ئه‌ڤرۆ نیۆز:
سه‌رۆكێ شیشانێ ره‌مه‌زان قادرۆڤ راگه‌هاند، هنده‌ك زه‌لامێن سه‌رب وى ڤه‌ نوكه‌ ل سه‌ركردێ داعشێ دگه‌رن به‌لێ هه‌تا نها ئه‌و نه‌هاتیه‌ دیتن.
قادرۆڤ هه‌روه‌سا خوه‌یاكر، سه‌ركردێ داعشێ جاشێ ئه‌مریكایه‌ و ب رێیا جه‌نه‌رال دێڤید باتریه‌سى هاتیه‌ ب كارئینان، سه‌رۆكێ شیاشنى هه‌روه‌سا گۆت: به‌غدادى دڤێت دانپێدانێ ب كارێ خوه‌ ل گه‌ل ئه‌مریكا بكه‌ت، چونكى وى هه‌ڤالێن خوه‌ كوشتینه‌ و دڤێت ئه‌و داخوازا لێبۆرینێ بكه‌ت دا ئه‌و كه‌سێن به‌سه‌رداچووى ڤه‌گه‌رن وه‌لاتێن خوه‌، هه‌كه‌ نه‌ دێ هێته‌ كوشتن.
سه‌رۆكێ شیشانى قادرۆڤ گه‌ف ل وان شیشانیا كرن یێن چووینه‌ دناڤ رێزێن داعشێ دا و هه‌ر جهێ ئه‌و لێ هه‌بن و گۆت: ئه‌م بۆ گه‌نجان شرۆڤه‌ دكه‌ین ئه‌ڤ گرۆپه‌ گرۆپه‌كێ هۆڤانه‌ و تیرۆرى و ششه‌یتانى نیه‌، دوچڤوونا وان ئانكو كوشتنا خوه‌ و كوشتنا برایێن خوه‌یێن موسلمانه‌.
سه‌رۆكێ شیشانى هه‌روه‌سا خواست توڕا ئه‌نترنێتێ ل وه‌لاتێ شیشانێ بهێته‌ قوتكرن، چونكى سه‌ره‌راى كارتێكرنا وێ یا نه‌رێنى ل سه‌ر كاروبارێن ئابورى و جڤاكى و سیاسى، به‌لێ دێ بیته‌ رێگر هه‌مبه‌رى كوشتنا مه‌ بۆ ئێكدو.

ئه‌ڤرۆ نیۆز:
جارید پولص سیاسه‌تمه‌دارێ ئه‌مریكى و ئه‌ندامێ جڤاتا نوونه‌رێن ئه‌مریكى یا ویلایه‌تا كولورادو یێ سه‌ر ب حزبا دیموكراتى ڤه‌، گۆتاره‌ك نڤیسیه‌ د رۆژناما دێنڤه‌ر پوست یا ئه‌مریكى، تێدا به‌حسێ پێگه‌هێن ده‌وله‌تا كوردیا پاشه‌رۆژێ كرینه‌، كو دێ بیته‌ هه‌ڤپه‌یمانه‌كا ب هێز ل گه‌ل ئه‌مریكا دژى توندره‌وان ل رۆژهه‌لاتا ناڤین، هه‌ڤده‌م داخواز ژ وه‌لاتێ خوه‌ كر، پێدڤیه‌ دانپێدانێ ب ده‌وله‌تا كوردى بكه‌ن، چونكى د به‌رژوه‌ندیا وه‌لاتێ ئه‌مریكا دایه‌.
سیاسه‌تمه‌دارێ ئه‌مریكى ئه‌ڤ پرسیاره‌ كر، دێ جبیت هه‌كه‌ ئه‌مریكا هه‌ڤپه‌یمانه‌كێ ب هێز ل رۆژهه‌لاتا ناڤین بۆ خوه‌ په‌یدا بكه‌ت؟، دێ جو جێ بیت هه‌كه‌ مه‌ هه‌ڤپه‌یمانى ل گه‌ل ملله‌ته‌كى خودان پرانسیبێن دیموكراتى هه‌بن و مافێن وه‌كهه‌ڤیێ بده‌ت كێم نه‌ته‌وه‌ و ئافره‌تان، هه‌ڤپه‌یمانه‌ك خودان هێزه‌كا له‌شكریا گرنگ و ژێده‌رێن سرۆشتى یێن به‌رفره‌ه كو دێ بیته‌ جهێ په‌یدابوونا ژیانه‌كا خوش بۆ خه‌لكێ وى وه‌لاتى و پشتبه‌ستنا ل سه‌ر شیانێن خوه‌؟، دێ جو هه‌بیت هه‌كه‌ مه‌ هه‌ڤپشككێ رۆژهه‌لاتا نڤێن هه‌بیت و یێ گرێدایى ب ویلایه‌تێن ئه‌مریكى ڤه‌ بیت ب ئالیێ هه‌موو خالكى و سه‌ركردایه‌تیا حوكمه‌تا خوه‌ڤه‌ ؟.
ب راستى ئه‌و هه‌ڤپه‌یمان یێ ئاماده‌یه‌، به‌لكێ وه‌كى سپرایزه‌كى بیت و ئه‌ز به‌حسێ ئیسرائیلێ ناكه‌م، ئه‌و هه‌ڤپه‌یمانێ گرنگ ملله‌تێ كورده‌ و باشتر سیاسه‌ت كو ئه‌مریكا په‌یره‌و بكه‌ت ژبۆ پاشه‌رۆژێ و به‌رژه‌وه‌ندیا ئێمناهى دانپێدانا ب هه‌بوونا ده‌وله‌تا كوردى یا پاشه‌رۆژ و ئازاده‌.
