ئه‌ڤرۆ نيوز:
قانوونا ماچكرنێ ل نه‌رۆيژ دێ كه‌ڤيته كارى و ب گۆره‌ى ڤێ قانوونێ، نابيت ماچكرن ل جهێن گشتى ژ دو چركان زێده‌تر ڤه‌كێشيت.
ژ 1\11 و پێڤه قانوونا ماچكرنێ ل نه‌رۆيژ دێ كه‌ڤيته كارى و ب گۆره‌ى ڤێ قانوونێ، نابيت ماچكرن ل جهێن گشتى ژ دو چركان زێده‌تر ڤه‌كێشيت و يێ سه‌رپێچيێ بكه‌ت دێ ب 1500 كرۆنێن نه‌رۆيژى هێته سزادان.
ب گۆره‌ى ڤێ قانوونێ ماچيكرن ب رێيا ده‌ڤ بۆ ده‌ڤى پشكه‌كه ژ كريارا خۆشتڤيێ و ژ به‌ر ڤێ چه‌ندێ ژى نابيت ژ دو چركان زێده‌تر ڤه‌كێشيت.
ئه‌ڤرۆ نيوز:
كۆمپانيا Apple راگه‌هاند كو داهاتێ وێ يێ دارايى يێ ڤێ دووماهيێ زێده‌ترى وان پێشبينيايه ئه‌وێن وان كرين، ب تايبه‌ت پشتى وان ئه‌نجامێن نه‌باش يێن ل سه‌ر i phone 6 ده‌ركه‌فتين.
Apple راگه‌هاند كو داهاتێ وێ زێده‌ترى 8.5 مليار دۆلارێن ئه‌مريكى يه ب ره‌نگه‌كى هه‌ر سه‌همه‌كى 1.42 دولا، داهاتێ وێ ژى بوويه 42.1 مليار دولارێن ئه‌مريكى، بۆچوونا ئه‌وان ئه‌و بوو كو 40 مليار دۆلار داهاتێ وێ بوون، به‌لێ هاتنا i phone 6 رۆله‌كێ مه‌زن د ڤێ ده‌ربارێ دا هه‌بوو.
ده‌رباره‌ى وان ئاميرێن كۆمپانيێ ژى فرۆتين گه‌هشتينه 39.2 مليۆن تله‌فۆنێن i phone، هه‌ڤبه‌ركى ب 33.8 ميلۆن i phone ل سالا بۆرى د هه‌مان ده‌م دا، ده‌رباره‌ى كۆمپيۆته‌ران ژى داهاتێ وان گه‌هشتيه 39.2 مليۆن كۆمپيۆته‌ران هه‌ڤبه‌ركى ل گه‌ل 14.1 مليۆن پارچان ل سالا بۆرى.
كۆمپانيێ گۆت: “فرۆتنا كۆمپۆته‌رێن Mac يێن تايبه‌ت د راده‌كێ ده‌ستنيشانكرى دا بوون كو گه‌هشتينه 5.52 ميلۆن كۆمپيۆته‌ر ئه‌وێن كو پێبينى دكر بگه‌هنه 4.85 مليۆن كۆمپيۆته‌ر، به‌لێ i pad ب رێژا 24% هاتيه خوار، كۆمپانيێ 2.6 مليۆن پارچه يێن فرۆتين هه‌ڤبه‌ركى ل گه‌ل 3.5 پارچان ل سالا بۆرى”.
ئەڤرۆ نیوز، لەزگین جۆقی:
فەرماندێ پێشمەرگێن ئێزدێ ل چیایێ شنگالێ و کارگێری لقێ 17 يێ پارتی ديموكراتى كوردستان ل شنگال قاسم شەشۆ بۆ ئەڤرۆ نیوز دیارکرکو ب ھەموو شیانێن خوە داعش بزاڤان دكه‌ن خوە بگەھیننە مەزارگەھێ شەرفەدین، لێ ھێزێن پێشمەرگێ کوردستانێ و شەرڤانێن ئێزدی ب تۆندی بەرسڤا تۆندرەوێن داعش دان ژ مه‌زارى دوورکرن، نوکە دووراتیا دو کلیومەتر و نیڤان داعش دووری مەزارگەھێ شەفەدینن.
ناڤبری ئەو ژی خویا کر کو ھەتا نوکە فروكان ھێرش نەکرینە سەر چەکدارێن داعش ل شنگال و گۆت: “ئەڤە ژ دوھى وەرە شەر یێ بەردەوامه، ھەتا نوکە ژی ئەم د شەری داینە د گەل تیرۆرستان دا و پشتی ھێزێن پێشمەرگه‌يێ کوردستانێ گەھشتينە مە، ب شێوەکێ تۆندتر مە شیا بەرسڤا تیرۆرستان بدەين و داخوازێ دکەين بارەگایێن داعش بھێنە تۆپبارانکرن”.
ئەڤرۆ نیوز، لەزگین جۆقی:
بەرپرسێ ھۆبا ئابووری ل ئاسایشا باژێرێ دھۆکێ بۆ ئەڤرۆ نیوز دیارکر کو ژ ئەنجامێ دووڤچوونا بەردەوام يا کارمەندین ھۆبا ئابووری ل ئاسایشا پارێزگەھا دھۆکێ ل سەر ھەموو ویستگەھێن پانزینێ ب ھەڤکاریا کارمەندێن رێڤەبەریا بەلاڤکرنا بەرھەمێن گازێ، شیان تانکەرەکا پانزینێ دەستە سەر بکەن ل ویستگەھەکا فرۆتنا پانزینا میری ل قەزایەکا پارێزگەھا دھۆکێ.
