يمانێن ئه‌مريكا ب ره‌نگه‌كێ به‌رچاڤ به‌ره‌ڤانيێ ژ ئاخا كوردستانێ دكه‌ن هه‌مبه‌ر چه‌كدارێن داعش ژ لايه‌كى ڤه‌ ل باشوور ب درێژاهيا 1500 كيلۆمه‌تران و ل رۆژئاڤا ژى ل كۆبانێ و چه‌ندين ده‌ڤه‌رێن دى.

70

ئه‌ڤرۆ نيوز:

عادل عه‌بدولمه‌هدى وه‌زيرێ په‌ترۆلا عيراقێ، د راگه‌هاندنه‌كێ دا ئاشكه‌را كر كو رێكه‌فتن ل گه‌ل حوكمه‌تا هه‌رێمێ دێ رێژا هنارتنا په‌ترۆلێ د رۆژێ دا ب ئێك مليۆن به‌رميل زێده‌كه‌ت ب رێيا هێلا كوردستان كه‌ركووك و هێلێن باكوورى ب گشتى.

ئاشكه‌را ژى دكه‌ت كو ئه‌ڤه‌ ژى دێ ب ده‌هان مليۆن دولاران بۆ گه‌نجينا عيراقێ ڤه‌گه‌رينيت، ئه‌و رێژا په‌ترۆلێ يا ل سالا 2014 ژ ده‌ستێن عيراقێ چوويى ب بهايێ30 مليار دولارايه‌.

هه‌ر د ڤێ راگه‌هاندنێ دا دبێژيت ژى: “پێشتر حوكمه‌تا به‌اغدا و هه‌رێمێ رێكه‌فتنێن دى ژى ئيمزا كربوون، به‌لێ بجهنه‌ئينان، يان بۆ ماه‌كێ به‌روه‌خت هاتينه‌ بجهئينان و پاش هاتينه‌ راگرتن ژ وان ژى رێكه‌فتنا 20\4\2014 كو ب گۆره‌ى وێ رێكه‌فتنێ پێدڤى بوو هه‌رێمێ رۆژانه‌ 50 هزار بۆشكه‌يێن په‌ترۆلي د رێيا بۆريێن عيراق- توركيا و 50 هزار ژى د رێيا ده‌ڤه‌را زاب را هنارت بان، به‌لێ ژ ئه‌گه‌رێ سياسه‌تێن تاكره‌وى هاتنه‌ راگرتن. ئه‌ڤه‌ ژى بوو ئه‌گه‌رێ هندێ ب ده‌هان مليار ديناران زيان بگه‌هيته‌ مه‌ د ده‌مه‌كى دا كو مه‌ گه‌له‌ك پێدڤى يا پێ هه‌يى و هێشتا بهايێ په‌ترۆلێ يێ دهێته‌ خوار كو پێشبينى دهێته‌ كرن هێشتا بهێته‌ خار ب تايبه‌ت ل سالا 2015ێ”.

د پشكه‌كا دى يا ڤێ راگه‌هاندنێ دا، عادل عه‌بدولمه‌هدى، وه‌زيرێ په‌ترۆلا عيراقێ گۆت: “به‌رى نوكه‌ رێگرى د چاوان بن، نوكه‌ ئه‌م يێن ل به‌ر دو حاله‌تان، يان رێكنه‌كه‌ڤين و هه‌ردو لا زيانێ بكه‌ن، يان رێكه‌ڤين و هه‌ردو لا مفادار بن. دڤێت د ئاستێ به‌رپرساتيێ دابين، سياسه‌تا ئێكێ يا وێرانكارى يه‌، سياسه‌تا به‌رى نوكه‌ به‌لگه‌كێ رۆهنه‌ ل سه‌ر ڤێ چه‌ندێ، به‌لێ مفايێ ب هه‌ڤپشكى، دبيته‌ ئه‌گه‌ر مفايێ نه‌يێ راسته‌وخوه‌ و نه‌ديتى بهێته‌ سه‌ر مفا و سه‌ركه‌فتنێن مه‌ و ئه‌ڤه‌ ژى نيشان دده‌ت كو ئێك ميلۆن به‌رميلێن په‌ترۆلێ ب تنێ هژماره‌ نه‌بن، به‌لێ دێ بنه‌ سيسته‌مه‌ هژماره‌ك كو ده‌سكه‌فت و مفايێ هه‌ڤپشك و نه‌يێ ئێكسه‌ر بده‌ته‌ هه‌ردو لايان و ئه‌ڤه‌ ژى د به‌رژه‌وه‌ندا هه‌موو خه‌لكێ عيراقێ دايه‌”.

101

ئه‌ڤرۆ نيوز:

پشتى ئه‌نجامدانا ياريێن گه‌را سيێ ژ خولا نايابا كوردستانێ، حنێرا قاره‌مانيێ يانا نه‌ورۆز ل پێشيا رێزبه‌ندا خولا نايابا كوردستانێ دهێت.

پشتى ئه‌ڤرۆ يانا زێره‌ڤانى سه‌ركه‌فتن ل سه‌ر تيما ئارارات ب گۆله‌كێ بێ به‌رامبه‌ر تۆماركرى، شيان سه‌ركێشيا تيما ئارارات ب راوه‌ستينن و ئه‌ڤ چه‌نده‌ ژى بۆ ئه‌گه‌رێ وێ چه‌ندێ تيما نه‌ورۆز مفاى ژ خوساره‌تيا ئارارات وه‌ربگريت و ل سه‌ر ليستا خۆلێ بهێت ب سێ سه‌ركه‌فتنان، ئه‌وا د ياريا ڤێ حه‌فتيێ دا سه‌ركه‌فتن ل سه‌ر تيما برايه‌تى تۆماركرى ب گۆله‌كێ بێ به‌رامبه‌ر.

تيما ئارارات ژى پاشڤه‌هاته‌ رێزا دويێ ب شه‌ش خالان و زێره‌ڤانى ژى مفا ژ سه‌ركه‌فتنا خوه‌ ديت و پێشڤه‌هاته‌ رێزا سيێ ب پێنج خالان.

ل رێزێن چارێ هه‌تا حه‌فتێ هه‌ر ئێك ژ تيمێن پێشمه‌رگه‌ى هه‌ولێر و دهۆك و سلێمانى و زاخۆ دهێن ب چار خالان، به‌لێ دهۆك و سلێمانيێ ب كێمتر ژ ياريه‌كێ ژ ئه‌نجامێ نه‌پشكداريا برۆسك د ياريان دا ژ ئه‌گه‌رێن دارايى.

نيشاندان1...9601,9602,9602,9612,9622,963...3,099زێده‌تر لاپه‌ر 2,962 ژ 3,099
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : rojnameyaevro@gmail.com
website security
© Copyright 2021 - Rojnameya Evro - Powered by Kurdo Plus
69 queries in 0.564 seconds.
WP Facebook Auto Publish Powered By : XYZScripts.com