سترانبێژا بەرنیاسا باکۆرێ کوردستانێ رۆژینێ راگەھاند ئەو ب رەوشا ئەڤرۆ یا کوردستانێ و شەرێ داعش گەلەک خەمبار بوویە و گۆت: نھۆ خەما منا مەزن شنگال و کۆبانە و دێ ھەرمینم خەمبارا وان ھەتا ب دروستی ژدەستێن تیرۆرستان دھێنە رزگار کرن. رۆژینێ ل سەر پەیجێ خوە بەلاڤکریە کو ئەڤە دەمەک بوو وێ بەرھەڤیێن دووماھی ئەلبۆما خوە دکرن، لێ ژبەر رەوشا ئەڤرۆ یا ل شنگال و کۆبانێ ھاتیە پێش دلێ وێ سار بوویە و دەست ژبەرھەمی بەردایە ھەتا دەمەکێ دی.
ھەروەسا دبێژیت: ئەڤ دژاتیا نھۆ داعش ل گەل کوردان دکەت، پیلانەکا نێڤ دەولەتی بۆ ھاتیە دارێتن، چونکو ئەو ب خوە رێکخستیەکا تیرۆرستی نە و چەکێ وان یێ دەولەتێ یە، لێ سوپاس بۆ خودێ و ب پشتەڤانیا پێشمەرگە و شەرڤانێن کوردستانێ رۆژ بۆ رۆژێ ئەویێ دھێنە شکەستن و پاشڤەبرن و سەرکەفتنا ب ئێکجارێ یا نێزیک دبیت. دلایەکێ دا گۆت: دبەرنامێ مندایە سترانەکێ وەکو پشتەڤانی بۆ وان تۆماربکەم و ل بەرۆکێن شەری کلیپ بکەم، لێ تانھۆ ئەو دەلیڤە نەبوویە، لێ بزاڤێن من د بەردەوامن.
ناڤھاتیێ گۆت: گەڕەکە ھەموو ھونەرمەندێن کورد ب تایبەتی ژی سترانبێژ رۆلێ خوە باشتر دڤان کاودانان دا ببینن و ئەوێ دوور بیت و نەشێت چەکی ژی ب ھەلگریت بلا ب پەیڤ و سترانێن خوە رۆلێ خوە ببینیت، چونکو ل ھەموو راپەرین و شۆرەشان ستران چەکێ کاریگەر بوویە بۆ بلندکرنا مۆرالا پێشمەرگە و شەرڤانان.
به‌رهه‌ڤكرن، شاكر ئه‌ترووشى:
نيشاندان
