ئەڤرۆ نیوز:
وەزارەتا ساخلەمیێ یا حوکمەتا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ل هەرێما کوردستانێ ٥٣٧ کەسێن دی تووشی ڤایرۆسێ کۆرۆنایێ بووینە و ٢١ کەس ژی مرینە.
ل گۆر داخۆیانیا وەزارەتا ساخلەمیێ ل دهۆکێ ١٣٤ کەسێن دی تووشی ڤایرۆسێ کۆرۆنایێ بووینە و هەروەسا ١٣٥ کەس ژی ژ کۆرۆنایێ باش بووینە و ڤەگەریاینە مالێن خوە.
ئەڤرۆ نیوز:
ب هەلکەفتا ٧٤ سالیا دامەزراندنا پارتی دیموکراتی کوردستان وەک رێزگرتنەک ژ بۆ جەنگاوەرێن شەرێ کورونایێ دکەن ب شەڤ و رۆژ بۆ پاراستنا ڕوحێن مروڤان، ئەڤرۆ سەربەست تروانشی ئەندامێ جڤاتا سەرکردایەتیا پارتی و بەرپرسێ لقێ ئێک ب ڤێ هەلکەفتێ خەلاتەکێ رێزگرتنێ پێشكێشی نۆژدار و كارمەندێن ساخلەمیێ ل سەنتەرێ كۆرونایێ کر.
ژلایێ خوە ڤە، رێڤەبەرێ گشتی یێ ساخلەمی و سەرپەرشتێن تیمێن چارەسەریا نەخوشێن كۆرونایێ ل پارێزگەھا دھوكێ سوپاسیا بەرپرسێ لقێ ئێک کرن کو هەردەم هاریکار و پشتەڤانێن مە بوویە و ئەڤ رێزگرتنە دێ پشتەڤانیەکا مەزنە ژ بۆ ئێکە ئێک کارمەندێن ساخلەمیێ.
ئه‌ڤرۆ نیوز:
وه‌زیرێ به‌ره‌ڤانیا ئیرانێ راگه‌هاند وه‌لاتێ وی به‌رهه‌ڤه پێدڤیێن چه‌كی بۆ لبنانێ دابین بكه‌ت، هه‌كه داخازێ ژ وان بكه‌ت، ئه‌و بژارده‌یه ل ده‌ستێ لبنانێ دایه، هه‌ر ئاریشه‌یه‌كا ل كه‌نداڤی درۆست دبیت و ریب ری مه ب بیت ئیمارات ژێ به‌رپرسه.
محه‌مه‌د حاتمی وه‌زیرێ به‌ره‌ڤانیا ئیرانێ راگه‌هاند گه‌لی ئیرانێ هه‌رتم دبیاڤێ به‌ره‌ڤانیێ دا هه‌ڤكارێن لبنانێ بوون، تاران ژی به‌رهه‌ڤه هه‌ڤكاریا وێ بكه‌ت ژ بو به‌رهنگاروبونا ئیسرائیلێ، دشیێن پێدڤیێن چه‌كی بۆ دابین بكه‌ین.
وه‌زیرێ به‌ره‌ڤانیا ئیرانێ ل سه‌ر رێكه‌تنا ئیمارتێ و ئیسرائیلێ راگه‌هاند ب ئه‌گه‌رێ ئه‌وێ رێكه‌تنێ ئیسرائیل شیا پێخو ب هاڤێژته ناڤ ده‌ڤه‌را كه‌نداڤی و بۆ تێكدانا ئاسایشا ده‌ڤه‌رێ، ئیمزاكرنا ئه‌وێ رێكه‌تنێ دێ زیان بۆ ئیماراتێ ڤه‌دگه‌ریت.
