ئەڤرۆ نیوز:
د. سامان بەرزنجی وەزیرێ ساخلەمیێ یێ حوکمەتا هەرێما کوردستانێ دیار کر کو مەترسیا بەلاڤبوونا کۆرۆنایێ ل هەرێما کوردستانێ نەمایە و گۆت: (ئەم ل گەل وەزیرێ ناڤخوە ژی ئاخڤتینە و مە بریار دایە کو ئاسانکاریێن زێدەتر بۆ وەلاتیان بهێنە کرن و گەلەک جهێن دی ژی بهێنە ڤەکرن).
ناڤهاتی راگەهاند کو ئەڤرۆ دێ هندەک بریارێن نوو بۆ خوە پاراستنا ژ کۆرۆنایێ هێنە دان، لێ دێ گەلەک ئاسانکاری بۆ وەلاتیان ژی هێنە کرن و گۆت: (هێڤیدارین کو وەلاتی وەکو دەمێن بۆری بۆ پاراستنا خوە پێگیریێ ب رێنمایان بکەن).
ئەڤرۆ نیوز:
ئەندامەکێ سەرکردایەتیا ئەنجوومەنێ نشتیمانی یێ کوردی ل سووریێ دیار دکەت کو سەرەرای شەرێ چەندین سالێن بۆری ل سووریێ لێ هەتا نها ژی هەلویستێ رژێما بەشاری ل هەمبەر مافێن کوردان نەهاتیە گوهۆرین و رژێمێ نەڤێت پرسا کوردی بهێتە چارەسەرکرن.
فەیسەل یوسف ئەو یەک ژی دیار کر کو بۆ هەموو جیهانێ ئاشکرایە هەتا پرسا کوردی ل سووریێ نەهێتە چارەسەرکرن قەیرانا سووریێ دێ بەردەوام بیت، لێ مخابن هەلویستێ رژێما بەشاری ل هەمبەر مافێن رەوا یێن گەلێ کورد ل سووریێ نەهاتیە گوهۆرین.
ئەڤرۆ نیوز:
وەزارەتا دارایی و ئابووری یا حوکمەتا ھەرێما كوردستانێ دەمێ دابەشكرنا مووچێ وه‌زاره‌تا شه‌هیدان و ئه‌نفالكریان و كه‌سوكارێن شه‌هیدان و زیندانیێن سیاسی ئاشكرا كر.
ژێدەرەکێ ژ وەزارەتا دارایی راگەهاند، ل رۆژ دوشه‌مبی و سێشه‌مبی 11-12/5/2020 دێ مووچێ وه‌زاره‌تا شه‌هیدان و ئه‌نفالكریان و كه‌سوكارێن شه‌هیدان و زیندانیێن سیاسی هێته دابەش کرن.
ئەڤرۆ نیوز:
ل شەڤا بوری خوەنیشاندەرێن عیراقێ بارەگەهێن چەند حزبان سۆتن، کو د ناڤ وان ژی دا بارەگەهێ حزبا دەعوە یا ئیسلامی یە.
میدیایێن عیراقێ دیار کرینە، کو ل شەڤا بورى خوەنیشاندەرێن عیراقێ ل پارێزگەها واست بارەگەهەکێ رێکخراوا بەدر و بارەگەهەکێ حزبا دەعوە یا ئیسلامی و مالا جێگرێ سەرۆکێ لیستا عەسائیب ئەهل حەق سوتینە.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز گۆت: د روودانەکا هاتنوچوونێ دا سێ ترۆمبێلان لێکدا.
ناڤهاتی زێدەت گۆت: ل شەڤا بوری ل سەر جادەیا سێمێل بۆ تەناهی، سێ ترۆمبێلان لێکدا، ئێك ژ وان ژ جورێ تۆیۆتا لاندوگروز، یادویێ ژ جۆرێ تۆیۆتا ئەڤەلۆن، يا سیێ ژی ژ جورێ BMW بوویە، د ئەنجامدا سێ کەس بریندار بوون، زێدەباری هندێ زیانێن مادی ژی ب هەر سێ ترۆمبێلان کەفتینە.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز گۆت: د روودانەکا هاتنوچوونێ دا گەنجەکێ گیانێ خوە ژ دەستدا.
ناڤهاتی زێدەت گۆت: ل شەڤا بوری و ل دەمژمێر ١٠:٣٠ ل گوندێ قومریێ ل ناحیا کانی ماسێ ترۆمبێلەکا تايبەت ئۆپل ئۆمێگا خوە ل گەنجەكێ ھەژدە سالی دایە و د ئەنجامدا وی گەنجی گیانی خوە ژ دەست دایە.
ئه‌ڤرۆ نیوز:
وه‌لاتیێن باشوورێ عیراقێ دێ ده‌ست ب خونیشاندانان كه‌ن و دژاتیا خو بۆ حكومه‌تا نوو یا عیراقی راگه‌هاندینه.
شه‌ڤا بوری وه‌لاتیێن واست ئاگر به‌ردا باره‌گه‌هێ به‌رێ یێ رێكخراوا به‌در كۆ مه‌زنترین میلیشیا حشدا شه‌عبی یه و هادی عامری سه‌رۆكاتیا وان دكه‌ت، ل نه‌جه‌ف ژی خونیشانده‌ران رێكا سه‌ره‌كی یا پارێزگه‌ها دیوانیه ب ئاگری داخست.
ده‌ست ژكارڤه‌كێشانا عادل عه‌بدلمه‌هدی ل سه‌ر داخوازیا مه‌رجعێ بلندێ شیعه‌یێن عیراقێ به‌رفره‌هبوونا خونیشاندانان بوو،كۆ ل پرانیا باژێرێن عیراقی دژی گه‌نده‌لیێ و نه‌بوونا حزمه‌تگۆزاریێن ده‌ستپێكی وه‌ك ئاڤێ و كاره‌ب و بێكاریا گه‌نجان ده‌ست ب خونیشاندانان كربوو.
نيشاندان