ئه‌ڤرۆ نيۆز:

به‌رپرسێن ئه‌مريكى دياركر كو هه‌ڤپه‌يمانيا نێڤده‌وله‌تى هه‌تا نوكه‌ ب تنێ 10% ژ كارێ خوه‌ يێ ئه‌نجامدايى ژ ئه‌نجامێ ئه‌وان هێرشێن ئه‌سمانى يێن كرينه‌ سه‌ر رێكخستيا داعش ل عيراق و سوريا.

ژ لايه‌كێ دى ڤه‌ وه‌زاره‌تا به‌ره‌ڤانيا ئه‌مريكا دياركر كو هه‌تا نوكه‌ زێده‌ترى 62 مليۆن دۆلاران تێچوويێ هێرشێن ئه‌سمانى يێن سه‌ر هه‌ردو وه‌لاتێن عيراق و سوريانه‌.

وه‌زاره‌تا به‌ره‌ڤانيا ئه‌مريكى د به‌ياننامه‌كێ دا ئاشكه‌را كريه‌ كو هه‌تا نوكه‌ هێرشێن سه‌ربازى يێن سه‌ر عيراقێ يێن گه‌هشتينه‌ 266 هێرشان كو پتريا وان ل نێزيك سكرێ مووسل و هه‌ولێر و نێزيك به‌غدا بوون.

ل سوريێ ژى 95 هێرشێن ئه‌سمانى كرينه‌ سه‌ر وى وه‌لاتى كو پتريا وان ل دێرزور و ره‌قه‌ و وان جهان بوويه‌ يێن په‌ترۆل دهێته‌ پالاوتن.

ژێده‌رت: CNN

ئه‌ڤرۆ نيوز:

هيلارى كلينتۆن وه‌زيرا ژ ده‌رڤه‌ يا ئه‌مريكا يا به‌رێ د هه‌لكه‌فته‌كا سياسى دا ل كه‌ندا ئاشكه‌را كر كو داعش نه‌ ده‌وله‌ته‌ و نه‌ژى يا ئيسلامى يه‌ و شه‌ر ژى ل گه‌ل دێ يێ ماوه‌ درێژ بيت.

هيلارى كلينتۆن دياركر كو شه‌رێ ل گه‌ل داعش دێ ڤه‌كێشيت و نه‌خواست ژى ناڤێ داوله‌تا ئيسلامى ل سه‌ر بهێته‌ دانن و هه‌ر تشتێ دى يێ دهێته‌ گۆتن وه‌كو ناڤێ وێ رێكخستيێ نه‌يا گرنگه‌ به‌لێ گۆت: “داعش نه‌ ده‌وله‌ته‌ و نه‌ژى يا ئيسلامى يه‌، ئه‌م هه‌مى ژى ل سه‌ر وێ مه‌ترسيێ د رێكه‌فتينه‌ ئه‌وا ژ لايێ وێ ڤه‌ هه‌يى”.

كلينتۆن پشته‌ڤانيا خوه‌ ژى بۆ دربێن سه‌ربازى ل عيراق و سوريا ده‌ربڕى و دا زانين كو هێرشێن سه‌ربازى ب تنێ پێدڤى ناكه‌ن و گۆت: “پێدڤيه‌ ل سه‌ر تۆڕێن جڤاكى ژى ب هاريكاريا وه‌لاتێن عه‌ره‌بى بهێته‌ كرن، چونكو ئه‌ڤه‌ نه‌ ب تنێ شه‌رێ ئه‌مريكا و وه‌لاتێن رۆژئاڤايه‌”.

ئه‌ڤرۆ نیۆز:
به‌رپرسه‌كێ پایه‌ بلمدێ به‌ریتانى بۆ تۆڕ (BBC ) راگه‌هاند، هه‌موو پێزانینێن راپۆرتى یێن دبێژن كو وه‌لاتێ توركیا هنه‌دك چه‌كدارێن داعشێ یێن ره‌كه‌ز به‌ریتانى ل گه‌ل زیندانێن دبلوماتكارێن تورك ل مووسل گوهۆرینه‌ راستن و دجهێ خوه‌دانه‌.
هه‌روه‌سا رۆژناما تایمز یا به‌ریتانى به‌لاڤكریه‌، داعشیێ ب ناڤێ شاباز سلێمان یێ ژیێ وى 18 سال و هیشام فولكارد یێ ژیێ وى 26 سال ل گه‌ل 180 چه‌كدارێن دناڤ رێزێن داعشێ به‌رانبه‌رى 46 دبلوماتكارێن توركى هاتن پێكگوهوڕین كو دده‌ستێن چه‌كدارێن داعشێ دا ده‌سته‌سه‌ركرى بوون.
به‌رپرسێن به‌ریتانى دوپاتكر شاباز سلێمان ل وه‌لاتێ توركیا به‌رزه‌ببوو، پشتى ئاشكرا بوو ئه‌و كه‌س ژ ئالیێ ده‌ستهه‌لاتا توركیا ڤه‌ هاتیه‌ دسته‌سه‌ركرن، رۆژناما تایمز یا به‌ریتانى هه‌روه‌سا دیاركر، لسته‌كا ناڤێن چه‌كدارێن داعشێ وان هه‌ردو به‌ریتانى یا یێن هاتینه‌ گوهۆڕین دده‌ستێن وانا دایه‌.
زێده‌بارى وان هه‌ردو به‌ریتانیان دو كه‌سێن فه‌ره‌نسێ و دویێن دى یێن وه‌لاتێ سویدى نه‌ و دو كه‌سێن وه‌لاتێ مه‌قدونیا و ئێك ژ سویسرا و ئێك ژ به‌لجیكا .