ئه‌ڤرۆ نیوز:
به‌ری سه‌ره‌دانا چاڤه‌رێكری یا مسته‌فا كازمی بۆ سعودیێ، محه‌مه‌د جه‌واد زه‌ریفی وه‌زیرێ ده‌رڤه‌یێ ئیرانێ دێ گه‌هته به‌غدا.
بریاره سوبه‌هی رۆژا ئێك شه‌مبی، محه‌مه‌د جه‌واد زه‌ریفی وه‌زیرێ ده‌رڤه‌یێ ئیرانێ ب سه‌ره‌دانه‌كێ بگه‌هته به‌غدا و ل گه‌ل به‌رپرسێن بلندێن عیراقێ كۆم بیت.
هاتنا زه‌ریفی بۆ عیراقێ به‌ری سه‌ره‌دانا چاڤه‌رێكری یا مسته‌فا كازمی سه‌رۆك وه‌زیرێ عیراقێ كۆ بریاره بۆ سعودیێ ئه‌نجام بده‌ت.
ئه‌ڤرۆ نیوز:
فه‌ره‌نسا زێده‌تری 342 هزار دۆلاران هه‌ڤكاریا عیراقێ بۆ به‌رهنگاربوونا ڤایرۆسێ كوروناێ دكه‌ت.
هنارتیا نه‌ته‌وه‌یێن ئێكگرتی ل عیراقێ د به‌یاننامه‌یه‌كێ دا راگه‌هاند هه‌ڤكاریێن فه‌ره‌نسا بۆ عیراقێ ب هه‌ماهه‌نگی ل گه‌ل نه‌ته‌وه‌یێن ئیكگرتی بوو.
بونامی هه‌روه‌سا ئه‌و چه‌نده ژی راگه‌هاند فه‌ره‌نسا 300 هزار یوورو هه‌ڤكاریا ساخله‌میا عیراقێ دكه‌ت.
یونامیێ ئه‌و چه‌نده ژی دیاركر ئه‌و بریارا فه‌ره‌نسا بۆ كرینا ئامیرێن هه‌ناسه‌دانا ده‌ستكرد بۆ نه‌خوشخانه‌یێن به‌سره دمه‌زێخیت.
ئه‌ڤرۆ نیوز:
به‌نكا رافیده‌ین یا حكومی راگه‌هاند دێ ده‌ست ب مه‌زاختنا شایسته‌یێن دارایی یێن جۆتیاران ل ته‌ڤایا تایێن خوه كه‌ت
نڤیسینگه‌ها راگه‌هاندنا به‌نكا رافیده‌ین یا حوكمه‌تا عیراقێ د به‌یاننامه‌یه‌كێ دا راگه‌هاند فه‌رمان هاتیه دان بۆ هه‌می تایێن به‌نكێن رافیده‌ین كۆ ده‌ست ب مه‌زاختنا شایسته‌یێن دارایی یێن جۆتیاران بكه‌ن، پشتی هه‌موو رێ و ئاوایێن پێدڤی بۆ مه‌زاختنێ پاره‌یێ پێدڤی ژی هاتیه دانان.
د به‌یاننامه‌یا به‌نكا رافیده‌ین دا هاتیه كۆ به‌رده‌وامین ل بجهكرنا پێگیربوونێ هه‌مبه‌ر وه‌لاتیان و هه‌ر پرسه‌كا په‌یوه‌ندیدار ب مه‌زاختنا پاره‌ی و شایسته‌یێن دی، ل گه‌ل بكار ئینانا رێ و ئاوایێن خوه پاراستنێ ژ ڤایرۆسێ كورونایێ.
به‌نكا رافیده‌ین د ئه‌وێ به‌یاننامه‌یا راگه‌هاندی ل سه‌ر مه‌زاختنا شایسته‌یێن دارایی یێن جۆتیارێن هه‌رێما كوردستانێ چ نه دیاركریه، به‌لێ رۆژا دوشه‌مبا هه‌فتیا بوری وه‌زاره‌تا چاندنا عیراقێ راگه‌هاند بوو پاره‌یێ پێدڤی بۆ دانا شایسته‌یێن جیۆتیاران هاتیه ته‌رخانكرن هه‌ركه‌سه‌كی به‌رهه‌مێ خۆ دانابیته سایلویێن حكومی دی شایسته‌یێن دایاری یێن خوه وه‌رگریت.
ئه‌ڤرۆ نیوز:
دوماهی ئامارا توشبوویێن ڤایرۆسێ كورونایێ ل سه‌ر ئاستێ جیهانێ گه‌هشته 14 ملیۆن و 140 هزار و 431 كه‌سان.