ھەمان ژێدەر دیارکر کو ژ بەر کو ئەو پانزین یا میریە و ڤیابوو ل پانزینخانەکا ئەھلی بفرۆشيت، لەورا شوفێر ب تانکەر ڤە بۆ بارەگایى ھاتنە رەوانەکرن و بابەت بۆ داگەھێ ھاتە رەوانەکرن دا کو پێرابوونێن قانوونى ل گەل بھێنە وەرگرتن.
دا زانين ژى كو ئەڤە چەندین حالەت پەیدابووینە ھەموو ژی ھاتنە دەستەسەرکرن چونکو نابیت پانزینا 900 دیناران بھێتە فروتن بازرگانی پێ بھێتە کرن ل ویستگەھێن ئەھلی ب 1200 دیناران.
ئه‌ڤرۆ نيوز:
رێڤه‌به‌ريا گشتيا كه‌شناسيێ و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل هه‌رێما كوردستانێ ژ ئه‌نجامێ كه‌فتنه به‌ر شه‌پۆلێن بلند و نزم يێن باران بارينێ رێژه‌كا زێده يا بارانێ ل هنده‌ك ده‌ڤه‌ران باريه، ب ڤى ره‌نگێ ل خوارێ زێده‌تر رۆهن دبيت:
رێژێن باران بارينێ ل هه‌رێمێ ب ڤى ره‌نگى نه:
دهۆك 14.3 ملم، رێژا گشتى 106.9 ملم.
زاخۆ 8.7 ملم، رێژا گشتى 107.5 ملم.
ئاكرێ 33.2 ملم، رێژا گشتى 157 ملم.
مانگێشك 14 ملم، رێژا گشتى 122.8 ملم.
بامه‌رنێ 33 ملم، رێژا گشتى 162.6 ملم.
هه‌ولێر 1.6 ملم، رێژا گشتى 63.7 ملم.
پيرمام 17.3 ملم، رێژا گشتى 167.6 ملم.
سۆران 3.4 ملم، رێژا گشتى 160 ملم.
خه‌بات 13 ملم، رێژا گشتى 63.2 ملم.
سلێمانيێ 22.3 پله، رێژا گشتى 56.8 پله.
هه‌له‌بچه 26.4 پله، رێژا گشتى 70.2 پله.
كه‌ركووك 1 پله، رێژا گشتى 32 پله.
ئه‌ڤرۆ نيوز، قه‌یس ئیسماعیل:
هه‌لبژارتيێ عیراقێ یێ پایسكلان بۆ كچان كو كچێمن كوردستانێ نوونه‌راتیا وێ دكه‌ن، شیان ب ريێا یاریكه‌را خوه نیان یاسین كاپتنا هه‌لبژارتيێ مه‌داليا زێرى ببه‌ت.
هه‌ڤركیێن به‌ریكانێ بۆ 4 كم بوون، ده‌م ژمیر ب شه‌ش ده‌قه و دو چركا ب دووماهی ئینا و شیا ب وێ چه‌ندێ مه‌دالیا زێرى ببه‌ت د ناف بهێزترین هه‌لبژارتیێن پشكدار د به‌ریكانێ دا مینا مسر و تونس و ئیمارات و جه‌زائر.
ئه‌نجامین گشتى ب ڤى شیوه‌ى خارى بوون، عيراق ل رێزا ئێكێ هات و جزائیر ل رێزا دويێ و تونس ل رێزا سیێ.
كچێن كورد هه‌تا نوكه شیان مه‌دالیا برۆنزێ و مه‌دالیا زێرێ ببه‌ن و هه‌ڤركیا وان یا به‌رده‌وامه د قاره‌مانیێ دا و د ئنیه‌تا وان دا پتر هه‌ڤركیێ بكه‌ن و مه‌دالیا زێرى جاره‌كا دى ببه‌ن.
كچێن هه لبژارتیێ پایسكل سواریێ عیراقێ ئه‌ڤه‌نه ( نێان یاسێن- زریان عتار-سۆزى دلشاد-زه‌هرا حه‌نین).
ئه‌ڤرۆ نيوز:
دوهى 21\10 چه‌كدارێن داعش ژ چه‌ند ميحوه‌ران دا هێرش كره سه‌ر پێشمه‌رگه‌يێ كوردستانێ و ل هه‌موو جهان شكه‌ستن خوار، ل ميحوه‌رێ وانكێ پشتى شكه‌ستين خۆ كۆژه‌كى خۆ ب رێيا ترۆمبێله‌كا مه‌زن خوه ب پێشمه‌رگه‌ى ڤه په‌قاند.
د روودانه‌كا خۆكۆژى دا ل وانكێ ترۆمبێله‌كا تانكه‌ر پشتى شكه‌ستنێ ب ره‌نگه‌كێ خۆكۆژى خوه ب هێزێن پێشمه‌رگه‌ى ڤه په‌قاند و زێده‌ترى 15 پێشمه‌رگه شه هيدبون و نێزێكى 20 دى ژى بريندار بوون.
نيشاندان