ئەڤرۆ نیۆز، قائید میرۆ:

رێڤەبەرێ گشتیێ ڤەگوھاستنا ھەرێما کوردستانێ دیارکر، سپێدەھیا ئەڤرۆ شەش شوفێرێن کورد ل بەغدا ھاتینە رەڤاندن و بەرامبەر ئازادکرنا ھەر شوفێرەکی داخوازا ١٠ ھزار دۆلاران تێتەکرن.

سەلاح جەوھەر، رێڤەبەرێ گشتیێ ڤەگوھاستنا ھەرێما کوردستانێ تایبەت ب ئەڤرۆ نیۆز راگەھاند، کو سپێدەھیا ئەڤرۆ پێنج شەمبیێ ھژمارەکا چەکدارێن نەنیاس لباژێڕێ بەغدا چوار شوفێرێن کورد بناڤێ کارکرنێ دگەل خوە برینە و پشتی ھنگی رەڤاندی، ھەر ئەڤرۆ ل رێیا بەغدا و نێزیک قەزا خالس شوفێرەکێ دی و وەلاتیەکێ کورد ھاتینە رەڤاندن.

سەلاحی گۆت” ھەر پێنج شوفێرێن ھاتیە رەڤاندن خەلکێ باژێرێ ھەولێرێ نە و بەپرسێ ھێلا بەغدا بۆ ھەولێر، بزاڤێن زۆر کرینە بۆ ئازادکرنا شوفێرێن کورد، بەلێ ئەو گروپا شوفێر رەڤاندی(عەسابەیێن بەغدانەو) بۆ ئازادکرنا ھەر شوفێرەکی داخوازا دەھە ھزار دۆلاران دکەن.

ئەڤرۆ نیۆز، قائید میرۆ:
ئێکەتیا مامۆستایێن کوردستانێ راگەھاند، ل دۆر رەوشا خواندنێ و ھاتنا ئاوارەیان بۆ پارێزگەھا دھۆکێ، سەرۆکێ ئێکەتیا مامۆستایان ھاتیە گازیکرن بۆ وەلاتێ بریتانیا.
ئەحمەد گەرمیانی، جێگرێ سەرۆکێ ئێکەتیا مامۆستایێن کوردستانێ تایبەت ب ئەڤرۆ نیۆز راگەھاند، ئێکەتیا مامۆستایێن کوردستانێ داخوازێ ھاریکاریێ ژ ئێکەتیا مامۆستایێن ئەمریکا کریە، ئەوژی بۆڤان مامۆستایێن ل دەڤەرێن شەڕ تێدا ئاوارەی ھەرێمی کوردستانی بووینە.
گەرمیانی گۆتژی” سەرۆکێ ئێکەتیا مامۆستایێن کوردستانێ ھاتیە گازیکرن بۆ وەلاتێ بریتانیا، ئەوژی بۆدانوستانان ل دۆر رەوشا ئاوارەیێن پارێزگەھا دھۆکێ و دەستپێنەکرنا سالا خواندنێ ل ھژمارەکا زۆر یا قوتابخانێن پارێزگەھا دھۆکێ، چونکو ژبەر ھاتنا ئاوارەیان نێزیکی شەشسەد ھزار قوتابی ل دھۆکێ بێ بەھر بووینە ژ خواندنێ، ئەف ئاریشەیێن کەرتێ پەروەردێ د بۆ جیھانێ ھێنە بەحسکرن.

ئه‌ڤرۆ نيوز، ناجی به‌ده‌ل:

رێڤه‌به‌ریا په‌روه‌ردا رۆژهه‌لات ل پارێزگه‌ها دهۆكێ ب هه‌ماهه‌نگی ل گه‌ل ناحیا زاویته‌ بۆ ڤالاكرنا قوتابخانه‌یان ده‌ست پێكریه‌، هه‌ر ماله‌كێ دێ چادره‌ك پێ هێته‌ دان.

