ئەڤرۆ نیوز:
وەزارەتا ساخلەمی و ژینگەها عیراقێ راگەھاند: ھزار و ٧٨٩ حالەتێن نوویێن توشبوون ب کۆرۆنایێ و ھزار و ١٥٠ حالەتێن چێبوونێ و ٧٨ حالەتێن گیان ژ دەستدانێ ھاتنە تۆمار کرن.
وەزارەتا ژینگەھـ و ساخلەمیا عیراقێ گۆت ژی: د دەمێ ۲٤ دەمژمێرێن بوری دا ھزار و ٧٨٩ حالەتێن نوویێن توشبوون ب کۆرۆنایێ ھاتنە تۆمار کرن ، ب جورەکێ کو ٥٩٤ ژ وان ل بەغدا بووینە.
ئەڤرۆ نیوز:
وەزارەتا ساخلەمیا هەرێما کوردستانێ ئامارێن نوویێن تووشبوون و گیان ژ دەستدانێ ب ڤایرۆسێ کۆرۆنایێ بەلاڤە کریە و گۆتیە: د دەمێ 24 دەمژمێرێن بوری دا 139 تووشبوویێن کۆرۆنایێ هاتینە تۆمارکرن و 6 تووشبوویێن کۆرۆنایێ گیانێ خوە ژ دەستداینە.
هەروەسا گۆتیە: هزار و 421 پشکنینێن کۆرۆنایێ هاتینە ئەنجامدان و ژ وان ژی پشکنینێن 139 کەسان د پۆزەتیڤ بووینە، 55 ژ وان ل ئیدارا گەرمیان، 40 ژ وان ل هەولێرێ، 31 ل سلێمانیێ، 9 ل هەلەبجە و 4 ژی ل دهۆکێ.
ئەڤرۆ نیوز:
ئەندامەکێ جڤاتا نشتیمانی یا گۆڕان راگەهاند کو ئەو دێ سپێدێ سەرەدانا پارتی کەن.
موئەیەد ئەحمەد دیار ژی کر کو د چارچۆڤێ سەرەدانێن مە بۆ لایەنێن سیاسی یێن کوردستانێ دێ سپێدێ سەرەدانا پارتی کەین و گۆت: (مەترسیێن مەزن ل سەر کوردستانێ هەنە و کوردستان تووشی قەیرانا ئابووری هاتیە، ژ بەر هندێ ژی مە دڤێت د ڤێ قۆناغا هەستیار دا هەموو ئالیێن سیاسی ئێک هەلویست بن، ژ بەر هندێ دێ سەرەدانا هەموو هێز و ئالیێن سیاسی یێن کوردستانێ کەین).
ئەڤرۆ نیوز:
رێکخراوا مافێن مرۆڤی یا رۆژهەلاتێ کوردستانێ راگەهاند کو شەڤا بۆری ل سنورێ ئورمیێ ل گەل باکورێ کوردستانێ هێزێن ئیرانێ تەقە ل کۆلبەرێن کورد کرن کو د ئەنجام دا دو کۆلبەران جانێ خوە ژ دەست دان و سێ کۆلبەرێن دی ژی بریندار بووینە.
ل گۆر رێکخراوا مافێن مرۆڤی یا رۆژهەلاتێ کوردستانێ برینا ئێک ژ برینداران گەلەک گرانە.
ئه‌ڤرۆ نیوز:
وه‌زیری ساخله‌میا حكومه‌تا عیراقی هوشداریا ئه‌وێ چه‌ندێ دا كۆ دێ پێله‌كا نوو یا ڤایرۆسێ كورونایێ ب سه‌ر عیراقێ دا هێت.
حازم جومه‌یلی وه‌زیرێ ساخله‌میا عیراقێ راگه‌هاند هێشتا عیراق د پێلا ئێكێ یا ڤایرۆسێ كورونایێ دایه، ڤایرۆسێ كورونایێ خو دگوهوریت و جیگیر نینه و هنده‌ك لایه‌نێن ڤه‌شارتی تێدا هه‌نه، هوشداریا رێكخراوا ساخله‌میا جیهانێ ده‌بارێ پێلا دووێ یا ڤایرۆسێ كورونایێ ل سه‌ر بنه‌مایێ زانست و ڤه‌كۆلینان دایه.
وه‌زیرێ ساخله‌میا عیراقێ هوشداریا ئه‌وێ چه‌ندێ دا و راگه‌هاند بجهنه‌كرنا رێنمایێن ساخله‌میێ دێ عیراق چیته پێلا دویێ یا ڤایرۆسێ كورونایێ و ره‌وش گرانتر دبیت.
تانوكه 43 هزار و 262 كه‌س ل عیراقێ توشی ڤایرۆسێ كورونایێ بوون و ژ ئه‌ڤێ ژماره‌یێ ژی هزار و 660 كه‌سان ژی گیانێ خوه ژده‌ست دایه.
ئه‌ڤرۆ نیوز:
لگۆری دوماهی ئامارێن توشبوویێن ڤایرۆسێ كورونایێ ل جیهانێ گه‌هشته 10 ملیۆن و 87 هزار و 553 كه‌سان، ژ ئه‌ڤێ ژماره‌یێ پێنج سه‌د و ئیك هزار و 428 كه‌سان گیانێ خوه ژ ده‌ست دایه.
ل سه‌ر ئاستێ جیهانێ ئه‌مریكا زۆرترین رێژه‌یا توشبوویێن ڤایرۆسێ كورونایێ تێدا هاتیه توماركرن، گه‌هشتیه دو ملیۆن و 596 هزار و 770 كه‌سان و سه‌د 28 هزار و 152 كه‌سان ژی گیانێ خوه ژ ده‌ست دایه.
ئەڤرۆ نیوز:
ل (٢٠٢٠/٦/٢٧) لژنا هەڤپشک یا دووڤچوونێ ل قائیمقامیا قەزا دهوکێ سەرەدانا بازارێ رەش یێ کرین و فرۆتنا مۆبایلان کر و ژبەر نەپێگری کرن ب رێنماێن خوە پاراستنێ ژ کۆرۆنایێ هاتە داخستن.
سەروکێ لژنا دووڤچوونێ راگەهاند بەردەوام دووڤچوونا بازاری دهێتە کرن و گوت ژبەر نەپێگری کرن ب رێنمایان، ئێکسەر بازارێ رەش یێ کرین وفروتنا مۆبایلان ل دهوکێ هاتە گرتن.
(یوسف محمەد حەسەن ) دیارکر ژی، سوبەهی دێ ل گەل قائیمقامێ قەزا دهۆکێ کومبوونەک هێتە ئەنجامدان، بازارێ ناڤبری دێ ب شێوازەکێ دیتر بهێتە ڤەکرن، کو رێنماێن خوە پاراستن ژ کۆرۆنایێ بهێنە جێبەجێکرن.
سەروکێ لیژنا دووڤچوونێ ئاشکرا کر ژی: ژبەر نەپێگری کرن ب رێنمایان(٧)جهێن جودا هاتنە سزادان و هندەک ژی هاتنە داخستن وگوت ئەڤ جهە ژ خوارنگەهـ و کافێ و جهێن چەرەزاتان پێک دهاتن.
نيشاندان