ئەڤرۆ نیوز:
بهایێ نەفتێ ئەڤرۆ دوشەمبی 30.3.2020 داکەفتنەکا مەزن ب خوەڤە دیت و گەهشتە نزمترین ئاستێ خوە پشتی سالا 2002.
ئەڤرۆ بهایێ نەفتا برێنت ب رێژا سەدێ 6.7 کو بۆ 1 دۆلار و 68 سەنتان داکەفت و هەر بەرمیلەک ب 23 دۆلاران و25 سەنتان مامەلە پێ هاتە کرن.
بهایێ نەفتا خاڤا ئەمریکا ژی ب رێژا سەدێ 5.4 داکەفت و هەر بەرمیلەکێ نەفتێ گەهشتە ل ژێر 20 دۆلاران دا.
ئەڤرۆ نیوز:
ساخلەمیا هەولێرێ راگەهاند، توشبوویەکێ دیتر یێ ڤایرۆسێ کۆرۆنا یێ چێبوو، هژمارا گشتی یا چێبوویان ل هەولێرێ گەهشتە شەش کەسان.
ئەڤرۆ دوشەمبی ٣٠ ئادارا ٢٠٢٠، رێڤەبەریا ساخلەمیا هەولێرێ د راگەهاندنەکێ دا دیارکر، کو ئێک ژ تووشبوویێن دیتر یێن ڤایرۆسێ کۆرۆنا یێ، پشتی وەرگرتنا چارەسەریا نۆشداری ب تەمامی چێبوویە و رەوشا ساخلەمیا وی ب تەمامی باشبوویە، هەموو پشکنینێن نوو نێگەتیڤ بووینە.
ئەڤرۆ نیوز:
وەزارەتا ساخلەمیا حکومەتا هەرێما کوردستانێ دیار کر، ئەڤرۆ 30 ئادارێ، د بەردەوامیا پشکنین و لێگەریانێ لدووڤ گومانلێکریان، ھەشت تووشبوویێن ڤایرۆسێ کۆڕۆنا ل ھەولێرێ هاتنە تۆمار کرن.
گۆت ژی، پێنج ژ تووشبوویان کو زەلام و ژن و سێ زارۆکن هەموو کەسوکارێن و بەرکەفتیێن تووشبوویێ دوهی یێ ناحیا خەلیفانن.
سێ ژ تووشبوویان زەلامن و ئاکنجیێن دهۆکێ نە و هەتا نوکە ل هەولێرێ د کەرەنتینێ دانە و ژ وەلاتی فرەنسا ڤەگەریاینە.
ئەڤرۆ نیوز، زنار تۆڤی:
شڤێدی پێلەکا دی یا بەفرێ ناحیا کانی ماسێ ڤەگرتیە و د ئەنجامدا رێژەکا بەفرێ ل سەنتەرێ ناحیێ و گوندێن دەوروبەر باریە.
ل 30.3.2020 پێلەکا دیتر یا بەفرێ ناحیا کانی ماسێ یا سەر ب قەزا ئامێدیێ ڤە گرتیە ێژەکا بەفرێ ل سەنتەرێ ناحیێ و چەندین گوندێن ڤێ دەڤەرێ باریە و پلێن گەرمێ داکەفتینە و سەقایێ ڤێ دەڤەرێ گەلەک سار بوویە.
ئەڤرۆ نیوز:
وەزرارەتا ساخلەمیا هەرێما کوردستانێ تووشبوونا 14 کەسێن دیتر ب ڤایرۆسێ کۆرۆنا یێ ل سلێمانیێ راگەهاندن.
دەقێ راگەهاندنێ:
د بەردەوامیا پشکنینان و گەریان لدووڤ گومانلێکریان، چاردە تووشبوویی ب ڤایرۆسێ کۆڕۆنا یێ ل سلێمانیێ هاتنە دەست نیشانکرن، کو هەشت ژن و شەش زەلامن ب ڤی رەنگی:
پێنج ژ تووشبوویان دناڤا سلێمانیێ و پێنجوین و ساگێز و سیتەک، کو وان پێشتر گەشت کریە.