سه‌میر عه‌بدولعه‌زیز رێڤه‌به‌رێ په‌روه‌دا رۆژهه‌لات ل پارێزگه‌ها دهۆكێ بۆ ئه‌ڤرۆ نیوز گۆت: “ب هه‌ماهه‌نگی ل گه‌ل ناحیا زاویته‌ ده‌ست ب ڤالاكرنا قوتابخانێن ل توخیبێ په‌روه‌ردا رۆژهه‌لات هاتیه‌ كرن، هه‌تا نها 20 قوتابخانه‌ هاتینه‌ ڤالاكرن و هێشتا 95 قوتابخانه‌ ماینه”.

زێده‌تر گۆت: “رێڤه‌به‌رێن قوتابخانا و مامۆستا ئاگه‌هدار كرینه‌، هه‌كه‌ خوه‌ كرێكاران ژى بۆ خوه‌ بگرن بۆ پاقژكرنێ و پێدڤێن پاقژكرنێ بكرن و پاشی پسۆلێن خه‌رجیان بۆ مه‌ دێ ئینن و دێ بۆ هێنه‌ مه‌زاختن”.

سه‌میر عه‌بدولعزیز رێڤه‌به‌رێ په‌روه‌ردا رۆژهه‌لات ئاشكه‌را كر كو پشتى دهێنه‌ ڤالاكرن دێ هێنه‌ تافيلكرن و پاشان ده‌ست ب ده‌وامێ هێته‌ كرن.

رێڤه‌به‌رێ په‌روه‌دا رۆژهه‌لات ل پارێزگه‌ها دهۆكێ گۆتژی: “هه‌كه‌ ل گۆری ئه‌وی سیسته‌مێ بۆ پاقژكرنێ هاتیه‌ دانان و ده‌ست ب پاقژكرنا قوتابخانان بهێته‌كرن دێ هه‌یڤه‌كا دی گیرۆ بیت، له‌ورا ئه‌مێ له‌زێ دكه‌ین ل ڤالاكرن و پاقژكرنێ و هه‌ر قوتابخانه‌كا دهێته‌ ڤالاكرن، دڤیت ماوێ دو رۆژان ده‌ست ب پاقژكرنا قوتابخانان رابن و پشتی ب دووماهى هاتنا پاقژكرنێ دێ ده‌وام ده‌ست پێ بكه‌ت”.

ل دووماهيێ ژى سه‌میر گۆت: “هه‌ر خێزانه‌كا ئاواره د قوتابخانه‌كێ ڤه‌ دێ چادره‌ك بۆ هێته‌ دابینكرن و ل سه‌ر وان پێدڤيه‌ ل جهه‌كی بۆ خوه‌ ڤه‌ده‌ن و قوتابخانان ڤالا كه‌ن و نه‌ میننه‌ ل به‌ر سه‌رما زڤستانێ”.

ئەڤرۆ نیۆز، قائید میرۆ:
فەرماندەکێ ھێزا پشتەڤانیێ ل قەزا مەخموور بۆ ئەڤرۆ نیۆز دیارکر، ھێزێن داعش ل سنورێ مەخموور کێمبووینە و تنێ وەکی گەڕیە ھاتن وچوونێ دکەن و پێشمەرگە ناھێلیت بجە ببن.

عەقید رۆکن سەلیم سۆرچی، فەرماندە ل ھێزا پشتەڤانیێ ب ئەڤرۆ نیۆز راگەھاند، کو ھێزێن وان د ئامادەباشیێ دا بۆ بەرسڤدانا ھەر ھێرشەکا تیرۆرستێن داعش ل سنورێ قەزا مەخموور و گۆت” چو مەترسی لسەر قەزا مەخموور نەمایە جارەکادی بکەڤیتە بن دەستێ داعش، تنێ ھندەک جارا ب ترۆمبێلا ھاتن وچوونا ھندەک گوندێن دەڤەرێ دکەن و دەمێ پێشمەرگە ئێرشێ بۆ دبەت رەڤن و نامینن ل دەڤەرێ.
عەقید سەلیم خویاژیکر، پتریا گوندێن دەڤەرێ ھاتینە پاقژکرن ل چەکدارێ داعش تنێ ژمارەکا کێما گوندان بن کۆنتڕۆلا داعشە، بەلێ گوندەک بناڤێ دوو گردکان ھەیە و پێشمەرگە دخوازیت پاقژبکەت، چونکە زۆرجارا لڤی گوندی تەقەی ل ھێزێن پێشمەرگەی دکەن.