ئه‌ڤرۆنیۆز:
سه‌رۆكێ حوكمه‌تا هه‌رێما كوردستانێ نێیرڤان بارزانى گۆت: هێزا پێشمه‌رگه‌ى ل باژێرێ كوبانێ كاره‌كێ به‌روه‌خته، هه‌ڤده‌م ئاماژه‌دا رۆلێ ویلایه‌تێن ئه‌مریكى ل دۆر گه‌شهتنا هێزا پێشمه‌رگه‌ى بۆ كوبانێ.
د هه‌ڤدیتنه‌كا رۆژنامه‌ڤانى دا ل گه‌ل ئاژانسا ده‌نگۆباسێن ئه‌سوشێتێد پرێس دا ، سه‌رۆكى جڤاتا وه‌زیرێن هه‌رێما كوردستانێ نێچیرڤان بارزانى گۆت: به‌غدا هه‌تا نها چو هێز بۆ ڤه‌گه‌راندن و ئازادكرنا باژێرێ مووسل نه‌هنارتیه.
زێده‌بارى وێ چه‌ندێ بارزانى خوه‌یاكر، دانوستاندن ل گه‌ل به‌غدا بۆ هنارتنا هێزا پێدڤیا ئازادكرنا باژێرێ مووسل هاتیه كرن، به‌لێ ژئالیێ كریارى ڤه به‌غدا چو هێز نه‌هنارتن.
نێچیرڤان بارزانى هه‌روه‌سا ئاشكراكر، هه‌رێما كوردستانێ نه‌ڤێت مووسل كونترۆل بكه‌ت، و نه‌ڤێت هێزێن پێشمه‌رگه‌ى بۆ كونترۆلكرنا مووسلێ ب هنێریت، بتنێ رۆلێ هه‌رێما كوردستانێ دڤى بابه‌تى دا دێ رۆله‌كێ هاریكار بیت.
سه‌باره‌ت باژێرێ كوبانێ ژى، سه‌رۆكێ حكومه‌تا هه‌رێما كوردستانێ گۆت: رۆلێ مه پێشكێشكرنا هاریكارى و پشته‌ڤانیا شه‌رڤانێن كوبانێ یه و مه نه‌ڤێت مایتێكرنا د كارێ ناڤخوه‌یا كوبانێ دا بكه‌ین، هێزێن پێشمه‌رگه‌ى بۆ ده‌مه‌كى به‌روه‌خت دێ مینن، رۆلێ ئه‌مریكا رۆله‌كێ ئه‌رینى بوو بۆ گه‌هشتنا پێشمه‌رگه‌ى و زێده‌بارى رازیكرنا وه‌اتێ توركیا بۆ گه‌هشتنا وێ هێزێ.
نێچیرڤان بارزانى: هه‌رێما كوردستانێ نه‌ڤێت مووسل كونترۆل بكه‌ت
نيشاندان