ئەڤرۆ نیوز:
شیرەتکارا ئەلمانیا راگەهاند کو هەتا ڤاکسینێ کۆرۆنا نەگەهیتە دەستێ خەلکی دێ شەرێ ل دژی کۆرۆنایێ بەردەوام بیت و گۆت: (پاییز و زڤستانا ئەڤسالە دێ بۆ هندێ یا دژوار بیت و دڤێت ب هەموو رەنگەکێ هاریکاریا خەلکی بهێتە کرن).
ناڤهاتیێ راگەهاند کو ئەو ل گەل سەرکردێن وەلاتێن دی یێن جیهانێ ل دۆر هندێ دئاخڤن و پێدڤیە رێگری ل کۆمبوونێن جەماوەری بهێتە کرن و دڤێت خەلک پتر ژ هەر دەمەکێ خوە پارێزن.
ئەڤرۆ نیوز:
ژێدەرەکێ ژ رۆژئاڤایێ کوردستانێ راگەهاند کو سعوودیێ هێزێن خوە ل بنگەهێ شەدادیێ یێ ل پارێزگەها حەسەکێ بجه کریە و دهێتە چاڤەرێکرن کو هێزێن سعوودیێ ل وی بنگەهی بمینن.
بەری نها ژی چەندین جاران سعوودیێ هاریکاریا رۆژئاڤایێ کوردستانێ کریە و دژبەریا خوە ل هەمبەر هێرش و داگیرکەریا تورکیا دیار کریە.
ئەڤرۆ نیوز، زنار تۆڤی:
د روودانەکا هاتنوچوونێ دا، چار کەس د ترۆمبێلەکێ دا سۆتن و گیانێ خوە ژ دەستدان.
ئەو روودانە ل سەر رێیا دوكان – رانیە دناڤبەرا سێ ترۆمبێلان دا روودایە و چار كەس دناڤا ئێک ژ وان ترۆمبێلان دا بووینە و هاتینە سۆتن، راگەهاندنا قائیمقامیا قەزا دوكان وێنێ ترۆمبێلا (تۆیۆتا پرادۆ) بەلاڤکریە و نڤێسیە، کو هەموو کەسێن دناڤا وێ ترۆمبێلێ دا هاتینە سۆتن و گیانێ خوە ژ دەستداینە، کو ژنەک و زەلامەک و دو زارۆک بوون، لێ ژ ئەگەرێ سۆتنا لەشێ وان نەهاتینە نیاسین.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ راگەهاندنا رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا کەسەک بریندار بوو.
ناڤهاتی زێدەتر گۆت: ل دەمژمێر (12:30) شەڤا بوری، ل سەر جادا سێمێلێ بۆ زالگەها ئالۆکا ترۆمبێلەکا تەکسی ژ جۆرێ تۆیۆتا کۆرۆلا ل ژێر کونترۆلا شوفێری دەرکەفتیە و وەرگەریایە د ئەنجامدا کەسەک بریندار بوویە و زیانێن مادی یێن مەزن ژی ب ترۆمبێلێ کەفتینە.
ئەڤرۆ نیوز:
ئەڤرۆ (27/08/2020) رێڤەبەریا گشتی یا ساخلەمیا پارێزگەها دهۆکێ راگەهاند: 235 تووشبوویێن دی یێن ڤایرۆسێ کۆرۆنایێ ل دهۆکێ کو د نەخۆشخانێدا بوون، پشتی هەموو پشکنین بۆ وان هاتینە کرن، دیاربوو کو ب تەمامی چارەسەربووینە و ب سلامەتی ژ نەخۆشخانێ دەرکەفتینە و چووینە د ناڤ کەسوکارێن خوە دا.
هەروەسا گۆت ژی: ب ڤێ چەندێ هژمارا چارەسەربوویان گەهشتە 1216 کەسان و نوکە 2242 نەخۆش ماینە د نەخۆشخانێدا.
ئەڤرۆ نیوز:
وەزارەتا ساخلەمی و ژینگەها عیراقێ راگەهاند: د ٢٤ دەمژمێرێن بوری دا، سێ هزار و ٦٥١ حالەتێن نوو یێن کۆرۆنایێ، سێ هزار و ٧٩٤ حالەتێن باشبوونێ و ٧٢ حالەتێن وەغەرکرنێ هاتینە تۆمار کرن.