لگۆری رێكه‌تنێ، ئیسرائیل ب ئاوایه‌كێ ده‌مكی پرۆژێن دروستكرنا یه‌كه‌یێن ئاكنجیبوونێ ل رۆژا ئاڤا راوه‌ستینیت،ئیمارات و ئیسرائیل پلان دانایه بالیوز و بالیوزخانه‌یێن خو ڤه‌كه‌ن، بڤێ ژی ئیمارات پشتی مسرێ و ئوردنێ دهێت كۆ وه‌لاتێ سیێ یێ عه‌ره‌بی یه په‌یوه‌ندیێن خوه ل گه‌ل ئیسرائیلی ئاسای كرین.
ئه‌ڤرۆ نیوز:
سه‌رۆك بارزانی ب هه‌لكه‌فتا سالیادا 74 سالیا دامه‌زراندنا پارتی دیموكراتی كوردستان، په‌یامه‌ك به‌لاڤكر و تێدا هاتیه، دامه‌زراندنا پارتی وه‌رچه‌رخانه‌كا گرنگ بوو د دیرۆكا بزاڤا رزگاریخوازیا كوردستانێ و بوویه قوتابخانه‌یه‌كا نیشتمانی بۆ خه‌باتگێر و تێكوشه‌رێن كورد، د ئه‌ڤێ هه‌لكه‌فتێ دا ته‌ئكید ل سه‌ر په‌یاما پێكڤه ژیانێ و فره‌لایه‌نی و ئاشتیخوازیا ناڤ خه‌لكێ كوردستانێ كر، ئه‌ركێ سه‌ره‌كی یێ پارتی پێكڤه ژیانا دناڤبه‌را پێكهاته‌یێن ئایین و نه‌ته‌وه‌یێن كوردستانێ و ئاشتیا سیاسی و جڤاكی یا كوردستانێ ب پارێزیت.
د پشكه‌كا دی یا راگه‌هاندنا سه‌رۆك بارزانی دا هاتیه، ب درێژاهیا خه‌به‌تا سیاسیا خودا، هه‌رده‌م خوازیارێن دانوستاندنێ و چاره‌كرنا ئاریشان بووینه ب ئاوایه‌كێ ئاشتی و لیك تێگه‌هشتن.
ئه‌ڤرۆ نیوز:
وه‌زیرێ ساخله‌میا عیراقی راگه‌هاند دێ په‌نایێ به‌ینه به‌ر قه‌ده‌غه‌یا گشتی یا هاتنوچونێ، دێ ئه‌وان كه‌سا سزا ده‌ین یێن پێگیر نه‌بن.
حه‌سه‌ن ته‌میمی وه‌زیرێ ساخله‌میا عیراقی راگه‌هاند ته‌ئكید ل سه‌ر جوداكرنا ساخله‌میێ و پێگیربوون ب رێنمایان بۆ كونترۆلكرنا ڤایرۆسێ كورونایێ، بتنێ به‌س نینه، به‌لكۆ په‌نایێ به‌ینه به‌ر توندكرنا رێنماییان ژ وان ژی قه‌ده‌غه‌كرنا گشتی، دیاره وه‌لاتی پێگیر نابن،ره‌وشا ڤایرۆسی و رێنمایی و پێگیربون دیار دكه‌ت، وه‌زاره‌ت به‌رده‌وام دبیت ژ سه‌پاندنا رێنمایان بڤان نێزیكان دێ هنده‌ك بریارێن دی ده‌ركه‌ڤن، ب تایبه‌ت به‌ره‌ڤ هه‌یڤا موحه‌ره‌مێ دچین و خرڤه‌بوونێن مه‌زن و لبه‌رچاڤنه‌گرتنا مه‌ترسیێن ڤایرۆسی .
وه‌زیرێ ساخله‌میا عیراقێ ژی ئه‌و چه‌نده راگه‌هاند جهێ داخێ یه پێگیرنه‌بوون ب رێنمایان بوویه ئه‌گه‌رێ زێده‌بوونا ژماره‌یا توشبوویان، هه‌نه پرۆپاگنده‌یا دكه‌ن كۆ رێكێن تایبه‌ت ل ده‌ڤن بۆ چاره‌كرنا توشبوویێن ڤایرۆسی بێ بكار ئینانا رێنمایێن خو پاراستنێ، ئه‌ڤه‌ژی رێكه‌كا دی یا زێده‌بوونا توشبوویانه، له‌ورا وه‌زاره‌ت رێ و ئاوایێن یاسایی دێ بكار ئینیت بۆ ئه‌وان كه‌سێن پێگیر نابن ب رێنمایان.