حەفت ژ تووشبوویان ل دەربەندیخان بەرکەفتیێن تووشبوویێن پێشیترن.
دو تووشبوویێن نوو ل سلێمانیێ پێشینەیا گەشتیێ نینە.
وەزارەتا ساخلەمیێ
29 ئادارا 2020
ئه‌ڤرۆ نیوز، بارزان مزوورى:
سه‌ردار یه‌حیا عەبدولعەزیز، قائیمقامێ قه‌زا شێخان بۆ ئه‌ڤرۆ نیوز گۆت: پشتى دووڤچوون ل سه‌ر ره‌وشا كه‌رتێ ساخله‌میێ هاتیه كرن ب تایبه‌تی نه‌خوشخانا گشتى یا شێخان ئه‌و پێدڤیێن نۆشدارى گه‌له‌ك د كێم بوون جهێ داخێ یه سه‌ره‌راى وێ چه‌ندێ كۆ رێڤه‌به‌ریا ساخله‌میا گشتى یا دهۆك به‌رده‌وام هاریكار بوویه بۆ قه‌زا شێخان، به‌لێ نه‌خوشخانه و كه‌رتێ ساخله‌مێا شێخان سه‌ر ب ئیدارا مووسل ڤه‌یه ژلایێ قانوونی ڤه پێدڤیه ئیدارا مووسل و وه‌زاره‌تا ساخله‌میا عێراقێ شایسته‌یێن نه‌خوشخانا شێخان كه‌رتێ ساخله‌میا شێخان لدووڤ رێژا قه‌زایێ بده‌ت داكو بشێن خزمه‌تا ده‌ڤه‌را شێخان بكه‌ن ژبه‌ر وێ چه‌ندێ مه په‌یوه‌ندى ب دكتور”فارس بریفكانى” و “سیروان رۆژبیانى” كر كۆ ئه‌و شایستێن قه‌زا شێخان ب دروستى بهێن دابین كرن وان ژلایێ خۆڤه داخاز ژمه كر كۆ ل قه‌زا شێخان كومبونه‌ك بهێت كرن ل سه‌ر شایسته‌یێن قه‌زا شێخان ژلایێ ئیدارا مووسل ڤه لدوڤ گازیا مه ئه‌ڤرۆ رێكه‌فتى 29/3/2020 دكتور “فارس بریفكانى”په‌رله‌منتار و سه‌رۆكێ لژنا ساخله‌میێ ل په‌رله‌مانێ عێراقێ و “سیروان رۆژبیانى” جێگرێ پارێزگارێ مووسل.
ناڤهاتى خۆیاكر: مه داخواز كر بۆ ئه‌و هاریكارى بۆ كه‌رتێ ساخله‌میێ هاتینه دابین كرن ژلایێ به‌غدا بۆ مووسل پشكه‌ك ژوێ هاریكاریێ بۆ كه‌رتێ ساخله‌میا شێخان بهێت دابین كرن لدوڤ شایسته‌یێن قه‌زا شێخان بریار هات دان بكۆژمێ 100 ملیون دینارا ژ وێ هاریكاریێ بۆ قه‌زا شێخان بهێت دابین كرن بۆ دابین كرنا پێتڤیێن نه‌خوشخانێ ژبۆ به‌رهه‌ڤى بۆ به‌رنگاربوونا ڤایرۆسێ كورۆنا ل قه‌زا شێخان ژلایێ خۆڤه ژى سه‌رۆكێ لژنا ساخله‌میێ ل به‌غدا په‌یوه‌ندى ب وه‌زاره‌تا ساخله‌میا به‌غدا كر كۆ لدوڤ شایسته‌یێن نه‌خوشخانا شێخان پشته‌ڤانیا وێ قه‌زایێ بكه‌ن ئامیرێن ئوكجسجینێ بۆ دابین بكه‌ن دگه‌ل دابین كرنا ئامیرێ پشكنینێ بۆ وان كه‌سێن گومان سه‌ر هه‌ى ژ ڤایرۆسێ كورۆنایێ پێتڤى ب پشكنینێ یا هه‌ى دیسان داخاز لێ هاته كرن كۆ پێتڤیێن خۆ پاراستنێ ژ ڤایرۆسى وه‌كۆ جلوبه‌رگ و ماسك و ده‌زگوركان ژلایێ خۆڤه وه‌زاره‌تا ساخله‌میێ ر سوزدا كۆ وان هه‌موو پێتڤى یێن نه‌خوشخانێ ب شێوه‌یه‌كێ راسته‌وخۆ دابین بكه‌ن بۆ نه‌خوشخانا شێخانئه‌م ژى چاڤه‌رێ جێبه‌جێكرنا وان كه‌ل و په‌لاینه ،
