ئه‌ڤرۆ نیۆز:
ل گۆڕ مالپه‌رێ (ده‌نگۆباسێن مووسل یا روودان) هاتیه‌ بلاڤكرن، سه‌ركرده‌ و سه‌رانێن داعشێ پڕانیا هه‌ره‌ مه‌زنا وان گرتى و ده‌سته‌سه‌ركریێن زیندانا (بۆكا) نه‌ پشتى هاتینه‌ به‌ردان ده‌رچویێن زانكویه‌كا تایبه‌ت بوون كو هزرێن توندڕان باوه‌رنامه‌ پێ وه‌رگرتن.
سێ كه‌س ژوان توندره‌وان هاتینه‌ كوشتن هه‌تا نها:
1. حه‌جى به‌كر كو كه‌سێ دوێ دهات پشتى به‌غداد ل رێكخستنا وه‌لاتێ سوریێ و ل سه‌ر ده‌ستێ له‌شكرێ ئازادێ سورى هاتیه‌ كوشتنل ده‌ستپێكا سالا 2014.
2. ئیسماعیل نجم ئه‌لبیلاوى وه‌زیرى شه‌رى د رێكخستنا داعشێ دا ئانكو(وه‌زیرێ به‌ره‌ڤانیێ) دشه‌ره‌كى دا ل گه‌ل له‌شكرێ عیراقێ هاتیه‌ كوشتن ل ده‌ستپێكا هه‌ڤیا خزیرانا بۆرى.
3. ئه‌یمه‌ن كو ناڤدره‌ ب ئه‌بو موسلم ئه‌لتروكمانى جێگرێ به‌غدادى و ده‌ستێ وى یێ راستێ بوو، د هێرشا ئه‌سمانیا شه‌ڤا ئه‌ینیا بۆرى هاتیه‌ كوشتن.
هێشتا كارێن دوڤچوون و لێگه‌ریانا هه‌والگیریا عیراقێ ب هه‌ڤكارى ل گه‌ل هه‌والگیریا وه‌لاتێن هه‌ڤپه‌یمانان یا به‌رده‌وامه‌ ل گه‌ل هژمارا سه‌ركردێن داعشى یێن مایى ب تایبه‌تى كه‌سێ بناڤێ (ئه‌بو ئه‌یمه‌ن ئه‌لعیراقى) كو تیرۆرسته‌كێ ب مه‌ترسیداره‌ و (ئه‌بو فاتیما ئه‌لجحێشى) والیێ ژێریا عیراقێ و به‌رپرسێ په‌قین و هێرشێن ده‌ڤه‌رو و پارێزگه‌هێن ژێریا عیراقێ یه‌..

ئه‌ڤرۆ نیۆز:
وه‌زیرێ به‌ره‌ڤانیا عیراقێ خالد ئه‌لعوبه‌یدى دوپاتكر، د هێرشه‌كا فرۆكێن هه‌ڤپه‌یمانان دا ل ده‌وروبه‌رێن مووسل خه‌لیفێ داعشێ ئه‌بو به‌كر به‌غدادى بریندار بوویه‌.
ل گۆڕ ده‌نگۆباسێن هاتینه‌ به‌لاڤكرن كو هێرشه‌كا ئه‌سمانیا هێزێن فرۆكێن هه‌ڤپه‌یمانان كاروانه‌كێ ترۆمبێلێن داعشێ و كومبۆنه‌كا وان كریه‌ ئارمانج ل ده‌ڤه‌را قائم ل پارێزگه‌ها ئه‌نبار، به‌رپرسێن ئه‌مریكى گۆتن هێرشه‌ك كریه‌ سه‌ر بنگه‌هه‌كێ داعشێ.
به‌لێ وه‌زیرێ به‌ره‌ڤانیا عیراقێ ل سه‌ر مالپه‌رێ خوه‌یێ تایبه‌ت فیسبۆكى به‌لاڤكر، ل شه‌ڤا ئه‌ینیا بۆرى فرۆكێن هه‌ڤپه‌یمانان هێرشه‌ك كریه‌ سه‌ر كومبونه‌كا سه‌ركردێن داعشێ ل باژێرێ مووسل و د ئه‌نجامدا خه‌لیفێ داعشێ بریندار بوویه‌، وجێگرێ وى و دستێ راستێ ئه‌یمه‌ن كو ناڤداره‌ ب ئه‌بو موسلم توركمانى هاتیه‌ كوشتن.
هه‌روه‌سا وه‌زاره‌تا ناڤخوه‌یا عیراقێ به‌لاڤكریه‌ ئه‌و هێرش ب شانه‌یه‌یا ئه‌لهویا یا هه‌والگیرى یا عیراقێ هاتیه‌ بجهئینان.