ئه‌ڤرۆ نیوز:
پشتی به‌رزه‌بوونا 20 رۆژان، جاره‌كا دی سه‌رۆكێ كوریا باكور ده‌ر دكه‌ڤیت.
ئاژانسا یونهاپی یا كوریا باكور به‌لاڤكریه، سه‌رۆكێ كوریا باكور ل رۆژا جه‌ژنا كریكاران و پشتی ته‌مامبوونا كارگه‌هه‌كا په‌ینێ كێمیایی پشكداری د ڤه‌كرنا ئه‌وێ كارگه‌هێ داكر، ئه‌ڤه ژی ده‌ركه‌تنا ئێكێ یه پشتی 20 رۆژان دیركه‌تی ژ جاڤێن میدیایێ.
ئه‌ڤ چه‌نده ژی ل ده‌مه‌كی دایه جی سونگ كۆ وه‌لاتیه‌كێ به‌رێ یێ كوریا باكور بو ل سالا 2006 ژ وی وه‌لاتی ره‌ڤی نوكه ل كوریا باشور ئاكنجی بوویه ئاشكراكر كیم جونگ ئون سه‌دا سه‌د یێ مری.
كیم جونگ ئون ژی 36 سال پشتی ئه‌وێ رۆژا 15 نیسانی ل ئاهه‌نگا ژ دایكبوونا باپیری كیم ئیل سونگ پشكدار نه‌بووی هوسا هاته به‌لاڤكرن كۆ رۆژا 12 نیسانێ نه‌شته‌گه‌ریه‌كا گران بۆ دلی وی هاتیه‌كرن، پاشی دیڤ را راپۆرته‌كا دی هاته به‌لاڤكرن و تیمه‌كا نوژدارین چینێ سه‌ره‌دانا وی كرن و ژ نێزیك ڤه هایداری ساخله‌میا وی بوون.
ئه‌ڤرۆ نیوز:
ئه‌ڤرۆ وه‌زاره‌تا ساخله‌میا حكومه‌تا هه‌رێما كوردستانێ شه‌ش توشبوویێن دی ل پارێزگه‌ها هه‌ولێرێ ب ڤایرۆسێ كورونا كوڤید 19 راگه‌هاند كۆ پێنح زه‌لامن و ئافره‌ته‌ك.
د راگه‌هاندنا وه‌زاره‌تا ساخله‌میا حكومه‌تا هه‌رێما كوردستانێ دا هاتیه به‌لاڤكر د به‌رده‌وامیا پشكنین و لیگه‌ریان و دووڤچوونا گۆمانلیكریان، ئه‌ڤرۆ شه‌ش توشبوویێن دی ب ڤایرۆسێ كورونا كوڤید19 ل پارێزگه‌ها هه‌ولێری هاتنه ده‌ست نیشانكرن، پێنج زه‌لام و ئافره‌ته‌كن، ئاكنجیێن قه‌زا سورانن ل تاخێ برایه‌تی و 26 گولان و جومه‌لگه‌ها گه‌لاله هه‌موو به‌ركه‌فتیێن توشبویێن به‌ری نوكه نه.
ژماره‌یا توشبوویێن هه‌ریما كوردستانێ تا نوكه 387 كه‌سن، 327 توشبوو ساخ بووینه و 5 ژی مرینه و ئه‌ڤێن ژی ژی هێشتا ل نه‌خوشخانه‌یێ نه ل بن چاڤدێرێا نوژداری دانه.
ئەڤرۆ نیوز،عەلی حاجی:
بەرپرسێ نڤێسینگەها زاخۆ یا سەندیکا کرێکارێن زاخۆ بۆ ئەڤرۆ نیوز دیار کر د بەردەوامی دانا پشتەڤانیکرنا تەخا کرێکاران و بۆ جارا سێی هەژمارەکا هاریکاریان ب سەر کرێکارێن ماینە بێ کار ل زاخۆ بەلاڤ بکەین.
زێدەتر سەگڤان سندی گۆت: ب هەلکەڤتا رۆژا جیهانی یا کرێکاران وەکو نڤێسینگەها زاخۆ یا سەندیکا کرێکارێن کوردستانێ رابووین ب بەلاڤکرنا هندەک هاریکاریان کو پێک دهاتن ژ کەرەستەیێن خوارنێ کو بۆ ١٠ روژان دێ هێتە ب کارئینان بۆ هەر خێزانەکا پێکهاتی ژ پێنچ کەسان و پێشتر ژی ئەڤ هاریکاری یە ل سەر کرێکارێن بێ کار ماین مە ئەو هاریکاری بەلاڤ کرن بوون، قایمقامێ زاخۆ ژی ژلاێی خوە ڤە هاریکار و پشتەڤان بوویە بۆ دابینکرنا وان هاریکاریان،د بەرنامەیێ مە دایە جارەکادی ژی یا وان هاریکاریان ب سەر کرێکاران دا بەلاڤ بکەین،ئەم تەخا کرێکاران ب گرنگترین تەخ دبینن کو هاریکاری ب سەر وان دا بهێنە بەلاڤ کرن لەورا ب هەمی هێزا خوە ڤە دێ کار کەین پێخەمەتی وێ چەندێ بشێن هاریکاریان بگەهیننە دەستێ وان .