ناڤهاتى گۆت:وه‌كۆ فه‌رمى ج جها نه‌هاتینه دابین كرن ژبه‌ركۆ ده‌ست نیشانكرنا جهه‌كى ژلایێ ژورا ئوپراسیونا پارێزگه‌ها دهوك بریار ل سه‌ر دهێت دان به‌لێ مه وه‌ك ئیدارا شێخان به‌رهه‌ڤیێن باشكرینه ئه‌گه‌ر هات بریار هات دان لدوڤ پلانێن ئه‌ى بى سى جهه‌ك هاتیه ده‌ست نیشانكرن بۆ هه‌ر وه‌خته‌كێ پێتڤى، داخاز ژ وه‌لاتیێن قه‌زا شێخان دكه‌ین كۆ هاریكاربن دگه‌ل ده‌زگه‌هێن ئه‌منى و تیمێن ساخله‌میێ بۆ جێبه جێكرنا رێنمایێن وه‌زاره‌تا نافخۆ وه‌زاره‌تا ساخله‌مى ژبه‌ركۆ هه‌ر بریاره‌كا ژلایێ حكومه‌تێ ڤه تایبه‌ت ژورا ئوپراسیونێ ل پارێزگه‌ها و قه‌زا و ناحیا ده‌ركه‌ڤیت جێبه‌جێكرن د به‌رژه‌وه‌ندیا ساخ و سلامه‌تیا گیانێ وه‌لاتیانه.
ئەڤرۆ نیوز:
زانایێن زانکۆیا هۆنگ کونگ یا چینێ دیار کر، ڤایرۆسێ کۆرۆنا دناڤا چار پلێن گەرماتیێ دا، هەکە چ مادەکێ پاقژکەر بەرنەکەڤیت هەتا نێزیکى ١٤ رۆژان چالاک د مینیت.
مالپەرێ رووسیا تودەى بەلاڤکریە، زانایێن چینى یێن د وارێ نۆشداری و بایلوجی ل زانکۆیا هۆنگ کونگ ئەو چەندە ئاشکرا کریە، کو ڤایرۆسێ کۆرۆنا سێ دەمژمێران ل سەر کاغەزێ دمینیت، ل سەر جلکان و تەختان دو دەمژمێران دمینیت، هەروەسا ل سەر شیشەى چار رۆژان و ل سەر پلاستیکى حەفت رۆژان دمینیت.
زانایان دیار کریە ژى، ڤایرۆس ل سەر کەمامان بۆ دەمێ حەفت رۆژان دمینیت، ژبەر وێ چەندێ پێدڤیە ب تەمامى بهێتە پاقژ کرن یان ژى بتنێ ئێک جار بهێنە بکار ئینان.
ئەڤرۆ نیوز:
سەرەرای بەلاڤبوونا ڤایرۆسێ کۆرۆنا یێ ل پرانیا وەلاتێن جیهانێ، بەلێ هێشتا ئەڤ ڤایرۆسە ل ٢٢ ولاتێن جیهانێ بەلاڤنەبوویە و چ ئامارێن تووشبوونێ لێ نەهاتینە تۆمار کرن.
مالپەرێ دەیلی ستار ئونلاین یێ برتانیا دیار کریە، کو ل ٢٢ ولاتێن جیهانێ چ ئامارێن تووشبوون ب ڤایرۆسێ کۆرۆنا یێ نەهاتینە تۆمار کرن، هەموو ژى ل کیشوەرێ ئەفریقا و ئاسیا و ئوقیانۆسانە.
وەلاتێن کیشوەرێ ئاسیا:
یەمەن، کوریا باکور، تاجاکستان، تورکمەنستان.
