ئەڤرۆ نیوز:

پشتی کو فەرسەت سوفی پارێزگارێ هەولێرێ دیار کر هەر وەلاتیەک ژ پارێزگەهێن دی یێن عیراقێ بهێتە هەولێرێ دێ پشکنینا کۆرۆنایێ بۆ وان هێتە کرن و دێ ٥٠ هزار دینار ژ وان هێتە وەرگرتن، لێ د تۆرێن جڤاکی دا گەلەک گۆتنێن جودا ل سەر بابەتی هاتنە کرن و نڤیسینگەها پارێزگارێ هەولێرێ ژی داخۆیانیەک د ڤێ دەربارێ دا بەلاڤ کر.

 ڕوونکردنەوەیەک لە نووسینگەی پارێزگاری هەولێر

لەلایەن هەندێک کەس و میدیا، لێکدانەوەی هەڵەی بەمەست و بێمەبەست بۆ قسەکانی پارێزگاری هەولێر کراوە کە ئەمڕۆ لە کۆنگرەیەکی ڕۆژنامەوانی لەسەر هاتنە ژوورەوەی خەڵکی پارێزگاکانی دیکەی عێراق بۆ پارێزگای هەولێر کردنی.
پارێزگاری هەولێر زۆر بەڕوونی ڕایگەیاند: “لەپێناو کارئاسانی هاتنە ژوورەوەی هاوڵاتییانی شارەکانی دیکەی عێراق جگە لە پارێزگاکانی هەرێمی کوردستان، ژووری ئۆپەراسیۆنی پارێزگای هەولێر بەهەماهەنگی لەگەڵ بەڕێوەبەرایەتی گشتی تەندروستی هەولێر، سەرقاڵی داڕشتنی میکانزمێکن بۆ ئەوەی ئەو خەڵکانە بتوانن بێنە ناو شاری هەولێر بەمەرجی ئەنجامدانی پشکنینی پزیشکی لەسەر ئەرکی خۆیان و بە نرخێکی گونجاو، ئەمەش هەم بۆ کارئاسانی هاوڵاتییان و هەمیش بۆ پەرەپێدانی جموجۆڵی بازرگانی و ڕانەوەستانی کاروکاسبی خەڵک”، بۆیە هەرچی دیکەی دەگوترێ بێجە لەوەی کە باسکراوە دوورە لەڕاستی و مەبەست لێی تەنها بڵاوکردنەوەی چەواشەکاری و بەلاڕێدابردنی ڕاستییەکانە.

نوسینگەی پارێزگاری هەولێر

2020.7.13