ئەڤرۆ نیوز:
وەزارەتا ناڤخوە یا حوکمەتا هەرێما کوردستانێ قەدەغەیا هاتنوچوونێ ل هەموو پارێزگەهێن هەرێما کوردستانێ هەتا رۆژا ١٠ ئایارێ (مەها ٥) درێژکر.
د داخۆیانیا وەزارەتا ناڤخوە دا هاتیە دیار کرن کو دڤێت ژ دەمژمێر ٧ هەتا ١٢ شەڤێ قەدەغەیا هاتنوچوونێ ب تەمامی ل هەرێما کوردستانێ بهێتە بجهئینان، ئەو یەک د دەمەکێ دایە کو بەری نها ژ دەمژمێر ٦ هەتا ١٢ بوو.
ئەڤرۆ نیوز:
شاندێ هەرێما کوردستانێ ئەڤرۆ ل بەغدا ل گەل عادل عەبدولمەهدی و مستەفا کازمی سەرۆک وەزیرێن راسپاردی بۆ ئاڤاکرنا کابینا نوو یا حوکمەتا عیراقێ کۆمبوون.
د کۆمبوونێ دا بەحسێ ئاریشێن د ناڤبەرا هەرێما کوردستانێ و بەغدا دا هاتە کرن و هەر دو ئالیان بەحسێ چاوانیا چارەسەرکرنا وان ئاریشان ژی کرن.
شاندێ هەرێمێ هەروەسا ل گەل لیژنا دارایی ل پەرلەمانێ عیراقێ ژی کۆمبوو و بەحسێ بابەتێ مووچێ فەرمانبەرێن هەرێما کوردستانێ و پرسێن دی یێن دارایی د ناڤبەرا هەرێما کوردستانێ و بەغدا دا هاتە کرن.
ئه‌ڤرۆنیوز، سالار دۆسكی:
وه‌زیرا چاندنێ ل حوكمه‌تا هه‌رێما كوردستانێ ئاشكرا كر كو بۆ دیتنا ده‌لیڤێن كاری بۆ ده‌رچووێن كولیژ و په‌یمانگه‌هێن ڤیته‌رنه‌ری و چاند پرۆژه‌ك پێشكێشی ئه‌نجوومه‌نێ وه‌زیران كریه.
پیگه‌رد ته‌له‌بانی وه‌زیرا چاندنێ و ژێده‌رێن ئاڤێ ل حوكمه‌تا هه‌رێما كوردستانێ بو ئەڤرۆ نیوز گۆت: (پرۆژه‌ك پێشكێشی ئه‌نجوومه‌نێ وه‌زیران كریه ل سه‌ر دامه‌زراندنا ده‌رچویێن كولیژ و په‌یمانگه‌هێن چاندن و ڤیته‌رنه‌ری ب شێوازێ گرێبه‌ست ل كومپانیێن تایبه‌تمه‌ند).
هه‌مان وه‌زیرا حوكمه‌تێ ئه‌و ژی گۆت: (ژ پێنگاڤێن ده‌ست بكاربوونا مه دیتنا ده‌لیڤێن كاری بوویه بۆ ده‌رچوویێن كولیژ و په‌یمانگه‌ه و ئاماده‌یێن چاندنێ و كولیژا ڤیته‌رنه‌ری و ئه‌ڤه پرۆژه‌كێ مه‌زنه ل پارێزگه‌ها سلێمانیێ ده‌ست پێ هاتیه‌كرن (32) عومبارێن ته‌زیكرنێ بۆ كومپانیه‌كێ هاتنه‌دابینكرن و ل دووف مه‌رجێن وه‌زاره‌تێ دڤێت ده‌رچوووێن ئه‌ڤان كولیژ و په‌یمانگه‌هان بهێنه دامه‌زراندن وه‌ك گرێبه‌ست ل گه‌ل كومپانیێ، قوناغا ئێكێ كار بۆ (400) كه‌سان هاتیه دیتن، ئه‌ڤه دێ به‌رده‌وام بیت بۆ هه‌موو پارێزگه‌ه ل دووف وی پرۆژێ مه ئاماژه پێكری، كو نوكه ل ئه‌نجوومه‌نێ وه‌زیرانه و دێ بۆ په‌رله‌مانی هێته ره‌وانه‌كرن و ب هیڤی نه ل هه‌موو پارێزگه‌هان بهێته بجهئینان و ئه‌ڤان كه‌سان دێ مافێ خانه‌نششینی ژی هه‌بیت وه‌ك فه‌رمانبه‌ره‌كێ ئاسایی).