وەلاتێن کیشوەرێ ئەفریقا:
مالاوی، باشورێ سودانێ، سیرالیۆن، دورگا قەمەر، بۆرندا، ساوتومی و بریسیبی.
ل ئوقیانوسان:
جزر سلێمان، فانواتو، کیریباتى، میکرۆنیزیا، تونگا، دورگا مارشا، بلاو، توفالو، ناورو.
هەروەسا لدووڤ ئاماران ، هەتا نوکە کۆرۆنا ل پتری ١٩٠ وەلاتان بەلاڤبوویە و پتری ٧٠٠ هزار کەسان تووشبووینە، ٣٣ هزار و ١٧٥ کەسان ژیانا خوە ژ دەست داینە، نێزیکى ١٥٠ هزار کەسان ژى چێبووینە.
ئەڤرۆ نیوز:
وەزارەتا ناڤخۆ یا هەرێما کوردستانێ راگەهاند، هوشداریێ د دەینە وان وەلاتیان ئەوێن کو داخوازا بنپێکرنا قانوونێ و ڕێنمایان دکەن و هەر بنپێکرنەک و خرڤەبوونەک، دێ روو ب روو سزایێن قانوونی بن.
ئەڤرۆ ئێکشەمبێ 29 ئادارا 2020 وەزارەتا ناڤخۆ یا حکومەتا هەرێمێ د راگەهاندنەکێ دا بەلاڤکریە، ب مخابنیڤە د ڤان چەند رۆژان دا، خەلکەکێ نە بەرپرس، ب ئاشکرا داخوازا بنپێکرنا قانوونێ و پێگیرنەبووینە ب رێکار و ڕێنمایێن ساخلەمیێ و بزاڤا خوەنیشاندانان دکەن، دخوازن ب مەرەمێن خوە یێن تایبەتی بەرژەوەندیێن گشتی روو ب روو مەترسیان بکەن.
دەقێ وێ راگەهاندنێ:
ئەڤرۆ نیوز:
ئه‌ڤرو ئێڤارى 29-3-2020 فه‌رهاد ئه‌مین ئه‌تروشى پارێزگه‌رێ دهۆكێ و ب ئاماده‌بوونا د.نزار عسمەت رێڤه‌به‌رێ گشتى یێ ساخله‌میا پارێزگه‌ها دهۆکێ و زكرى به‌شیر خودانێ كومپانیا كاڤین گروپ نه‌خوشخانا كاڤین یا گومانێلكریێن ڤایروسێ كورونا ڤه‌كر.
پارێزگارێ دهوكێ گه‌ریانه‌ك لناڤ ژوور وكارگێریا نه‌خوشخانێ كر و ژنێزیك سه‌حكره به‌رهه‌ڤیا نه‌خوشخانێ بۆ پێشوازیكرنا گومانلێكریێن ڤایروسێ كۆرۆنا.
پارێزگارێ دهوكێ ده‌ست خوشى وسوپاسیا وه‌به‌رهێنه‌ر و خێرخواز زكرى به‌شیر كر ل دور ڤێ ده‌ست پێشخه‌ریێ كو ئه‌ڤ نه‌خوشخانه خستیه دخزمه‌تا ساخله‌میێ دا.
هه‌روه‌سا سوپاسیا هه‌موو سه‌رمایه‌دار وخێر خوازا تایبه‌تى ده‌زگه‌هێ وه‌به‌رهێنانێ یێ پارتى كر كو وه‌كو خو به‌خش هه‌ڤكارى ل گه‌ل ژوورا ئوپه‌راسیونا كرییه بۆ هاریكاریكرنا نه‌خوشێن ڤایروسێ كۆرۆنا و سوپاسیا وان خێر خواز و سازیان ژى كر یێن هاریكاریا ده‌ست كورتێن پارێزگه‌هێ كرین و سوپاسیا خه‌لكێ پارێزگه‌هێ كر كو هه‌تا نوكه زور دهاریكار بووینه ل گه‌ل ژوورا عه‌مه‌لیاتا بۆ بجهئینانا رێنما و بریارێن حكومه‌تا كوردستانێ و ژوورا ئوپه‌راسیونا، داخواز ژ خه‌لكێ پارێزگه‌هێ كر كو پتر د هشیار و هاریكار بن ل گه‌ل لایه‌نێن په‌یوه‌ندیدار ژبۆ بجهئینانا هه‌موو رێنما و بریارێن حوکمه‌تا كوردستانێ و ژوورا عه‌مه‌لیاتا بۆ وێ یه‌كێ ئه‌ڤ نه‌خوشیه ژ هه‌موو خه‌لكێ پارێزگه‌هێ بهێته دووركرن.