هەتا نوکە ٢١٩ هزار و ٤٣٥ کەس ل عیراقێ تووشی ڤایرۆسێ کۆرۆنایێ بووینە، ژ وێ هژمارێ ژی هەتا نوکە ٦ هزار و ٧٤٠ کەسان ژیانا خوە ژ دەست دایە، دیسان ١٦١ هزار و ٩ کەس ژی باشبووینە.
ئەڤرۆ نیوز:
فلۆرانس پارلی وەزیرا بەرەڤانیێ یا فرەنسا شەڤا بۆری گەهشتە بەغدا و بریارە ئەڤرۆ ئێڤارێ سەرەدانا هەولێرێ بکەت و ل گەل بەرپرسێن هەرێما کوردستانێ کۆم ببیت.
ل گۆر دەزگەهێن راگەهاندنا جیهانی ئارمانجا سەرەکی یا وەزیرا فرەنسا بۆ بەغدا و هەولێرێ ل دۆر هێرشێن تورکیا یێن ل سەر عیراقێ و هەرێما کوردستانێ نە و فرەنسا دڤێت سنورەک بۆ هێرشێن تورکیا بهێتە دانان.
ئەڤرۆ نیوز، رێوار محەمەد رەشید:
د رێورەسمەکێ دا ب ئامادەبوونا هەر ئێک ژ (ئالان حەمە سەعید) وەزیرێ پەروەردێ ل حوکمەتا هەرێما کوردستانێ و (د. عەلی تەتەر) پارێزگارێ دهۆکێ ، قوتابیێن پارێزگەها دهۆکێ یێن کو بووینە سەرکەفتی یێن ئێکێ ل سەر ئاستێ هەرێما کوردستانێ ئەڤرۆ رۆژا 27/8/2020 ل دەمژمێر 11:00 سپێدێ ل هۆتێلا ریکسۆس ل باژێرێ دهۆکێ هاتنە خەلاتکرن.
ئەحمەد عەبدوللا زۆبێر، رێڤەبەرێ راگەهاندنێ ل رێڤەبەریا گشتی یا پەروەردێ ل پارێزگەها دهۆکێ بۆ ئەڤرۆ نیۆز دیار کر پێنج قوتابیێن پارێزگەها دهۆکێ ل قووناغا 12 ئامادەیی بۆ سالا خواندنێ 2019 – 2020 بووینە سەرکەفتیێن ئێکێ ل سەر ئاستێ هەرێما کوردستانێ و گۆت: “ئەو خەلاتێن ئەڤرۆ پێشکێشی ڤان سەرکەفتیان هاتینەکرن یێن هەر ئێک ژ (نێچیرڤان بارزانی) سەرۆکێ هەرێما کوردستانێ و (مەسرۆر بارزانی) سەرۆکێ حوکمەتا هەرێما کوردستانێ بوون”.
ئەڤرۆ نیوز:
وەزارەتا ساخلەمی و ژینگەها عیراقێ راگەھاند: د ٢٤ دەمژمێرێن بوری دا، سێ ھزار و ٨٣٧ حالەتێن نوو یێن کۆرۆنایێ و سێ ھزار و ٤٥٤ حالەتێن باشبوونێ و ٧٢ حالەتێن وەغەرکرنێ ھاتینە تۆمار کرن.
هەتا نوکە ٢١٥ ھزار و ٧٨٤ کەس ل عیراقێ تووشی ڤایرۆسێ کۆرۆنایێ بووینە، هەتا ڤی دەمی شەش ھزار و ٦٦٨ کەسان ب کۆرۆنایێ وەغەرکریە، دیسان ١٥٧ ھزار و ٢١٥ کەس ژی باشبووینە.
ئەڤرۆ نیوز:
ئەڤرۆ رێڤەبەریا گشتی یا ساخلەمیا پارێزگەها دهۆکێ راگەهاند: 39 تووشبوویێن دی یێن ڤایرۆسێ کۆرۆنایێ ل دهۆکێ کو د نەخۆشخانێدا بوون، پشتی هەموو پشکنین بۆ هاتینە کرن، دیاربوو کو ب تەمامی چارەسەربووینە و ب سلامەتی ژ نەخۆشخانەیێ دەرکەفتن و چوونە د ناڤ کەسوکارێن خوە دا.
هەروەسا گۆتیە: ب ئڤێ چەندێ هژمارا چارەسەربوویان گەهشتە 981 کەسان و نوکە 2403 نەخۆش ماینە د نەخۆشخانێ دا.
نيشاندان