نیڤەک ژوان ھەڤژینێن خرخرێ دکەن بەرئاتافی شەر و شەرەنیخان دبن و ئێک ژ 10 ھەڤژینان ھزر د ژێکجودابوونێ دا دکەن، نەخۆشیا خرخرا ب شەڤێ تووشی زەلام و ژن و زارۆیان ژی دبیت و بەری ژیێ چل سالیێ زەلام ب رێژا 25% و ژن ب رێژا 5% تووش دبنێ بەلێ ھەکە ژیێ مرۆڤی گەھشتە 60 سالیێ زەلام ب رێژا 65% و ژن ب رێژا 45% تووش دبنێ. قەلەوی ئەگەرێ رێژەیەکا بلند یا خرخرێ یە، ژبەرکو ئەو روونێن ل بەلاعیما کومڤە بدن کاردکەن بۆ بەرتەنک کرنا بوریکێن ھەوای.
ئەڤرۆ، بەرپەرێ ساخلەمیێ:
ل دووڤ ڤەکولینەکا ئنگلیزی کو ل سەر ھزار ژن و مێران ھاتیە کرن تەکەز کر کو نیڤەک ژوان ھەڤژینێن خرخرێ دکەن بەرئاتافی شەر و شەرەنیخان دبن و ئێک ژ 10 ھەڤژینان ھزر د ژێکجودابوونێ دا دکەن.
ڤەکولینەکا ئەلمانی ژی دیارکر کو ھەڤبەندیەک دناڤبەرا خرخرا ب شەڤێ و نەخۆشیێن دلی و خولا خویناوی دا ھەیە و نەخۆشێن خرخرێ دکەن پتر تووشی بلندبوونا فشارا خوینێ و تەنگەزاریێن لێدانێن دلی دبن و ل گەل ڤێ چەندێ سەرێ وانژی پتر دئێشیت و ھەست ب گێژبوونێ دکەن و ئاگەە ژ خۆ نینە و ل سپێدەھیان و ل دەمێ ترومبێلێ دھاژوون باوەشکێن وان دھێن و پتر حەزژ نڤستنێ ژی دکەن، ئەڤەژی دبیتە ئەگەر کارتێکرن ل بەرھەمێ وان یێ کاری ژی بھێتە کرن.
ئەگەرێن خرخرا ب شەڤێ:
نەخۆشیا خرخرا ب شەڤێ تووشی زەلام و ژن و زارۆیان ژی دبیت و بەری ژیێ چل سالیێ زەلام ب رێژا 25% و ژن ب رێژا 5% تووش دبنێ بەلێ ھەکە ژیێ مرۆڤی گەھشتە 60 سالیێ زەلام ب رێژا 65% و ژن ب رێژا 45% تووش دبنێ.
خرخرا ب شەڤێ یا پێکھاتیە ژ دەرکەتنا دەنگەکی ل گەل ھەناسەیا مرۆڤی ل دەمێ نڤستنێ ژ ئەگەرێ تەنکبوونا رێکێن ھەوای ژ ئەنجامێ زێدەگوشتی ددفنێ دا یان ھەستداریێ و گوشتنێ دفنێ یان ھەبوونا خواربوونەکێ دھەستیێ دفنێ دا، ئەڤە ھەموو دبنە ئەگەر کو نەخۆش نەچارببیت ھەناسەیا خۆ ب رێکا دەڤی بینیت و ببەت و دەمێ ھەناسە دگەھیتە دووماھیا گەوریێ ھندەک ھەززە پەیدادبن و خرخر پەیدادبیت، ژ ئەگەرێن خرخرێ دیسان وەستیانە کو مرۆڤێ وەستیای پتر دچیتە دکووراتیا خەوێ دا، زەڤلەکێن گەوریێ سست دبن و ئەو دەنگ ژێ پەیدادبیت ز دیسان ڤەخوارنا مەی و ھندەک کەرستەیێن ئارامکرنا لەشی ژی دبنە ئەگەرێ بێھنتەنگیێ د خەوێ دا.
قەلەوی و خرەخرا ب شەڤێ
پرسیارا گەلەک بەربەلاڤ ئەوە ئەرێ پەیوەندیەک دناڤبەرا قەلەویێ و خرخرا ب شەڤێ دا ھەیە؟ د بەرسڤێ داژی دێ بێژین بەلێ، قەلەوی ئەگەرێ رێژەیەکا بلند یا خرخرێ یە، ژبەرکو ئەو روونێن ل بەلاعیما کومڤە بدن کاردکەن بۆ بەرتەنک کرنا بوریکێن ھەوای، ھەروەسان قەلەوی دھندەک ماوەیان دا دبیتە ئەگەرێ راوەستیانا ھەناسەیا مرۆڤی، کو ژ 10 چرکەیان دەستپێدکەت و ھەتا دگەھیتە دەقیقەکێ و رەنگە د شەڤەکێ دا پتر ژ جارەکێ ئەڤ چەندە دووبارە ببیتەڤە.
دشیاندایە چارەسەری بھێتە کرن
چارەسەریا خرخرا ب شەڤێ د بنیات دا پالپشتیێ ل سەر دەستنیشانکرنا ئەگەران دکەت، ئەوژی ب رێکا ب کاربینانا نازوورێ و کومپیوتەرێ تایبەت ب پیڤانا بەرھنگاریا دفنێ و گەوریێ و نوکە ئەڤ چەندە دماوێ چەند دەقیقا دا دھێتە کرن. ھەوەسان دشیاندایە پلەیا خرەخرێ و جورێ وێ و پلەیا راوەستیانا ھەناسێ و کارتێکرنا وێ ل سەر ئوکسجینێ خوینێ و لێدانێن دلی و چالاکیا مێشکی ل دەمێ نڤستنێ بھێتە زانین ئەوژی ب رێکا ئامیرەیەکی، پشتی ڤێ چەندێ چارەسەری ب لێزەرێ دھێتە کرن و نوکە ئەنجامێن وێ گەلەک دباشن و ب رێکا پەنجەکا خوجە دھێنە کرن و پێدڤیە نەخۆش ژی ب رێکا بجھئینانا ھندەک رێنمایان پشکداریێ دچارەسەریێ دا بکەت کو دەست پێبکەت سەنگێ خۆ بینیتە خوارێ و ھندەک چالاکیێن وەرزشی ئەنجام بدەت کو ھاریکارین بۆ قورتالکرنا وی ژڤێ نەخوشیێ و خۆ فێر بکەت کا چەوان دێ نڤیت و نابیت نڤستنا وی ل سەر پشتێ بیت و باشترە خۆ ژ جگارەکێشانێ و مەی ڤەخوارنێ و دەرمانێن خەوێ و دژی ھەستداریێ دوور بکەت و گەلەک باشترە بەری نڤستنێ چایەکێ یان کولایەکێ ڤەخوت ژبەرکو ئەو کاردکەن بۆ بلندکرنا پلا ئاگەھلێبوونا زەڤلەکێن گەوریێ داکو خاڤ نەبن.
نيشاندان