هه‌روه‌سا سوپاسیا تیمێن ساخله‌میێ و؛ده‌زگه‌هێن ئێمناهیێ كر كو پلانا ژوورا ئوپه‌راسیونا یا به‌رهنگاربوونا ڤایروسێ كۆرۆنا ب ره‌نگه‌كێ رێك و پێك بجهـ دئینن.
پارێزگارێ دهۆكێ گوت ژی: ئه‌م داخوازا لێبورینێ ژ هه‌موو خه‌لكێ پارێزگه‌هێ دكه‌ین كو ژ سه‌ر كار و كاسبكاریا رۆژانه هاتینه دووركرن و زه‌ره‌رمه‌ند بووینه، لێ ئه‌ڤ بریاره هه‌موو ژبۆ به‌رژه‌وه‌ندیا گشتى بووینه كو خه‌لكێ مه ژ ڤایروسێ كۆرۆنا بهێنه پاراستن و،ئه‌م یێ كار دكه‌ین كو وه‌جبه‌كا ئاهێن خوارنێ یا بله‌ز ل سه‌ر هه‌موو خه‌لكێ پارێزگه‌هێ به‌لاڤكه‌ین، هه‌روه‌سا ده‌زگه‌هێ خێر خوازێ بارزانى ژى (50) هزار به‌هرە ئاماده كرینه ل سه‌ر خه‌لكێ هه‌موو پارێزگه‌هێ ب هه‌موو قه‌زا ڤه به‌لاڤكه‌ت.
گۆت ژی: مه هزر ل هه‌موو تشته‌كێ كریه كو د به‌رژه‌وه‌ندا خه‌لكێ مه دابن و رۆژانه كومبوونێن به‌رده‌وام دهێنه سازكرن و هه‌موو بابه‌تێن گرێداى ب ره‌وشا وه‌لاتیان ڤه دهێنه به‌حسكرن و دڤێت ئه‌م خوە ب پارێزین دا ئه‌ڤ په‌تایه بهێته دووركرن.
ژلایێ خوڤه رێڤه‌به‌رێ گشتى یێ ساخله‌میا دهۆکێ د. نزار عسمەتی گۆت: ڤەکرنا ڤێ نه‌خۆشخانێ دێ بیته هاریكار بۆ حه‌واندنا گومانلێكریێن نه‌خۆشیا ڤایروسێ كۆرۆنا و هه‌ر گومانلێكریه‌ك ژ 24- 48 ده‌م ژمێرا دێ ل ڤێ نه‌خوشخانێ مینیت هه‌تا ئه‌نجامێن پشكنینێ بۆ ده‌ردكه‌ڤن، هه‌روه‌سا بارێ نه‌خوشخانێن دى دێ هێته سڤكرن و سوپاسیا خێرخواز زكرى به‌شیری كر بۆ ئاڤاكرنا ڤێ نه‌خوشخانێ وته‌رخانكرنا جهێن دى بۆ كه‌ره‌نتیكرنا وه‌لاتیان.
سه‌رپه‌رشتێ ئاڤاكرنا نه‌خوشخانێ ئه‌ندازیار كامیران عەبدوللا گوت: ئەڤ نه‌خوشخانه ژ ( 45) ته‌ختان پێك دهێت و هه‌موو پێدڤیێن نۆشدارى وه‌كو ته‌خت و ته‌له‌فزیون و هێلا ئنترنێتێ و یه‌كه‌یێن كارگێرى دناڤدا هه‌نه پرۆژه دماوێ 7 هه‌تا نه‌هـ رۆژان دا هاتیه دورستكرن.
نيشاندان