سیاسته‌مدارێ ئه‌مریكى ئاماژه‌ دا، كوردان ده‌وله‌تا خوه‌ نه‌بوویه‌ له‌ورا بوویه‌ سه‌ده‌ما بێ به‌هركرنا ژ مافێن وان و سه‌ره‌ده‌ریا كێم نه‌ته‌وه‌یان ل گه‌ل هاتیه‌ ئه‌نجامدان، زێده‌بارى سه‌ركوتكرنا ژئالیێ رژێمێن وه‌لاتێن ل ده‌وروبه‌ر و ب نه‌چارى ڤه‌ تووشى شه‌رێن گران بووینه‌ سه‌خمه‌راتى ئازادیێ و مافێ ئه‌تونومى.
ل گۆڕ سیاسه‌تمه‌دارێ ئه‌مریكى ویلایه‌تێن ئێكگرتیا ئه‌مریكى سه‌ره‌ده‌ریا ل گه‌ل كوردان نه‌كریه‌ وه‌ك هه‌ڤپه‌یمان، بتنێ به‌رژوه‌ندیێن هه‌ڤپشك د ناڤبه‌را مه‌دا هه‌نه‌، به‌لكى سیاسه‌تا ده‌رڤه‌یا ئه‌مریكى كورد وه‌ك ئامیره‌كێ سیاسى ب كارئیناینه‌بۆ لاوازكرنا گرۆپێن عیراقێ یێ دژى واشنتۆن د راه‌وستن، هه‌روه‌سا ئه‌مریكا پشته‌ڤانیا كوردان د شه‌رێ كه‌نداڤى دا نه‌كریه‌، هه‌رچه‌نده‌ ئه‌مریكا ئه‌و پالدان كو به‌ركارێ به‌رهنگاریا رژێما سه‌دام حسێن رابن، كو بویه‌ ئه‌گه‌رێ سه‌رنه‌كفتنا سه‌رهلدانا وان و نێزیكى 30 هه‌زار كه‌سان هاتن كوشتن.
هه‌روه‌سا گۆت: بكارئینانا كوردستانا عیراقێ وه‌ك ئامیره‌ك بۆ بده‌ستڤه‌ئینانا دیموكراتیێ و فره‌ حزبیا ل عیراقێ، نه‌ك بوو پشته‌ڤانیى كرنا سه‌ربخوه‌یا كوردى یا ره‌ها ، ڤێ سیاسه‌تا ده‌رڤه‌یا ئه‌مریكى كورد نه‌چاركرینه‌ هه‌ڤپه‌یمانیه‌كا ب ئازار قه‌بوول بكه‌ن د باشتر ره‌وش دا و ده‌ستبه‌ردارى زۆرداریا شیعان ببن د نه‌خوشترین ره‌وش و ده‌مدا.
ل گۆڕ باوه‌ریا سیاسى و ئه‌ندامێ جڤاتا نوونه‌رێن ئه‌مریكى، قه‌یرانا مرۆڤایه‌تى یا نها ل كوردستانا عیراقێ، باشترین به‌لگه‌ و گرۆڤه‌ ل سه‌ر شاشیا په‌ریره‌وێ وه‌زاه‌رتا ده‌رڤه‌یا ئه‌مریكى، پشتبه‌ستنا ل سه‌ر هێزا له‌شكریا كوردى بۆ ئێمناهیا عیراقێ و به‌رسینكگرتنا رێكخستنا داعشێ، بیێ پشته‌ڤانیكرنا بجهئینانا سه‌ربخوه‌یا كوردان هه‌مان سیناریوو یێ ستراتیجیا شاشا ئه‌مریكى دێ دوباره‌ بیته‌ ڤه‌، هه‌بوونا ده‌وله‌تا كوردى دێ رێ ل هه‌مبه‌رى ده‌لیڤه‌یێن سه‌ركه‌فتنا بازارێ ئابورێ ئازاد هه‌بیت.

ئه‌ڤرۆ نیۆز:
ته‌ڤگه‌را تالیبان یا توند ڕه‌و ب سه‌ده‌ما تاگیرى و پشته‌ڤانیا داعشێ په‌یڤدارێ فه‌رمى یێ وێ ته‌ڤگرێ ژ كارێ وى هاته‌ دورخستن.
ته‌ڤگه‌را تالیبان گوت: وان كه‌سه‌كێ دى ل جهێ شه‌هید وللا شه‌هید دانایه‌، به‌لێ ناڤێ وى كه‌سى ئاشكرا نه‌كرن، هه‌ڤده‌م ته‌ڤگه‌را تالیبان دوباره‌ پشته‌ڤانیا خوه‌ بۆ سه‌ركردێ تالیبانا پاكستانى مه‌لا عومه‌رى دووپاتكرن.
ل حه‌فتیا بۆرى په‌یڤدارێ بناڤێ ته‌ڤگه‌را تالیبان شه‌هیدوللا شه‌هید كو ئێك ژ مه‌زنه‌ به‌رپرسێن تالیبانا پاكستانى یه‌ دیاركر، ئه‌و دێ پشته‌ڤانیا داعشێ كه‌تن.
هه‌روه‌سا د به‌یانناما ته‌ڤگه‌را تالیبان دا هاتیه‌ شه‌هیدوللا شه‌هید ناڤێ نهێنى یه‌ و ناڤێ دورست یێ وى شێخ مه‌قبوله‌.