ژماره‌یا توشبویێن ڤایرۆسێ كورونایێ ل عیراقێ زێده‌تر بوویه لگۆری داتایێن فه‌رمی، 172 هزار و 583 توشبوویان بلند بوویه، كۆ 5 هزار و 785 كه‌سان ژی گیانێ خوه ژ ده‌ست دایه.
ئەڤرۆ نیوز:
سەرۆک وەزیرێن هەرێما کوردستانێ و عیراقێ پەیوەندیەکا تەلەفۆنی ئەنجامدا و ل سەر چەند پێنگاڤێن سەرەکی بەرەف چارەسەركرنا کێشان رێککەفتن و بریار هاتەدان لدووڤ دۆخێ دارایی یێ نوکە یێ عیراقێ، ل نزیکترین دەمدا 320 ملیار دیناران وەک بەشە مووچەک ژ بەغدا بۆ ھەرێما کوردستانێ ڤرێکەت.
ئەڤرۆ شەمبیێ 15-08-2020 د پەیوەندیەکا تەلەفۆنیدا، مەسرور بارزانی، سەرۆک وەزیرێن ھەرێما کوردستانێ و مستەفا کازمی، سەرۆک وەزیرێ عیراقێ کێشێن دناڤبەرا ھەولێرێ و بەغدا گوتۆبێژ کرینە.
ئەڤرۆ نیوز:
ئەڤرۆ شەمبیێ 15/8/2020، رێڤەبەریا گشتی ساخلەمیا پارێزگەها دهۆکێ راگەهاند: کو 135 نەخۆشێن دی یێن ڤایرۆسێ کۆرۆنایێ ل دهۆکێ کو د نەخۆشخانێ دا بوون ل نەخۆشخانێ هاتنە دەرخستن.
هەروەسا گۆتیە: ب ڤێ چەندێ هژمارا گشتی یا نەخۆشێن چارەسەربووین گەهشتنە 795 کەسان و نوکە 880 نەخۆش ماینە د نەخۆشخانێ دا.
ئەڤرۆ نیوز، زنار تۆڤی:
ئەڤرۆ شەمبیێ 15.8.2020 و ل دەمژمێر 5 ئێڤاری، ب بەهانەیا هەبوونا گەریلایێن پەکەکێ، تۆپخانا تورکی یا ل هنداڤ شارانیێ گوندێ راڤینا ل ناحیا کانی ماسێ تۆپباران کریە.
عوبەید راڤینی ئێکە ژ ئاکنجیێن گوندێ راڤینا بۆ ئەڤرۆ نیوز دیار کر: ل دەمژمێر 5 ئێڤاری تۆپخانا سوپایێ تورکی گوندێ مە تۆپباران کریە و تۆپەک نێزیکی 100 میتران ل نێزیکی مالان کەفتیە و دەنگەکێ ب هێز ژێهات، هەر چەندە چ زیانێن گیانی نەبوون، لێ ڤێ چەندێ ترسەکا مەزن ل دەف خەلکێ گوندی پەیدا کریە، ئەڤە جارا ئێکێ یە د ئەڤ سالەدا گوندێ مە دهێتە تۆپ بارانکرن.
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ ب هەلکەفتا ٧٤ سالیا دامەزراندنا پارتی دیموکراتی کوردستان و ژ دایکبوونا سەرۆک بارزانی پەیامەکێ بەلاڤ دکەت، ئەڤە ژی دەقێ پەیامێ یە:
پیروزبایی هەفتاو چوارەمین سالیادی دامەزراندنی پارتی دیموکراتی کوردستان و لە دایکبوونی ڕێبەری نەتەوەیی و نیشتیمانیمان جەنابی سەرۆک بارزانی لە هەموو کوردستانییەکی تێکۆشەر و دڵسۆز و بە تایبەتی هەموو لایەنگر و ئەندام و سەرکردایەتی پارتی دەکەم.