ئه‌ڤرۆ نیوز:
سه‌رۆكێ ئیتیلافا وه‌ته‌نیه راگه‌هاند عیراق هه‌دارا زێده‌ترا ئاریشه و ئازاران ناگریت و دڤێت لژنه‌یێن هه‌ڤپشك بله‌ز چاره‌یا ته‌ڤایا ئه‌واریشان بكه‌ن.
ئه‌یاد عه‌لاوی د تویته‌رێ خۆدا به‌لاڤكریه و ئه‌و چه‌نده ژی راگه‌هاند مه به‌رده‌وام هوشداریا ئه‌وێ چه‌ندێ ددا ژ مه‌ترسیێن پاش خستنا چاره‌كرنا ناكوكیێن هه‌رێمێ و به‌غدا ئه‌و پارێزگه‌هێن د چارچوڤه‌یی هه‌رێمێ دا نه‌هاتینه رێكخستن، ل گه‌ل ئه‌ڤێ چه‌ندێ ژی ته‌ئكید ل سه‌ر پێدڤی و پشت به‌ستن ب لژنه‌یه‌كا عاقلمه‌ند كریه بۆ ئێكلایكرنا ئه‌ڤان دوسه‌یان د بن سیبه‌را دستوری دا.
سه‌رۆكێ ئیتیلافا وه‌تنیه ته‌ئكید كر كۆ عیراق هه‌دارا زێده‌ترا دابه‌شكاریێ ناگریت و پێدڤیه ل سه‌ر لژنه‌یێن هه‌ڤپشك له‌زێ بكه‌ن بۆ دیتنا چاره‌سه‌رێن بنكاری و دادپه‌روه‌رانه بۆ ته‌ڤایا ئه‌وان ئاریشه‌یێن ماینه هه‌لاویستی.
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ ل درێژه‌یا پشكنینێن ڤایرۆسێ كورونایێ بۆ وه‌لاتیان، توشبوویه‌كا ئافره‌ت كۆ ژیێ وێ 25 سالی و ئاكنجیا گۆنده‌كی سه‌ر ب قه‌زا رواندز راگه‌هاند.
دراگه‌هاندنا وه‌زاره‌تا ساخله‌میا حكومه‌تا هه‌رێما كوردستانێ دا هاتیه ل به‌رده‌وامیا لێگه‌ریان و دوڤچوونا گۆمانلێكریان و پشكنینكرنا وان، توشبوویه‌كا دی ب ڤایرۆسێ كورونا كوڤید 19 ل پارێزگه‌ها هه‌ولێرێ هاته ده‌ست نیشانكرن، كۆ ئافره‌ته‌كا ژی 25 سالی یه ئاكنجیا گۆندێ كاولوك سه‌ر ب قه‌زایا رواندز خێزانا توشبوویه‌كێ به‌ری نوكه بوو.
ته‌ڤایا گشتی یا توشبووێن ب ڤایرۆسێ كورونایێ كوڤید 19 ل هه‌ریما كوردستانێ 381 توشبوو، ژ وان 5 كه‌س مرینه و 325 كه‌س ساخ بووینه و نوكه 51 كه‌ش ل بن چاڤدێریا نوژداری دانه.
ئه‌ڤرۆ نیوز:
د ئوپراسیونه‌كێ دا سێ چه‌كدارێن داعشێ ل ده‌ڤه‌را حه‌مرین سه‌ر ب پارێزگه‌ها دیاله هاتنه كوشتن.
سادق حسێن رێڤه‌به‌رێ راگه‌هاندنا حه‌شدا شه‌عبی ل دیاله بۆ میدیایان راگه‌هاند ل ده‌ڤه‌را نه‌فتخانه و ده‌روبه‌رێن ده‌ریاچه‌یا حه‌مرین 80 كیلۆمه‌تران ل باكورێ رۆژهه‌لاتێ به‌عقوبه چه‌ندین زالگه‌ه و بنگه‌ه داناینه، ژ به‌ر زێده‌بوونا ڤه‌لڤینێن تیرۆستی ل ئه‌ڤان ده‌ڤه‌ران.
رێڤه‌به‌رێ راگه‌هاندنا حه‌شدا شه‌عبی ل دیاله ئه‌و چه‌نده ژی راگه‌هاند: ل ده‌ڤه‌را حه‌مرین سێ چه‌كدارێن داعشێ كۆ رێڤه‌به‌رێ هێرشێن تیرۆریستی یێن ده‌ڤه‌رێ بوو هاتنه كوشتن.
نيشاندان