ئه‌و وه‌لاتێن زۆرترین ژمارا توشبوویێن كورونایێ تێدا ده‌ركه‌تین هه‌ر ئێك ژ ئه‌مریكا و به‌ریازیل و هندستان و روسیا و پیرۆ و باشوورێ ئه‌فریكا و چیلی و مه‌كسیك و بریتانیا و ئیران و پاكستان و ئیسپانیا و سعودیێ و ئیتالیا و توركیا و ئه‌لمانیا و به‌نگلادیش و كولومبیا و فه‌ره‌نسا و ئه‌رجه‌نتین و كه‌نه‌دا و قه‌ته‌ر و عیراق و مسر و چین.
ل سه‌ر ئاستێ جیهانیێ هه‌شت ملیۆن و 400 هزار و 711 كه‌س ساخ بووینه‌نه، هه‌ر ل گۆری دوماهی ئامارا توشبوویێن كورونایێ گیانێ خوه ژ ده‌ست داین، تانوكه 599 هزار و 363 كه‌س بووینه.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا دو ترۆمبێلان لێکدا و چەندین کەس بریندار بووینە.
ناڤهاتی زێدەتر ئاشکرا کر: بەری دەمەکێ ل سەر رێیا گشتی یا دێرەلوک بۆ شیلادزێ و ل نێزیک کومەلگەها شیف چنارکێ روودانەک ژ جۆری لێکدان دناڤبەرا دو ترۆمبیلان دا روودا، کو ترۆمبێلەکا بارهەلگر نیسان پیک ئاپ و ترۆمبێلا تایبەت جیتا بوویە، د وێ روودانێ دا زیان ب هەردو ترۆمبێلا کەفتن و د هەمان دەمدا بریندار هاتنە رەوانەکرن بۆ نەخۆشخانا تەنگافیا ل ئامێدیێ.
ئەڤرۆ نیوز:
لدووڤ داتایێن جڤاتا زێرێ جیهانی، ئەمریکا ل پلا ئێکێ یا وان وەلاتان دهێت، کو زۆرترین زێر هەیە و عیراق ژی ل پلا ٣٦ دهێت.
مالپەرێ سپوتینک یا رووسی بەلاڤکریە، کو لدووڤ نووترین داتایێن جڤاتا زێری یا جیهانی، ئەمریکا ل پلا ئێکێ یە و ئەلمانیا ژی ل پلا دووێ یا وان وەلاتان دایە کو زۆرترین زێر هەیە، ئەو رێربەندیە ژی ب ڤی رەنگی یە:
١- ئەمریکا هەشت هزار و ١٣٣ تەنێن زێری هەنە.
٢- ئەلمانیا سێ هزار و ٣٦٣ تەن.
٣- سندوقا دراڤێ نێدەولەتی دو هزار و ٨١٤ تەن.
٤- ئیتالیا دو هزار و ٤٥١ تەن.
٥- فرەنسا دو هزار و ٤٣٦ تەن.
٦- رووسیا دو هەزار و ٢٩٩ تەن.
٧- چین هزار و ٩٤٨ تەن.
٨- سویسرا هزار و ٤٠ تەن.
٩- یابان ٧٦٥ تەن.
١٠- هندستان ٦٥٤ تەن.
ئەڤرۆ نیوز:
پەیڤدارێ وەزارەتا ئەوقافا هەرێمێ دیار کر: هەتا نوکە رۆژا ئێکێ یا جەژنێ نەهاتیە دیار کرن و وەلاتێ سعودی چار رۆژێن دی دێ ب فەرمی راگەهینیت.
نەبەز ئیسماعیل پەیڤدارێ وەزارەتا ئەوقافا هەرێمێ گۆت ژی: ژبەر کو فەرزا حەجێ هەیە، جەژنا قوربانێ یا جۆدایە ژ جەژنا رەمەزانێ، پشتی چار رۆژێن دی وەلاتێ سعودی دێ ب فەرمی راگەهینت کانێ کەنگی جەژنە.
ئەڤرۆ نیوز:
سەرۆک مەسعود بارزانی پێشوازی ل جان لودریان وەزیرێ دەرڤە یێ فرەنسا کر و د کۆمبوونێ دا بەحسێ پەیوەندیێن فرەنسا و هەرێما کوردستانێ هاتە کرن.
هەژی ئاماژەپێدانێ یە کو وەزیرێ دەرڤە یێ فرەنسا دوهی سەرەدانا بەغدا کر و پاشی ژی هاتە هەولێرێ و ل گەل سەرۆکێ هەرێما کوردستانێ و سەرۆک وەزیرێن هەرێما کوردستانێ ژی کۆمبوو.
نيشاندان