دامەزراندنی پارتی وەک گەورەترین و سەردەمیانەترین حزبی دیموکرات و جەماوەری، لە فراوانترین پانتایی جوگرافی لە سەرتاسەری کوردستان، وەرچەرخانێک بوو لە خەباتی ڕزگاریخوازی گەلەکەماندا، کە هەمو ئازادیخوازێکی لە ژێر چەتر و ڕێبەرایێتی باوکی نەتەوەییمان بارزانی نەمر کۆ کردەوە و روحی بەرگریکردن و خۆڕاگری لە ناخی هەمو نیشتمانپەروەرێکدا زیندوو کردەوە.
بە درێژایی مێژووی پڕ سەروەریی ڕووبەڕووبونەوەی زوڵم و ستەم و پاراستنی ناسنامەی نەتەوەیی گەلەکەمان، پارتی خاوەنی سەدان داستان و سەرکەوتنە و چەندین دەستکەوتی مێژوویی بۆ گەلی کوردستان بە دەستهێناوە و قەڵایەکی پۆڵایین بووە بۆ هەموو خەڵکی کوردستان لە هەموو پارچەکاندا و هەموو ئازادیخوازێک لە سەرتاسەری ڕۆژهەڵاتی ناوەڕاستدا.
پارتی و بارزانی بوون بە ڕەمزی داکۆکیکردن لە مافە ڕەواکانی خەڵکی کوردستان . هەر بۆیەش پەلاماری دوژمنان پێش هەموو لایەک بۆ سەر پارتییە. بڕوای نەگۆڕی پارتی لە خەباتی بەردەوام و خۆنەچەماندن، وای کرد لە گەڵ لایەن و پارتە تێکوشەرەکانی دیکە، کیانی کوردستانی بێتە سەرنەخشەی سیاسەتی جیهانی.
سەرۆک بارزانی وەک ڕابەرێکی نیشتیمانی، چ لە بەرەکانی شەڕ دژی دوژمنان و تیرۆریستان و چ لە سەر ئاستی دیپلوماسیی جیهانی، ئیرادەی گەلی کوردستانی سەرخست و پێکەوەژیانی گەلانی لە کوردستان زیاتر بەرجەستە کرد و ئومێد و بڕوا بەخۆبوونی گەلەکەمانی بە مافە ڕەواکانی زیندوو کردەوە.
ئەمڕۆ لە کاتێکدا ئەم یادە دەکەینەوە کە ھەرێمەکەمان و ناوچەکە، گیرۆدەی قەیرانی سەختی تەندروستی و ئابووری بووەتەوە، باشترین ڕێکار بۆ تێپەڕاندنی ئەم دۆخە، بەر لە ھەر شتێک یەکڕیزی و تەبایی ناوخۆی کوردستانە، هیوادارم گشت لایەکـ، بەرپرسیارانە تواناکانمان یەک بخەین بۆ ئەوەی وەک ھەمیشە، بە سەر کۆسپ وسەختییەکان زاڵ بین و هەموو کێشەکانی دەڤەرەکەش لە ڕێگەی ئاشتی و گفتوگۆوە چارەسەر بکەین.
لەم بۆنەیەدا بە تایبەتی پیرۆزبایی لە خانەوادەی سەربەرزی شەھیدان و كەسوکاری ئەنفالکراوان و کیمباران و زیندانییانی سیاسیی گەلەکەمان دەکەم.
ئەم یادە پیروزە پایەدار بێت و هیوای تەمەندرێژی بۆ جەنابی سەرۆک بارزانی دەخوازم و ئومێدەوارم لە ژێر ڕێبەرایەتی ئەودا، گەلەکەمان بە هەموو ئاواتەکانی بگات.
نيشاندان